Fréttablaðið - 28.09.2004, Blaðsíða 8

8 28. september 2004 ÞRIÐJUDAGUR
SVEITARSTJÓRN Tillaga að nýju aðal-
skipulagi Þingvallasveitar gerir
ráð fyrir að landeigendum verði
heimil stórfelld uppbygging sum-
arhúsabyggða, bæði með þéttingu
núverandi svæða og nýjum sumar-
bústöðum.
Drög sveitarfélagsins Bláskóg-
arbyggðar að aðalskipulagi sveit-
arinnar voru kynntar á opnum
fundi með íbúum sem haldinn var í
Hótel Valhöll á Þingvöllum síðasta
laugardag. Um 500 sumarbústaðir
eru nú þegar í Þingvallasveit, en
skipulagið gerir ráð fyrir að bygg-
ja megi 20 ný hús á hverri jörð,
auk þess að þétta sumarhúsabyggð
sem þegar er til. Á fundinum
spunnust nokkrar umræður um til-
lögur í þá veru að ekki verði byggt
nær vatninu en í 100 metra fjar-
lægð. Þóttu sumum landeigendum
fulllangt gengið, en í náttúru-
verndarlögum er kveðið á um 50
metra óbyggt belti umhverfis
vötn.
Sveinn A. Sæland, oddviti Blá-
skógabyggðar, sagði að í kjölfar
kynningar sveitarfélagsins á aðal-
skipulagsdrögunum verði sótt um
heimild til Skipulagsstofnunar til
að auglýsa aðalskipulagið með lög-
formlegum hætti. „Í því ferli gefst
hlutaðeigandi svo kostur á að
koma með athugasemdir,“ sagði
hann. Á fundinum kom fram að
skipulagið verði trúlega auglýst
um miðjan nóvember og hægt
verði að skila inn athugasemdum í
6 vikur eftir að auglýsing hefst. ■
Rússland er orðið
amerísk nýlenda
Boris Spasskí, fyrrverandi heimsmeistari í skák, telur að hagur almenn-
ings hafi versnað í heimalandi sínu eftir að Sovétríkin voru leyst upp.
Spasskí hefur tekið að sér ritstjórn skáktímarits í Pétursborg.
VIÐTAL Nafn Boris Spasskí, fyrr-
verandi heimsmeistara, verður
trúlega alltaf tengt Bobby Fischer
og einvígi aldarinnar í Reykjavik.
Spasskí hefur verið búsettur í
Frakklandi undanfarna áratugi og
er franskur ríkisborgari, kvæntur
franskri konu.
Spasskí var verndari skák-
keppni liða alþingis og frönsku
öldungadeildarinnar sem fjórir
stórmeistarar frá hvorri þjóð
háðu um helgina.
Talið berst auðvitað að Bobby
Fischer þar sem við setjumst nið-
ur yfir bjórglasi á hóteli í París.
„Bobby Fischer er vinur minn og
er búinn að vera það í meira en 40
ár. Þú veist hvað ég hef sagt um
mál hans og ég stend við það,“
segir Spasskí og segist ekki vilja
tala meira um þetta mál, svo sorg-
legt sé það.
Daginn eftir vill Spassky út-
skýra að hann skuli ekki vilja tjá
sig meira um Fischer. „Ég hugsa
mikið til hans og mig tekur þetta
sárt. Ég hef sagt allt sem hægt er
að segja: Bobby hefur sterka rétt-
lætiskennd en er því miður ekki
mikil félagsvera. Ég vona að
Bandaríkjamenn sjái að sér,“ seg-
ir Spasskí daginn eftir hótelfund
okkar og kennir greinilega í
brjósti um sinn gamla keppinaut.
Spasskí tefldi gegn Fischer í
Svartfjallalandi 1992 og átti að
endurtaka einvígi aldarinnar.
Bandaríkjastjórn hefur síðan
reynt að koma lögum yfir Fischer
fyrir að rjúfa viðskiptabann Sam-
einuðu þjóðanna. Frönsk stjórn-
völd hreyfðu hins vegar hvorki
legg né lið gegn Spasskí, sem varð
franskur ríkisborgari 1978.
