Fréttablaðið - 29.09.2004, Blaðsíða 13

Saga Kristins H. Gunnarssonar
innan Framsóknarflokksins er
stutt en viðburðarík. Fyrir sex
árum gekk hann í raðir flokksins
og var strax leiddur í öndvegi. Í
gærkvöld var hann orðinn útlagi í
eigin flokki eftir
að þingflokkurinn
úthýsti honum úr
nefndum Alþing-
is.
Kristinn kom
fyrst inn á þing
árið 1991 fyrir Al-
þýðubandalagið
og hefur setið þar
síðan. Þegar hóp-
ur þingmanna
ákvað að leggja
niður Alþýðuflokk
og Alþýðubanda-
lagið og stofna Samfylkinguna og
síðar Vinstri-græna, tilkynnti
Kristinn að kveðjustund væri upp
runnin. Í skamman tíma gerðist
hann þingmaður utan flokka en
gekk svo í raðir Framsóknar-
manna á vormánu
Fyrrverandi félagi Kristins í
Alþýðubandalaginu segir að
Kristinn hafi vafalaust talið
Framsóknarflokkinn vera mesta
byggðaflokkinn á þingi og þess
vegna ákveðið að ganga í raðir
hans. ,,Kristinn stendur við bakið
á fólkinu í kjördæminu og hefur
mikið samráð við það. Þess vegna
held ég að þetta muni koma niður
á flokknum á Vestfjörðum. Krist-
inn á þar trausta félaga sem taka
þessum hrókeringum þingflokks-
ins ekki þegjandi.“
Gulldrengur gerður útlægur
Framsóknarmaður sem blaðið
ræddi við sagði að Kristinn hafi
orðið gulldrengurinn í flokkn-
um þegar hann ákvað að
ganga í raðir hans. ,,Ég held
að enginn hafi fengið við-
líka móttökur eins og
Kristinn. Hann kom úr öðr-
um flokki og það var tekið
á móti honum með blómum
og kossum. Hann var strax
gerður að formanni þing-
flokksins og síðan var hann
gerður að formanni
Byggðastofnunar.“ En
vandi fylgir vegsemd
hverri og fljót-
lega fór
a ð
bera á vonbrigðum með samstarf-
ið. Fyrrverandi þingmaður
flokksins segir að Kristinn hafi
orðið nokkuð einráður sem þing-
flokksformaður. ,,Hann talaði
alltaf sem formaður þingflokks þó
að hann væri að tala á nótum sem
gengu í berhögg við stefnu þing-
flokksins. Það var ekki vel liðið.“
Þá komu upp samstarfsörðugleik-
ar milli Kristins og þáverandi for-
stjóra Byggðastofnunar. Valgerð-
ur Sverrisdóttir iðnaðarráðherra,
sem bauð Kristin velkominn í
flokkinn með kossi og blómum
árið 1998, þurfti fjórum árum síð-
ar að víkja Kristni úr hásætinu,
sem hún hafði sjálf leitt hann í, og
út í horn. Hann og forstjórinn
viku báðir sæti.
Fyrir síðustu Alþingiskosning-
ar sóttist Kristinn eftir að leiða
lista Framsóknarflokksins í Norð-
vesturkjördæmi en hafnaði í öðru
sæti.
Í upphafi þingsins þótti þing-
flokknum kominn tími á að skipta
um forystu og kaus Hjálmar
Árnason þingflokksformann. Til-
laga þessa efnis var greidd með
öllum atkvæðum en Kristinn var
ekki viðstaddur atkvæðagreiðsl-
una.
Rekst illa í flokki
Síðan þá hafa nokkur mál komið
upp þar sem Kristinn hefur ekki
fylgt flokknum að málum. Hann
hefur sjálfur nefnt afstöðuna til
fjölmiðlafrumvarpsins, sem hann
lagðist gegn, og afstöðu til stríðs-
ins í Írak og þátttöku Íslendinga í
því. Þá hefur sjálfstæðismönnum
þótt óþægilegt að hafa Kristin
sem varaformann efnahags- og
viðskiptanefndar þegar viðkvæm
mál og umdeild eru til umfjöllun-
ar.
