Fréttablaðið - 25.09.2004, Blaðsíða 4
4 25. september 2004 LAUGARDAGUR
Forsætisráðherra um kennaraverkfall:
Deilendur finni til
sinnar ábyrgðar
STJÓRNMÁL Kennaraverkfallið var
ekki formlega á dagskrá ríkis-
stjórnarfundar í gær og Halldór
Ásgrímsson forsætisráðherra
leggur áherslu á að það sé deilu-
aðila, sveitarfélaga og samtaka
kennara að finna lausn á deil-
unni. „Staðan er mjög alvarleg
og snertir hvert einasta heimili í
landinu og vinnustaði. Deiluaðil-
ar verða að finna til sinnar
ábyrgðar og gera allt sem í
þeirra valdi stendur til að finna
lausn. En þetta er á vettvangi
sveitarfélaganna, ekki ríkis-
stjórnarinnar.“
Halldór segir ekki á dagskrá að
ríkið greiði fyrir samningum.
„Það hefur ekkert komið til tals,
enda væri það auðveld lausn ef
alltaf væri gripið til þess. Ríkis-
sjóður er engin hít sem alltaf er
hægt að ganga í. Fyrirtæki verða
að bera ábyrgð á sínum kjara-
samningum og það verða sveitar-
félögin líka að gera.“
Þorgerður Katrín Gunnars-
dóttir menntamálaráðherra sagði
að kennaradeilan hefði ekki verið
á dagskrá ríkisstjórnarfundar.
Aðspurð um hvort það þýddi að
ekki hefði verið rætt um hana
sagði hún: „Málið var ekki á dag-
skrá.“ ■
Ómanneskjuleg
afstaða kennara
Formaður Þroskahjálpar spyr hvort það geti verið kennarastéttinni til
framdráttar að beita fyrir sig fötluðum börnum í kjarabaráttu.
VERKFALL Engar undanþágur hafa
verið veittar í yfirstandandi kenn-
araverkfalli. Í gær hafnaði fulltrúi
kennara í undanþágunefnd að veita
undanþágu vegna kennslu fatlaðra
barna en fulltrúi sveitarfélaga vildi
veita undanþágu. Alls tók nefndin
afstöðu til fimm beiðna og hafnaði
þeim öllum, en sex beiðnir þóttu
ekki formlega rétt fram settar og
ein beiðni var sett í bið.
Halldór Gunnarsson, formaður
Þroskahjálpar, segir að foreldrar
fatlaðra barna hafi orðið fyrir mikl-
um vonbrigðum með niðurstöðu
undanþágunefndar. „Maður hlýtur
að spyrja sig að því hvort slík
ákvörðun geti verið kennarastétt-
inni til framdráttar – að beita fyrir
sig fötluðum börnum og fjölskyld-
um þeirra. Það er mín skoðun að
kennarar eigi skilið að fá vel borg-
að, en það er sama hve málstaður-
inn er góður, það hljóta að vera tak-
mörk fyrir því hvaða meðölum
menn geta beitt,“ sagði Halldór.
Gerður Aagot Árnadóttir, for-
maður Foreldrafélags Öskjuhlíðar-
skóla, þar sem um 100 fatlaðir nem-
endur sækja skóla, tekur í sama
streng: „Okkur er algjörlega mis-
boðið yfir þessu og mér þykir það á
mjög lágu pláni að beita fötluðum
börnum í verkfallsaðgerðum. Það
er að mínu mati ótrúlegt að kennar-
ar skuli beita sér með þessum hætti.
Þetta dregur úr tiltrú manns á kenn-
arastéttina og ég get ekki ímyndað
mér að allir kennarar séu sáttir við
þessa niðurstöðu,“ sagði Gerður.
Pálina Ósk Haraldsdóttir, sem á
einhverfan son, sagði að verkfallið
kæmi afar illa við fjölskylduna.
