Fréttablaðið - 29.09.2004, Blaðsíða 10

10 29. september 2004 MIÐVIKUDAGUR
VEIT Á HLÝTT VOR
Tískufrömuðurinn Giorgio Armani sýndi
vor- og sumartísku sína í Mílanó í gær.
Armani býst við mildu vori og hlýju sumri
ef marka má klæðaburð sýningastúlkna
hans.
Viðbrögð við verkfalli kennara:
Börnin send í skóla til Danmerkur
VERKFALL Hjónin Þórdís Sigurðar-
dóttir og Jeff Clemmensen ætla
senda börnin sín í grunnskóla til
Danmerkur. Börnin tvö, þau
Henry Fannar, 10 ára, og Agnes
Fönn, 8 ára, fara utan á mánudag-
inn og eru þau þegar búin að fá
skólavist og skiptir engu hvort
kennaraverkfallið leysist í vik-
unni eða ekki.
Jeff Clemmensen er mjólkur-
fræðingur sem hefur verið bú-
settur í Neskaupstað í 15 ár. Hann
segir verkfallið skelfilegt. Ekki
aðeins að það bitni á námi barn-
anna heldur setji það allt heimilis-
lífið úr skorðum. „Ég skil ekki
þetta verkfall,“ segir Jeff. „Þegar
danskir kennarar fóru í verkfall
þá stóð það í einn dag. Og að því er
ég best veit þá er kennsluskylda
og viðvera danskra kennara mun
meiri en hér.“
Verkfall kennara hófst mánu-
daginn 20. september og hefur
það áhrif á skólagöngu um 45 þús-
und íslenskra barna. ■
Kynferðisafbrotamenn
kúgaðir í fangelsum
Fangelsismálastofnun hefur skorið upp herör gegn einelti í fangelsum landsins. Forstjórinn segir
óþolandi þegar fangar sem sjálfir hafi gerst sekir um alvarlega glæpi setji sig á háan hest gagn-
vart ákveðnum hópi fanga eins og kynferðisafbrotamönnum.
FANGELSISMÁL Kynferðisglæpa-
menn hafa löngum verið fyrirlitn-
ir af samföngum sínum, sem
gjarnan ráðast á þá með fúkyrð-
um og jafnvel ofbeldi, að sögn Ara
Björns Thorarensen, formanns
Fangavarðafélags Íslands. Valtýr
Sigurðsson, forstjóri Fangelsis-
málastofnunar, sendi fyrir
skömmu bréf til fanga þar sem
segir að tekið verði á einelti og
þeir sem gerist sekir um slíkt
megi búast við agaviðurlögum.
Ari Björn segir eineltið helst
vera í formi fúkyrða sem kölluð
eru á eftir mönnum úti við og á
fangelsisgöngunum, en hann viti
þó um tilfelli þar sem ofbeldi hafi
verið beitt. Einnig séu dæmi um
að föngum sé boðið að kaupa sér
vernd og peningar teknir þannig
frá þeim.
Valtýr sendi bréf til fanga í ís-
lenskum fangelsum vegna ábend-
inga og kvartana frá föngum, að-
standendum og lögmönnum vegna
eineltis og ofbeldis sem fangar
sæta af öðrum föngum. Eineltið
beinist mest gegn kynferðisbrota-
mönnum. Valtýr segir suma þeirra
varla treysta sér út úr fangaklefun-
um og þeir nýti því ekki útivistar-
eða íþróttaaðstöðu. Því skjóti
skökku við að á sama tíma og fang-
ar beiti sér fyrir bættum aðbúnaði
og geri kröfur um aukin réttindi
séu fangar sem sýni samföngum
sínum vanvirðingu og beiti þá jafn-
vel andlegu og líkamlegu ofbeldi.
Hann segir stofnunina gera það sem
hægt sé til að stöðva eineltið. „Það
er óþolandi þegar einstaka fangar
sem hafa kannski sjálfir gerst sekir
um mjög alvarleg brot eru að setja
sig á háan hest gagnvart tilteknum
hópi fanga,“ segir Valtýr.
Ari Björn segir fangaverði
taka heils hugar undir með Valtý.