Viðmælendur blaðsins eru allir
þeirrar skoðunar að Kristinn sé
öflugur og vinnusamur þingmað-
ur sem rekist þó illa í flokki. Á það
jafnt við í Framsóknarflokknum
og Alþýðubandalaginu. Fyrrum
flokksbróðir hans í Alþýðubanda-
laginu sagði að hann hefði ekki
alltaf verið á sömu línu og for-
ystan. Hins vegar hafi engum
dottið í hug að grípa til slíkra
örþrifaráða sem þingflokkur
framsóknarmanna beitti í
gær. ,,Hann er ekki alltaf
þægilegur í samstarfi og
er sjálfum sér samkvæm-
ur. Hann er líklega látinn
gjalda þess.“
Félagi Kristins í
þingflokki framsóknar-
manna sagði eftir fund
þingflokksins í gær að
framkoma Kristins að
undanförnu hefði rýrt
hann öllu trausti og
hann tók undir að Krist-
inn rekist illa í flokki.
,,Kristinn mun þrífast vel í
einum þingflokki og það er
þingflokkur Kristins H.
Gunnarssonar.“ ■
13MIÐVIKUDAGUR 29. september 2004
Einn á báti
Stjórnmálaferill Kristins H. Gunnarssonar tók óvænta stefnu í gærkvöld
þegar honum var úthýst úr nefndum Alþingis af þingflokki
Framsóknarflokksins. Hann er því einn á báti í þingflokknum.
Ríkisendurskoðun og
Síminn:
Ekkert
erindi borist
SÍMINN „Við skulum fá erindið
fyrst,“ segir Sigurður Þórðarson
ríkisendurskoðandi spurður um
hvort Ríkisendurskoðun muni
kanna sérstaklega fjárfestingar
Símans á undanförnum árum. Sam-
fylkingin hefur lýst því yfir að hún
hyggist fara þess á leit við for-
sætisnefnd Alþingis að hún láti
slíka rannsókn fara fram. Ríkis-
endurskoðun aðhefst hins vegar
ekkert fyrr en erindi berst.
Að sögn Sigurðar hefur ekkert
sambærilegt verið rannsakað áður
í tilviki Símans. Einungis hafi ver-
ið um almennar úttektir að ræða. ■
Undirskriftalisti var afhentur Geir H. Haarde í gær:
120 lögmenn styðja Jón
HÆSTIRÉTTUR Listi með um 120
nöfnum þeirra lögmanna sem vilja
að Geir H. Haarde virði umsögn
Hæstaréttar um val á dómara við
réttinn að vettugi og taki sjálf-
stæða ákvörðun um ráðninguna
var afhentur ráðherranum í gær.
Geir ræður í dómarastöðuna í stað
Björns Bjarnasonar dómsmála-
ráðherra sem lýsti sig vanhæfan
til verksins.
Lögmennirnir lýsa þannig
óbeint yfir stuðningi við Jón Stein-
ar Gunnlaugsson, en í áliti Hæsta-
réttar er Jón ekki á meðal þeirra
tveggja sem rétturinn telur hæf-
asta. Lögmennirnir telja innbyrðis
ósamkvæmni einkenna þá umsögn
réttarins. Jón Steinar hafi víðtæka
og umfangsmikla lögmanns-
reynslu sem ekki sé hægt að líta
fram hjá, og ráðherra beri því að
taka sjálfstæða ákvörðun í þessu
máli.
Að sögn Sveins Andra Sveins-
sonar lögmanns var markmiðið að
safna undirskriftum um 50 til 100
lögmanna. Árangurinn sé því
framar vonum. Hann vísar þeirri
gagnrýni á bug að með listanum sé
Jón Steinar sjálfkrafa orðinn van-
hæfur sem dómari, þar sem lög-
menn skiptist nú í þá sem styðja
hann og þá sem gera það ekki.
„Þessi gagnrýni er eins og hvert
annað kjaftæði,“ segir Sveinn.
Hann segir að betur fari á því, að
þeim sem augljóslega sé í nöp við
Jón Steinar segi það beint út, í stað
þess að „búa til einhverja nýja
vanhæfisreglu gegn honum“.
Geir H. Haarde ber að skipa í
dómarasætið fyrir 1.október. ■
ALÞÝÐUBANDALAGSMAÐUR Á FRAMBOÐSFUNDI
Kristinn H. Gunnarsson á framboðsfundi á Vestfjörðum fyrir alþingiskosningarnar 1995 en
hann var þá í framboði fyrir Alþýðubandalagið.
JÓN STEINAR GUNNLAUGSSON
Virðist eiga stuðning a.m.k. 120 lögmanna
í stól hæstaréttardómara.
FR
ÉT
TA
B
LA
Ð
IÐ
/G
VA
GUÐMUNDUR H. GUÐMUNDSSON
BLAÐAMAÐUR
FRÉTTASKÝRING
ÞINGFLOKKUR
FRAMSÓKNARFLOKKSINS
,,,,Kristinn
mun þrífast
vel í einum
þingflokki
og það er
þingflokkur
Kristins H.
Gunnars-
sonar.“