Fréttablaðið - 25.09.2004, Blaðsíða 46
30 22. september 2004 LAUGARDAGUR
„Mér finnst róman-
tískast að liggja uppi
í rúmi með kærast-
anum og kúra,“ segir
hin fjórtán ára
Gabríela Líf Sigurðardóttir,
nemandi í Álftamýrarskóla.
Gabríela Líf er á föstu með strák
á fyrsta ári í menntaskóla og á
annað ástarsamband að baki.
„Stelpur vilja vera á föstu því
þannig öðlast þær virðingu jafn-
aldranna; sérstaklega ef þær eru
með eldri strákum. Þá líta bæði
strákar og stelpur upp til manns,
eins og maður sé eitthvað
þroskaðri en hinir.“
Gabríela kynntist núverandi
kærasta í gegnum frænda sinn
en gamli kærastinn var í Álfta-
mýrarskóla. „Ég var dálítið lengi
í ástarsorg eftir fyrsta kærast-
ann, en ástarsorg er algengt
fyrirbæri hjá unglingsstúlkum.
Hve lengi hún varir fer eftir
lengd sambandsins og hvort um
er að ræða kærasta númer eitt
eða fimmhundruð. Til að jafna
sig er best að hafa nóg fyrir
stafni með vinkonunum og horfa
fram á veginn. Forðast sem mest
samskipti við kærastann fyrr-
verandi fyrstu vikurnar.“
Að sögn Gabríelu Líf eru tvær
í hennar árgangi á föstu og einn
strákur. „Það er mikilvægt að
geta treyst ástinni sinni og ung-
lingar hafa tryggð í hávegum.
Það vill engin stelpa vera með
strák sem á sama tíma reynir við
aðrar stelpur á netinu. Auðvitað
er aldrei hægt að vita neitt með
vissu, en ég hef aldrei heyrt um
svoleiðis óheilindi.“
Hún segir stelpur forðast eins
og heitan eldinn að vera laus-
látar því þá fái þær ljótt og líf-
seigt orðspor. „Það viðhorf til
stelpna breytist aldrei. Stelpur
þurfa ekki einu sinni að hafa sof-
ið hjá til að fá á sig lauslætis-
stimpilinn. Hann kemur þá frá
öfundsjúkum stelpum og þeim
sem líkar illa við þig. Sumar
stelpur eru samt lauslátar í þeim
skilningi að þær daðra mikið
utan í strákunum. Það er þó
frekar algengt að hafa átt marga
kærasta á mínum aldri, en svo
breytist það strax þegar maður
eldist; jafnvel strax í 10. bekk.“
Gabríela Líf segir engan í sín-
um árgangi byrjaðan að sofa hjá.
Segir skýringuna kannski felast í
þeirri staðreynd að hún búi í
íþróttahverfi sem viðhaldi sak-
leysinu eitthvað lengur, þótt
alltaf séu tveir svartir sauðir í
hverjum hóp. „Þetta fer eftir því
hverja maður umgengst. Ef mað-
ur er með eldri krökkum er kyn-
lífspressan mikil, en sjaldgæf
meðal jafnaldranna. Nema hvað
alltaf er einn aðili sem hefur
prófað allt og setur þannig ómeð-
vitaða pressu á hina sem vilja
ekki vera minni menn. En auðvit-
að eru það aðallega strákarnir
sem pressa. Stelpurnar láta bara
ekki segjast.“ thordis@frettabladid.is
„Það er framhjáhald
þegar strákarnir
hitta aðrar stelpur
meðan þeir eru að
dúlla sér með annar-
ri. Líka þegar þeir kyssa aðrar
stelpur í partíum,“ segir Emilía
Jenna Vilhjálmsdóttir í níunda
bekk Borgarskóla í Grafarvogi.
Hún segir frekar lítið um að
unglingar séu komnir á fast, en
margir séu að dúlla sér saman í
einhvern tíma og slíkt leiði
stundum til sterkari ástarsam-
banda. „En stelpurnar gera
þetta reyndar líka; kyssa aðra
stráka og gefa þeim undir fótinn
þótt þær eigi kærasta. Það sýnir
kannski best að það er ekki
alltaf full alvara á bak við róm-
antíkina, þótt alltaf verði ein-
hver sár í hjartanu yfir fram-
komunni.“
Emilía Jenna segir mikið um
ástarsorg meðal unglinganna.
