Fréttablaðið - 29.09.2004, Blaðsíða 44

Tónlistarmaðurinn Pálmi Gunn-
arsson hefur í mörg horn að líta
þessa dagana og væri því alveg
eins líklegur til þess að gleyma 54
ára afmælinu sínu í dag ef hann
ætti ekki góða að.
„Það má nú segja að þetta sé
komið úr mínum höndum og kon-
urnar í lífi mínu, dæturnar og eig-
inkonan, sjá um öll svona hátíðar-
höld,“ segir Pálmi þegar hann er
spurður hvort hann muni gera sér
einhvern dagamun á afmælinu.
„Ég er nú þekktur fyrir það að
gleyma afmælinu mínu og á það
til að vakna upp við vondan
draum, árinu eldri.“
Pálmi segir að þessi gleymska
sé síður en svo ný af nálinni og
því sé ekki hægt að tala um elli-
glöp í þessu sambandi. „Þetta er
kannksi eitthvað sinnuleysi en
þetta er búið að vera svona alla
ævi og ef til vill til marks um það
að mér finnist þessir afmælisdag-
ar ekkert merkilegri en aðrir dag-
ar. Það hefur hins vegar öðrum
fundist og hafa séð um að halda
þessu til haga.“
Pálma segir að fimmtugsaf-
mælisdagurinn hafi verið afskap-
lega ánægjulegur. „Þá nostruðu
konurnar við mig, ég hitti vinina,
fór í veiði, át góðan mat og hafði
það huggulegt. Ég held að ég eigi
aldrei eftir að halda stórveislu
enda er það ekki alveg mín deild.
En það er gaman þegar það er séð
um þetta fyrir mig. Það er ekki
vont.“
Pálmi býr á Akureyri og segist
vera Akureyringur í „húð og hár“
þessa dagana. „Svo vippa ég mér
suður yfir heiðar til að spila tón-
list og gera eitthvað skemmtilegt.
Ég hélt tónleika með Mannakorn-
um í Salnum í Kópavogi í síðustu
viku. Það var mikið gaman og
troðið út úr dyrum. Einhverjir
urðu frá að hverfa þannig að við
ákváðum að skella á öðrum tón-
leikum núna á fimmtudaginn
þannig að það má kannski segja
að ég haldi upp á afmælið með því
að spila með hljómsveitinni sem
hefur fylgt mér í gegnum árin.“
Veiðitíminn er að klárast og
Pálmi er því að fara að huga að
því að loka þeim veiðiám sem
hann sér um fyrir norðan. „Svo er
ég að bardúsa í kringum ýmis
verkefni í tónlistinni og kvik-
myndagerð og ala upp börn. Bara
að gera þetta sem maður gerir
sem er svo skemmtilegt þegar
upp er staðið. Þegar maður kemst
á ákveðinn aldur verða sumir
hlutir minna merkilegir en þeir
voru áður og aðrir hlutir verða
miklu merklegri. Annars snýst
þetta bara um að lifa lífinu og
vera til. Horfa út um gluggann á
morgnana, segja „vá““ og vakna
til lífsins.“
thorarinn@frettabladid.is
20 29. september 2004 MIÐVIKUDAGUR
LECH WALESA
Pólska alþýðuhetjan og fyrrverandi leiðtogi
Samstöðu fæddist á þessum degi árið 1943.
Vaknar til lífsins
AFMÆLI: PÁLMI GUNNARSSON ER 54 ÁRA Í DAG
„Sá sem réttir út hendurnar til þess að
stöðva hjól mannkynssögunnar kemst ekki
hjá því að puttabrotna.“
- Verkalýðshetjan Lech Walesa reis á sínum tíma upp gegn
ofurefli en vissi að sagan og tíminn unnu með honum.
timamot@frettabladid.is
PÁLMI GUNNARSSON Skýst suður yfir heiðar á morgun og spilar á tónleikum með Mannakornum í Salnum í Kópavogi annað kvöld.
Hann segir að það megi líta á það sem afmælisfögnuð að spila með þessari hljómsveit sem á um 30 ára sögu.
29. september 1974
Auður Eir Vilhjálmsdóttir
var vígð til prests, fyrst ís-
lenskra kvenna, á þessum
degi 1974. Hún tók form-
lega við embætti 1. októ-
ber og fór á Suðureyri í
Súgandafirði þar sem hún
þjónaði í eitt ár.
Auður Eir hlaut hvatn-
ingarverðlaunin Auður í
krafti kvenna árið 2001. Þá
var meðal annars sagt um
hana að það væri hægt að
„vera frumkvöðull með
ýmsum hætti, stundum gerist það nánast
fyrir tilviljun, en stundum setja konur
sér það markmið að hasla sér völl á sviði,
þar sem konur hafa ekki
verið áður. Valið er með-
vitað og markvisst. Ein
slík kona er séra Auður Eir
Vilhjálmsdóttir, sem valdi
það hlutskipti að verða
fyrsti íslenski kvenprest-
urinn. Hún valdi sér nám,
sem aðrar konur höfðu
ekki farið í og hún fylgdi
því eftir alla leið. Hennar
barátta var ekki auðveld,
en Auður sigraðist á víð-
tækum fordómum, varð
öðrum konum góð fyrirmynd og nú hefur
fjöldi kvenna á Íslandi hlotið prests-
vígslu.“ ■
AUÐUR EIR Fyrsti íslenski
kvenpresturinn.
