Fréttablaðið - 02.10.2004, Blaðsíða 2

2 2. október 2004 LAUGARDAGUR
Forseti Íslands:
Davíð skipar
virðingarsess
STJÓRNMÁL Ólafur Ragnar Gríms-
son, forseti Íslands lauk lofsorði
á störf þeirra Davíðs Oddssonar
og Halldórs Ásgrímssonar í
ráðuneytunum sem þeir yfir-
gáfu um miðjan síðasta mánuð.
Sagði forsetinn að Davíð Odds-
son myndi skipa „sérstakan
virðingarsess í annálum þings
og þjóðar.“
Forsetinn gerði veikindi
Davíðs að umtalsefni: „Það er
þraut að glíma við erfið og marg-
þætt veikindi en eðliskostir, stað-
festa og bjartsýni sem hann býr
yfir í ríkum mæli eru haldgott
veganesti. Þegar Alþingi kemur
nú saman væntum við öll að hann
geti innan tíðar tekið sem fyrr
fullan þátt í störfum þingsins,“
sagði Ólafur Ragnar.
Davíð Oddsson, utanríkisráð-
herra var ekki viðstaddur setn-
ingu Alþingis en hann mun
ókominn heim frá útlöndum.
Hann hefur dvalist í Slóveníu í
tíu daga. Davíð er væntanlegur
heim um helgina og verður við-
staddur umræður um stefnu-
ræðu ríkisstjórnarinnar á mánu-
dag. ■
VERKFALL Tæplega þúsund kennar-
ar mættu á Austurvöll í tilefni af
setningu Alþingis. Þeir vildu
minna ráðamenn á verkfall 4.500
grunnskólakennara. Launanefnd
sveitarfélaganna og samninga-
nefndar kennara funduðu án end-
anlegs árangurs í sex og hálfa
klukkustund í gær.
Á heimasíðu Kennarasamband
Íslands voru kennarar hvattir til
að sýna andúð sína við setningu
Alþingis á því að menntamálaráð-
herra væri í útlöndum að sinna
hundrað milljóna gæluverkefni
þegar grunnskólarnir væru í
lamasessi og 45 þúsund nemendur
án kennslu.
Ólafur Loftsson, formaður
Kennarafélags Reykjavíkur, segir
stöðu kennara á Austurvelli hafa
verið táknræna og algerlega lausa
við mótmæli. Staða kennara hafi
verið táknræn.
Grunnskólakennarar njóta
fulls stuðnings trúnaðarmanna og
formanna félagsdeilda framhalds-
skóla sem hafa sent frá sér stuðn-
ingsyfirlýsingu. Þeir skora á rík-
isvaldið að koma að lausn deilunn-
ar svo að sveitarfélögin fái rétt-
mætan skerf af skatttekjum sam-
félagsins til að standa undir skóla-
starfi af þeim gæðum sem nútím-
inn geri kröfu um.
Lítið markvert er um síðasta
samningafund að segja, sam-
kvæmt ríkissáttasemjara. Hann
er þó sáttur við að deilendur ræði
saman, þar sé grundvöllur þess að
samningar náist. ■
HEILBRIGÐISMÁL Öryrkjum fjölgaði
um fjörutíu prósent á fimm árum,
frá 1998 til 2003 og örorkubætur
hækkuðu um sjö milljarða króna á
sama tíma, úr fimm milljörðum í
tólf. Jón Kristjánsson, heilbrigðis-
og tryggingamálaráðherra, hefur
falið Tryggva Þór Herbertssyni
forstöðumanni Hagfræðistofnun-
ar að grafast fyrir um ástæður að
baki þessari miklu fjölgun. Áætl-
að er að hann skili skýrslu um
málið í janúar á komandi ári.
Samkvæmt athugun heilbrigð-
isráðuneytisins í sumar voru ör-
yrkjar í fyrra 11.761 en voru 8.443
árið 1998. Fjölgunin nemur 39
prósentum. Konum í röðum ör-
yrkja fjölgaði um 43 prósent á
tímabilinu, úr 4.987 í 7.150, en
körlum fjölgaði um 33 prósent, úr
3.456 í 4.611.
Árið 1998 voru flestir öryrkjar
á aldursbilinu 50 til 65 ára, en
síðan hafa orðið breytingar á.
Konum í hópi yngstu öryrkjanna
hefur til dæmis fjölgað mjög
mikið síðustu fimm árin. Þannig
voru 63 prósentum fleiri konur ör-
yrkjar á aldrinum 25 til 29 ára í
fyrra en þær voru fyrir fimm
árum, sextíu prósent fleiri á aldr-
inum 40 til 44 ára og 73 prósentum
fleiri á aldrinum 45 til 49 ára.
