Fréttablaðið - 03.10.2004, Blaðsíða 9
10 3. október 2004 SUNNUDAGUR
GORE VIDAL
Þessi beinskeytti rithöfundur fæddist
á þessum degi árið 1925.
„Hver sá Bandaríkjamaður sem er tilbúinn
til að bjóða sig fram til embættis forseta
ætti sjálfkrafa að vera úrskurðaður vanhæf-
ur til þess.“
- Gore Vidal veit hvað hann syngur og treystir fáum til
búsetu í Hvíta húsinu.
timamot@frettabladid.is
Hugleikur Dagsson myndlistar-
maður hélt af stað til New York í
gær en þar ætlar hann að dvelja í
10 daga og taka þátt í listaveisl-
unni Signal in the heavens þar
sem fjöldi íslenskra listamanna
mun láta til sín taka. Nafn hátíðar-
innar er vísun í söngtexta Leon-
ards Cohen, First We Take Man-
hattan, en aðstandendur hátíðar-
innar telja lagið fanga þann anda
sem einkenndi síðustu ár kalda
stríðsins en þeir hafa haldið sýn-
ingar sem fást við sjálfsmynd
Evrópubúa.
Listaveislan hefst föstudaginn
8. október en Hulli ætlar að nota
næstu viku til þess að fullklára
verk sín og undirbúa sýninguna.
„Myndirnar eru á stórum
pappír sem ég fer með mér út í
rúllum. Ég þarf að byrja á að
verða mér út um gistingu og finna
vinnuaðstöðu en ef tími gefst til
ætla ég svo að nota þann litla pen-
ing sem ég tek með mér til að
kaupa myndasögur,“ segir Hulli
sem er á kafi í myndasögum og
ætlar því einnig að reyna að grípa
einn uppáhalds-teiknimyndasögu-
höfund sinn glóðvolgan. „Evan
Dorkin sem gerði Milk and
Cheese verður með áritun í bóka-
búð í New York og ég verð að
reyna að hitta á hann.“
Hulli segir að þessi New York
ferð hafi lengi staðið til og hann
hugsar sér gott til glóðarinnar.
„Ég vona að það komi helst bara
ríkir artí-fartí New York-borgar-
ar á sýninguna og þá ætla ég að
reyna að selja allar myndirnar
mínar á ekki minna en 1000 doll-
ara stykkið.“ ■
VIKAN SEM VERÐUR
HUGLEIKUR DAGSSON ER FARINN TIL NEW YORK ÞAR SEM HANN ÆTLAR AÐ SÝNA TEIKNINGAR SÍNAR
Hulli tekur Manhattan
3. október 1990
Tæpu ári eftir að Berlínarmúrinn var rif-
inn sameinuðust Austur- og Vestur-Þýska-
land en löndin höfðu verið aðskilin í 45 ár.
Bandamenn skiptu landinu á milli sín að
lokinni seinni heimsstyrjöldinni árið
1945. Sovétmenn hertóku austurhlutann
en hinar bandalagsþjórinar höfðu töglin
og haldirnar vestan megin.
Bygging Berlínarmúrsins sem skipti
borginni í tvennt hófst árið 1961 þegar
Sovétmenn reyndu að stemma stigu við
fólksflótta yfir landamærin. Múrinn varð
eitt helsta tákn kalda stríðsins og því vilja
margir meina að því hafi ekki lokið fyrr
en múrinn féll og Þýskaland varð eitt þó
Sovétríkin sjálf hefðu liðast í sundur
nokkru fyrr.
Tveimur mánuðum eftir sameininguna
var gengið til kosninga í Þýskalandi og
Helmut Kohl var kjörinn fyrsti kanslari
sameinaðs Þýskalands.. ■
BERLÍNAR-
MÚRINN
Múrinn hafði
skipt Berlín í
tvennt frá árinu
1961 en Þjóð-
verjar samein-
uðust aftur sem
ein þjóð á
þessum degi
árið 1990.
ÞETTA GERÐIST
AUSTUR- OG VESTUR-ÞÝSKALAND SAMEINAST Á NÝ
MERKISATBURÐIR
1863 Abraham Lincoln, forseti
Bandaríkjanna, lýsir því yfir
að síðasti fimmtudagur í
nóvember skuli framvegis
vera þakkargjörðardagur.
1902 Harvey Kurtzman, stofn-
andi „Mad“ tímaritsins,
fæðist.
1952 Bretland verður þriðja
kjarnorkuveldið eftir að
þarlendum vísindamönn-
um tekst að sprengja fyrstu
kjarnorkusprengjuna.
1955 Tímaritið „LIFE“ birtir for-
síðumynd af Rock Hudson.
1955 Sjónvarpsþátturinn „The
Mickey Mouse Club“ hefur
göngu sína á ABC.
