Fréttablaðið - 25.09.2004, Blaðsíða 47

LAUGARDAGUR 22. september 2004
Veigar Ölnir Gunn-
arsson er tólf ára, há-
vaxinn brettastrákur
sem æfir körfubolta
með Val og er í gítar-
námi með náminu í Háteigsskóla.
Eftir skóla byrjar síminn að
hringja og sms-in að berast í
gemsann hans. Stelpur að spyrja
hvort hann geti hitt þær, hvað
hann sé að gera og einstaka sem
segir að hann sé sætur í hinum
eða þessum fötum.
„Ég er nú ekkert byrjaður á
föstu en vissulega eru margir
tólf ára krakkar farnir að spá
mikið í rómantík og ástarmál.
Það breytist ekkert með kynslóð-
unum; þetta er hefðbundin
þróun,“ segir Veigar og bætir við
að gamaldags rómantík sé farin
að skipta meira máli meðal ung-
linganna en áður. „Kærustupör
senda falleg og hlýleg sms til
hvors annars. Einn vinur minn
fékk frá kærustunni sms sem
sagði: Ef stjarna félli í hvert sinn
sem ég hugsaði um þig, færu
þær að verða búnar á himnum.“
Okkur strákunum finnst þetta
sætt og svo er algjört skilyrði að
strákurinn borgi fyrir stelpuna
þegar hann býður henni í bíó. Sé
hann svo fátækur að eiga bara
fyrir sínum miða er það mikil
minnkun og ógeðslega leiðinlegt.
Stelpur hafa hins vegar ekkert
við blóm að gera. Þau drepast
strax og lítið um ástargjafir hjá
mínum aldurshóp.“
Með tilkomu netsins og al-
mennri tölvueign íslenskra
heimila hafa spjallrásir orðið
vinsæll vettvangur nýrra kynna
meðal unglinga. Veigar segir
msn vera langvinsælast en þegar
búið sé að tala við alla sem
maður þekkir þar sé hægt að
finna nýja félaga á betra.net.
„Það er mjög auðvelt að kynn-
ast stelpum úr öllum hverfum og
bæjum landsins, byrja bara að
spjalla og oft hittir maður net-
vini sína úti í raunveruleikanum
líka. Hins vegar er ég orðinn
leiður á netinu og almennt finnst
okkur vinunum sú leið hallæris-
leg til að kynnast stelpum. Það er
vaxandi að reyna fyrir sér í raun-
veruleikanum og kynnast stelp-
um í gegnum vini sína; kannski
frænkum, nágrannastelpum eða
bekkjarsystrum.“
Veigar segir það fara eftir
persónuleika hvers og eins hve
hann er ófeiminn við að nálgast
mögulegar kærustur. „Á netinu
skrifar maður bara „ask?“ og það
þýðir aldur, staður og kyn. Þá er
maður ekkert að skrifa of mikið
en fær góðar grunnupplýsingar.
Það hafa orðið nokkur kær-
ustupör úr slíkum kynnum.“ Og
að sögn Veigars er vinsælast hjá
krökkum að eyða tíma heima hjá
einhverjum þar sem enginn full-
orðinn er heima. „En það er
engin kynlífspressa í mínum ár-
gangi; allt bara mjög afslappað í
spjalli og sakleysislegum sam-
skiptum. Kynlíf er ekki á dag-
skránni fyrr en þrettán, fjórtán
ára, þótt maður viti svo sem um
einstaka sem byrjar á því fyrr.“ ■
„Það er mikil áhersla
meðal minna jafn-
aldra að finna sér
kærasta. Allir eru að
leita að einhverjum
sem þykir vænt um þá. Við viljum
eiga einhvern sérstakan sem
heldur utan um okkur vegna þess
að foreldrarnir eru hættir því.
Þegar maður verður unglingur
verður sífellt minna um knús og
faðmlög foreldranna, en maður
þarf samt á slíku að halda áfram,“
segir Brynhildur Bolladóttir,
fimmtán ára nemandi í Réttar-
holtsskóla og formaður skólafé-
lagsins þar á bæ. Hún bætir við
að rómantík sé í hugum stelpn-
anna eitthvað voðalega bíó-
myndalegt og að þær tali um
stráka út í eitt. „Strákarnir eru
svo sem engir herramenn sem
opna hurðir eða draga stólinn
fram fyrir dömuna, en þeir bjóða
okkur í bíó og einstaka sinnum á
Hard Rock eða svipaða kósí staði
og það finnst okkur stelpunum
æðislega sætt. Það klikkar alla-
vega ekki að þeirra hlutverk er að
bjóða og borga. Og svo enda deit-
in oftast með kossi við útidyrnar,
eins og alltaf hefur verið. Í því
felst kannski mesta rómantíkin.“
Í árgangi Brynhildar eru
margir komnir á fast. Mörg par-
anna hafa orðið til í skólanum en
Brynhildur segir msn-spjallrás-
irnar stóran þátt í tilhugalífi ung-
linganna. „Ástarsorg er sígilt
fyrirbæri en jafnar sig á tveimur
dögum í flestum tilfellum.
Tryggð er annars mikil í ástar-
samböndum þótt alltaf séu dæmi
um þá sem ekki taka drengskap
sinn og ástarloforð hátíðleg.“
Og margir eru farnir að lifa
kynlífi; bæði þeir einhleypu sem
og þeir sem eru á föstu. „Stelpum
finnst mikilvægt að vera ekki
lauslátar og vilja ekki missa
meydóminn með hverjum sem
er, þótt þær bíði ekki til eilífðar.
Flestir byrja að stunda kynlíf
fjórtán ára og upp úr. Hitt er
undantekning. Stóðlifnaður
meðal unglinga og inngangseyrir
í formi munnmaka til að komast
inn í partí er eitthvað sem við
heyrum bara í fjölmiðlum og
hlýtur að tengjast undirheimum,
sem afar fáir unglingar leiðast
inn í. Engin sérstök kynlífs-
pressa er á unglingum nema
hvað kynlífi er haldið mjög að
okkur í bíómyndum, sjónvarpi og
myndböndum. Ef það væri ekki
fyrir hendi myndu unglingar
sennilega bíða lengur með
kynlífið.“
Brynhildur Bolladóttir, 15 ára í Réttarholtsskóla:
Þurfum á knúsi og faðmlögum að halda
Veigar Ölnir Gunnarsson, 12 ára í Háteigsskóla:
Hallærislegt að finna stelpur á netinu