„Ég er að breyta mínum vöktum
og tek næturvaktir. Það þýðir að ég
sef sama og ekkert og veit ekki
hvað ég get haldið því lengi áfram,”
sagði Pálína. „Þetta er algjört neyð-
arástand og það er til skammar, og
afskaplega ómanneskjulegt, að
veita ekki undanþágur þeim sem
eru mest þurfandi.“
Þórarna Jónasdóttir, fulltrúi
kennara í undanþágunefnd, segist
ekki eiga von á því að afstaða nefnd-
arinnar breytist þegar kemur að af-
greiðslu fleiri undanþágubeiðna.
„Samkvæmt þeim rökstuðningi sem
ég lagði fram við afgreiðslu undan-
þágubeiðnanna í dag tel ég að ekki
sé uppi neyðarástand frekar en á
starfsdögum kennara, jólafríi eða
páskafríi,“ sagði Þórarna og bætti
við að ákvörðun um að hafna undan-
þágubeiðnum nú væri sett fram í
trausti þess að verkfallið leystist
fyrir næstu helgi.
Aðspurð um hvort ekki hefði
verið tilefni til að taka tillit til sér-
stakra aðstæðna fatlaðra barna
sagði Þórarna: „Það eru misjafnar
aðstæður hjá fólki, bæði þeim sem
eiga fötluð og ófötluð börn, og á
þessum tímapunkti geri ég í raun-
inni engan greinarmun á fötluðum
nemendum og ófötluðum,“ sagði
Þórarna.
borgar@frettabladid.is
SKEMMDUR BÚTUR
Skemmdi búturinn á annarri leiðslunni var
dreginn upp úr höfninni í Eyjum í gær.
Annar bútur var settur til bráðabirgða í
gærkvöld.
Vatnsleiðslan til
Vestmannaeyja:
Alvarlegar
skemmdir
VATN Í ljós hefur komið að skemmd-
irnar á leiðslunum tveimur sem
flytja ferskt vatn til Vestmannaeyja
eru alvarlegar og mun taka nokkurn
tíma að gera við þær að fullu. Þær
fóru í sundur þegar verið var að
grafa fyrir dýpkun hafnarinnar.
„Við náðum að hreinsa af annarri
leiðslunni og skemmdi kaflinn var
sagaður burt,“ sagði Ívar Atlason,
tæknimaður hjá Hitaveitu Suður-
nesja. Til stóð að kafarar færu með
nýjan bút niður í gærkvöld og
kæmu honum fyrir til bráðabrigða.
Ívar segir skemmdirnar alvar-
legar. Næst verður gert við hina
leiðsluna til bráðabirgða. Flóknara
verður síðan að gera endanlega við
leiðslurnar. „Til þess þurfum við að
ráðfæra okkur við danska tækni-
menn,“ segir Ívar. ■
■ FLUGSLYSAÆFING
Er íslenski fótboltinn leiðinlegur á
að horfa?
Spurning dagsins í dag:
Eiga stjórnvöld að grípa inn í verkfall
kennara?
Niðurstöður gærdagsins
á visir.is
17%Nei
Já
KJÖRKASSINN
Farðu inn á fréttahluta visir.is
og segðu þína skoðun
GEORGE W. BUSH
Forsetinn heilsaði upp á hermenn á leið til
Íraks.
Skoðanakönnun:
Bush enn
vinsælli
WASHINGTON, AP George W. Bush
Bandaríkjaforseti hefur sjö pró-
sentustiga forskot á demókratann
John Kerry meðal líklegra kjósenda
samkvæmt nýrri skoðanakönnun
Ipsos fyrir fréttastofuna Associated
Press.
Samkvæmt könnuninni fengi
Bush 52 prósent atkvæða en Kerry
45 prósent. Óháði frambjóðandinn
Ralph Nader mældist aðeins með
eins prósents fylgi. Ánægja með
störf Bush sem forseta hefur aukist
og ánægja með frammistöðu hans í
efnahags- og Íraksmálum er meiri
en hún hefur áður mælst í könnun-
um Ipsos í ár. ■
Forstjóri Hafró svarar Össuri:
Störfum faglega og sjálfstætt
STJÓRNMÁL Hugmyndir Össurar
Skarphéðinssonar, formanns
Samfylkingarinnar, um að færa
starfsemi Hafrannsóknastofnun-
arinnar undan sjávarútvegsráðu-
neytinu sem fram komu í Frétta-
blaðinu í gær falla í grýttan jarð-
veg hjá Jóhanni Sigurjónssyni,
forstjóra Hafrannsóknastofnun-
arinnar. „Hafrannsóknastofnunin
er mjög sjálfstæð stofnun,“ segir
Jóhann í viðtali við Fréttablaðið.
