Fréttablaðið - 27.09.2004, Blaðsíða 6

ATVINNUMÁL Siglfirðingar hafa
þungar áhyggjur af atvinnu-
málum í bænum en störfum
hefur snarfækkað á undanförn-
um árum og íbúum um leið.
Nýjasta höggið er rækjubrestur-
inn sem kemur sárlega niður á
Siglufirði og bendir flest til þess
að Þormóður rammi - Sæberg
leggi tveimur rækjutogara sinna
og geri þann þriðja út, annars
staðar frá.
Á félagsfundi Verkalýðsfélags-
ins Vöku á laugardag var sam-
þykkt ályktun þar sem þeir sem
vettlingi geta valdið eru hvattir til
að sameinast um að snúa vörn í
sókn.
Signý Jóhannesdóttir formað-
ur Vöku segir að gífurlegur sam-
dráttur hafi orðið á skömmum
tíma. „Fyrir nokkrum árum unnu
25 félagsmenn í síldarverksmiðj-
unni, nú eru þeir sex. Þá voru átta
á skrifstofunni en eru tveir í dag.
Fyrir örfáum árum unnu 120
manns á tuttugu tíma vöktum
á sólarhring, sex daga vikunnar,
í rækjuverksmiðju Þormóðs
ramma - Sæbergs. Núna eru þar
60 manns á sextán tíma vöktum,
fimm daga vikunnar. Yfir tuttugu
manns unnu í rækjuvinnslunni
Pólum, það fyrirtæki hefur lagt
upp laupana. Siglfirðingur hf.
gerði út tvö frystiskip, þau eru
horfin og í þeirra stað kominn
smábáturinn Keilir. Störfum sjó-
manna hefur fækkað hjá Þormóði
ramma - Sæbergi. Svona get ég
haldið áfram,“ segir Signý og
bendir á að allur þessi samdráttur
komi að auki illa niður á þjónustu-
fyrirtækjum í landi.
Hún var í gær á leið til Reykja-
víkur með bílinn sinn í sprautun,
einhvern tíma hefði slíka þjón-
ustu verið að fá á Siglufirði.
Signý segir að um tuttugu
manns séu á atvinnuleysisskrá en
það gefi reyndar ekki rétta mynd
af ástandinu því fólk flytji úr
bænum þegar það missi vinnuna.
Ólafur Kárason formaður bæj-
arráðs Siglufjarðar segir ástandið
dapurt og að enn geti dökknað.
„Hljóðið er þungt í bæjarbúum en
það má ekki mála þetta of dökkum
litum. Við verðum að halda í bjart-
sýnina,“ sagði hann í spjalli í gær.
Ólafur gat ekki svarað með
hvaða hætti bæjarstjórnin gæti
komið að málum en sagði þó
stefnt að því að hitta forsætisráð-
herra að máli. „Við ætlum að
reyna að funda með honum og
fara yfir stöðuna.“ Óvíst er
hvenær af fundinum getur orðið
en fulltrúar bæjarins eru á suður-
leið á þriðjudag til árlegra við-
ræðna við fjárlaganefnd Alþingis.
Reynt verður að hitta ráðherrann
í leiðinni.
Ólafur Kárason er trúr þeirri
afstöðu sinni að bjartsýni sé
nauðsynleg og svarar, „auðvitað
eru alltaf tækifæri,“ spurður
hvort einhver leið sé út úr vand-
anum.
bjorn@frettabladid.is
6 27. september 2004 MÁNUDAGUR
HEILBRIGÐISMÁL Sautján milljónir
manna deyja ár hvert úr hjarta-
sjúkdómum eða hjartaáföllum.
Það er um þriðjungur þeirra sem
deyja á ári í heiminum. Þetta
kom fram á fundi Alþjóðlegu
heilbrigðismálastofnunarinnar
sem haldinn var í tilefni alþjóð-
lega hjartadagsins sem var í
dag.
Í bók sem gefin var út í tilefni
dagsins kemur fram að áttatíu
prósent þeirra sem teljast líklegir
til að deyja úr hjartasjúkdómum
séu úr meðal- eða láglaunahópum.
Þá hafa hjartasjúkdómar greinst í
auknum mæli í börnum og konum,
vegna óheilbrigðra lífshátta, hás
blóðþrýstings, offitu, sykursýki,
reykinga og lélegs líkamlegs
ástands. Of feit börn eru talin
þrisvar til fimm sinnum líklegri
en önnur börn til að fá hjarta-
áfall fyrir 65 ára aldur. ■
Störfum fækkar jafnt
og þétt á Siglufirði
Erfiðleikar eru í atvinnumálum Siglufjarðar. Gífurlegur samdráttur á undanförnum árum, segir
formaður verkalýðsfélagsins. Verðum að vera bjartsýn, segir formaður bæjarráðs.
Ölvaðir undir stýri:
Ók út af
LÖGREGLA Á Dalvík var einn öku-
maður handtekinn grunaður um
ölvun við akstur klukkan tvö að-
faranótt sunnudags. Ökumaður-
inn, sem var ung stúlka, missti
stjórn á bílnum og fór hann út af
veginum. Enginn skaði varð,
hvorki á eignum né fólki.
Á Eskifirði var einn ökumaður
handtekinn aðfaranótt sunnudags,
grunaður um að aka bíl undir
áhrifum áfengis. Ökumaðurinn ók
bílnum út af veginum en engin
slys urðu á fólki og ekki heldur
eignaskaði.
Í Reykjavík var einn ökumaður
tekinn, grunaður um að hafa ekið
bifreið undir áhrifum áfengis í
gærmorgun. ■
VEISTU SVARIÐ?
1Hvað kallast fjórði fellibylurinn semfór yfir Flórídaskagann á síðustu sex
vikum?
2Hve margar undanþágubeiðnir hafaborist í verkfalli kennara?
3Hver er formaður Rafiðnaðarsam-bands Íslands?
Svörin eru á bls. 30
BÍLVELTA Á VESTURLANDSVEGI
Tveir menn hlupu af vettvangi
eftir bílveltu á Vesturlandsvegi
aðfaranótt laugardags. Hafa þeir
báðir gefið sig fram við lögreglu.
Fimm manns voru í bílnum og voru
allir ölvaðir. Mennirnir virtu ekki
merkingar um hjáleið og keyrðu á
steinstólpa þar sem framkvæmdir
standa yfir og veltu bílnum.
ÖLVUNARAKSTUR Á HÖFN Lög-
reglan á Höfn hafði afskipti af
manni föstudagsnóttina og reynd-
ist hann vera ölvaður undir stýri.
■ LÖGREGLUFRÉTTIR
■ DÓMSMÁL
ÓK FULLUR Ríflega fimmtugur
maður var dæmdur í Héraðsdómi
Reykjavíkur fyrir að aka undir
áhrifum áfengis fyrir rúmu ári.
Maðurinn var stöðvaður af lög-
reglu á leiðinni til Patreksfjarðar
og mældist vínandamagn í blóði
hans 2 prómill. Maðurinn þarf að
greiða 130 þúsund króna sekt og
missir ökuréttindin í eitt ár.
OFFITA
Ein helsta ástæða hjartasjúkdóma.
Fundur Alþjóða heilbrigðisstofnunarinnar vegna alþjóðlega hjartadagsins:
Þriðjungur deyr úr hjartakvillum
FRÁ SIGLUFIRÐI
Enn eru blikur á lofti í atvinnumálum Siglfirðinga. Rækjubresturinn kemur illa niður á
Þormóði ramma - Sæbergi og þar með fjölmörgum íbúum bæjarins.