Fréttablaðið - 02.10.2004, Blaðsíða 43
LAUGARDAGUR 2. október 2004
Útgerðarfyrirtækið Þor-
móður rammi - Sæberg er
ekki að draga saman segl-
in á Siglufirði, að sögn Ólafs Helga
Marteinssonar, framkvæmdastjóra
fyrirtækisins.
„Að halda því fram að við séum að
fækka störfum hérna núna og
minnka umsvifin er algjörlega úr
lausu lofti gripið,“ segir Ólafur
Helgi. „Við rekum hérna rækju-
verksmiðju sem notar um tíu þús-
und tonn af hráefni á ári, sem er
líklega einhver stærsta landvinnsla
á Íslandi. Þessa verksmiðju höfum
við rekið á vöktum síðan árið
1992. Það hefur verið mjög mikill
stöðugleiki í þessari vinnslu og
það er ekki að verða nein breyting
þar á. Vissulega hefur starfsfólki í
verksmiðjunni fækkað undanfarin
ár en við höfum samt aldrei fram-
leitt meira magn. Ástæðuna fyrir
fækkun starfsfólks má rekja til
tækniframfara í greininni.“
Ólafur Helgi segir að Þormóður
rammi - Sæberg hafi gert út þrjú
skip á rækju frá Siglufirði.
„Ástandið á rækjustofninum er
það slæmt í dag að það er útilok-
að að halda þessari útgerð áfram,“
segir hann. „Tonnið af olíu kostar
orðið vel á fimmta hundrað doll-
ara og ekki bætir það úr skák.
Skipin eru að koma eftir vikuveiði-
ferðir með 12 til 17 tonna afla og
við erum að dæla um 30 til 35
þúsund lítrum af olíu á skipin. Það
þarf engan stærðfræðing til að sjá
að þetta gengur ekki upp. Við
erum einfaldlega að bregðast við
þessu. Einu skipinu verður lagt til
vors en hin tvö munu fara til karfa-
veiða og selja aflann á erlendum
markaði. Það hafa verið 24 sjó-
menn samtals á skipunum þremur
þegar þau hafa verið á rækju. Við
munum hins vegar þurfa að hafa
28 menn á skipunum tveimur og
því erum við að fjölga störfum um
borð - þetta er nú allur samdrátt-
urinn.“ ■
Útgerðarmaðurinn:
Ekki að fækka störfum
ÓLAFUR HELGI MARTEINSSON
Þó að flestir á Siglufirði
vinni við greinar tengdar
sjávarútvegi er einnig upp-
gangur á öðrum sviðum atvinnu-
lífsins í bænum. Einn af stærstu
vinnuveitendunum á Siglufirði er
Sparisjóðurinn. Ástæðan er sú að
um áramótin 2000 tók Sparisjóð-
urinn við bakvinnslu fyrir banka-
stofnanir.
„Við erum með 33 starfsmenn í
heildina og ætli það séu ekki um
20 sem starfa við bakvinnsluna,“
segir Ólafur Jónsson sparisjóðs-
stjóri. „Við erum aðallega að vinna
þetta fyrir KB banka en líka spari-
sjóðina.“
Aðspurður hvort Sparisjóðurinn
hyggist auka frekar við þessa starf-
semi sína segir Ólafur að engin
ákvörðun hafi verið tekin um það.
Hann segist samt telja að ákveðin
tækifæri séu fyrir hendi. Hægt sé
að hagræða frekar í lífeyrissjóða-
kerfinu með því að færa verkefni
út á land, til dæmis til Siglufjarðar
þar sem sérhæfingin sé fyrir
hendi.
Ólafur segir umræðuna undanfar-
ið um atvinnuástandið á Siglufirði
hafa verið afskaplega dapurlega.
„Mér finnst fréttaflutningurinn
hafa verið fremur einsleitur. Það
er alls ekki neitt svartnætti fram
undan hérna á Siglufirði. Hér er
gott að búa og ég held að hér séu
flestir þeir með vinnu sem vilja
vinna.“ ■
Sparisjóðsstjórinn:
Ekkert svartnætti framundan
ÓLAFUR JÓNSSON
Atvinnuástandið er alls
ekki jafnslæmt og verka-
lýðsfélagið Vaka hefur
haldið fram. Þetta segir Margrét
Ósk Harðardóttir, bæjarfulltrúi
Sjálfstæðisflokksins sem er í minni-
hluta í bæjarstjórn Siglufjarðar.
