Fréttablaðið - 25.09.2004, Blaðsíða 2

2 25. september 2004 LAUGARDAGUR
Sveitarfélög:
Átta milljarða tap
á tveimur árum
SVEITARSTJÓRNARMÁL Sveitarfélögin
voru rekin með tæplega þriggja
milljarða króna halla á síðasta ári.
Þetta kemur fram í bráðabirgða-
niðurstöðu Sambands íslenskra
sveitarfélaga sem byggir á árs-
reikningum frá 94 sveitarfélög-
um. Sveitarfélögin voru rekin
með rúmlega fimm milljarða
halla árið 2002.
Vilhjálmur Þ. Vilhjálmsson,
formaður samandsins, segir að
taka verði á þessum vanda. ,,Í ný-
legri viljayfirlýsingu Sambands
íslenskra sveitarfélaga, félags-
málaráðuneytisins og fjármála-
ráðuneytisins er þessi vandi við-
urkenndur og það er nefnd að
störfum sem á að skila tillögum til
úrbóta.“ Hann segir að sveitar-
félög hafi það verst þar sem íbú-
um fækkar, enda minnki þá út-
svarið, sem sé einn helsti tekju-
stofn þeirra. ,,Þetta á sérstaklega
við um millistóra þéttbýlisstaði á
landsbyggðinni sem þurfa að
halda uppi viðunandi þjónustu.
Framlög hafa verið aukin undan-
farin ár en það dugar ekki vegna
aukinna verkefna.“ ■
Guðni starfandi
forsætisráðherra
Meirihluti ríkisstjórnarinnar er í útlöndum. Björn Bjarnason er starf-
andi utanríkisráðherra en óvissa er um hver leysi fjármálaráðherra af
hólmi, sem sjálfur leysir utanríkisráðherra af í New York.
STJÓRNMÁL Guðni Ágústsson er
starfandi forsætisráðherra í forföll-
um þeirra Halldórs Ásgrímssonar
forsætisráðherra og Davíðs Odds-
sonar, staðgengils hans í ríkis-
stjórninni. Þetta er í fyrsta skipti
sem Guðna hlotnast þessi heiður.
„Mér finnst sólin eins og jörðin eins
þrátt fyrir þetta. Ég ætla að hugsa
vel um þjóðina eins og alla aðra
daga“, sagði Guðni Ágústsson,
starfandi forsætisráðherra, og
gerði lítið úr þessari upphefð.
Halldór Ásgrímsson forsætis-
ráðherra, sem að öllu jöfnu leysir
utanríkisráðherra af hólmi, er í
París, en Davíð Oddsson er staddur
í Slóveníu. Geir H. Haarde fjár-
málaráðherra er staddur í New
York þar sem hann flytur ræðu
Davíðs sem starfandi utanríkisráð-
herra. Björn Bjarnason dómsmála-
ráðherra er því starfandi utanríkis-
ráðherra hér á heimavígstöðvun-
um á meðan Halldór er úti, gerist
þess þörf að leysa utanríkisráð-
herra af. Þegar Geir Haarde kemur
heim verður hann svo starfandi
dómsmálaráðherra í stað Björns,
sem er vanhæfur til að skipa
hæstaréttardómara.
En hver er þá starfandi fjár-
málaráðherra? „Sturla Böðvarsson“
var svarað í fjármálaráðuneytinu.
Þegar bent var á að Sturla væri far-
inn á menningarkynningu til París-
ar var Árni Mathiesen sjávarút-
vegsráðherra nefndur til sögunnar.
Árni er raunar staddur í Bandaríkj-
unum og ekki væntanlegur fyrr en
um miðja næstu viku. Fátt varð um
svör þegar bent var á þetta.
Engan skyldi því undra að bekk-
urinn skuli hafa verið þunnskipaður
á ríkisstjórnarfundi í gær. Aðeins
sex ráðherrar, eða helmingur, voru
mættir en af þeim héldu þrír til
Keflavíkur að fundi loknum. Hall-
dór Ásgrímsson, Sturla Böðvarsson
og Þorgerður Katrín Gunnarsdóttir
verða öll viðstödd menningarkynn-
ingu í París sem hefst á mánudag.
Valgerður Sverrisdóttir iðnaðarráð-
herra var fjarverandi en þó á land-
inu og því ekki viðstödd útnefningu
sína sem samstarfsráðherra Norð-
urlanda. Hún heldur utan síðdegis á
þriðjudag.
Ekkert fararsnið til útlanda er á
Árna Magnússyni, Jóni Kristjáns-
syni, Sigríði Önnu Þórðardóttur og
Birni Bjarnasyni svo vitað sé.