Körlum fjölgaði líka meira í
yngri aldurshópunum. Á aldurs-
bilinu 40 til 44 ára nam fjölgunin
49 prósentum og á aldursbilinu 45
til 49 ára fjölgaði þeim um 64 pró-
sent á fimm árum.
Öryrkjum fjölgaði misjafnlega
mikið eftir landshlutum. Þannig
fjölgaði körlum í hópi öryrkja
minnst á Austurlandi, um 20
prósent en þeim fjölgar mest á
Norðurlandi vestra, um 51
prósent og í hópi öryrkja sem búa
erlendis, 61 prósent.
Konum sem eru öryrkjar fjölg-
ar hlutfallslega minnst í Reykja-
vík, um 35 prósent, en mest á Suð-
urlandi, 64 prósent og í hópi
öryrkja sem búa erlendis, 67
prósent. ■
Sprengjuárás:
Á þriðja tug
manna lést
PAKISTAN, AP Rúmlega tuttugu
manns létust í sjálfsmorð-
sprengjuárás í mosku sjíamúsl-
ima í pakistönsku borginni
Sialkot. Tugir til viðbótar særðust
en hundruð einstaklinga voru við
bænir í Zainabia moskunni þegar
árásin var gerð. Skömmu síðar
fannst önnur sprengja nærri
moskunni en sprengjusérfræð-
ingar gerðu hana óvirka.
Sprengjuárásin vakti mikla
reiði og gengu hundruð sjíamúsl-
ima berserksgang. Hermenn voru
kallaðir á vettvang til að standa
vörð um moskuna og sjúkrahús og
fleiri staði. ■
Stapaárás:
Hálfsárs
fangelsi
DÓMSMÁL Maður sem sló annan með
bjórglasi í höfuðið á skemmtistaðn-
um Stapa í Keflavík í sumar, þannig
að glasið brotnaði og af hlutust al-
varlegir áverkar, var í gær dæmd-
ur í sex mánaða fangelsi. Þar af
voru þrír mánuðir skilorðsbundnir.
Árásin var sögð einkar hrottafeng-
in og tilviljun hafi ráðið því að ekki
hlaust alvarlegra líkamstjón af.
Manninum var virt til refsilækk-
unar að hann játaði undanbragða-
laust, auk þess sem hann iðraðist og
sýndi eindreginn vilja til að bæta
tjón þess sem varð fyrir árásinni.
Krafist var rúmlega 600 þúsund
króna í bætur, en fallið var frá
þeirri kröfu eftir að maðurinn grei-
ddi þeim sem fyrir árásinni varð
um 480 þúsund krónur í bætur. ■
Kvenréttindafélagið:
Jafnréttislög
brotin aftur
HÆSTIRÉTTUR Stjórn Kvenréttinda-
félags Íslands telur að jafnréttislög
hafi verið brotin þegar Geir H.
Haarde, settur dómsmálaráðherra,
skipaði Jón Steinar Gunnlaugsson í
embætti hæstaréttardómara. „Enn
einu sinni er óhjákvæmilegt að mót-
mæla skipun dómara í Hæstarétt
Íslands,“ segir í tilkynningu félags-
ins og bent á að af níu dómurum
Hæstaréttar séu bara tvær konur.
„Það er löngu orðið tímabært að
menn í ríkisstjórn svo sem annars
staðar í þjóðfélaginu geri sér grein
fyrir að jafnrétti verður ekki náð
nema með því að skipa konur í
störf sem losna á þeim stöðum sem
karlar eru í meirihluta,“ segir í til-
kynningu. ■
■ ÍBÚÐALÁNASJÓÐUR
■ BANDARÍKIN
VEXTIR ÓBREYTTIR Útlánsvextir
Íbúðalánasjóðs verða óbreyttir 4,3
prósent í október. Stjórn Íbúða-
lánasjóðs ákvað þetta á fundi
sínum á fimmtudag. Ákvörðunin
byggir á ávöxtunarkröfu í útboði
íbúðabréfa 29. september.
Já, hvernig spyrðu. Við vorum frægt
fyrirtæki í Bandaríkjunum á sjöunda
áratugnum sem hippaflugfélag og látum
ekki deigan síga.
Icelandair tilkynnti í gær um áætlunarflug til San
Fransisco næsta vor. Icelandair tekur þá einnig
breiðþotu af gerðinni Boeing 767 í notkun. Hún
tekur 270 farþega. Flugfélagið gerir ráð fyrir að
aukið flugframboð kalli á 80 til 100 ný störf yfir
sumarið.
SPURNING DAGSINS
Guðjón, á að fljúga með blóm í hári?
Innanlandsflug:
Flugi hætt til
Sauðárkróks
SAMGÖNGUR Landsflug ehf. hefur
tekið við rekstri Íslandsflugs
innanlands. Félagið keypti
Dornier flugvélar Íslandsflugs
og tilheyrandi rekstur í innan-
landsflugi, þar með talið sjúkra-
flug sem Íslandsflug hefur sinnt.
