Fréttablaðið - 27.09.2004, Blaðsíða 57
MÁNUDAGUR 27. september 2004
Noel Gallagher hefur ljóstrað upp
útgáfudegi nýrrar plötu hljóm-
sveitarinnar Oasis. Þeir félagar
hafa sett sér þann 26. maí sem
takmark fyrir útgáfu á plötunni,
sem er löngu kominn tími á. „Við
ætluðum fyrst að gefa okkur nóg-
an tíma og bara klára þegar við
kláruðum. En núna er þetta búið
að ganga svo lengi og við ekki
búnir að vera nógu duglegir svo
að núna neyðumst við bara til að
klára fyrir þennan dag.“ Noel
segir bróður sinn þó vera búinn að
semja heil 66 lög fyrir plötuna.
„Hann neyðist víst til að hefja sóló-
feril því að ég ætla ekki að gefa út
þrefalda plötu,“ segir Noel. ■
■ TÓNLIST
OASIS Ný plata kemur í lok maí svo aðdá-
endur sveitarinnar geta farið að hlakka til.
Oasis-plata í maí
Þegar Beyoncé hóf sólóferil sinn
með útgáfu plötunnar Dangerously
In Love grunaði marga að tríóið
Destiny’s Child myndi lyppast
niður. En með útgáfu plötunnar
Destiny Fulfilled 16. nóvember
næstkomandi, munu þessar raddir
kveðnar niður. „Við þurftum smá
tíma í burtu frá hvor annarri. Við
höfum þroskast tónlistarlega og til-
finningalega séð og enduðum með
meira efni til að semja um.“ segir
Michelle Williams. Tríóið ákvað að
byrja að búa til tónlist saman aftur
eftir að þær komu fram sumarið
2003 á Jamaica’s Reggea Sunfest
hátíðinni. „Þetta var ótrúlegt,“ sagði
Beyoncé. „Orkan var svo rosaleg og
við fórum að tala saman um hvað
við ættum að gera, hver stíllinn
okkar ætti að vera og hvernig
platan ætti að hljóma,“ segir
Beyoncé Knowles ánægð með end-
urkomu tríósins. ■
■ TÓNLIST
BEYONCÉ KNOWLES Er að vonum ánægð með endurkomuna.
Ástin er eins og sinueldur, ástin er
segulstál, af litlum neista verður
oft mikið bál. Eða er það ekki?
Wicker Park er ástarsaga með
Josh Harnett og þýsku skvísunni
Diane Kruger (Helenu úr Tróju-
stríðinu) í aðalhlutverkum. Er víst
endurgerð útgáfa af franskri
mynd sem skartaði Monicu
Bellucci í aðalhlutverki. Þetta vissi
ég ekki áður en ég fór að sjá mynd-
ina og skiptir kannski litlu máli.
Það besta við þessa mynd er að
í henni er frumleg flétta. Fljótlega
verður áhorfandinn var við að
ekki er allt sem sýnist. Ég verð að
viðurkenna að margt kom mér í
opna skjöldu og handritshöfund-
urinn náði að snúa upp á mig.
Það versta við þessa mynd er
að leikararnir standa ekki allir
undir hlutverkum sínum. Josh
Harnett sleppur fyrir horn með
hvolpaaugun sín, en mótleikkona
hans, Diane Kruger, er arfaslöpp.
Hún virkar aldrei sannfærandi og
hún er alltaf eins í framan... hvort
sem hún er að elskast, væla, rífast
eða að velta hlutunum fyrir sér.
Ástralska leikkonan Rose Byrne
er miklu betri. Svo skemmir ekki
að Jóhann úr Apparat og sætu
krakkarnir í múm sjá um tónlist-
ina í öllum mikilvægustu atriðum
myndarinnar.
Birgir Örn Steinarsson
Hvolpaást
WICKER PARK
LEIKSTJÓRI: PAUL MCGUIGAN
AÐALHLUTVERK: JOSH HARNETT OG
DIANE KRUGER.
Bandaríkin 2004
NIÐURSTAÐA: Ágætis ástarsaga, stútfull af
íslenskri tónlist. Ágætis mynd en líður þó fyrir
slappan leik Diane Krigur, sem virðist einungis
vera augnakonfekt.
[ KVIKMYNDIR ]
UMFJÖLLUN
Destiny’s Child
vaxnar úr grasi