Fréttablaðið - 03.10.2004, Blaðsíða 4

4 3. október 2004 SUNNUDAGUR
Fjárlögin og öryrkjar:
Gagnrýnt að ekki sé
staðið við samning
STJÓRNMÁL Stjórnarandstæðingar
gagnrýna að ekki sé veitt þeim
500 milljónum í bætur til ör-
yrkja sem samtök þeirra telja að
upp á vanti til að staðið sé við
samning frá síðasta ári. Stein-
grímur J. Sigfússon, formaður
Vinstri grænna segir þetta
„skammarlegt vegna þess að
stjórnin gerði samning við sam-
tök öryrkja kortér fyrir kosning-
ar til að reyna að laga ásýnd
sína. Það er yfirgengilegt og
ómerkilegt að svíkja þetta lof-
orð.“
Guðjón A. Kristjánsson, odd-
viti frjálslyndra, segist undrandi
á að Halldór Ásgrímsson „hindri
Jón Kristjánsson í að standa við
loforð gagnvart öryrkjum. Ekki
síst vegna þess að hann sæti
tæplega í forsætisráðherrastóli
nema vegna stuðningsins sem
framsóknarmenn keyptu af ör-
yrkjum með samningnum í
fyrra.“
Össur Skarphéðinsson Sam-
fylkingarformaður segir: „Lof-
orð eiga að standa. Það er nötur-
legt að svíkja þetta loforð.“ ■
11 milljarða hagnaður
verður 20 milljarða tap
Stjórnarandstæðingar segja að reynslan sýni að líklegast sé að boðaður tekjuafgangur fjárlaga
snúist upp í tap. Þeir segja að skattalækkanir gagnist hálaunamönnum mest.
STJÓRNMÁL Flokkarnir þrír sem eru
í stjórnarandstöðu eru einhuga
um að fátt bendi til þess að rúm-
lega 11 miljarða tekjuafgangur
verði á ríkissjóði eins og fjár-
málaráðherra lofar í fjárlaga-
frumvarpi sínu sem lagt var fram
á föstudag.
Össur Skarphéðinsson, for-
maður Samfylkingarinnar, líkir
frumvarpinu við glansmynd:
„Tekjuafgangurinn gufar yfirleitt
upp. Að meðaltali munar á hverju
ári nærri 30 milljörðum króna á
milli fjárlagafrumvarps og ríkis-
reiknings. Geir boðar nú 11 millj-
arða tekjuafgang en miðað við
reynslu sögunnar má eins búast
við að það verði 20 milljarða tap.“
Steingrímur J. Sigfússon, for-
maður Vinstrihreyfingarinnar -
græns framboðs, tekur í svipaðan
streng og bendir á að þótt bjart-
ara sé nú en oft áður í tekjuöflun
ríkissjóðs komi það ekki endilega
til af góðu. „Ríkissjóður græðir á
viðskiptahallanum en menn ættu
að fara varlega í að hrósa sér, því
þetta er ávísun á skuldasöfnun út
á við. Sú staða er þegar orðin
mjög alvarleg.“
Guðjón A. Kristjánsson, for-
maður Frjálslynda flokksins,
gagnrýnir skattalækkanir harð-
lega. Hann segir fjármálaráð-
herra hrósa sér af því að flöt
tekjuskattslækkun komi flestum
til góða því þeim hafi fjölgað sem
borgi tekjuskatt. Þetta segi ekki
alla söguna. „Persónuafsláttur
hefur ekki haldið verðgildi sínu
og því borga fleiri tekjuskatt en
áður. Við viljum hækka skattleys-
ismörk upp í um 100.000 krónur.“
Samfylkingin telur líka að flöt
tekjuskattslækkun komi hinum
best launuðu til góða. „Skatta-
lækkanir nú eru með þeim hætti
að grunnskólakennari í verkfalli
fær andvirði eins bleyjupakka á
mánuði, láglaunafólk með 150.000
kr. á mánuði fær minna en tvo
bíómiða, en hálaunamaður með
milljón á mánuði fær eina utan-
landsferð á mánuði,“ segir Össur
Skarphéðinsson sem vill lækka
matarskattinn um helming og þar
með matarreikning íslenskra
heimila um fimm milljarða króna.
Steingrímur J. segir Vinstri
græna ætla að standa í lappirnar í
fjármálum ríkisins: „Við getum
verið sjálfum okkur samkvæm
því við létum ekki fallerast í
skattalækkanafárinu og tókum
ekki þátt í loforðafylleríinu eins
og sumir aðrir.
Guðjón A. Kristjánsson
gagnrýnir niðurskurð til vega-
mála. „Í mínu kjördæmi, Norð-
vesturkjördæmi, eru mikil verk
að vinna í vegamálum. Þar er eng-
in þensla ef frá er talið Norðurál
sem gagnast ekkert síður Reykja-
víkursvæðinu.“
a.snaevarr@frettabladid.is
Skák:
Keppt
á netinu
SKÁK Íslenska unglingalandsliðið í
skák tók þátt í fjögurra landa kepp-
ni sem hófst í Tyrefjord í Noregi í
gær. Íslenska landsliðið lagði þó
ekki land undir fót því skákirnar
fóru fram á netinu. Liðið keppti í
Rimaskóla, en það skipa fjórir
keppendur frá Taflfélagi Reykja-
víkur og Taflfélaginu Helli, tveir
keppendur frá Skákfélagi Akur-
eyrar og einn frá Skákdeild Hauka
og Taflfélagi Vestmannaeyja.