„Almennt séð finnst mér atvinnuá-
standið ekki vera slæmt,“ segir
Margrét Ósk. „Það hefur núna
komið fram að Þormóður rammi -
Sæberg ætlar ekki að leggja rækju-
skipunum þremur heldur aðeins
einu. Hin tvö verða áfram gerð út
og munu fara á ísfiskveiðar.“
Margrét Ósk segir að vissulega séu
sveiflur í atvinnulífinu. Viðbúið sé
að einhver samdráttur verði hjá
þeim fyrirtækjum sem þjónusta
skipin en ekki megi gleyma því að
ný tækifæri séu að líta dagsins ljós,
til dæmis standi til að opna fisk-
markað innan tíðar. Hún segir að
starfsemi Sparisjóðsins hafi einnig
undið upp á sig undanfarin ár með
tilkomu iðgjaldaskráningar fyrir KB
banka og þá hafi vélaverkstæði í
bænum gert samkomulag við
bátasmíðafyrirtækið Seiglu í
Reykjavík um að innrétta litla fiski-
báta. Allt þetta skapi störf í bæn-
um. ■
Bæjarfulltrúinn:
Ástandið er ekki slæmt
ÓLAFUR JÓNSSON
Ólafur segir að það hafi ekki
komið honum á óvart að Þormóður
rammi - Sæberg skuli hafa hætt
rækjuveiðum í bili.
„Það hefur verið mjög lítil veiði
og auðvitað verður fyrirtækið að
bregðast við því. Ég vona samt að
þetta verði bara tímabundið.
Reyndar hafa forsvarsmenn
Þormóðs ramma sagt að þeir stefni
að því að fara á rækju aftur snem-
ma á næsta ári.“
Samskipti ríkis og sveitarfélaga í
ólestri
Ólafur er sammála Runólfi bæjar-
stjóra um að alvarlegasti vandinn
sem bærinn standi frammi fyrir sé
fólksfækkunin.
„Þó að fólk hafi misst vinnuna
þá fjölgar skráningum á atvinnu-
leysisskrá ekki í takt við það. Það
er fyrst og fremst vegna þess að
þegar fólkið missir vinnuna leitar
það strax eitthvert annað. Það
flytur í burtu og það er náttúrlega
það alversta sem nokkurt sveitar-
félag getur gengið í gegnum.“
Ólafur segir að samskipti ríkis
og sveitarfélaga séu í ólestri.
„Þessi vandi kristallast hér eins
og á fleiri stöðum. Ríkið hefur
stöðugt verið að færa yfir á okkur
verkefni án þess því hafi fylgt
nægar tekjur. Grunnskólinn hefur
sífellt verið að vefja upp á sig og
ekki fylgt nægir peningar með og
það hefur bitnað illa á sveitarfélög-
unum. Ástandið er þannig núna að
tekjur sveitarfélagsins duga varla
fyrir rekstri málaflokka. Þessi
vandi einskorðast alls ekki við
Siglufjörð. Þetta er svona víða.“
trausti@frettabladid.is
ÞRÓUN ÍBÚABYGGÐAR Á
SIGLUFIRÐI
1997 1.632
1998 1.605
1999 1.567
2000 1.560
2001 1.508
2002 1.455
2003 1.438
Heimild: Félagsmálaráðuneytið
MARGRÉT ÓSK HARÐARDÓTTIR
SIGURÐUR HLÖÐVERSSON
bæjartæknifræðingur
„Það mætti vera
betra. Maður
vonar bara að
það rætist úr
þessu. Hér eru
allar forsendur
til þess að það
geti þrifist gott
atvinnulíf.“
Hvað segja íbúarnir:
Hvernig er
atvinnuástandið?
BENEDIKT BENEDIKTSSON
verkamaður
„Það er því
miður niður á
við. Ég hef verið
hérna síðan árið
1980 og atvinnu-
ástandið hefur
aldrei verið jafn
slæmt og núna.“
HARALDUR GÍSLI ÁRNASON
starfsmaður í fiskvinnslu
„Ekkert voðalega
gott. Það er ver-
ið að leggja tog-
urum og hér er
allt að leggjast
út af.“
ANNA GUNNARSDÓTTIR
starfsmaður verslunarinnar
Úrvals
„Lélegt. Atvinnu-
lífið hér er allt of
einhæft.“