Fréttablaðið - 27.09.2004, Blaðsíða 2

2 27. september 2004 MÁNUDAGUR
VEÐUR Íbúar Miami á suðurodda
Florída kipptu sér vart upp við felli-
bylinn Jeanne í fyrrinótt og gær-
morgun. Hún gekk enda yfir
nokkuð norðan við borgina og lét
finna fyrir sér í grennd við Fort Pi-
erce og Okeechobee.
Guðjón Sverrisson hefur búið í
Miami í fjögur ár en hann er fjár-
málastjóri Strax, sem er fyrirtæki
að mestu í eigu íslenskra banka og
annarra fjárfesta og fæst við sölu
farsíma og aukahluta. „Það var allt
með kyrrum kjörum hjá okkur, utan
hvað það rigndi nokkuð hressilega
hjá okkur í morgun,“ sagði Guðjón í
samtali við Fréttablaðið í gær. Hann
er orðinn vanur aðvörunum um
yfirvofandi fellibylji því á síðustu
vikum hafa fjórir slíkir stefnt á
Florída og valdið mismiklum skaða.
„Charlie kom fyrstur, hann kom upp
að vesturströnd Flórída og fór þar í
gegnum landið. Svo kom Frances
austan megin, þá Ivan sem Florída
slapp raunar að mestu við og svo
Jeanne nú. Fólk hér í Miami er orð-
ið vant þessu og hleypur vart upp til
handa og fóta lengur því skaðinn
hefur nánast enginn orðið. Það
hugsar frekar með sér; hann kemur
ef hann kemur.“
Guðjón sagði þó fjölmarga íbúa
Flórídaskaga hafa orðið illa úti í
byljum síðustu vikna, það væri
greinilegt af fréttunum en vart
væri frá öðru sagt en óveðrinu og
tjóninu sem það olli. ■
Skólastjóri Safamýrarskóla:
Mótmælir orð-
um og athöfnum
KJARAMÁL Erla Gunnarsdóttir,
skólastjóri Safamýrarskóla, er
óhress með að forysta Kennara-
sambandsins noti nafn skólans til
að réttlæta og styðja ákvörðun
fulltrúa síns í undanþágunefnd
kennara og sveitarfélaga. Hún er
líka óhress með að undanþágu-
beiðni fyrir þrettán kennara
skólans hafi verið hafnað.
Í Fréttablaðinu í gær sagði
Finnbogi Sigurðsson formaður
Félags grunnskólakennara að
nefndarmaðurinn væri marg-
reyndur kennari úr Safamýrar-
skóla og fyrir vikið bæri að taka
fullt mark á afstöðu hans.
Erla sendi Finnboga og Eiríki
Jónssyni formanni KÍ bréf í gær
þar sem hún harmar að skólinn sé
dreginn inn í umræðuna. Þá lýsir
hún sig fullkomlega ósammála
mati nefndarmannsins á hvort
neyðarástand ríki á heimilum
nemenda Safamýrarskóla eða
ekki. Fullyrðir hún raunar að slíkt
ástand ríki og hafi gert síðan á
miðvikudag, þegar hún sótti um
undanþágur fyrir þrettán kennara
skólans svo nítján nemendur hans
fengju sína kennslu. Nefndarmað-
urinn, kennari við Safamýrar-
skóla og undirmaður Erlu, hafnaði
beiðninni. Erla áfrýjaði úrskurð-
inum en ekki hefur verið fjallað
um erindið á ný. ■
Lítill vilji til að
setja lög á kennara
Lítill hljómgrunnur meðal þingmanna fyrir því að binda enda á kenn-
araverkfall með lögum. Vinstri-grænir útiloka það. Þingmenn Samfylk-
ingar áttu fund með sveitarstjórnarmönnum.
KJARAMÁL Þingflokkar stjórnar-
flokkanna hafa ekki komið saman
til að ræða kennaraverkfallið sem
hófst fyrir viku.
Hjálmar Árnason, formaður
þingflokks Framsóknarflokks,
segir að menn hafi rætt þetta sín á
milli þó það hafi ekki verið rætt
með formlegum hætti, enda hafi
þingflokkurinn ekki komið saman
síðan verkfallið hófst. Hjálmar
segir að sér hugnist ekki að enda
verkfallið með lagasetningu.
Sveitarfélög og kennarar verði að
semja.
Einar K. Guðfinnsson, formað-
ur þingflokks Sjálfstæðisflokks
segir að þingflokkurinn hafi ekki
komið saman í liðinni viku og því
hafi verkfallið ekki verið rætt.
Hann segir einsýnt að verkfallið
verði rætt á þingflokksfundi sem
boðaður hefur verið 1. október,
standi það þá enn yfir. Einar vildi
ekki tjá sig um hvort binda ætti
enda á verkfallið með lögum.
Þingflokkur Samfylkingarinnar
hefur rætt málið formlega með
forystumönnum flokksins í sveit-
arstjórnum. Össur Skarphéðins-
son, formaður Samfylkingarinnar
segir að á fundinum hafi komið
fram sterkur skilningur á kröfum
kennara. Hann segir órökrétt að
ræða lagasetningu á þessu stigi,
ríkisvaldið eigi frekar að huga að
því að rétta hlut sveitarfélaganna í
tekjuskiptingu þeirra og ríkisins.
