Fréttablaðið - 25.09.2004, Blaðsíða 40
Krakkar finna sér ýmislegt til dundurs í kennaraverkfallinu.
SJÓNARHORN
Á hestbaki um íslenskan skóg
Sigþrúður Gunnarsdóttir, ritstjóri barnabóka Máls og menningar, gæti vel hugsað
sér ýmis ferðalög með fjölskyldu sinni: „Draumaferðin með fjölskylduna er til
Afríku en ég geri mér grein fyrir að ein helgi væri ekki nóg. Draumahelgarferð
með fjölskylduna væri hinsvegar í Hallormstaðaskóg. Þetta er staður sem er ólík-
ur öllum öðrum stöðum sem ég hef komið á, með skóginn í hlíðinni og Lagar-
fljótið sem breiðir úr sér fyrir neðan. Við yrðum mikið í skóginum og dætur
mínar þrjár fyndu allar eitthvað til að skoða og leika sér með.“
Sigþrúður las margar bækur þegar hún var lítil um krakka sem fóru út í skóg og
léku sér eða lentu í ævintýrum. „Skógar eru mikill ævintýraheimur og ég hef
gaman af skógum en sérstaklega Hallormsstaðarskógi. Ég man eftir tilfinningunni
þegar ég flaug fyrst yfir Hallormsstaðarskóg og komst að því að hann var alvöru-
skógur, víðáttumikill og flottur, í staðinn fyrir að vera eitthvert rjóður með tuttugu
trjám eins og íslenskir skógar vilja oft verða. Samt er ekki hægt að týnast því
skógurinn er svo afmarkaður.“ En hvað myndi Sigþrúður gera þessa helgi í skóg-
inum?
„Margt og mikið. Ég myndi leigja mér hesta í hestaleigunni í Hallormsstað og fara
í útreiðartúr um skóginn og leika Bróður minn Ljónshjarta eða Ronju ræningja-
dóttur. Við færum kannski að skoða Snæfell ef því þóknaðist að sýna sig. Í mat-
inn yrði eitthvað sem við elduðum öll saman, fjölskyldan, helst eitthvað sem við
hefðum fundið í skóginum eins og sveppi eða blóðberg. Lömbin keyptum við
hinsvegar í Kaupfélaginu á Egilstöðum.“ Sigþrúður er alveg til í að heimsækja
Hallormsstaðarskóg á hvaða árstíma sem er. „Og ef ég væri þarna á jólunum færi
ég ekki að rogast með tré inn heldur skreyta bara grenitréð fyrir utan gluggann
og horfa glöð á það.“
Sigþrúði langar að fara með stelpurnar sínar í alvöru íslenskan skóg.
DRAUMA HELGIN
25. september 2004 LAUGARDAGUR12
? VISSIR ÞÚ …
… að þegar japanskar konur klæðast
kimono-sloppi þá eru þær í sokkum
sem heita Tabi sem skilja stóru tána
frá hinum?
… að árið 1982 dó síðasti meðlimur
hóps sem taldi að jörðin væri hol?
… að vegir á eyjunni Gvam eru úr
kóral því enginn sandur er á eyjunni?
… að símsvarar urðu vinsælir árið 1974?
… að venjulegur blýantur getur skrifað
um fimmtíu þúsund orð?
… að fyrsti maðurinn sem var valinn
maður ársins af tímaritinu Time var
Charles Lindbergh árið 1927?
… að háskólaneminn Carolyn David-
son hannaði Nike-merkið árið 1964?
… að geimfarar mega ekki borða baun-
ir áður en þeir fara í geimferð því vind-
gangur getur eyðilagt geimbúninginn?
… að alkóhólistar eru helmingi líklegri
til að játa áfengisvandamál fyrir tölvu
en lækni?
… að Colgate-tannkremsframleiðand-
inn framleiddi fyrst sápur og kerti?
… að þriðja ár í hjónabandi er kallað
leðurafmæli?
… að með því að lyfta fótunum hægt
og leggjast á bakið er ekki hægt að
sökkva í kviksandi?
… að engar klukkur eru í spilavítum í
Las Vegas í Bandaríkjunum?
… að enginn veit hver byggði Taj
Mahal á Indlandi?
FR
ÉT
TA
B
LA
Ð
IÐ
/V
IL
H
EL
M