Fréttablaðið - 25.09.2004, Blaðsíða 57

LAUGARDAGUR 25. september 2004
■ FYRIRLESTUR
Við erum blandaður kór, skemmtilegur hópur
með metnaðarfulla dagskrá. Árnesingar, jafnt
sem aðrir, eru velkomnir.
Stjórnandi kórsins er Gunnar Ben.
Upplýsingar gefa Gunnar í síma 697-8791
og Ragnheiður í síma 694-1431.
Óskum eftir nýjum félögum
í allar raddir
■ ■ SKEMMTANIR

Atli skemmtanalögga og Dj Áki
Pain á Pravda.

DJ Palli Maus heldur uppi argandi
stemningu á Kaffi List.

Hermann Ingi úr Logum syngur og
leikur fyrir gesti Búalfsins í Breið-
holti.

Spilafíklarnir spila á Dubliner.

Plötusnúðurinn Tinni fer í gegnum
50 ára sögu rokksins á Ellefunni,
Laugavegi 11.
■ ■ ÚTIVIST

10.00 "Haustganga" á vegum Skóg-
ræktarfélags Garðabæjar verður
farin frá Minjagarði við Hofsstaði,
aðkoma frá Vífilsstaðavegi. Geng-
ið verður um Hæðahverfi og
fallegir garðar skoðaðir. Göngunni
lýkur á upphafsstaðnum, Minja-
garði, þar sem margt er að skoða.
Leiðsögumaður verður Erla Bil
Bjarnardóttir formaður Skóg-
ræktarfélags Garðabæjar og garð-
yrkjustjóri í Garðabæ.
■ ■ FYRIRLESTRAR

14.00 Einar Hreinsson sagnfræð-
ingur flytur erindi um tengslanet
og frændsemisfylgi í húsnæði
Sögufélagsins, Fischersundi 3.
■ ■ FUNDIR

14.00 Í tengslum við gerð aðal-
skipulags Þingvallasveitar boðar
sveitarstjórn Bláskógabyggðar til
opins fundar í Hótel Valhöll á
Þingvöllum. Á fundinum verður
aðalskipulagstillaga sveitarstjórnar
kynnt og rædd.
■ ■ SAMKOMUR

23.00 Rolling Stones-hátíð að
hætti Vestfirðinga verður á
Draugabarnum á Stokkseyri með
hljómsveitinni Mae West.
■ ■ DANSLIST

15.00 Grænlenska fjöllistakonan
Jessie Kleemann sýnir dans
byggðan á gömlum grænlenskum
hefðum á sýningu samlöndu
sinnar, Isle Hessner, í Sigurjóns-
safni á Laugarnesi.
Upplýsingar um viðburði og sýningar
sendist á hvar@frettabladid.is ekki síð-
ar en sólarhring fyrir birtingu.
Einar Hreinsson sagnfræðingur
hefur undanfarin ár rannsakað
tengslanet íslenskra valda-
manna á 18. og 19. öld. Hann
varði doktorsritgerð um þessi
efni við Gautaborgarháskóla
fyrir tæpu ári. Í dag ætlar hann
að skýra frá rannsóknum sínum
í fyrirlestri á aðalfundi Sögufé-
lagsins, sem haldinn verður í
húsi félagsins í Fischersundi.
„Allir Íslendingar sem gegna
þessum embættum voru skyldir
eða tengdir á einhvern hátt.
Stephensen, Thorarensen og
Finsen eru til dæmis allt ná-
skyldar fjölskyldur. Það segir
sitt að árið 1803 var Ólafur
Stephensen hér æðsti embættis-
maður, og 1903 var það Magnús
Stephensen,“ segir Einar.
„Ég hef meðal annars verið
að spá í það hvað danska ríkið
var að pæla þegar embættis-
menn voru ráðnir á Íslandi.“
Oft mæltist misvel fyrir þeg-
ar Danir voru ráðnir í embætti á
Íslandi þrátt fyrir að íslenskir
embættismenn hafi mælt ein-
dregið með einhverjum landa
sínum.
„En þá var viðbáran hjá
Dönum alltaf sú sama: Þessir
Íslendingar eru alltaf skyldir
hver öðrum, þetta er bara ein-
hver smáklíka sem stjórnar
þarna, þess vegna verðum við að
ráða Dana í staðinn.“
Stóran þátt í þessu ástandi átti
það fyrirkomulag, sem tekið var
upp í Danmörku á einveldistíman-
um, að embættismenn hlytu sjálf-
krafa aðalsnafnbót, sem reyndar
gekk ekki að erfðum.
„Ólafur Stephensen stiftamt-
maður kepptist til dæmis alla tíð
við að skýra út fyrir öllum að
hann væri aðalsmaður til þess
að réttlæta stöðu sína.“
Með því að passa að embættin
héldust innan klíkunnar kom
þessi íslenski aðall því til leiðar að
aðalstignin hélst í fjölskyldunni,
þótt hún erfðist ekki að lögum.
„Niðurstaða mín er sú, meðal
annars, að það er miklu minni
munur á íslensku samfélagi og
evrópsku en menn hafa haldið
hingað til. Það er tóm vitleysa að
íslenskt þjóðfélag hafi ekki verið
stéttskipt.“ ■
EINAR HREINSSON Ræðir um íslenskan aðal á 18. og 19. öld í fyrirlestri sínum hjá
Sögufélaginu í dag.
Íslenskur aðall var til