Þingflokkur Vinstrihreyfingar-
innar-græns framboðs hefur fjall-
að um verkfallið. Ögmundur Jón-
asson, formaður hans, segir þing-
flokkinn styðja kjarabaráttu
kennara og útilokar að samþykkja
lög til að ljúka verkfallinu. Það sé
hins vegar skylda ríkisins að
koma til móts við sveitarfélögin,
sem séu fjárhagslega illa stödd.
Guðjón Arnar Kristjánsson,
formaður Frjálslynda flokksins,
segir að þingflokkurinn ræði
málið í dag. Hann telur ótímabært
fyrir ríkisvaldið að grípa inn í
deiluna.
ghg@frettabladid.is
EINN BÍLANNA SEM SKEMMDUST
Skemmdir urðu á fimm bílum og byggingu
þar sem bíll eins Hamas-leiðtoga var
sprengdur í loft upp í Sýrlandi.
Ísraelar teygja
sig til Sýrlands:
Hamas-liði
myrtur
SÝRLAND, AP Bílasprengja grand-
aði einum leiðtoga Hamas-sam-
takanna í Damaskus í Sýrlandi
viku eftir að Ísraelar gáfu út
viðvörun um að yfirmönnum
herskárra múslima yrði þar
ekki vært.
Bíll Izz Eldine Subhi Sheik
Khalil sprakk fyrir utan heimili
hans þegar hann reyndi að
starta honum.Dreifðist brak
bílsins um nágrenni heimilisins.
Ísraelska ríkisstjórnin hefur
ekki gefið frá sér yfirlýsingar
en talið er að hún hafi fyrirskip-
að aftökuna. Hún er sú fyrsta á
sýrlenskri grundu frá 1997. Þá
var reynt að myrða Khaled
Mashaal sem stjórnar nú hópi
Hamas-liða í Jórdan. ■
HELGI OG SPASSKY
Boris Spassky afhendir Helga Ólafssyni,
sigurlaunin i einstaklingskeppni.
Upphaf
Íslandskynningar:
Sigruðu
Frakka í skák
PARÍS Íslendingar voru sigursælir
á árlegu skákmóti öldungadeildar
franska þingsins í París um helg-
ina. Ísland sigraði Frakkland 3-1 í
landskeppni og síðan sigraði
Helgi Ólafsson í hraðskákmóti
fjögurra stórmeistara frá hvoru
landi.
Sigraði Helgi franska stór-
meistarann Laurent Fressinet í
úrslitaskák í gær. Boris Spassky,
fyrrverandi heimsmeistari í skák
var verndari mótsins ásamt
Halldóri Blöndal, forseta Al-
þingis. Mótið er haldið í tengslum
við viðamikla tveggja vikna Ís-
landskynningu sem hefst form-
lega í Paris í dag. ■
Við erum ekki ennþá búnir að
toppa.
Þorvaldur Örlygsson er þjálfari KA sem vann FH í
undanúrslitum bikarkeppninnar og er liðið þar
með komið í úrslit. KA tapaði hins vegar fyrir FH
fyrir viku síðan með þeim afleiðingum að liðið féll
niður um deild.
SPURNING DAGSINS
Þorvaldur, toppuðuð þið ekki
viku of seint?
TF-LÍF
sótti ökumanninn og flutti til Reykjavíkur.
Sótti slasaðan ökumann:
Ók á
hliðstólpa
BÍLDUDALUR Maður ók á hliðstólpa
skammt frá Bíldudal um fimm-
leytið á sunnudagsmorguninn.
Stólpinn gekk í gegnum fram-
rúðuna á bílnum og í höfuð öku-
mannsins sem hlaut af því tölu-
verða áverka.
Ökumaðurinn var fluttur með
þyrlu Landhelgisgæslunnar TF-
LÍF, á Borgarspítalann þar sem
hann gekkst strax undir aðgerð.
Maðurinn er alvarlega slasaður
og var ennþá í skurðaðgerð
klukkan þrjú í gærdag.
Grunur leikur á að um ölvun
hafi verið að ræða. ■
VEÐURLÍKAN
Á myndinni sést hvar Jeanne kom á land í Flórída.
M
YN
D
/A
PFellibylur fer yfir Flórída:
Kemur ef hann kemur
ÖGMUNDUR JÓNASSON
Þingflokkur Vinstri grænna hefur fjallað um verkfall kennara. Hann styður kjarabaráttu
þeirra og útilokar að samþykkja lög á verkfallið.
FLAUG Á FJALL Sautján ára piltur
brotlenti svifdreka í fjallshlíð
ofan við Ketilseyri í Dýrafirði á
laugardagskvöldið. Pilturinn var
fluttur á sjúkrahúsið á Ísafirði en
reyndist ekki alvarlega slasaður.
FLUTTUR MEÐ ÞYRLU Gangna-
maður slasaðist við fjallið Strút
norðan við Mælifellssand í gær-
morgun. Maðurinn hlaut
höfuðáverka og var fluttur með
þyrlu Landhelgisgæslunnar á
Landspítalann.
ELDUR Á SAMBÝLI Eldur kom
upp á sambýli fatlaðra í Reykja-
dal í Mosfellssveit í gærmorgun.
Búið var að slökkva eldinn þegar
slökkviliðið kom á staðinn.
Enginn slasaðist og skemmdir
voru minniháttar.
■ LÖGREGLUFRÉTTIR