„Það kallast ástarsorg þegar
stelpa er hrifinn af strák sem
kannski er með annarri stúlku
eða þá hefur ekki áhuga. Það
finnst öllum vont að vera hrifinn
en fá ekki hrifningu á móti.“
Hún segir rómantík í hugum
unglinganna þýða að horfa sam-
an á vídeómynd, kúra saman og
hafa það kósí. Ekkert endilega í
kertaljósum. „Strákarnir eru
mjög sætir við mann; bjóða í bíó
og vilja kaupa handa manni all-
an heiminn þegar maður fer eitt-
hvað með þeim. Spyrja hvort
mann langi ekki í eitthvað, en
auðvitað leyfa fjárráðin ekkert
stórt og mikið. Bara eitthvað
krúttlegt og sætt.“
Aðspurð segir Emilía Jenna
einhverja af sínum jafnöldrum
byrjaða að stunda kynlíf, en að
pressan sé mikil frá hendi strák-
anna. „Það er geðveikt algengt
að strákur pressi rosalega á
stelpuna og hún lætur undan
honum vegna þess að hún er svo
geðveikt hrifin af honum og vill
ekki missa hann. Þar liggja svo
stóru mistökin því um leið og
hann hefur fengið vilja sínum
framgengt er hann hættur með
henni. Stelpur ættu því að læra
að láta ekki undan pressu strák-
anna því þannig mundu þær
frekar halda kærustunum hjá
sér.“ ■
„Rómantík er til
og birtist í ýmsum
myndum,“ segir
Jóhann Einarsson,
nemandi í 9. bekk
Hvassaleitisskóla þegar hann er
spurður um ástarlíf jafnaldra
sinna. „Við strákarnir eigum það
til að bjóða stelpunum í bíó og
reynum að gæta þess að sýna
þeim tilheyrilega mannasiði, eins
og að opna fyrir þeim hurðir og
leyfa þeim að ganga inn á undan.“
Að sögn Jóhanns eru strák-
arnir í 9. bekk síður en svo að
flýta sér í fast ástarsamband.
Stelpurnar séu meira á þeim
nótum. „Fæstir eru að leita sér
að kærustum, enda gengur slíkt
ekki svo hratt fyrir sig þótt
menn glaðir vildu. Tryggð er
mikill aðall ef um ástarsamband
er að ræða og enginn strákur
með viti vill svíkja kærustuna
sína. Maður heyrir aldrei um slík
óheilindi í mínum aldurshóp.“
Þegar kemur að kynnum við
stelpur er msn-spjall á netinu ár-
angursríkt en einnig er algengt
að kynnast þeim í raunheimum.
„Það er samt miklu auðveldara
að kynnast á netinu því feimnin
ræður meira ríkjum í beinu ná-
vígi. Menn eru alltaf hræddir við
höfnun og betra að taka henni á
bak við skjáinn.“
Og hvernig birtast skotin?
„Það er allur gangur á því
og mikil fjölbreytni. Strákar
og stelpur senda mikið sms til
þeirra sem heilla. Dæmi um
öruggt skot gæti verið mynda-
sms af bangsa stelpunnar. Þetta
er allt á saklausum nótum og fáir
ef nokkrir byrjaðir að stunda
kynlíf í mínum árgangi. Strák-
arnir byrja reyndar alltaf seinna
en stelpurnar; flestir ekki fyrr
en í menntaskóla.“ ■
Ástir unglinganna
Ástin, hún er alls staðar. Ekki bara í hjörtunum, heldur líka í bíómyndum, tónlistarmyndböndum og sjónvarpsþátt-
um. Ástinni er alls staðar flaggað og ekki alltaf sem saklausri og gamaldags rómantík. Í flestum tilvikum er hún
krydduð vaxandi kynórum, meira að segja yfir hádaginn og snemma kvölds þegar fjölskyldan situr saman yfir imba-
kassanum. Kynhegðun lærist því fljótt meðal yngstu borgaranna og áhrifin skila sér í ríkari vitund um eigin kyn-
ímynd. Amor er svo alltaf samur við sig. Berst um hjörtu unglinganna við frekjulega kynhormóna. Fréttablaðið ræddi
við fimm unga Íslendinga um rómantík og ástarlíf unglinga.
FR
ÉT
TA
B
LA
Ð
IÐ
/E
.Ó
L.
Gabríela Líf Sigurðardóttir, 14 ára í Álftamýrarskóla:
Meiri virðing að vera
með eldri strákum
Emilía Jenna Vilhjálmsdóttir, fjórtán ára í Borgarskóla:
Strákar fara þegar stelpurnar láta undan
FR
ÉT
TA
B
LA
Ð
IÐ
/V
IL
H
EL
M
Jóhann Einarsson, 14 ára í Hvassaleitisskóla:
Strákar með viti svíkja ekki kærusturnar