1995 O.J. Simpson er sýknaður
af ákærum um að hafa
myrt fyrrverandi eiginkonu
sína, Nicole Brown Simp-
son, og vin hennar, Ronald
L. Goldman.
Sameinað Þýskaland
Innilegt þakklæti fyrir hlýhug og samúð við
andlát og útför móður minnar, ömmu okkar
og langömmu,
Stefaníu Stefánsdóttur
Sigríður Alexander, Kristinn Guðjónsson, Stefanía
Guðjónsdóttir, Katrín Guðjónsdóttir, Rúnar og Guðbjörg.
Sérstakar þakkir til starfsfólks á hjúkrunarheimilinu Skjóli.
Kæru ættingjar og vinir! Hjartans þakkir fyrir
auðsýnda samúð og hlýhug við andlát og útför,
Kolbeins Guðjónssonar
Álfheimum 48
Kristín Kristinsdóttir, Guðjón Kolbeinsson, Jónína Pálsdóttir,
Gunnvör Kolbeinsdóttir, Garðar R. Árnason og barnabörn.
Kæru ættingjar og vinir. Hjartans þakkir fyrir
alla þá samúð og hlýhug við andlát og útför
okkar elskaða sonar, bróður og unnusta,
Ara Freys Jónssonar
Vallarbarði 3, 220Hafnarfirði
Jón Sigmar Jónsson, Sólrún Hvönn Indriðadóttir,
Stefanía Jónsdóttir, Sunna Hlín Jónsdóttir,
Íris Ósk Jónsdóttir og Kristín María Guðjónsdóttir.
HUGLEIKUR DAGSSON Hefur vakið
verðskuldaða athygli fyrir teikningar sínar
og er farinn til New York þar sem hann
ætlar að bera þær á borð fyrir listunnend-
ur í stórborginni.
Öflugar skáktölvur verða leiddar
saman í Iðnskólanum í Reykjavík í
dag á Meistaramóti skákforrita
2004 sem Hrókurinn og Iðnskólinn
standa fyrir í tilefni af 100 ára af-
mæli skólans. Skáktölvurnar eru af
ýmsum gerðum og stærðum og
sumar eru komnar vel til ára sinna
eins og til dæmis hin fyrirferðar-
mikla Kasparov Leonardo.
„Hrafn Jökulsson hélt fyrsta
skákmót skákforrita fyrir um það
bil 18 árum í húsi Þjóðviljans og
okkur þótti mál til komið að endur-
vekja þessa hefð,“ segir Kristian
Guttesen, tæknistjóri Hróksins.
Kristian segist ekki telja að
neinn keppendanna nú hafi tekið
þátt á fyrsta mótinu fyrir tæpum 20
árum en útilokar ekki að Kasparov
Leonardo hafi verið á staðnum en sá
jálkur þykir ekki eiga mikla mögu-
leika í dag þó mynd af kornungum
Kasparov skreyti umbúðir hans.
„Fritz 8, eða frúin, eins og hún kýs
að kalla sig er sterkust og því talin
langsigurstranglegust af þeim 10
keppendum sem taka þátt,“ segir
Kristian sem ætlar að sýna skákirn-
ar beint á hrokurinn.is.
„Þeir sem eiga ekki heimangengt
geta fylgst með skákunum á netinu
en annars er um að gera að koma á
staðinn enda mótið í eðli sínu þannig
að það er þægilegt fyrir áhorfendur
að ganga á milli og skoða skákirnar.
Fólk getur rabbað saman og drukk-
ið kaffi á meðan án þess að trufla
keppendur sem eru náttúrlega með
stáltaugar.“
Afmælissýning Iðnskólans verð-
ur opin á morgun þannig að það má
slá tvær flugur í einu höggi og
kynna sér starfsemi skólans um
leið. Mótið fer að vísu ekki fram í
aðalbyggingu skólans á Skólavörðu-
holtinu því vélarnar munu takast á
byggingu skólans við Barónsstíg
þar sem tölvudeild Iðnskólans er til
húsa. „Mótið sjálft er samt mjög
einfalt tæknilega og við fylgjum
sömu formúlu og Hrafn notaði á sín-
um tíma. Það verður bara labbað
um og mennirnir færðir fyrir tölv-
urnar. Helsta tækninýjungin í þessu
er að nú verður hægt að fylgjast
með á netinu.“
Meistaramótið hefst klukkan
13 og áætlað er að því ljúki klukk-
an 17. ■
Smáauglýsingasíminn er 550 5000
auglysingar@frettabladid.is
KRISTIAN GUTTESEN Með nokkrum keppendum á Meistaramóti skákforrita 2004. Ýmis fyrirtæki sendu vélar á mótið og þannig keppir hin
sigurstranglega Fritz fyrir Pennann, Mefisto Junior fyrir Leikbæi í Faxafeni og Mefisto Chess Challenger fyrir Bókabúðina á Hlemmi. „Svo eru
aðrir keppendur sem var boðið sérstaklega á mótið, eins og til dæmis Kasparov Leonardo, til þess að fá sem mesta breidd í hóp þátttakenda.
Skáktölvur takast á
MEISTARAMÓT SKÁKTÖLVA: FER FRAM Í IÐNSKÓLANUM Í DAG