Guðni og Björn halda um stjórn-
taumana í forsætis- og utanríkis-
ráðuneytum gerist þess þörf. „Gam-
all draumur að rætast,“ sagði
reyndur embættismaður, þó aðeins
um stundarsakir.
a.snaevarr@frettabladid.is
FÉLL TIL JARÐAR Maður var
fluttur á slysadeild eftir að
hann féll átta metra til jarðar
af þaki nýbyggingar við Lága-
fellsskóla í Mosfellsbæ í gær-
morgun. Maðurinn var að
bjarga verðmætum frá foki
þegar hann féll á gróna jörð.
Meiðsl hans reyndust ekki al-
varleg og hann fékk fljótt að
fara heim af slysadeild.
SLUPPU MEÐ SKRÁMUR Öku-
maður og farþegar bíls sluppu
með skrámur þegar bíll þeirra
fór út af veginum í Skötufirði í
Ísafjarðardjúpi. Bílnum var
ekið um svæði þar sem verið er
að vinna við veginn. Aðstæður
til aksturs eru slæmar enda
hefur mikið rignt síðustu daga
og hefur vegurinn látið á sjá.
■ EVRÓPA
■ LÖGREGLUFRÉTTIR
„Nei, það þarf bara að þrífa
það reglulega.“
Haraldur Pétursson tryggði sér
Íslandsmeistaratitilinn í torfæru á dögunum.
SPURNING DAGSINS
Haraldur, er plast á sófasettinu heima
hjá þér?
FJÖLMIÐLAR GEGN HRYÐJUVERK-
UM Vladimír Pútín, forseti Rúss-
lands, hvatti fjölmiðlamenn í
ræðu til þess að
beita fjölmiðlum
sínum gegn
hryðjuverkum.
„Sem fagmenn
ættuð þið að þróa
vinnuaðferðir sem gera fjölmiðla
markviss tæki í baráttunni gegn
hryðjuverkum,“ sagði hann.
ENDURBYGGJA SENDIRÁÐIÐ Kín-
verjar hafa ákveðið að byggja
nýtt sendiráð í Belgrad í Serbíu í
stað þess sem skemmdist í loft-
árás Atlantshafsbandalagsins á
Serbíu 1999. Kínverjar héldu því
fram á sínum tíma að ráðist hefði
verið á sendiráðið að yfirlögðu
ráði en Bandaríkjamenn sögðu
árásina mistök.
RÍKISSTJÓRN
Gamall draumur Björns og Guðna rætist tímabundið.
FR
ÉT
TA
B
LA
Ð
IÐ
/S
TE
FÁ
N
JEAN-PAUL RAFFARIN
Hittir Halldór að loknum kosningum.
Halldór Ásgrímsson:
Hittir franskan
starfsbróður
STJÓRNMÁL Halldór Ásgrímsson for-
sætisráðherra mun á mánudag eiga
fund með Jean-Paul Raffarin, for-
sætisráðherra Frakklands. Sama
dag mun Halldór verða viðstaddur
opnun viðamikillar Íslandskynn-
ingar á sviði vísinda og menningar.
Fundur Halldórs og Raffarins
verður í Hotel Matignon, embætt-
isbústað franska forsætisráðherr-
ans. Þess má geta að kosningar eru
til öldungadeildar franska þingsins
á sunnudag og er Raffarin í fram-
boði.
Auk Halldórs verða tveir aðrir
ráðherrar, Þorgerður Katrín Gunn-
arsdóttir og Sturla Böðvarsson, við-
staddir opnun kynningarinnar. ■
Geir H. Haarde hvatti til breytinga á starfsemi Sameinuðu þjóðanna:
Fleiri ríki í öryggisráðið
STJÓRNMÁL Nota verður tækifærið
sem umræður um umbætur á
starfsemi Sameinuðu þjóðanna
gefa til að tryggja að öryggisráðið
verði skilvirkara og endurspegli
betur aðildarríki Sameinuðu þjóð-
anna, sagði Geir H. Haarde, starf-
andi utanríkisráðherra, þegar
hann ávarpaði allsherjarþing
Sameinuðu þjóðanna.
Í ræðu sinni hvatti Geir til þess
að Brasilía, Indland, Japan og
Þýskaland fengju fast sæti í ör-
yggisráðinu. Hann sagði ekki síð-
ur mikilvægt að tryggja að Afríka
ætti fast sæti í öryggisráðinu.