Erfitt sé að eiga við einelti í fang-
elsum líkt og í skólum. Samstillt
átak allra sem komi að málunum
þurfi til að hlutirnir breytist.
hrs@frettabladid.is
Heilbrigðisráðherra:
Styrkir 13
verkefni
HEILBRIGÐISMÁL Jón Kristjánsson,
heilbrigðis- og tryggingamálaráð-
herra, veitti í gær
13 styrki til gæða-
verkefna í heil-
brigðisþjónustunni
er námu samtals
tveimur og hálfri
milljón króna.
Hæsti styrkurinn
var 350 þúsund
krónur en styrkt voru gæðaverk-
efni í heilbrigðisþjónustunni víðs
vegar um landið. Verkefnin sem
styrkt eru tengjast meðal annars
heilsugæslu, sjúkrahússþjónustu
og öldrunarþjónustu. ■
Á KOSNINGAFERÐALAGI
Bush heldur drjúgu forskoti á Kerry sam-
kvæmt flestum könnunum.
Skoðanakannanir:
Byr í seglin
fyrir Bush
BANDARÍKIN, AP George W. Bush
Bandaríkjaforseti hefur drjúgt
forskot á keppinaut sinn í for-
setakosningunum í haust, John
Kerry, samkvæmt nýjum skoð-
anakönnunum.
Samkvæmt Gallup-könnun
fyrir CNN og USA Today styðja
52 prósent líklegra kjósenda
Bush, 44 prósent Kerry og þrjú
prósent óháða frambjóðandann
Ralph Nader. Í könnun fyrir Was-
hington Post og ABC-sjónvarps-
stöðina mældist Bush með 51
prósents fylgi, Kerry með 45
prósent og Nader með einungis
eitt prósent. ■
Þjóðgarðurinn í Jökulsárgljúfrum:
Metfjöldi tjaldgesta í Ásbyrgi
FERÐAMÁL Metfjöldi heimsótti
Jökulsárgljúfur í sumar að sögn
Árna Bragasonar, forstöðumanns
umhverfisverndarsviðs Náttúru-
fræðistofnunar. Hann segir að
aldrei hafi fleiri sótt tjaldstæðin í
Ásbyrgi og í Vesturdal heim, hvort
sem um er að ræða Íslendinga eða
útlenda ferðamenn. „Það sem er
einna ánægjulegast við þetta er að í
hópnum í ár eru 14 þúsund Íslend-
ingar.“ Hann segir einsýnt að veður
ráði mestu um komur Íslendinga.
„Enda er alltaf gott veður í Ás-
byrgi,“ segir hann.
Árni segir það há svæðinu að
bændagistingu vanti en hún sé sem
betur fer að byggjast upp. „Síðan
gerir deiliskipulag ráð fyrir lóð
undir hótel í mynni Ásbyrgis í landi
þjóðgarðsins. Þar vonumst við til að
einhver vilji byggja hótel,“ segir
hann og telur ekki skipta máli þótt
tjaldstæðin missi þá kannski spón
úr aski sínum. „Við erum í fræðslu
og náttúruvernd og bara ánægju-
legt ef aðrir geta byggt upp ferða-
mannaþjónustu og haft tekjur af.
Meðal annars er jú tilgangurinn
með starfi okkar að nýta svæðin á
þann hátt að þau varðveitist til
lengri tíma og helst að einhverjir
geti haft af því tekjur.“ ■
ÁSBYRGI
Aldrei hafa fleiri sótt Ásbyrgi heim en núna í sumar.
FRÁ LITLA-HRAUNI
Einelti í fangelsum beinist helst gegn kynferðisafbrotamönnum, en þeir hafa lengi verið fyrirlitnir af öðrum föngum.
FR
ÉT
TA
B
LA
Ð
IÐ
/E
.Ó
L.
M
YN
D
/A
P
JÓN KRIST-
JÁNSSONÁ LEIÐ TIL DANMERKUR
Jeff Clemmensen ásamt börnum sínum Henry Fannari og Agnesi Fönn við heimili þeirra í
Neskaupstað.
M
YN
D
/E
LM
A
G
U
Ð
M
U
N
D
SD
Ó
TT
IR
GESTAFJÖLDI Á TJALDSTÆÐUM
Í JÖKULSÁRGLJÚFRUM:
2001 13.477
2002 19.278
2003 17.465
2004 19.705
Heimild: Umhverfisstofnun