Fréttablaðið - 03.10.2004, Blaðsíða 6

6 3. október 2004 SUNNUDAGUR
Rafskautaverksmiðja:
Landvernd kærir
til umhverfisráðherra
IÐNAÐUR Stjórn Landverndar hefur
ákveðið að kæra úrskurð Skipu-
lagsstofnunar um fyrirhugaða
rafskautaverksmiðju í Hvalfirði
til umhverfisráðherra. Skipulags-
stofnun komst að þeirri niður-
stöðu að verksmiðjan myndi ekki
hafa í för með sér umtalsverð um-
hverfisáhrif.
Tryggvi Felixson, fram-
kvæmdastjóri Landverndar, segir
að mat á umhverfisáhrifum verk-
smiðjunnar sýni að starfsemin
muni hafa afar neikvæð áhrif á
umhverfið og valda meiri losun
krabbameinsvaldandi PAH efna
en dæmi sé um hér á landi. ,,Þessi
verksmiðja yrði líklega stærsta
uppspretta PAH efna á Íslandi. Þá
setur Skipulagsstofnun verk-
smiðjunni skilyrði um reglu-
bundnar mælingar á styrk þess-
ara efna í nágrenni verksmiðjunn-
ar og það teljum við endurspegla
þá mengunarhættu sem fylgir
starfseminni.“
Tryggvi segir að hér á landi sé
ekki í gildi viðmið um hvað sé
ásættanleg PAH mengun og því sé
í mati Skipulagsstofnunar stuðst
við reglur sem gilda í Evrópu.
Hins vegar séu vistkerfi á norður-
slóð viðkvæmari en þar sem lofts-
lag sé hlýrra og því telji hann
óráðlegt að byggja á viðmiðum
frá öðrum löndum. ■
Noregur skotmark
hryðjuverkamanna
Talsmaður hryðjuverkasamtakanna al-Kaída taldi Noreg upp með ríkj-
um sem ungir múslimar voru hvattir til að ráðast á. Norðmenn eru
áhyggjufullir og telja jafnvel að skotmark hafi þegar verið valið.
NOREGUR Al-Kaída samtökin hótuðu
Norðmönnum öðru sinni í fyrradag
og segjast norsk yfirvöld taka hót-
unina alvarlega og hafa aukið ör-
yggisviðbúnað í landinu. Ayman al-
Zawahri, sem sagður er næstráð-
andi í al-Kaída á eftir Osama bin
Laden, , kom fram á arabísku sjón-
varpsstöðinni Al-Jazeera þar sem
hvatti til árása á Bandaríkin og þær
þjóðir sem fylgja Bandaríkjunum
að máli í innrásinni í Írak. Noregur
var eitt þeirra landa sem nefnt var
sérstaklega í yfirlýsingunni. „Ráð-
ist á sendiráð og fyrirtæki Banda-
ríkjanna, Bretlands, Ástralíu og
Noregs,“ sagði al-Zawahri meðal
annars í ávarpinu. Einnig eru nefnd
á nafn Frakkland, Pólland, Suður-
Kórea og Japan.
Til marks um viðbúnað Norð-
manna er að fyrripartinn í gær voru
sprengjuhundar látnir leita að
sprengiefni fyrir opnun norska
Stórþingsins síðar um daginn. Ekki
fannst þó neitt við leitina. Viðstödd
við opnun 149. Stórþingsins í gær
voru kóngurinn, drottningin, krón-
prinsinn og fleira kóngafólk, auk
helstu fyrirmenna, sendiherra og
stjórnmálamanna í landinu. „Ég
skal ekki fullyrða um hvort strang-
ari öryggisreglur eru í gildi nú en
áður, en við förum eftir ráðlegging-
um lögreglu eftir hótunina,“ hafði
vefútgáfa norska dagblaðsins Af-
tenposten eftir Gerrit Löberg, yfir-
manni öryggismála í norska Stór-
þinginu.
Með yfirlýsingu al-Zawahri á Al-
Jazeera sjónvarpsstöðinni á föstu-
dag hafa Norðmenn tvisvar verið
nefndir sem sérstök skotmörk Al-
Kaída. „Mögulegt er að samtökin
hafi ruglast á Noregi og Dan-
mörku,“ sagði Stein Tönneson, for-
stjóri Alþjóðlegu friðarrannsóknar-
stofnunarinnar í Osló (PRIO), í við-
tali við aftenbladet.no í gær. „En um
leið óttast ég að hryðjuverkamenn
hafi þegar valið sér skotmark í Nor-
egi,“ bætti hann við. „Samtök á borð
við al-Kaída taka sér langan tíma í
að undirbúa árásir og slíkur undir-
búningur kann að liggja að baki því
að landið var nefnt í ávarpinu.“ ■
Reykjavík:
Reykskynj-
ari bjargaði
ELDUR Reykskynjari bjargaði að
ekki varð bruni í íbúð í Vestur-
bæ Reykjavíkur um klukkan ell-
efu í gærmorgun. Pottur hafði
verið skilinn eftir á eldavél sem
gleymst hafði að slökkva á áður
en húsráðendur yfirgáfu íbúð-
ina. Nágrannar urðu varir við
reykskynjarann, sem fór í gang
þegar potturinn ofhitnaði, og
hringdu á slökkviliðið. Skemmd-
ir urðu ekki miklar en reykræs-
ta þurfti íbúðina. ■
Reykjavíkurborg:
Kvennasjóð-
ur tryggður
JAFNRÉTTISMÁL Borgarráð hefur
samþykkt fyrir hönd Reykjavíkur-
borgar að festa í sessi starfsemi
Lánatryggingasjóðs kvenna. Árleg
framlög til sjóðsins hafa numið tíu
milljónum króna, þar af hafa þrjár
milljónir króna komið úr borgar-
sjóði. Lánatryggingasjóður kvenna
var settur á fót sem tilraunaverk-
efni félagsmálaráðuneytisins, iðn-
aðarráðuneytisins og Reykjavíkur-
borgar árið 1997. Honum er ætlað
að styðja konur til þátttöku og ný-
sköpunar í atvinnulífinu með því að
veita ábyrgðir á lánum sem veitt
eru umsækjendum. ■
Landsvirkjun:
Nýtt viðvör-
unarkerfi
IÐNAÐUR Endurnýja á bruna- og
innbrotsviðvörunarkerfi í Sig-
öldustöð og Hrauneyjarstöð
Landsvirkjunar og verður hægt
að senda inn tilboð í verkið eftir
helgi. Þorsteinn Hilmarsson,
upplýsingafulltrúi Landsvirkj-
unar, segir allar stöðvar fyrir-
tækisins beintengdar fullkomn-
asta tölvukerfi landsins. „Raf-
orkukerfinu er stýrt frá stjórn-
stöð Landsvirkjunar í Reykjavík.
