Fréttablaðið - 25.09.2004, Blaðsíða 22
„Það standa nú engir stóratburð-
ir fyrir dyrum af þessu tilefni,“
segir Sigurður Guðmundsson
landlæknir sem er 56 ára í dag
og var að eigin sögn næstum bú-
inn að gleyma afmælinu. Hann
segist vitaskuld oftast vera í
vinnunni þegar hann á afmæli
og þó að það beri nú upp á laug-
ardegi ætlar hann að halda sig
við þá hefð og vera viðstaddur
flugslysaæfingu á Reykjavíkur-
flugvelli.
„Ég ætla svo að passa nafna
minn og barnabarn, sem er 10
mánaða, um kvöldið og leyfa
honum að gista þannig að seinni-
partur afmælisdagsins og nóttin
verða helguð honum.“
Sigurður segir allan gang á
því hvort hann blási til veislu á
stórafmælum. „Ég hélt veislu
þegar ég varð fertugur en við
hjónin fórum í ferðalag til
Malasíu, Víetnam og Singapúr
í kringum fimmtugsafmælin
okkar. Við eigum afmæli á sama
árinu þó hún sé að vísu aðeins
eldri. Ég bý sem sagt við þá
gæfu að vera kvæntur eldri
konu.“
Sigurður segir að ferðin og þá
sérstaklega viðkoman í Víetnam
sé með eftirminnilegustu ferð-
um sem hann hefur farið útfyrir
landsteinana. „Það fór lítið fyrir
áhrifum vestrænnar menningar
í Víetnam og borgarbragurinn
var allur mjög frábrugðinn því
sem við eigum að venjast. Öll
viðskipti fóru meira og minna
fram úti á götu og þar gat til
dæmis maður verið að selja
ísskápa með járnsmiðju við hlið-
ina á sér. Næsti maður í röðinni
stóð svo yfir opnum hlóðum á
gangstéttinni og var að elda og
selja mat. Eðlurnar á barveggj-
unum voru svo til dæmis fleiri
en viðskiptavinirnir.“
Sigurður segir, aðspurður, að
sér hafi þótt þetta allt gríðar-
lega sjarmerandi og lækninum
í honum hafi síður en svo mis-
boðið frjálsleg meðferð mat-
væla. „Það verður þó að viður-
kennast að lýðheilsa manna
þarna rís ekki jafn hátt og
hérna. En þetta er landsbragur-
inn og fólkið upp til hópa
jákvætt og glatt.“
Þau hjónin heilluðust svo af
landi og þjóð að þau geta vel
hugsað sér að fara aftur til
Víetnam. „Maður veit aldrei
hvað maður gerir á næsta
stórafmæli en það má vel vera
að við sleppum veislunni og
förum aftur.“ thorarinn@frettabladid.is
22 25. september 2004 LAUGARDAGUR
HEATHER LOCKLEAR
Þessi glæsilega leikkona sem sýndi meðal ann-
ars góða takta í sjónvarpsþáttunum Dynasty og
Melrose Place er 43 ára í dag.
Flugslysaæfing á afmælinu
SIGURÐUR GUÐMUNDSSON: ER 56 ÁRA Í DAG
„Þegar ég lít í spegil sé ég stúlkuna sem ég
var á meðan ég var að vaxa úr grasi, grind-
horuð, með spangir, skakkar tennur og barns-
andlit.“
- Heather Locklear var eitthvað ósátt við sjálfa sig í æsku og lítur oft
um öxl þótt hún sé komin yfir fertugt.
timamot@frettabladid.is
ANDLÁT
Bragi Gunnarsson, Eyrarholti 7, lést 18.
september.
Helga Leifsdóttir, Trönuhjalla 19, lést
20. september.
Gunnar Baldursson, Vallarási 5, lést 21.
september.
Ásgrímur Jónsson, Móabarði 4, lést 22.
september.
