Fréttablaðið - 27.09.2004, Blaðsíða 4

4 27. september 2004 MÁNUDAGUR
Telja íþróttir og tómstundamál lítið eiga sammerkt með menningarmálum:
Óttast breytingar hjá borginni
STJÓRNSÝSLUBREYTING Forsvars-
menn íþróttahreyfinga Reykja-
víkur óttast að breytingar á
stjórnkerfi Reykjavíkurborgar
dragi úr fjármagni til íþrótta- og
tómstundamála sé litið til lengri
tíma, segir Ragnar Reynisson for-
maður Íþróttabandalags Reykja-
víkur.
Vilhjálmur Þ. Vilhjálmsson
oddviti sjálfstæðismanna í borg-
arstjórn segir R-listann hafa
staðið í mörgum lítt hugsuðum
breytingum á stjórnkerfi Reykja-
víkurborgar.
Ragnar segir núverandi kerfi
ekki flókið. Með breytingunni
gæti hins vegar
orðið erfiðara að
ná til manna
sem hafi raun-
verulegan áhuga
á íþróttum:
„Við hræð-
umst að áherslun-
um verði breytt
og meiri peningar
verði settir í
menningarmálin
en íþróttamálin.
Við hræðumst að
eiga erfiðara með að þoka okkar
málum áfram í kerfinu,“ segir
Ragnar. Hann segir að þó hægt sé
að finna sameiginlega snertifleti
íþrótta- og menningarmála séu
málefnin í heildina ólík. Forkólfar
menningarmála nefni til dæmis
oft til sögunnar að nú hafi nægi-
lega verið byggt af íþróttahöllum
og fótboltavöllum, og að komið sé
að byggingu tónlistarhallar.
Vilhjálmur segir nauðsynlegt
að leitað verði samráðs um breyt-
ingarnar. „Markmiðið með breyt-
ingum á stjórnkerfi borgarinnar
á að vera að bæta og efla þjónustu
við borgarbúa og auðvelda þeim
aðgengi að stjórnsýslunni. Ekki
aðeins að gera breytingar breyt-
inganna vegna.“ ■
Verkfall veldur ekki
varanlegum skaða
Barnasálfræðingur segir ólíklegt að verkfall valdi fötluðum börnum varanlegum skaða. Þau geti
þó þurft sinn tíma til að jafna sig. Móðir fatlaðs drengs segir stöðuna vonlausa til lengri tíma.
KENNARAVERKFALL Þrátt fyrir mikla
röskun í lífi fatlaðra barna í verk-
falli kennara er ólíklegt að það
valdi þeim varanlegum skaða og
að þeim fari aftur, segir Gyða
Haraldsdóttir barnasálfræðingur
og sviðsstjóri á Miðstöð heilsu-
verndar barna. Hún segir það
geta tekið börnin daga, jafnvel
vikur að ná fyrra öryggi sem í lífi
þeirra var fyrir verkfallið.
Gerður Aagot Árnadóttir, for-
maður Foreldra- og styrktar-
félags Öskjuhlíðarskóla og móðir
11 ára drengs í skólanum, segir
stöðu fjölskyldna fatlaðra barna
vonlausa til lengri tíma. „Vikan er
búin að vera erfið og við finnum
það á krökkunum. Þau eru orðin
ör og þola illa þennan þvæling
milli staða.“ Hún segir son sinn
þurfa aðhald og vitneskju um að
hverju hann gangi. Hann eigi ekki
vini nema þá sem hann hitti í skól-
anum. Hann þurfi
að komast í sitt
fasta form.
Gyða segir
óheppileg áhrif
verkfalls kennara
verða meiri eftir
því sem það teyg-
ist á langinn: „Yfir
heildina kemur
svona röskun verr
við fötluð börn en
heilbrigð. Bæði af
því að þau þola
verr röskun á dag-
legum venjum og
líka að þau meiga
síður við að missa
af þeirri kennslu
og þálfun sem þau þurfa að fá.“
Gyða segir verkfallið ekki aðeins
snúa að börnunum sjálfum heldur
ekki síður fjölskyldulífi þeirra.