ÞETTA GERÐIST
AUÐUR EIR FÆR BRAUÐ Á SUÐUREYRI
MERKISATBURÐIR
1758 Horatio Nelson, síðar að-
míráll í breska flotanum,
fæðist.
1930 Söngvarinn Bing Crosby
og Dixie Lee ganga í
hjónaband.
1984 Leikkonan Elizabeth Taylor
er valin fallegasta kona
heims í víðtækri skoðana-
könnun en hún er stödd á
Betty Ford-stofnuninni
vegna offituvanda þegar
úrslitin eru kynnt.
1986 Mary Lou Retton tilkynnir
að hún sé hætt að stunda
fimleika.
1988 Geimskutlunni Discovery
er skotið á loft frá Flórída í
fyrstu mönnuðu geimferð-
inni eftir Challenger-slysið.
1992 Magic Johnson tilkynnir að
hann ætli að byrja að spila
körfubolta á ný. Hann
hætti aftur í nóvember
þetta sama ár.
Fyrsti kvenpresturinn vígður
Ástkær sonur okkar, stjúpsonur, bróðir,
stjúpbróðir, mágur og frændi,
Bragi Gunnarsson
Eyrarholti 7, Hafnarfirði,
verður jarðsunginn frá Víðistaðakirkju, Hafnarfirði,
fimmtudaginn 30. september kl. 13.30.
Gunnar Árni Þorleifsson, Theódóra Sif Pétursdóttir, María Bragadóttir,
Sveinn Hallgrímsson, Unnur Lind Gunnarsdóttir, Halldór Haraldsson,
Baldur Gunnarsson, Þórunn Jónsdóttir, Ólöf Petra Gunnarsdóttir,
Fannar Gunnlaugsson, Anna Margrét Gunnlaugsdóttir,
Berglaug Dís Jóhannsdóttir, Sóley Björk, Sindri Freyr, Helena Rán, Eva Dís.
Elskulegur faðir okkar, tengdafaðir, bróðir,
mágur, afi og langafi,
Engilbert Þorvaldsson
frá Heiðarvegi 57, Vestmannaeyjum,
sem andaðist á Hraunbúðum sunnudaginn 26. september sl.,
verður jarðsunginn frá Landakirkju, Vestmannaeyjum, laugar-
daginn 2. október kl. 10.30.
Sigurborg Engilbertsdóttir, Guðbjörg Engilbertsdóttir, Jóhann Jónsson,
Elín Þorvaldsdóttir, Ágúst Jósefsson, barnabörn og barnabarnabörn.
Ástkær eiginkona mín, móðir, tengdamóðir,
og langamma,
Hjálmfríður Guðný
Sigmundsdóttir frá Hælavík
til heimilis að Sunnubraut 16, Reykjanesbæ,
verður jarðsungin frá Keflavíkurkirkju, föstudaginn 1. október
kl. 13.00.
Reynir Jónsson, Sævar Reynisson, Guðmundur Óli Reynisson,
Svala Rún Jónsdóttir, Jóhanna Reynisdóttir, Ólafur Eyþór Ólason,
Guðný Reynisdóttir, Axel Arnar Nikulásson,
barnabörn og barnabarnabörn.
Okkar kæri,
Torkil Frederiksen kennari
lést 14. september sl. Jarðarförin fór fram 21. september og hvílir
hann við hlið konu sinnar, Gerðar G. Þorvaldsdóttur, í grafreit við
Nørre Herlev kirke í Hillerød í Danmörku.
Þóra Pia Finnsdóttir, Ida Hrönn Finnsdóttir, Eva G. Þorvaldsdóttir,
Óskar Már Þorvaldsson.
Ástkær eiginmaður minn, faðir, tengdafaðir, afi og langafi,
Ásgrímur Jónsson
Móabarði 4, Hafnarfirði,
verður jarðsunginn frá Þjóðkirkjunni í Hafnarfirði miðvikudaginn
29. september kl. 13.30.
Kristjana Pétursdóttir, Sveinbjörn Ásgrímsson, Sóley Björk Ásgrímsdóttir,
Sverrir Kr. Bjarnason, Guðrún Jóna Ásgrímsdóttir, barnabörn
og barnabarnabörn.
ANDLÁT
Margrethe Færseth, Smáraflöt 40, lést
12. september. Jarðarförin hefur farið
fram í kyrrþey.
Sigríður Guðbjörg Magnúsdóttir,
Hringbraut 52, lést 25. september.
Kristín Stefánsdóttir, Kvisti, Reykholts-
dal, lést 26. september.
JARÐARFARIR
10.30 Kolbeinn Guðjónsson, Álfheim-
um 48, verður jarðsunginn frá
Grafarvogskirkju.
13.30 Ásgrímur Jónsson, Móbarði 4,
Hafnarfirði, verður jarðsunginn frá
Þjóðkirkjunni í Hafnarfirði.
13.30 Eyjólfur Guðsteinsson, Brekku-
gerði 11, verður jarðsunginn frá
Háteigskirkju.