Fréttablaðið - 05.10.2004, Blaðsíða 8
8 5. október 2004 ÞRIÐJUDAGUR
Stefnuræða forsætisráðherra:
Lekið til fjölmiðla annað árið í röð
STJÓRNMÁL Trúnaðarskylda sem
kveðið er á um í lögum var brotin
þegar fjölmiðlar fengu stefnuræðu
forsætisráðherra afhenta áður en
Halldór Ásgrímsson forsætisráð-
herra flutti hana á Alþingi. DV
greindi frá innihaldi ræðunnar í
gær.
Þetta er annað árið í röð sem
sagt er frá innihaldi stefnuræðu
forsætisráðherra áður en hún er
haldin á Alþingi. Í yfirlýsingu frá
forsætisráðuneytinu er þetta harm-
að. Þar segir að ræðan hafi verið af-
hent alþingismönnum síðdegis á
föstudag, merkt sem trúnaðarmál. Í
bréfi frá ráðuneytisstjóra forsætis-
ráðuneytisins sem fylgdi ræðunni
sagði að hún væri trúnaðarmál sam-
kvæmt lögum. Ljóst þyki að með
fréttaflutningi af efni ræðunnar
hafi lögin verið brotin.
Halldór Blöndal, forseti Alþing-
is, ræddi málið við forsætisráð-
herra og formenn þingflokkanna í
gær. Hann segir að málið verði
áfram rætt innan þingsins og í kjöl-
farið verði ákveðið hvernig brugð-
ist verði við. Halldór segir ekki vit-
að hvaða þingmaður hafi afhent
fjölmiðlum ræðuna. ■
STJÓRNMÁL Gert er ráð fyrir að
útgjöld embættis forseta Ís-
lands hækki um 20,6% á næsta
ári samkvæmt fjárlagafrum-
varpi ríkisstjórnarinnar. Fjár-
veiting til forsetaembættisins
verður 154,4 milljónir króna á
næsta ári sem er hækkun um
tæpar 26 milljónir króna frá
fjárlögum yfirstandandi árs.
Í athugasemdum með fjár-
lagafrumvarpinu er bent á hve
erfitt sé að meta kostnað við op-
inberar heimsóknir enda sé að-
dragandinn einatt skammur.
Síðan segir: „Þá hafa vinnu-
heimsóknir forseta og forseta-
hjóna orðið sífellt veigameiri
þáttur innan þessa liðar undan-
farinn áratug.“
Þótt útgjöld forsetans sam-
kvæmt fjárlagafrumvarpi
hækki um 20% er munurinn á
áætluðum útgjöldum 2005 og
síðasta ríkisreikningi sem fyrir
liggur, frá 2003 aðeins -1,5%.
Það ár fóru útgjöld forsetaemb-
ættisins hins vegar allverulega
fram úr upphaflegum fjárlögum
fyrir 2003. Þau áttu að vera
124,3 milljónir króna en urðu
156,8 milljónir samkvæmt ríkis-
reikningi. Munar þar 32,5 millj-
ónum króna og er framúrkeyrsl-
an 26,8%. Segir í fjárlagafrum-
varpinu að undanfarin ár hafi
nokkru munað á fjárveitingum
til forsetaembættisins og niður-
stöðutölum útgjalda úr ríkis-
reikningi og hafi sú skekkja
verið leiðrétt í fjáraukalögum. ■
Fjárlög 2005:
11 milljónir í
Evrópunefnd
STJÓRNMÁL Ellefu milljónum króna
verður veitt á næsta ári til starfs
Evrópunefndar samkvæmt fjár-
lagafrumvarpinu 2005. Gert er ráð
fyrir starfsmanni í hálfu starfi auk
kostnaðar við aðkeypta sérfræði-
vinnu.
Nefndin er skipuð af forsætis-
ráðherra og er henni ætlað að sker-
pa og skýra hvaða atriði þarf að
ræða í Evrópumálum og hver ekki.
Evrópunefndinni er, auk upplýs-
ingaöflunar, ætlað að greina aðalat-
riði mála og helstu staðreyndir til að
auðvelda umræður á réttum eða
skynsamlegum forsendum um Evr-
ópumálin. ■
SVONA ERUM VIÐ
HELSTU MÁLEFNI SAMKEPPN-
ISSTOFNUNAR Í FYRRA:
Olíumarkaður 37,9 prósent
Samgöngur/flutningar 10,0 prósent
Stjórnsýsla/innri málefni 7,5 prósent
Fjármagnsmarkaður 6,1 prósent
Tryggingamarkaður 6,2 prósent
Verðkannanir 4,1 prósent
Verslun og þjónusta 3,8 prósent
Önnur málefni 24,3 prósent
Heimild: Ársskýrsla Samkeppnisstofnunar
Á sérstöku
kynningar
verði
NexxStyle – Ný og byltingarkennd servíetta
Ótrúlega mjúk og ótrúlega ódýr
LÍÚ og SSÍ ræða kjör:
Fjöldi funda
án árangurs
KJARAMÁL Talnaútreikningur og
umræður um tölur voru helstu
viðfangsefni 31. fundar sjómanna
og útvegsmanna hjá ríkissátta-
semjara í gær.
