Fréttablaðið - 29.09.2004, Blaðsíða 11
11MIÐVIKUDAGUR 29. september 2004
N
O
N
N
I
O
G
M
A
N
N
I
I
Y
D
D
A
/
s
ia
.i
s
/
N
M
1
3
4
0
5
800 7000 - siminn.is
* Tilboðið miðast við 12 mánaða binditíma og gildir fyrir uppsetningu á beininum og einni tölvu.
Ath! Internetáskrift með 750 MB inniföldu gagnamagni kostar 5.700 kr. á mánuði.
Við hjálpum þér
að láta það gerast
Notaðu tækifærið og vertu í góðu netsambandi hvar sem
er heima hjá þér. Við mætum á staðinn og setjum upp
þráðlausa Internettengingu þér að kostnaðarlausu ef þú
kaupir Internetáskrift með 750 MB inniföldu gagnamagni.
Komdu í næstu verslun Símans
og við komum svo heim til þín.
hjá Símanum til 30. september*
Frí uppsetning á
Þráðlausu Interneti
• 5 netföng, með
50MB
geymsluplássi
• Öflugar varnir gegn
vírusum og
ruslpósti
• Beinn aðgangur að
tugum leikjaþjóna
• Viðbótarþjónusta,
t.d. öryggispakki
Símans
Af hverju ættir þú að gerast
áskrifandi að Þráðlausu Interneti?
Við komum
heim til þín og
setjum upp
Þráðlausa
Internetið
2.490kr.
Verð á búnaði:
*
„Ég tek ekki við greiðslu“
Flóttafangar:
Teknir aftur
SVÍÞJÓÐ, AP Fangarnir tveir sem
flýðu úr fangelsi vestur af Stokk-
hólmi í síðustu viku eru á bak vil
lás og slá á ný. Fangarnir fundust
nærri Örebro og gáfu sig að lok-
um á vald lögreglu. Áður en til
þess kom áttu þeir þó í löngum
samningaviðræðum við lögreglu
og meðan á þeim stóð skaut annar
fanginn úr haglabyssu að flugvél
sem sveimaði yfir með spennta
fréttamenn.
Fanginn sem skaut að flugvél-
inni afplánar fangelsisdóm fyrir
morð. Hinn fanginn var fundinn
sekur um stórfelld fíkniefnabrot.
Flótti þeirra var þriðji fangaflótt-
inn í Svíþjóð frá því í júlí og varð
fangelsismálastjóri að segja af
sér. ■
Umferðartafir sendibíla:
Hálfur milljarður í kostnað
SAMGÖNGUR Umferðartafir í
Reykjavík kosta sendibíla í
borginni 525 milljónir á ári
hverju, samkvæmt útreikning-
um Kristins Vilbergssonar,
framkvæmdastjóra Dreifingar-
miðstöðvarinnar og Vörubíls.
Kristinn gerir ráð fyrir að um 5
prósent af heildaraksturstíma
sendibíla fari í umferðartafir,
eða um 275 klukkustundir í mán-
uði. Hann segir um 1.500 sendi-
bíla í borginni og áætlar 1.850
króna kostnað á tímann.
Kristinn var annar frummæl-
enda á opnum fundi sem Vörður,
fulltrúaráð Sjálfstæðisfélag-
anna í Reykjavík og borgar-
stjórnarflokkur Sjálfstæðis-
flokksins héldu í hádeginu í gær
um umferðarmál í höfuðborg-
inni. Fundurinn var sá fyrsti í
fundaröð sem kölluð er „Fram-
tíð Reykjavíkur“.
Vilhjálmur Þ. Vilhjálmsson,
oddviti sjálfstæðismanna í borg-
arstjórn, átaldi sérstaklega þá
ákvörðun meirihlutans í Reykja-
vík að ráðast ekki í gerð mis-
lægra gatnamóta á mótum
Miklubrautar og Kringlumýrar-
brautar. Hann segir lausnina
sem ráðast á í, með fjölgun
akreina og fjögurra fasa um-
ferðarljósum, mun síðri enda
dragi hún ekki nándar nærri
jafn mikið úr slysum og töfum.
„Ef fólk kýs að nota einkabíla tel
ég það skyldu borgarinnar að
sjá til þess að umferð gangi eins
greitt og örugglega fyrir sig og
kostur er,“ sagði hann. ■
VERÐIÐ HÆKKAR
Olíuverð hefur hækkað á
heimsmörkuðum.
Hærra olíuverð:
Ráðherrann
getur glaðst
NOREGUR Norski fjármálaráðherr-
ann, Per-Kristian Foss, hefur fulla
ástæðu til að gleðjast þessa dag-
ana, að sögn norska blaðsins Dag-
ens Næringsliv. Blaðamenn þess
hafa reiknað út að hækkun olíu-
verðs á heimsmörkuðum leiði til
þess að tekjur ríkissjóðs í ár
hækki um andvirði rúmra 500
milljarða íslenskra króna frá því
sem spáð var.
Stóran hluta af tekjuaukning-
unni fær ríkið í gegnum skatta og
gjöld af olíufélögum. Þá fær ríkis-
sjóður arðgreiðslur frá ríkisrekna
olíufyrirtækinu Statoil sem dælir
upp olíu í Norðursjó.■
Kínverskir eiginmenn:
Efast um
faðernið
PEKING, AP Eiginmenn í Peking,
höfuðborg Kína, fara nú fram á
faðernispróf í mun meiri mæli en
áður. Á einu stærsta sjúkrahúsi
borgarinnar hefur faðernispróf-
um fjölgað um fimmtung frá
fyrra ári og sömu sögu er að segja
víðar í borginni.
Ástæðan fyrir þessari fjölgun
faðernisprófa er sögð sú að eigin-
mennirnir gruni konur sínar um
að hafa haldið framhjá sér. Við-
horf Kínverja til kynlífs hafa
breyst undanfarið og er það sagt
leiða til öryggisleysis margra
karlmanna. ■
HÁDEGISVERÐARFUNDUR Í VALHÖLL
Vilhjálmur Þ. Vilhjálmsson, oddviti Sjálf-
stæðisflokksins í borgarstjórn, gagnrýndi
framgöngu R-listans í vegamálum á opn-
um fundi í gær. Hátt í hundrað manns
sóttu fundinn.
■ ÍRAK
LEYNILÖGGUR MYRTAR Vígamenn
skutu fimm íraska leynilögreglu-
menn til bana í Basra. Lögreglu-
mennirnir voru að skila manni til
fjölskyldu sinnar eftir að hann
var frelsaður úr haldi mannræn-
ingja. Síðustu tvo mánuði hefur
leynilögreglan frelsað fimmtán
gísla í nágrenni Basra.
RÁÐIST Á FALLUJA Bandaríkja-
menn gerðu loftárás á hús í Fallu-
ja þar sem þeir telja vígamenn
hafast við. Bandaríska herstjórnin
sagði að ekkert mannfall hefði
orðið. Læknir á sjúkrahúsi borg-
arinnar sagði hins vegar að þrír
hefðu látist og níu særst.