Geir lagði jafnframt áherslu á
að smáríki hefðu áhrif á starfsemi
Sameinuðu þjóðanna. Hann sagði
það ekki aðeins spurningu um við-
urkenningu á fullveldi smáríkja
heldur einnig nauðsynlegt til að
tryggja að tekið yrði tillit til við-
horfa og aðstæðna smáríkja í al-
þjóðasamfélaginu. Geir minnti
enn fremur á framboð Íslendinga
til öryggisráðsins. ■
VILHJÁLMUR Þ. VILHJÁLMSSON
Formaður Sambands íslenskra sveitar-
félaga. Bindur vonir við nýlegt samkomu-
lag við ríkisvaldið.
Umfangsmikið
fíkniefnamál:
Farið fram
á framsal
FÍKNIEFNI Lögreglan hefur farið
fram á það við hollensk yfirvöld
að Íslendingur sem tengist um-
fangsmiklu fíkniefnamáli verði
framseldur til landsins. Ásgeir
Karlsson, yfirmaður fíkniefna-
deildar lögreglunnar í Reykja-
vík, segir ekki enn ljóst hvort
orðið verði við beiðninni.
Maðurinn var handtekinn í
Hollandi á föstudaginn fyrir
rúmri viku. Á mánudaginn var
annar Íslendingur handtekinn í
Hollandi en hann var með mikið
magn fíkniefna heima hjá sér.
Ekki liggur fyrir hvort lögregl-
an muni fara fram á framsal
hans en hún er að skoða hver
þáttur hans er í málinu.
Upphaf málsins má rekja til
þess þegar þrjú kíló af am-
fetamíni og nokkuð af kókaíni
fannst í vörusendingu í Detti-
fossi í mars. Í framhaldinu
fannst mikið magn af am-
fetamíni í vörusendingu í skip-
inu í júlí. Heimildir blaðsins
herma að það hafi verið um átta
kíló. ■Yfirlýsing um umsögn
Hæstaréttar:
Samin í tölvu
Jóns Steinars
HÆSTIRÉTTUR Yfirlýsing þar sem
gagnrýnd er umsögn meirihluta
Hæstaréttar um Jón Steinar
Gunnlaugsson, sem er einn um-
sækjanda um stöðu hæstaréttar-
dómara, var samin í tölvu Jóns
Steinars sjálfs. Þetta kom fram í
fréttum Sjónvarps í gær.
Í samtali við Sjónvarpið sagð-
ist Jón Steinar ekki hafa samið
yfirlýsinguna en hugsanlega hefði
einhver notað tölvuna hans til
þess. Helgi Jóhannesson, einn
stuðningsmanna Jóns Steinars,
staðfesti þetta við Sjónvarpið og
sagðist sjálfur hafa samið yfirlýs-
inguna ásamt fleiri lögmönnum.
Jón Steinar hefði hvergi komið
nærri. ■
STJÓRNMALASAMBAND STAÐFEST
Geir H. Haarde undirritar samning um stjórnmálasamband milli Íslands og Gíneu-Bissá í
New York, ásamt utanríkisráðherra Gíneu-Bissá.
LAUS ALLRA MÁLA Ákærur á
hendur Ahmad Chalabi vegna
fjársvika hafa verið felldar niður.
Dómari komst að þeirri niður-
stöðu að ekki væru nægar sannan-
ir fyrir hendi til að halda málinu
áfram. Chalabi naut lengi stuðn-
ings Bandaríkjastjórnar en féll í
ónáð fyrir nokkrum misserum.
■ ÍRAK
Svíþjóð:
Niðurskurður
í hernum
STOKKHÓLMUR, AP Svíar hafa
ákveðið að fækka hermönnum
sínum um fjórðung og loka
þriðjungi herstöðva sinna fyrir
árslok 2007. Á sama tíma á að
breyta hernum þannig að meg-
inmarkmið hans verði friðar-
gæsla í útlöndum en ekki land-
varnir.
Í dag eru 20 þúsund hermenn
og óbreyttir borgarar á launa-
skrá hjá hernum. Þeim verður
fækkað um fimm þúsund. Á
móti kemur að Svíar stefna að
því að geta sent 2700 hermenn
til starfa í útlöndum eftir tvö ár,
nú eru um þúsund sænskir her-
menn við friðargæslu á
Balkanskaga og í Afríku. ■
RÁÐIST Á SENDIRÁÐ Sænskir
andstæðingar stríðsins í Írak
unnu skemmdir á danska sendi-
ráðinu í Stokkhólmi. Gluggar
voru brotnir og rauðri málningu
slett á veggi sendiráðsins og inn
um brotna glugga í mótmæla-
skyni við stuðning danskra yfir-
valda við innrásina í Írak.
■ NORÐURLÖND