Þrátt fyrir stíf fundarhöld frá
því um miðjan ágúst hefur ekkert
þokast í kjaraviðræðunum, segir
Sævar Gunnarsson, formaður Sjó-
mannasambands Íslands.
Tíu mánuðir eru liðnir frá því
að samningar sjómanna við út-
gerðirnar losnuðu. Næsti fundur
deilenda verður á fimmtudag. ■
Kópavogur:
Klórgas til
umræðu
UMHVERFISMÁL Leyfisveiting vegna
klórgasframleiðslu til fyrirtækis-
ins Mjallar-Friggjar hefur ekki
enn verið tekin fyrir til afgreiðslu
í bæjarstjórn Kópavogs. Málið
kom þó til umræðu á síðasta
fundi. Þar lýstu allir fulltrúar
Samfylkingar í bæjarstjórn sig
andvíga því að leyfa framleiðsl-
una nærri íbúabyggð og einn bæj-
arfulltrúi Framsóknarflokks að
auki. Verksmiðjan hefur sótt um
leyfi til framleiðslunnar á lóð
vestast á Kársnesi, en hún hefur
hingað til verið á Fosshálsi í
Reykjavík. ■
AFGANISTAN, AP Ein af forsendunum
fyrir því að forsetakosningarnar í
Afganistan á laugardag gangi upp
er að konur nýti kosningarétt sinn. Í
landi þar sem konur hafa notið tak-
markaðra réttinda og þar sem hvort
tveggja ráðamenn og óþekktir
íhaldsmenn reyna að koma í veg
fyrir að þær kjósi er það hægara
sagt en gert.
Fjöldi kvenna hefur þó gefið
sig fram. „Ég er ánægð að geta
gert eitthvað fyrir land mitt,“
sagði Maimana Tarek, sem var á
námskeiði fyrir kosningastarfs-
menn. „Margar óttast þó að eitt-
hvað gerist, að eldflaugum verði
skotið á okkur eða sprengjum
komið fyrir.“
Átak stendur yfir um að þjálfa
starfsfólk til vinnu á kjörstöðum.
Þar sem karlar og konur fá ekki að
kjósa í sömu kjördeildum þarf að
þjálfa karlmenn til starfa í kjör-
deildum þar sem karlar kjósa og
konur í kjördeildir kvenna. Sums
staðar fást ekki nógu margar konur
til starfa, ekki síst vegna þess að
konur sæta hótunum fyrir það eitt
að ætla að taka þátt í kosningunum.
Þar sem ekki fást nógu margar kon-
ur til starfa eiga klerkar og öldung-
ar að starfa í kjördeildum. ■
FAGNAR KOSNINGUNUM
Íklædd kufli sem hylur hana frá toppi til táar gaf þessi afganska kona tákn um ánægju sína með forsetakosningarnar sem fara fram á
laugardag, en hún starfar þá á kjördeild fyrir konur í Kandahar. Konur eru 41 prósent skráðra kjósenda en eiga víða erfitt með að nýta
kosningarétt sinn.
Fyrstu lýðræðislegu kosningarnar í Afganistan:
Áhersla lögð á þátttöku kvenna
HALLDÓR BLÖNDAL
Forseti Alþingis ræddi við forsætisráðherra
og þingflokksformenn vegna þess að
stefnuræðu forsætisráðherra var lekið til
fjölmiðla annað árið í röð.
FR
ÉT
TA
B
LA
Ð
IÐ
/G
VA
ÚTGJÖLD Í TÍÐ ÓLAFS RAGNARS:
1996: 113 milljónir (ríkisreikn., á núvirði)
2005: 154 milljónir (fjárlagafrumvarp)
+ 36,3%
FORSETAEMBÆTTIÐ
Bent er á erfiðleika við að meta kostnað
við opinberar heimsóknir sem réttlæt-
ingu á framúrakstri embættisins miðað
við upphafleg fjárlög. Hér tekur Ólafur
Ragnar Grímsson á móti Tarja Halonen,
forseta Finnlands, í síðasta mánuði.
FR
ÉT
TA
B
LA
Ð
IÐ
/V
IL
H
EL
M
Útgjöld forsetaembættis
aukast um fimmtung
Embætti forseta Íslands kemur til með að kosta 20,6 prósentum meira á næsta ári en þessu. Sagt
er erfitt að meta kostnað við opinberar heimsóknir sem beri að með litlum fyrirvara.