Sigríður Sigurðardóttir, frá Hruna í
Vestmannaeyjum, lést 22. september.
Eyjólfur Guðsteinsson, Brekkugerði 11,
lést 22. september.
JARÐARFARIR
14.00 Ingvar Loftsson, Birkigrund 33,
verður jarðsunginn frá Skarðs-
kirkju í Landsveit.
AFMÆLI
Bera Nordal listfræðingur er 50 ára.
SIGURÐUR GUÐMUNDSSON Var jafnan nýkominn heim úr sveitinni þegar hann átti afmæli í æsku. „Þetta voru nánast klassísk
Wagnerísk barnaafmæli í Austurbæ Reykjavíkur með pökkum, tertum og kertum til að blása á. Bragurinn varð svo dálítið annar á tán-
ingsárunum þegar minna var gert með þátttöku foreldra, svona eins og gengur.“
25. september 2000
Vala Flosadóttir vann til bronsverðlauna á Ólympíuleikun-
um í Sydney á þessum degi árið 2000 þegar hún stökk
4.5 metra í stangarstökki. Vala var 22 ára gömul þegar
hún vann það afrek að verða fyrsta íslenska konan til að
stíga á verðlaunapall á Ólympíuleikum en með stökkinu
bætti hún einnig Íslands- og Norðurlandamet sitt um 14
sentímetra.
Heimsmeistarinn Stacy Dragila frá Bandaríkjunum og hin
ástralska Tatiana Grigorieva stukku aðeins hærra en Vala
en Dragila fór yfir 4,6 metra og Grigorieva 4,5.
Vala hafði staðið sig mjög vel á leikunum og þótti öll
framkoma hennar einkennast af leikgleði og öryggi sem
skilaði sér í því að hún varð þriðji Íslendingurinn til að
komast á pall en Bjarni Friðriksson vann bronsverðlaun í
júdó á Ólympíuleikunum 1984 og svo hafði Vilhjálmur
Einarsson unnið silfurverðlaunin í þrístökkskeppni á
Ólympíuleikunum í Melbourne 44 árum áður.
ÞETTA GERÐIST
VALA FLOSADÓTTIR VANN TIL BRONSVERÐLAUNA Á ÓLYMPÍULEIKUNUM
MERKISATBURÐIR
1493 Kristófer Kólumbus fór frá
Spáni með 17 skipa leið-
angur í annarri könnunar-
ferð sinni um Vesturheim..
1983 38 írskir þjóðernissinnar
brutust með vopnavaldi út
úr fangelsi í grennd við
Belfast á Norður-Írlandi.
1991 Öryggisráð Sameinuðu
þjóðanna samþykkti ein-
róma allsherjar vopnasölu-
bann til Júgóslavíu.
1992 Dómari á Flórída veitti hin-
um 12 ára gamla Gregory
Kingsley lögskilnað frá for-
eldrum sínum.
1992 Geimkönnunarfarinu Mars
Observer var skotið á loft.
Geimfarið kostaði 980
milljónir dollara en ekkert
hefur til þess spurst síðan
það brotlenti á Mars í
ágúst 1993.
2001 Michael Jordan tilkynnti að
hann myndi snúa aftur á
körfuboltavöllinn.
Vala fékk bronsið
Kæru ættingjar og vinir! Okkar hjartans
þakkir fyrir auðsýnda samúð og hlýhug við
andlát og útför okkar ástkæra
Hallgríms Gísla Færseth
Vallarbraut 6, Reykjanesbæ
Óla Björk Halldórsdóttir, Pálína Færseth, Davíð Eiríksson,
Óskar A. Færseth, Ásdís Guðbrandsdóttir, Björgvin V. Færseth,
Tinna Björk Baldursdóttir, Katrín Færseth, Guðjón Ólafsson,
Hallgrímur G. Færseth, Gréta Lind Árnadóttir, Andrea Olga Færseth,
Pálína G. Bragadóttir, barnabörn og barnabarnabörn.