Hjörvar Steinn Grétarsson,
Norðurlandameistari í skólaskák
tíu ára og yngri, er langyngsti
keppandi mótsins, tveimur árum
yngri en næstyngstu menn. ■
■ EVRÓPA
Á Kristinn H. Gunnarsson að yfir-
gefa Framsóknarflokkinn?
Spurning dagsins í dag:
Var rétt af stjórnarandstöðuþingmönn-
um að yfirgefa þingsal vegna ræðu
Halldórs Blöndal við setningu Alþing-
is?
Niðurstöður gærdagsins
á visir.is
38%
62%
Nei
Já
KJÖRKASSINN
Farðu inn á fréttahluta visir.is
og segðu þína skoðun

INNFLYTJENDUR Í GÁMI Gríska
lögreglan stöðvaði 57 ólöglega inn-
flytjendur eftir að þeir fundust í
flutningabíl við Þessalóníku,
skammt frá landamærunum að
Tyrklandi. Innflytjendurnir eru
frá Írak, Íran og Palestínu. Þeir
uppgötvuðust vegna þess að bíll-
inn bilaði skammt frá Þessalóníku.
EKKI KJÓSA Serbneska rétttrún-
aðarkirkjan hefur hvatt Kosovo-
Serba til að taka ekki þátt í kosn-
ingum í Kosovo sem fara fram
eftir þrjár vikur. Fulltrúar serb-
neska minnihlutans hafa þegar
hótað því að sniðganga kosning-
arnar þar sem þeir óttast að ör-
yggi Serba í héraðinu róstusama
verði ekki tryggt.
Jón Kristjánsson heilbrigðisráðherra:
Víst staðið við samninginn
STJÓRNMÁL Jón Kristjánsson heil-
brigðisráðherra vísar á bug kröfum
öryrkja um að 500 milljónir skorti í
nýframlögðu fjárlagafrumvarpi til
að staðið verði við samning Ör-
yrkjabandalagsins og ráðherra fyr-
ir síðustu kosningar. „Ég met það
svo að staðið hafi verið við viljayfir-
lýsinguna.“
Í yfirlýsingunni hétu stjórnvöld
því að tvöfalda bætur yngstu ör-
yrkja. Jón segir að 200 milljónum
hafi verið bætt við þessar bætur í
fjáraukalögum og 300 milljónum í
fjárlagafrumvarpinu. Því hafi alls
1200 milljónir farið í þessar bætur
og vegna mikillar fjölgunar öryrkja
fari alls 2 milljarðar í þessar bætur.
Garðar Sverrisson, formaður Ör-
yrkjabandalagsins, lýsti því yfir um
leið og fjárlagafrumvarpið lá fyrir
að öryrkjar myndu leita réttar síns
fyrir dómstólum. ■
ÖRYRKJABANDALAGIÐ
Ríkisstjórnin sökuð um svik og málshöfðun undirbúin.
FR
ÉT
TA
B
LA
Ð
IÐ
/P
JE
TU
R
STJÓRNARANDSTAÐAN
Forystumenn stjórnarandstöðunnar hittust á samráðsfundi á föstudag í tilefni þingsetningar.
FR
ÉT
TA
B
LA
Ð
IÐ
/G
VA
ENGAR 500 MILLJÓNIR
Stjórnarandstæðingar reka upp ramakvein
vegna þess að 500 milljónirnar sem öryrkj-
ar vilja, eru ekki í fjárlagafrumvarpi Geirs
Haarde.
Keldnahverfi:
Tvennt
slasaðist
LÖGREGLA Hjón voru flutt á
sjúkrahús eftir að jeppabifreið
þeirra valt í Kelduhverfi til móts
við bæinn Mörk, skammt frá Ás-
byrgi, í gærdag.
Ökumaður bifreiðarinnar
missti hana út í kant og reyndi að
ná bílnum aftur inn á veginn en
missti við það stjórn á bifreið-
inni. Jeppinn fór þvert yfir veg-
inn, velti og hafnaði á hjólunum.
Nota þurfti klippur til að ná öku-
manninum úr bílnum. Maðurinn
var máttlítill í höndum og var
fluttur ásamt konu sinni á Fjórð-
ungssjúkrahúsið á Akureyri, þau
voru ekki talin alvarlega slösuð.
Bíllinn skemmdist mikið og var
fjarlægður með kranabíl. ■
EFTIRLITSLAUST SAMKVÆMI
STÖÐVAÐ Lögreglan þurfti að stöð-
va eftirlitslaust samkvæmi sextán
og sautján ára unglinga á Egils-
stöðum í fyrrinótt. Samkvæmið
fór úr böndunum og nágrannar
fengu ekki svefnfrið og höfðu því
samband við lögreglu sem kom og
sendi unglingana heim.
■ LÖGREGLUFRÉTTIR