Gerður segir málflutning kenn-
ara um stöðu fatlaðra barna und-
arlegan. Hún hafi trúað því að
undanþága fengist svo börnin
gætu sótt skóla: „Það eru kennar-
arnir sem vinna mikið með fötluðu
börnunum sem þetta segja. Þetta
eru sömu kennararnir og berjast
fyrir bættum kjörum vegna þess
að vinna þeirra sé svo erfið, vegna
þess að það sé svo mikið að börn-
um með sérþarfir og vegna þess
að þeir þurfi að eyða svo miklum
tíma í undirbúning. Á sama tíma
segja þeir að það sé enginn munur
á börnunum. Það er okkur foreldr-
um fatlaðra barna óskiljanlegt.
Við höfum ekkert val. Okkur er
stillt upp við vegg. Verkfallið
bitnar á börnunum okkar og á öllu
fjölskyldulífinu. Það er hart að
þurfa að vera í þeirri stöðu.“
gag@frettabladid.is
Hornafjörður:
Fá börn í
dagvistun
VERKFALL Fá börn í Hornafirði
sækja í Hafnarskóla eftir klukkan
tvö á daginn þó starfsemi dagvist-
unarinnar sé í fullum gangi.
Um 400 börn sitja heima vegna
verkfallsins en húsverðir, skóla-
liðar, stuðningsfulltrúar, skrif-
stofufólk, starfsfólk mötuneyta og
skólastjórnendur mæta í vinnu.
Samkvæmt Samfélagsvef Horna-
fjarðar reynir starfsfólkið að
finna sér verkefni sem ekki teljast
í verkahring kennara. Tiltekt og
þrif sé þar helst á dagskrá og
segja gárungar skólann ekki hafa
verið eins hreinan síðan í síðasta
kennaraverkfalli árið 1995. ■
,,Vikan er
búin að
vera erfið
og við finn-
um það á
krökkunum.
Þau eru
orðin ör og
þola illa
þennan
þvæling
milli staða.
Eiga kennarar að veita undanþágu
vegna kennslu fatlaðra barna?
Spurning dagsins í dag:
Ætlarðu til útlanda í vetur?
Niðurstöður gærdagsins
á visir.is
15%
85%
Nei
Já
KJÖRKASSINN
Farðu inn á fréttahluta visir.is
og segðu þína skoðun
BRÚIN YFIR LAGARFLJÓT
Um 700 millilítrum af feiti var smurt á rör
og öxla. Hitaveitan dælir hundrað þúsund
lítrum af vatni á klukkustund.
Hitaveita Egilsstaða og
Fella:
Olíulykt af
heita vatninu
HÉRAÐ Héraðsbúum brá sumum í
brún á dögunum þegar olíufnyk
lagði af heita vatninu úr krönum
þeirra. Skipt var um dælu í einni af
borholum Hitaveitu Egilsstaða og
Fella og var notast við sérstaka
feiti til að skrúfa dæluna saman.
Liggur þar hundurinn grafinn.
Fnykinn lagði af feitinni.
Guðmundur Davíðsson hita-
veitustjóri sagði í samtali við
Fréttablaðið að feitin væri notuð í
matvælaiðnaði og vitaskuld algjör-
lega hættulaus. Lyktin fannst í tvo
til þrjá daga en síðan ekki söguna
meir. ■
Kennaraverkfall:
Sveitarfélögin
spara
KJARAMÁL Á fimmtudag, þegar
samninganefndir sveitarfélaga og
kennara koma aftur saman, hafa
sveitarfélögin sparað um 400
milljónir króna, sem hefðu annars
verið greiddar kennurum í laun.
Gera má ráð fyrir að meðalstórt
sveitarfélag á höfuðborgarsvæð-
inu spari um þrjár milljónir á dag
í verkfallinu og á fimmtudag
nemur því sparnaðurinn um 35
milljónum. Það er fjárhæð sem
dugar fyrir rekstri vinnuskóla
unglinga yfir sumartímann. ■
GYÐA HARALDSDÓTTIR
Segir að þegar skólum sleppi og ekkert annað taki við verði mikið rót og óvissa í lífi barn-
anna sem skapi óróleika hjá þeim. Ólíklegt sé þó að verkfallið valdi varanlegum skaða
eða að börnunum fari aftur.
