Fréttablaðið - 27.09.2004, Blaðsíða 64
SÍMANÚMER FRÉTTABLAÐSINS: 550 5000, fax: 550 5099 Ritstjórn: 550 5005, fax: 550 5006, ritstjorn@frettabladid.is
Auglýsinga- og markaðsdeild: 550 5010 - fax 550 2727, auglysingar@frettabladid.is Veffang: visir.is
VI Ð S EG J U M F R É T T I R SM Á A U G L Ý S I N G AS Í M I N N E R 550 5000
Það er sunnudagur (þegar ég skrifa; sennilega mánudagur
þegar þú lest) og maður byrjar dag-
inn á að glugga í fréttirnar á vef-
setri RUV: Uppreisn í Nígeríu
hækkar olíuverð. (Alltaf allt brjálað
kringum olíuna, nema kannski í
Noregi). Einn helsti leiðtogi Hamas-
samtaka Palestínumanna var drep-
inn með bílasprengju í Damaskus.
(Harmsagan endalausa). Rannsókn-
ardómari í Chile yfirheyrði Pin-
ochet, fyrrverandi einræðisherra,
um hvarf 19 stjórnarandstæðinga á
8. áratugnum (betra seint en
aldrei?). Bandarísk herflugvél skaut
stýriflaug á hús í Falluja í Írak í
nótt. 10 andspyrnumenn voru á
fundi í húsinu. (Þetta hefur náttúr-
lega verið nauðsynlegt til að mjaka
Írökum í lýðræðisátt).
ÞAÐ er eins og fyrri daginn: allt
bandbrjálað úti í heimi. Best að kíkja
á innlendu fréttirnar: Jarðskjálftar á
Reykjaneshrygg í nótt. Slökkvilið
höfuðborgarsvæðisins var kallað að
sambýli fatlaðra að Reykjadal nú á
áttunda tímanum. Þyrla Landhelgis-
gæslunnar sótti mann með alvarlega
höfuðáverka
til Bíldudals í morgun. Siglufjörður:
Atvinnuástand slæmt. Útgerð
þriggja rækjuskipa á Siglufirði
verður hætt 1. desember að
óbreyttu. Rætt hefur verið að fá
fund með forsætisráðherra vegna
bágs atvinnuástands. En tugir manna
í rækjuvinnslu hafa misst vinnuna.
Rækjuveiðar hafa verið óarðbærar í
nokkur misseri, lítið veiðist af
rækju, lágt verð er fyrir afurðirnar
og olíuverð er hátt. (Enda er verið að
berjast í Írak og Nígeríu eins og
áður hefur komið fram).
ERU virkilega engar góðar fréttir
á þessum sunnudagsmorgni? „Geit-
in” frumsýnd hjá LR í kvöld. Leikfé-
lag Reykjavíkur frumsýnir í Borg-
arleikhúsinu leikritið „Geitina”, eða
„Hver er Silvía?” eftir bandaríska
leikritahöfundinn Edward Albee.
Geitin fjallar um arkitekt á hátindi
ferils síns sem verður ástfanginn af
geit sem er miklu yngri en hann.
JAHÁ! Þessi vika byrjar á svipaðan
hátt og svo margar aðrar. Allt virð-
ist vera við það sama í veröldinni.
Skyldi maður verða ofbeldishneigð-
ur af því að fylgjast með fréttum?
Eða bara ringlaður? ■
BAKÞANKAR
ÞRÁINS BERTELSSONAR
SJÓNVARPSDAGSKRÁ
VIKUNNAR »
Í fréttum var
þetta helst: