Fréttablaðið - 30.09.2004, Blaðsíða 2
2 30. september 2004 FIMMTUDAGUR
Geir H. Haarde um skipan hæstaréttardómara:
Dómarar eiga ekki að
velja samstarfsmenn
HÆSTIRÉTTUR „Hæstaréttardóm-
arar eiga ekki að geta valið sér
sína samstarfsmenn í réttinum,“
segir Geir H. Haarde, settur
dómsmálaráðherra er skipaði
Jón Steinar Gunnlaugsson
hæstaréttardómara í gær.
Aðspurður segir hann ekki
víst að ástæða sé til þess að
Hæstiréttur veiti áfram umsögn
um þá sem sækjast eftir stöð-
unni. „Mér finnst ástæða til að
breyta lögunum, en það kemur í
hlut dómsmálaráðuneytisins að
skoða það í fullri alvöru,“ segir
Geir.
Hann sagði að samsetning
réttarins hefði ráðið um val hans.
Spurður hvort sömu rök hefðu
ekki gilt um það að skipa konu í
réttinn, þar sem aðeins tvær af
níu dómurum eru konur, segir
hann það auðvitað sjónarmið
sem þurfi að hafa í huga. „Að
vísu gerir Hæstiréttur ekkert
sjálfur með það í sinni umsögn.
Það er athyglisvert að hann geri
það ekki þótt hann nefni níu
önnur atriði,“ segir Geir.
Spurður hvort ekki væri rétt
að miða auglýsingar um starfið
við þær kröfur sem dómsmála-
ráðherra gerði til umsækjenda í
ljósi æskilegrar samsetningar
réttarins, segir Geir ef til vill
ástæðu til þess. Það muni koma
inn í hugsanlegar breytingar á
lögum um skipan hæstaréttar-
dómara. ■
Völdu kennslu í
stað gjaldþrots
Ísaksskóli hefur ekki skilað vörslugjöldum til Kennarasambandsins. Forysta
þess segir kennarana hafa valið kennslu í stað gjaldþrots skólans. Trúnaðar-
maður skólans segir forystuna ekki bera hag kennaranna fyrir brjósti.
VERKFALL Hluti kennara í Ísaks-
skóla, sem er einkarekinn ,hugðust
fara í verkfall ásamt grunnskóla-
kennurum sveitarfélaganna. Þeir
hættu við þegar skólastjórnendur
sögðu skólann verða gjaldþrota
kæmi til verkfalls þeirra.
Þetta kom fram í ræðu Eiríks
Jónssonar á fjölmennum fundi
kennara í Reykjanesbæ og kemur
fram á vef Kennarasambands
Íslands.
Jenný Guðrún Jónsdóttir trún-
aðarmaður kennara í Ísaksskóla
segir þá í upphafi hafa samþykkt
að fara í verkfall með Kennara-
sambandinu á röngum forsendum.
Þeim hafi verið tjáð að þeir væru á
almennum kjarasamningi sem þeir
séu ekki. Formaður Félags grunn-
skólakennara hafi hvatt þá til að
fylgja félagsmönnum.
„Svo kemur í ljós viku fyrir
verkfall að við erum á sérsamn-
ingi. Við semjum við skólanefnd
Ísaksskóla um okkar kjör,“ segir
Jenný. Verkfalli hafi því aðeins
verið frestað. Til þess geti komið
15. október.
Jenný segir forystu Kennara-
sambandsins hafa lítinn áhuga á
stöðu kennara við Ísaksskóla: „Við
upplifum það hreint út að þeir séu
svekktir yfir að geta ekki notað
okkur sem vog á lóðarskálar hins
almenna kennara.“
Jenný segir að kennararnir sjái
þeim betur borgið með þeirri leið
að fresta verkfallinu. „Fólk sem
stendur í samningaviðræðum veit
að það er ekki klókt að semja
fyrstur. Á þeirri forsendu frestum
við okkar verkfalli,“ segir Jenný.
Enginn í forystu Kennarasam-
bandsins hafi spurt um ástæðu
frestsins. Niðurstaða þeirra sé full
dramatísk.
Eiríkur greindi frá því á fundin-
um að skólinn hefði ekki skilað
vörslufé til Kennarasambandsins
svo sem iðgjöldum í lífeyrissjóð og
félagsgjöld sem þegar hefðu verið
dregin af launum kennaranna.
Jenný segir slæmt að Kennara-
sambandið blandi bágri fjárhags-
stöðu einkaskóla saman við ástæðu
þess að verkfalli kennaranna hafi
verið frestað: „Það ríkir sátt milli
starfsfólks og skólanefndar Ísaks-
skóla. Við trúum og treystum
að verið sé að kippa málunum í
liðinn.“
Undir það tekur Edda Huld Sig-
urðardóttir skólastjóri Ísaksskóla.
Hún segir töluvert þurfa að ganga
á svo skólinn verði gjalþrota: „Við
erum mjög fjarri gjaldþroti.“
gag@frettabladid.is
HJÁLPARÞURFI Í DARFUR
Fjölmennt friðargæslulið þarf í Darfur til að
koma á friði, að sögn Jans Pronk.
Ástandið í Darfur:
Þurfa aðstoð
frá Evrópu
BELGÍA, AP „Evrópuríki verða að
koma að fjármögnun og aðstoða við
flutninga afrískra friðargæsluliða
sem á að senda til Darfur“, sagði
Jan Pronk sem hefur tekið saman
skýrslu um ástandið í Darfur-héraði
í Súdan fyrir öryggisráð Sameinuðu
þjóðanna.
Afríkusambandið hefur sam-
þykkt að senda nokkur þúsund her-
menn til Darfur til að sporna gegn
óöldinni sem hefur kostað tugþús-
undir íbúa héraðsins lífið. Evrópu-
sambandið hefur þegar heitið að-
stoð en ekki útskýrt í hverju hún
verði fólgin. ■
■ AFRÍKA
„Ég held miðað við þá framsóknar-
menn sem ég þekki að þeir séu betri
en aðrir í sleggjukasti. Þetta eru allt
miklir menn á velli og því líklegir til að
kasta langt.“
Guðmundur Karlsson er landsliðsþjálfari í frjálsum
íþróttum og á Íslandsmet í sleggjukasti. Þingflokkur
Framsóknarflokksins tók þá ákvörðun á þriðjudag
að útiloka Kristin H. Gunnarsson frá nefndarstarfi
Alþingis á vegum flokksins, en Kristinn hefur lengi
haft viðurnefnið „Sleggjan“.
SPURNING DAGSINS
Guðmundur, eru framsóknarmenn
almennt betri en aðrir í sleggjukasti?
LIGGJANDI Á GÖTUNNI
Enginn ökumaður kom konunni til hjálpar.
Margir keyrðu framhjá.
Tillitslausir ökumenn:
Veittu konu
enga hjálp
BRETLAND Margir ökumenn keyrðu
framhjá konu sem lá alvarlega
slösuð á akrein í Sidcup í
Bretlandi án þess að koma henni
til aðstoðar. Sumir ökumannanna
beygðu jafnvel yfir á næstu
akrein til að keyra ekki á konuna
en létu alveg vera að nema staðar
til að huga að henni.
Öryggismyndavél myndaði
hvern bílinn á fætur öðrum aka
framhjá slasaðri konunni. Voru
myndir úr henni birtar í breskum
fjölmiðlum í gær og hefur málið
hneykslað marga. Konan liggur
meðvitundarlaus á sjúkrahúsi, en
talið er að hún hafi orðið fyrir
líkamsárás. ■
Lögmaður Hjördísar Hákonardóttur:
Málshöfðun í farvatninu
HÆSTIRÉTTUR Hjördís Hákonar-
dóttir mun leita réttar síns af
endurnýjuðum krafti, að sögn Atla
Gíslasonar lögmanns sem sinnir
hagsmunum Hjördísar. Sem
kunnugt er var það álit kæru-
nefndar jafnréttismála að lög
h e f ð u
verið brotin á Hjördísi þegar síð-
ast var skipað í Hæstarétt og hef-
ur hún átt í samningaviðræðum
við dómsmálaráðuneytið um lausn
þess máls. „Jafnréttislögin eru
aftur brotin á Hjördísi en í lands-
lögum segir að jafna skuli stöðu
kvenna og karla,“ segir Atli. „Með
þessari skipan hefur dómsmála-
ráðherra sýnt eindreginn brota-
vilja og hertan ásetning gagnvart
jafnréttislögum.“
Atli segir skipanina nú eins og
blauta tusku framan í samninga-
viðræðurnar við ráðuneytið og ef
þau mál skýrist ekki á næstu dög-
um fari þau að undirbúa dóms-
mál.
Hann segir framkvæmdavald-
ið ganga gegn málefnalegri um-
sögn Hæstaréttar og fyrir vikið
hafi hann áhyggjur af sjálfstæði
réttarins.
„Annars óska ég Jóni Steinari
til hamingju og velfarnaðar í
störfum,“ sagði Atli. ■
Hæstiréttur:
2 konur
- 39 karlar
DÓMARAR Jón Steinar Gunnlaugs-
son er fertugasti og fyrsti einstak-
lingurinn sem er ráðinn dómari
við Hæstarétt Íslands, samkvæmt
upplýsingum á heimasíðu réttar-
ins. Hann er jafnframt þrítugasti
og níundi karlmaðurinn sem ráð-
inn hefur verið í dómarastöðu frá
upphafi. Einungis tvær konur
hafa verið ráðnar dómarar við
réttinn og báðar gegna stöðu dóm-
ara nú; þær Guðrún Erlendsdóttir
og Ingibjörg Benediktsdóttir. ■
VOPNAHLÉ Leiðtogi nígerískra upp-
reisnarmanna flaug í gær til höfuð-
borgarinnar Abuja og komst að
vopnahléssamkomulagi við forseta
landsins.
„Forsetinn hefur fullvissað mig um
að engir hermenn ráðist á okkar
fólk. Meðan þeir gera ekki árás
gerum við ekki árás,“ sagði Mouja-
hid Dokubo-Asari, leiðtogi upp-
reisnarmanna á árósasvæði Níger-
fljóts. Stutt er síðan hann hótaði
algjöru stríði gegn yfirvöldum til
að tryggja yfirráð yfir olíuauðlind-
um Nígeríu og árásum á erlenda
starfsmenn olíufélaganna.
BÖRN VIÐ ÍSAKSSKÓLA
Kennarasamband Íslands hefur ekki fengið
vörslugjöld frá Ísaksskóla greidd. Forystan
segir kennurum skólans hafa verið stillt
upp við vegg. Þeir hafi haft val um verkfall
og gjaldþrot eða að halda kennslu áfram.
JENNÝ GUÐRÚN JÓNSDÓTTIR
Óskar Kennarasambandinu góðs gengis í
kjarabaráttu kennara. Hluti kennara Ísaks-
skóla séu á almennum samningum og í
verkfalli. Hinn hluti kennaranna hafi
frestað verkfalli í von um betri samninga.
FR
ÉT
TA
B
LA
Ð
IÐ
/V
IL
H
EL
M
G
U
N
N
AR
SS
O
N
ATLI GÍSLASON LÖGMAÐUR
„Með þessari skipan hefur dómsmálaráð-
herra sýnt eindreginn brotavilja og hertan
ásetning gagnvart jafnréttislögum.“
GEIR H. HAARDE
„Mér finnst ástæða til að breyta lögunum
um skipan hæstaréttardómara, en það
kemur í hlut dómsmálaráðuneytisins að
skoða það í fullri alvöru.“