1. Akraneskaupstaður óskaði eftir undanþágu svo hægt væri að kenna barni sem er alvarlega fatlað. Hafnað.
2. Skólastjóri Giljaskóla á Akureyri óskaði eftir undanþágu vegna fjölfatlaðra nemenda. Hafnað.
3. Fjölskylduráð Vestmannaeyja óskaði eftir undanþágu svo börn sem eiga við félagsleg, geðræn og hegðunarleg vandkvæði að
stríða gætu sótt skóla. Frestað.
4. Skólastjóri Kleppjárnsreykjaskóla óskaði eftir undanþágu svo nemendur á meðferðarheimilinu að Hvítárbakka gætu sótt nám. Hafnað.
5. Skólastjóri Síðuskóla á Akureyri óskaði eftir undanþágu svo hægt væri að kenna einhverfum börnum. Hafnað.
6. Skólastjóri Öskjuhlíðarskóla óskaði um undanþágu fyrir 39 kennara skólans til að kenna þroskaheftum og fjölfötluðum nemend-
um skólans. Hafnað.
7. Skólastjóri Safamýrarskóla óskaði eftir undanþágu svo 19 fjölfatlaðir nemendur gætu sótt skólann. Hafnað.
8. Aðstoðarskólastjóri Grunnskólans á Ísafirði óskaði eftir undanþágu vegna nemenda við sérdeild skólans. Frestað.
9. Þroskahjálp á Norðurlandi eystra óskaði eftir undanþágu vegna fatlaðra barna í skóla og dagvistun á Akureyri. Formgalli.
10. Aðstoðarskólastjóri Oddeyrarskóla á Akureyri óskaði eftir undanþágu vegna nemanda við sérdeild skólans. Frestað.
11. Yfirlæknir BUGL, Landspítala-háskólasjúkrahúsi óskaði eftir undanþágu vegna kennslu við Brúarskóla. Formgalli.
12. Skólastjóri Vallaskóla á Selfossi óskaði eftir undanþágu til að raska ekki skólagöngu fjölfatlaðra nemenda. Hafnað
13. Skólastjóri Mýrarskóla óskaði eftir undanþágu vegna fjögurra fatlaðra nemenda. Afgreiðslu frestað.
FR
ÉT
TA
B
LA
Ð
IÐ
/H
AR
I
Norræna ráðherranefndin veitir styrk til að varpa ljósi á kynbundinn launamun:
Launamisrétti rannsakað
FÉLAGSMÁL Launamunur kynjanna
á Norðurlöndunum hefur lítið
minnkað á umliðnum árum og
jafnvel aukist. Þetta hefur gerst
þrátt fyrir viðamikla löggjöf sem
ætlað er að tryggja jafnrétti í
þessum efnum.
Norræna ráðherranefndin á
sviði jafnréttismála hefur veitt
verkefninu Mælistikur á launa-
jafnrétti styrk upp á rúmar átta
milljónir króna en því er ætlað að
varpa ljósi á kynbundinn launa-
mun á Norðurlöndunum. Greina á
upplýsingar um laun og lagðar til
leiðir til úrbóta. Dr. Lilja Móses-
dóttir, prófessor við Viðskiptahá-
skólann á Bifröst, stýrir verkefn-
inu.
Í tilkynningu frá félagsmála-
ráðuneytinu segir að vonast sé til
að nákvæm greining á stöðunni
verði stórt skref í átt að því að
snúa þróuninni við. ■
ÁRNI MAGNÚSSON FÉLAGSMÁLARÁÐHERRA
Launamunur kynjanna á Norðurlöndunum hefur aukist undanfarin ár þrátt fyrir viðamikla
löggjöf sem sporna átti gegn því.
VILHJÁLMUR Þ.
VILHJÁLMSSON
Nauðsynlegt að
hafa samráð.