Þá leigir Landsflug flugskýli
Íslandsflugs við Reykjavíkur-
flugvöll.
Óverulegar breytingar verða
á leiðakerfi og áfangastöðum
sem Íslandsflug hefur flogið á.
Þó verður flugferðum til Vest-
mannaeyja og Hafnar í Horna-
firði fjölgað. Hins vegar verður
flugi til Sauðárkróks hætt frá og
með 1. október. ■
Kókaín innvortis:
Hefur snúið
við blaðinu
DÓMAR Tuttugu og fjögurra ára
gamall maður var dæmdur í hálfs
árs fangelsi fyrir tilraun til að
smygla innvortis 138,4 grömmum
af kókaíni. Maðurinn var gripinn í
Leifsstöð 3. október í fyrra og þyk-
ir sýnt að efnið hafi að mestu ver-
ið ætlað til sölu.
Maðurinn játaði brot sitt og er
ekki sagður hafa áður sætt refsi-
viðurlögum sem skipti máli í
tengslum við eiturlyfjasmyglið.
Manninum var virt til refsilækkun-
ar að hafa farið í meðferð og sinnt
vinnu að henni lokinni, auk þess að
vera í sambúð og eiga fjögurra
mánaða gamalt barn með sambýlis-
konu sinni. Þrír mánuðir fangelsis-
vistarinnar voru því skilorðs-
bundnir til þriggja ára. ■
Gámasund:
Reynt við
heimsmet
ÍÞRÓTTIR Klukkan tvö í dag fer fram
heimsmeistaramót í sundi í 5 metra
löngum gámi á Lækjartorgi í
Reykjavík.
Kynnir verður Ellert B. Schram,
forseti Íþrótta- og Ólympíusam-
bands Íslands, en það eru þau
Ragnheiður Ragnarsdóttir og
Hjörtur Már Reynisson, sem keppa.
Þau hafa sett fjölda Íslandsmeta á
árinu og halda brátt til Bandaríkj-
anna þar sem þau taka þátt í heims-
meistaramótinu í sundi í 25 metra
laug, en sú keppni fer fram í Indi-
anapolis 7. til 11. október. Í dag
verður að sögn reynt við heimsmet í
gámasundi. ■
Sautján ára piltur:
Lést eftir
bílslys
ANDLÁTSFREGN Ungur maður sem
lenti í bílslysi í Grímsnesi í
fyrradag lést á sjúkrahúsi. Hann
hét Gunnar Karl Gunnarsson til
heimilis að Bæjarholti 13 í Laug-
arási í Biskupstungum. Hann var
fæddur 2. nóvember 1986 og var
því rétt tæplega átján ára.
Slysið átti sér stað þegar tvær
bifreiðar rákust saman við
Þrastaskóg í Grímsnesi. Gunnar
Karl var fluttur með þyrlu
á bráðamóttöku Landspítala-
háskólasjúkrahúss, en félagar
hans tveir með sjúkrabíl sem og
kona og barn sem voru í hinni
bifreiðinni. ■
FYLGST MEÐ SETNINGU ALÞINGIS
„Barátta grunnskólakennara er barátta allra þeirra sem hafa það markmið að gera skóla
að eftirsóttum vinnustöðum vel menntaðs fólks og að skapa kennarastarfinu þann sam-
félagslega sess sem því sæmir,“ segir í stuðningsyfirlýsingu framhaldsskólanna.
Táknræn staða kennara á Austurvelli:
Verkfall kennara í fjarveru
menntamálaráðherra
FR
ÉT
TA
B
LA
Ð
IÐ
/V
IL
H
EL
M
G
U
N
N
AR
SS
O
N
JÓN KRISTJÁNSSON
Heilbrigðisráðherra vill vita hvers vegna öryrkjum hefur fjölgað um fjörutíu prósent á fimm árum.
Öryrkjum fjölgar
um nær 700 á ári
Heilbrigðisráðuneytið grefst fyrir um ástæður. Örorkugreiðslur hækk-
uðu úr 5 milljörðum í 12 frá árinu 1998 til 2003. Konum í hópi yngstu
öryrkja fjölgar mikið.
FR
ÉT
TA
B
LA
Ð
IÐ
/G
VA
AUTT SÆTI DAVÍÐS
Forseti Íslands hlóð lofi á Davíð Oddsson
og Halldór Ásgrímsson en aðeins sá síðar-
nefndi var viðstaddur.
HÓTELSTARFSMENN Í VERKFALL
Um tíu þúsund starfsmenn hótela
í Atlantic City í New Jersey sem
einnig reka spilavíti eru farnir í
verkfall. Efnt var til mótmæla
fyrir framan sjö spilavíti án þess
þó að lát yrði á fjárhættuspili
innandyra.