Þangað berast fleiri hundruð boð
á mínútu um ástand og horfur
stöðvanna,“ segir Þorsteinn. ■
■ MENNING
■ ASÍA
■ LÖGREGLUFRÉTTIR
VEISTU SVARIÐ?
1Hvað heitir fyrrverandi forstjóri OgVodafone sem lét af störfum í vikunni?
2Hvaða kaupstaður stendur frammifyrir óvenju slæmu atvinnuástandi
vegna versnandi stöðu rækjuvinnslunar á
staðnum?
3Hvað heitir franska skáldkonan semlést í vikunni, 69 ára að aldri?
Svörin eru á bls. 34
Ungir frumkvöðlar
Fundur um ungt fólk og frumkvöðlamenntun
í tengslum við Evrópuverkefnið Young Entrepreneur Factory
Dagskrá:
13:30 Ávarp, Karl Friðriksson, Iðntæknistofnun
The Young Entrepreneur Factory Dream
Edna Cameron, Moray Collage, Skotlandi
Young Enterprise in Norway
Young Enterprise, Noregi
Entrepreneurship teaching and business plan competitions
in Iceland
G. Ágúst Pétursson, Frumkvöðlafræðslunni
15:00 Kaffihlé
Youth Entrepreneurship: The Highlands and
Islands Enterprise Perspective
Lorna Lindsay, Highland and Islands Enterprise, Skotlandi
From birth to business start-up
Mathias Sundin, Young Enterprise, Svíþjóð
Is innovation education a pathway to the future society?
Gísli Þorsteinsson, Kennaraháskóla Íslands
16:30 Fundarslit
Hótel Saga, föstudagur 8. október
Ráðstefnan er öllum opin og aðgangur er ókeypis
Undanþágunefnd:
Lög brotin
VERKFALL Fulltrúi sveitarfélaganna
í undanþágunefnd vegna verkfalls
kennara, Sigurður Óli Kolbeins-
son sviðstjóri lögfræðisviðs Sam-
bands íslenskra sveitarfélaganna,
telur fulltrúa kennara í nefndinni
ekki meta hverja undanþágu-
beiðni faglega út frá hagsmunum
barna. Lög geri ráð fyrir því. Full-
trúi kennara taldi ekki ástæðu til
að svara því.
Sigurður lét bóka í fundargerð
á föstudag að óskiljanlegt væri að
einungis væru veittar undanþág-
ur til fimm skóla þegar lægi fyrir
að fjöldi undanþágubeiðna hafi
borist frá öðrum skólum vegna
nemenda sem eins eða verr væri
ástatt fyrir. ■
HERINN FJARVERANDI
Indónesíska þingið kom saman í
fyrsta sinn eftir kosningar. Ólíkt
því sem verið hefur voru engin
þingsæti frátekin fyrir herinn og
öryggissveitir stjórnvalda.
Suharto, einræðisherra Indónesíu
í rúma þrjá áratugi, verðlaunaði
her og lögreglu fyrir stuðning við
sig með því að tryggja þeim sæti
á þinginu.
HÁTÍÐ Í KÓPAVOGI Spænskir
menningardagar hófust í Lista-
safni Kópavogs - Gerðarsafni í
gær. Kópavogsbær stendur fyrir
Spænskri menningarhátíð dagana
2. til 9. október í samvinnu við
lista- og menningarstofnanir í
Kópavogi og fleiri. Í boði verður
fjölbreytt dagskrá og heims-
þekktir listamenn koma fram.
RAFSKAUTAVERKSMIÐJA MUN RÍSA Í
HVALFIRÐI
Landvernd telur hana verða stærstu upp-
sprettu PAH krabbameinsvaldandi efna hér
á landi.
TEKINN FYRIR OFSAAKSTUR
Drengur fæddur árið 1986 var
tekinn á 142 kílómetra hraða á
Þorlákshafnarvegi skömmu eftir
miðnætti á föstudag.
Í SUÐUR-KÓREU
Suður-Kórea jók öryggisviðbúnaðarstig í landinu líkt og Noregur eftir yfirlýsingar frá al-
Kaída á föstudag. Á myndinni sést lögreglumaður úr öryggislögreglu Suður-Kóreu þar
sem hann stendur vörð í miðbæ Seoul í gær.
HÁTTSETTUR Í AL-KAÍDA
Ayman al-Zawahri á blaðamannafundi árið
1998. Myndin var tekin í Khost í Afganist-
an. Í ávarpi sem birt var síðasta föstudag
hvetur hann unga múslima til árása á
Bandaríkin og bandalagsríki þeirra.
AP
M
YN
D
/
LE
E
JI
N
-M
AN