„Við reynum að vinna eftir bestu
faglegu getu.“
Jóhann segist ekki upplifa sig
þannig að hann starfi undir „boð-
valdi ráðherra“ eins og Össur hélt
fram og sagðist ekki sjá að það
myndi breyta miklu ef Hafrann-
sóknastofnunin starfaði í tengsl-
um við Háskóla Íslands. Þá kvaðst
hann undrandi á þeim orðum Sam-
fylkingarformannsins að „sovésk
kredduhugsun“ væri ríkjandi í
Hafrannsóknastofnuninni. Hann
sagði hins vegar ljóst að erfitt
væri að alþingismenn gætu hringt
í einstaka starfsmenn og pantað
hjá þeim verk. „Við verðum að
samræma störf okkar, meðal ann-
ars til að geta veitt eins góða þjón-
ustu og hægt er.“ ■
Lögreglurannsókn:
Handteknir
fyrir mengun
INDÓNESÍA, AP Sex stjórnendur og
starfsmenn bandarísks námufyrir-
tækis hafa verið handteknir í
Indónesíu vegna rannsóknar á því
hvort fyrirtækið hafi hent hættuleg-
um úrgangi í sjó með þeim afleiðing-
um að íbúar í nágrenninu veiktust.
Íbúar á eynni Sulawesi segja
fyrirtækið henda arsenik- og kvika-
silfursmenguðum úrgangi í hafið.
Stjórnendur fyrirtækisins neita öll-
um ásökunum og heita fullu sam-
starfi við yfirvöld. Þá hafa banda-
rískir sendiráðsstarfsmenn mótmælt
handtöku mannanna, sem þeir segja
óþarfa þar sem fyrirtækið hafi svar-
að öllum spurningum yfirvalda. ■
KVEIKT Í BRAKI Í DAG Hátt í
sjötta hundrað manns taka um
þessar mundir þátt í flugslysa-
æfingu á Reykjavíkurflugvelli,
en æfingin nær hápunkti á há-
degi í dag þegar kveikt verður í
braki við austurenda flugvallar-
ins. Æfð verða viðbrögð við því
þegar flugvél með 90 manns inn-
anborðs hlekkist á í flugtaki.
Undirbúningur fyrir æfinguna
hefur staðið í nokkra mánuði.
HALLDÓR ÁSGRÍMSSON FORSÆTISRÁÐHERRA
Halldór segir stöðuna í kennaraverkfallinu vera mjög alvarlega og snerta hvert einasta
heimili í landinu og vinnustaði. Hann segir deilendur verða að finna til sinnar ábyrgðar.
FR
ÉT
TA
B
LA
Ð
IÐ
/S
TE
FÁ
N
83%
M
YN
D
/J
Ó
H
AN
N
I
N
G
I Á
R
N
AS
O
N
JÓHANN SIGURJÓNSSON
Forstjóri Hafrannsóknastofnunarinnar kannast ekki við að finna fyrir „boðvaldi ráðherra“ í starfi sínu.
NEYÐARÁSTAND
Hjónin Þórarinn Óskar Þórarinsson og Pálina Ósk Haraldsdóttir eiga soninn Allan Óskar,
sem er einhverfur og þarf á sérkennslu að halda.
20. gr. Sé verkfall hafið er heimilt að
kalla starfsmenn, sem eru í verkfalli,
tímabundið til vinnu í þeim tilgangi að
afstýra neyðarástandi.
Úr lögum um kjarasamninga opinberra
starfsmanna nr. 94/1986.
FR
ÉT
TA
B
LA
Ð
IÐ
/V
AL
LI