Fréttablaðið - 05.10.2004, Blaðsíða 17
ÞRIÐJUDAGUR 5. október 2004
Bush og Kerry:
Hnífjafnir
BANDARÍKIN George
W. Bush og John
Kerry njóta jafn
mikils fylgis sam-
kvæmt nýrri skoð-
anakönnun Gallups
fyrir sjónvarpsstöð-
ina CNN og dagblað-
ið USA Today. Hvor
um sig nýtur 49 pró-
senta fylgis meðal lík-
legra kjósenda. Bush hefur naumt
forskot, 49 prósenta fylgi gegn 47
prósenta fylgi Kerrys meðal þeirra
sem eru á kjörskrá.
Gallup-könnunin er önnur könn-
unin sem sýnir að Kerry hafi unnið
upp forskot á Bush. Áður hafði könn-
un Newsweek sýnt að hann nyti
meira fylgis en forsetinn. ■
Þingkosningar í Slóveníu:
Flokkur
Jansa sigraði
SLÓVENÍA,AP Demókrataflokkur
Janez Jansa bar sigur úr býtum í
þingkosningum í Slóveníu í gær,
samkvæmt óstaðfestum tölum.
Flokkurinn hlaut um 29% greiddra
atkvæða, sem var sex prósentum
meira en flokkur frjálslyndra
demókrata fékk.
Sá flokkur hafði verið við völd
undanfarin tólf ár. Jansa var himin-
lifandi með útkomuna. „Nauðsyn-
legar breytingar hafa orðið í stjórn-
málum Slóveníu og við höfum að-
ferðirnar og fólkið sem getur fylgt
þeim úr vör,“ sagði hann. „Auðvitað
munu góðir hlutir eins og ESB og
NATO haldast óbreyttir,“ bætti
hann við, en stutt er síðan þjóðin
gekk í bæði samtökin. ■
HANDTAKA
Þýskir lögreglumenn handtaka mann sem
mótmælti göngu nýnasista í Leipzig.
Handtökur í Þýskalandi:
Mótmæltu
nýnasistum
LEIPZIG, AP Tíu manns voru hand-
teknir eftir að nokkur þúsund
manns mótmæltu göngu 150 nýnas-
ista í borginni Leipzig í austurhluta
Þýskalands í gær.
Að auki særðist lögreglumaður
þegar hann fékk í sig glerflösku.
Flestir mótmælendanna, sem voru
um fjögur þúsund talsins, voru frið-
samir en lítill hluti þeirra brenndi
ruslatunnur og kastaði steinum að
lögreglu. Brunaslöngur voru notað-
ar með góðum árangri til að stía í
sundur mótmælendunum og nýnas-
istunum. ■
BUSHHJÓNIN
Á GANGI