Fréttablaðið - 29.09.2004, Blaðsíða 47
Framherjinn JamalMashburn mun
að öllum líkindum
missa af öllu tíma-
bilinu í vetur með
New Orleans
Hornets í NBA-
deildinni í
körfuknattleik. Mashburn á við hné-
meiðsli að stríða og lék aðeins 19
leiki á síðasta tímabili. Á blaða-
mannafundi viðurkenndi Mashburn
að hann hefði hugleitt að leggja
skóna á hilluna en vonaðist samt til
að geta leikið á ný. „Ég verð bara að
halda mér jákvæðum,“ sagði Mas-
hburn. „Þetta er mitt lífsviðurværi og
vonandi næ ég mér góðum með
hvíldinni. Ég er að vonast til að ég
verði orðinn heill eftir ár eða svo.“ Að
sögn Byron Scott, þjálfara Hornets,
munu Rodney Rogers og George
Lynch bítast um framherjastöðuna í
byrjunarliðinu. Æfingabúðir Hornets
hefjast í næstu viku.
Lið Schalke í þýskuúrvalsdei ldinni
hefur fundið nýjan
þjálfara í stað Jupp
Heynckes, sem var
látinn fara frá félag-
inu fyrir tveimur
vikum. Eftirmaður
hans verður Ralf
Rangnick sem
þjálfaði lið Hannover á síðasta tíma-
bili. Frumraun hans með Schalke
verður annað kvöld þegar Liepajas
Metalurgs frá Litháen kemur í heim-
sókn og etur kappi við Schalke í Evr-
ópukeppni félagsliða.
Schalke situr í 16. sæti þýsku
deildarinnar, hefur tapað þremur
af fyrstu fjórum deildarleikjum sín-
um og mikil þörf á breytingum þar á
bæ.
Lögreglan íManchester rann-
sakar árás á hús Roy
Keane, leikmanns
Manchester United,
sem átti sér stað á
sunnudaginn var.
Svo virðist sem flug-
eldum hafi verið
skotið að húsinu
rúmlega sjö um morguninn. Flugeld-
unum fylgdu niðrandi skilaboð sem
beindust gegn þjóðerni Keane, sem
er Íri. Ekki er vitað hvort Keane og
fjölskylda hans voru heima þegar
árásin átti sér stað. Það var nágranni
sem gerði lögreglu viðvart um athæf-
ið en eldur sem kviknaði út frá flug-
eldunum var slokknaður þegar lög-
reglu bar að. Lögreglan telur árásina
tengjast ákæru 16 ára drengs á
hendur Keane fyrir að ráðast á sig
fyrir rúmri viku síðan. Keane hefur
neitað ásökunum.
ÚR ÍÞRÓTTAHEIMINUM
HVAÐ? HVENÆR? HVAR?
26 27 28 29 30 31 32
Miðvikudagur
SEPTEMBER
■ ■ LEIKIR
19.15 ÍR og KR eigast við í
Seljaskóla á Reykjavíkurmótinu í
körfuknattleik karla.
19.15 Stjarnan og Víkingur eigast
við í Ásgarði í SS-bikarnum í
handknattleik karla.
20.00 Afturelding og Selfoss eigast
við á Varmá í SS-bikarnum í
handknattleik karla.
20.30 Grótta/KR 2 og Valur 2 eigast
við á Seltjarnarnesi í SS-bikarnum
í handknattleik karla.
21.00 Víkingur 2 og Bifröst eigast
við í Víkinni í SS-bikarnum í hand-
knattleik karla.
■ ■ SJÓNVARP
16.10 Ólympíuleikar fatlaðra á RÚV.
17.10 Meistaramörk á Sýn.
18.30 UEFA Champions League á
Sýn. Beint frá leik Chelsea og
Porto á Stamford Bridge í London
í Meistaradeild Evrópu.
20.35 Meistaramörk á Sýn.
21.10 UEFA Champions League á
Sýn. Beint frá leik Rosenborg og
Arsenal í Meistaradeild Evrópu.
23.10 Ólympíuleikar fatlaðra á
RÚV.
23.45 Meistaramörk á Sýn.
MIÐVIKUDAGUR 29. september 2004 23
Þróttarar gera engar breytingar á þjálfaramálum sínum:
Ásgeir áfram með Þrótt
FÓTBOLTI Gamla brýnið Ásgeir Elí-
asson mun þjálfa knattspyrnulið
Þróttar næstu tvö árin en frá því
var gengið um helgina. Ásgeir,
sem hefur þjálfað Þróttara síð-
astliðin fimm ár, íhugaði það að
hætta með liðið en formaður
Þróttar, Kristinn Einarsson, fékk
hann til þess að halda áfram með
liðið og þeir skrifuðu undir nýjan
samning um helgina.
„Ásgeir er að mínu mati ein-
hver besti þjálfari landsins og
þeir eru ekki margir hér á landi
sem hafa eins mikinn skilning á
leiknum og Ásgeir,“ sagði Krist-
inn við Fréttablaðið í gær. „Ég er
verulega ánægður með að halda
Ásgeiri áfram og er þess fullviss
að hann á eftir að gera fína hluti
með liðið.“
Þróttarar féllu úr Lands-
bankadeildinni fyrir ári síðan en
tryggðu sér aftur rétt til þess að
leika í deild þeirra bestu í sumar.
Þeir hafa mjög svipaðan mann-
skap og féll fyrir ári síðan fyrir
utan að framherjarnir sem þeir
höfðu þá eru ekki lengur til stað-
ar.
„Við erum mjög ánægðir með
leikmannahóp okkar. Við þurf-
um klárlega nýjan framherja en
annars ætlum við ekki að bæta
við okkur nema tveim til þrem
mönnum,“ sagði Kristinn Ein-
arsson í samtali við Fréttablaðið
í gær.
ÁSGEIR ELÍASSON Þjálfar Þrótt áfram
þrátt fyrir fimm ár í starfi.
Enska úrvalsdeildin:
Hendi sleppt
FÓTBOLTI Mark Hughes, knatt-
spyrnustjóri Blackburn, kenndi
dómaranum Steve Dunn fyrir
tapið gegn Charlton. Hughes vill
meina að Hermann Hreiðarsson
hafi handleikið knöttinn innan
teigs þegar Brett Emerton gaf
sendingu fyrir markið. „Þetta
var greinilega vítaspyrna,“
sagði Hughes. „Ég er vonsvik-
inn því við áttum fleiri færi í
leiknum og spiluðum betri fót-
bolta en þeir.“
Hughes viðurkenndi að sínir
menn hefðu átt í vandræðum ná-
lægt marki andstæðinganna.
„Við áttum í smá erfiðleikum en
við munum ná tökum á því á æf-
ingum. Ég var ánægður með
heildina,“ sagði Mark Hughes.