Elskulegur eiginmaður minn, faðir okkar,
tengdafaðir, afi og langafi,
Halldór Jón Ólafsson
bólstrari, Hátúni 6b
Jónína Sigurðardóttir, Ólafur Halldórsson, Rósa Friðriksdóttir, Sólveig
Halldórsdóttir, Jóhann Björn Arngrímsson, Erla Halldórsdóttir,
Tryggvi Sigurðsson, Jón M. Halldórsson, Ingibjörg Svavarsdóttir, börn
og barnabörn.
verður jarðsunginn frá Laugarneskirkju þriðjudaginn
28. september kl. 15.00.
Elskulegur sonur okkar, bróðir og unnusti
Ari Freyr Jónsson
Vallarbarði 3, Hafnarfirði
sem lést fimmtudaginn 16. september á Huddinge sjúkrahúsinu í
Stokkhólmi, verður jarðsunginn frá Fríkirkjunni í Hafnarfirði
mánudaginn 27. september kl. 15.00.
Þeim sem vilja minnast hans er bent á Krabbameinsfélagið.
Sólrún Hvönn Indriðadóttir, Jón Sigmar Jónsson, Stefanía Jónsdóttir,
Sunna Hlín Jónsdóttir, Íris Ósk Jónsdóttir,
Kristín María Guðjónsdóttir og aðrir aðstandendur.
„Vikan snerist öll um Útvarp Sögu
en sem útvarpsstjóri er ég á kafi í
endurskipulagningu stöðvarinnar
frá morgni til kvölds,“ segir
Arnþrúður Karlsdóttir sem minn-
ist þess ekki að hafa sinnt neinu
öðru en vinnunni í vikunni sem er
að ljúka.
„Ég er að bæta og þétta dag-
skrána. Það eru tvær nýjar konur
byrjaðar, Kolbrún Bergþórsdóttir
og Rósa Ingólfsdóttir, og svo bæt-
ast vonandi tvær nýjar við á næst-
unni. Önnur með íþróttaþátt og
hin með þátt um lífsleikni.“
Arnþrúður hefur legið yfir
niðurstöðum fjölmiðlakönnunar
Gallup og reynt að finna ný sókn-
arfæri. „Það stendur til að þétta
helgardagskrána og ég stefni að
því að ná meiri hlustun en Rás 1.
Við erum hælbítar núna en í ald-
urshópnum 40 plús erum við með
43% hlustun en Rás 1 með 47%.“
Arnþrúður segist að öðru leyti
lifa ósköp rólegu lífi þegar litið er
fram hjá Sögu. „Ég er með dag-
lega þætti í útvarpinu, fylgist vel
með fréttum og les öll blöð. Þetta
er mitt áhugamál og ég fylgist vel
með því sem er að gerast í fjöl-
miðlum. Tíminn fer mikið í þetta.
Þar fyrir utan hef ég mikið verið
að setja mig inn í allskonar tækni-
mál. Ég geri mig nú ekki út fyrir
að vera neinn sérfræðingur en við
erum að stækka útsendingasvæði
okkar með sendum á Akureyri og
öðrum sendi á Suðurlandi. Það fer
þó nokkur tími í að skoða þetta en
þegar þetta er komið í gagnið
dekkar Saga mjög stórt hlustunar-
svæði.“ ■
VIKAN SEM VAR
ARNÞRÚÐUR KARLSDÓTTIR HEFUR EKKI TÍMA FYRIR NEITT ANNAÐ EN SÖGU.
Lá yfir Útvarpi Sögu
ARNÞRÚÐUR KARLSDÓTTIR Er að end-
urskipuleggja Útvarp Sögu. „Það skiptir
mestu að byggja stöðina vel upp frá
grunni. Ég er í grunninum og útveggjunum
núna en það fer að styttast í að ég fari að
huga að innréttingunum.“