Spasskí skoraði á Bush Banda-
ríkjaforseta að láta handtaka sig
líka; setja í sama fangaklefa og
Bobby Fischer og leyfa þeim að
tefla.
Boris Spasskí neitaði alla tíð að
ganga í sovéska kommúnista-
flokkinn og komst upp á kant við
sovésk yfirvöld eftir einvígið í
Reykjavík. Hann er þó ekki mikið
hrifnari af núverandi valdhöfum.
„Almenningur bjó við fátækt á
tímum Sovétríkjanna; nú ríkir
hrein örbirgð,“ segir Spasskí, „og
því miður er ekki hægt að segja
annað en að Rússland sé orðið ný-
lenda, amerísk nýlenda.“
Spassky stendur raunar á
nokkrum tímamótum því hann
hefur tekið að sér að verða rit-
stjóri skáktímarits sem gefið er út
í Pétursborg. „Ég verð áfram bú-
settur í París og verð hér að
mestu leyti; það er allt hægt með
nútímatækni,“ segir skákmeistar-
inn og Íslandsvinurinn Boris
Spasskí. a.snaevarr@frettabladid.is
Sameining Tækniháskóla Íslands og Háskólans í Reykjavík:
Viðræður fram í næsta mánuð
MENNTAMÁL Niðurstöðu úr samein-
ingarviðræðum Tækniháskóla Ís-
lands og Háskólans í Reykjavík er
ekki að vænta fyrr en undir miðj-
an næsta mánuð, að sögn Stefaníu
Katrínar Karlsdóttur, rektors
Tækniháskólans. Þegar viðræður
hófust var gert ráð fyrir að niður-
staða lægi fyrir núna í september-
lok.
„Viðræðurnar ganga vel, en
það er ekki búið að taka neina
ákvörðun,“ sagði Stefanía Katrín
og bjóst ekki við ákvörðun fyrr en
um eða upp úr 10. október. „Það
koma margir að málinu og ef til
vill full mikil bjartsýni að ætla að
klára þetta fyrir lok september,“
sagði hún.
Guðmundur Árnason, ráðu-
neytisstjóri í menntamálaráðu-
neytinu, stýrir viðræðunum fyrir
hönd ríkisins. Að viðræðunum
koma Samtök atvinnulífsins, Sam-
tök iðnaðarins og Verslunarráð Ís-
lands sem væntanlegir bakhjarlar
sameinaðs háskóla. Komi þeir sér
saman taka við viðræður um að-
komu ríkisins. ■
FÍKNIEFNABROT Á ÍSLANDI
FRÁ 1. JANÚAR TIL
23. SEPTEMBER 2004
Brotaflokkur Fjöldi
Dreifing/sala 82
Innflutningur 116
Varsla/neysla 837
Framleiðsla 24
Ýmis brot 126
Samtals 1.185
Heimild: Lögregluvefurinn
– hefur þú séð DV í dag?
Sigurður s at inni fyrir
að hrist a barn til dauða
Dæmdi dagpabbinn
vill börnin sín aftur
STEFANÍA KATRÍN KARLSDÓTTIR
Rektor Tækniháskóla Íslands segir viðræð-
ur um sameiningu Tækniháskólans og Há-
skólans í Reykjavík ganga vel.
BORIS SPASSKÍ Í PARÍS
Boris Spasskí hefur skorað á Bush að láta loka sig inni í fangaklefa með Bobby Fischer; með einu skilyrði: „Látið okkur fá tafl.“
FR
ÉT
TA
B
LA
Ð
IÐ
/Á
SG
EI
R
FR
IÐ
G
EI
R
SS
O
N
SVEINN A. SÆLAND, ODDVITI BLÁSKÓGABYGGÐAR
Drög að aðalskipulagi Þingvallasveitar taka á fjölmörgum atriðum svo sem vatnsverndar-
sviði Þingvallavatns, notkun og geymslu spilliefna og ásýnd byggðar.
FR
ÉT
TA
B
LA
Ð
IÐ
/Ó
.K
.Á
.
SVONA ERUM VIÐ
Aðalskipulag Þingvallasveitar:
Ætla að fjölga
sumarbústöðum