Fréttablaðið - 05.10.2004, Blaðsíða 32

Greiningardeildir spá í fjárlögin
Greiningardeildir Íslandsbanka og Landsbankans
gerðu fjármálastjórn ríkisins að umtalsefni í frétta-
bréfum sínum í gær í kjölfar þess að Geir H.
Haarde fjármálaráðherra hefur kynnt fjárlagafrum-
varp næsta árs. Í Morgunkorni Íslandsbanka er að-
haldi í fjármálafrumvarpi næsta árs fagnað og segir
að sá metnaður sem þar sé að finna sé til þess
fallinn að draga úr áhyggjum af ofþenslu í þeirri
uppsveiflu sem nú standi yfir. Íslandsbanki tekur
undir að viðskiptahallinn sé ógn við verðmæti ís-
lensku krónunnar. Íslandsbanki segir að svo virðist
sem meira aðhald verði í ríkisfjármálum á næsta
ári en verið hefur nú í ár.
Hefði mátt vera meira aðhald
Í Vegvísi Landsbankans er vöngum velt yfir því
hvort aðhald í rekstri ríkisins sé nægilega mikið.
Þar segir að eftir á að hyggja hefði aðhald í ríkis-
fjármálum mátt vera meira í síðustu uppsveiflu,
sérstaklega í ljósi þess hve mikið launaskrið varð í
kjölfar hennar.
Ekki lækka skatta
Greiningardeildin segir að þótt
ýmsar aðstæður bendi til minni
þensluhættu nú en um alda-
mótin sé samt sem áður
ótímabært að lækka
skatta. Landsbankinn
segir að slík aðgerð
dragi úr virkni skatt-
kerfisins til að vega
á móti hagsveifl-
unni. „Skattalækkan-
ir ættu því að bíða
þar til toppi hag-
sveiflunnar er náð og
þannig myndast einnig
aukið svigrúm til að
vega á móti slaka í lok
stóriðjuframkvæmd-
anna,“ segir greiningar-
deildin.
MESTA HÆKKUN
ICEX-15 3.799
KAUPHÖLL ÍSLANDS [ HLUTABRÉF ]
Fjöldi viðskipta: 359
Velta: 1.782 milljónir
-0,53%
MESTA LÆKKUN
MARKAÐSFRÉTTIR...
24 5. október 2004 ÞRIÐJUDAGUR
Hannes Smárason, fyrrum
aðstoðarforstjóri deCode,
hefur keypt hlut Jóns Helga
Guðmundssonar í
Oddaflugi. Þar með ræður
hann einn yfir stærsta hlut-
num í Flugleiðum. Leiðir
hafa skilið hjá Jóni Helga og
Hannesi sem einnig eiga
stóran hlut saman í KB
banka. Jón Helgi gerir ráð
fyrir að þeirri eign verði líka
skipt upp.
Hannes Smárason stjórnar nú
einn tæplega þriðjungshlut í Flug-
leiðum. Hann keypti á sunnudag-
inn helming hlutafjár í Oddaflugi
af Jóni Helga Guðmundssyni í
BYKO. Hannes og Jón Helgi
keyptu kjölfestuhlut í Flugleiðum
í lok janúar og í kjölfarið voru
þeir kosnir í stjórn félagsins.
Hannes er stjórnarformaður
Flugleiða.
Viðskiptin milli Hannesar og
Jóns Helga fóru fram á genginu
9,6 en það er nokkuð hærra en
gengi bréfanna á markaði hefur
verið og umtalsverð hækkun frá
því þeir keyptu upphaflega hlut í
Flugleiðum af Íslandsbanka,
Straumi og fleirum. Þau viðskipti
voru á genginu sjö.
Að sögn Hannesar Smárasonar
er greitt fyrir bréfin með reiðufé
en verðið á hlut Jóns Helga er um
3,6 milljarðar. Jón Helgi innleysir
því hagnað upp a rétt tæplega
milljarð.
Þegar kaupin áttu sér stað í
janúar lýstu Jón Helgi og Hannes
því yfir að um langtímafjárfest-
ingu væri að ræða. Síðar hefur
kvarnast upp úr samstarfi þeirra
og vinna þeir nú að því að skipta
upp þeim fjárfestingum sem þeir
hafa staðið að í sameiningu.
Að sögn Hannesar Smárasonar
verður boðað til nýs hluthafafundar
á næstunni þar sem fyllt verður
skarð Jóns Helga í stjórninni.
Hannes segir ekki búið að ákveða
hvenær boðað verði til slíks fundar.
„Ég horfi á það að Flugleiðir
eru spennandi vettvangur. Það
kom strax frá Jóni Helga að það
er ekki á hans meginverksviði að
sinna flugrekstri en þetta er sá
vettvangur sem ég hyggst ein-
beita mér að á næstunni,“ segir
Hannes.
Hann segir að búast megi við
einhverjum skipulagsbreytingum
hjá félaginu en telur ekki tíma-
bært að ræða nánar um mögu-
leika í þeim efnum. „Það hafa hátt
í sjötíu prósent í félaginu skipt um
hendur á síðustu mánuðum. Við
auðvitað ætlum okkur að skipta
okkur að rekstrinum þótt við
séum ekki að kynna nein ákveðin
plön núna. Það er eitthvað sem
tíminn verður að leiða í ljós,“
segir hann.
Hann telur mikil sóknarfæri
liggja í rekstri Flugleiða og nefnir
sem dæmi um það þá ákvörðun að
hefja flug til San Francisco í
Bandaríkjunum næsta vor. „Menn
horfa til þess að það séu áfram
mikil tækifæri í ferðamannageir-
anum og Flugleiðir ætla að njóta
góðs af því,“ segir Hannes.
Jón Helgi Guðmundsson segir
að salan á hlutnum í Oddaflugi
tengist því að Hannes og hann séu
nú að skipta upp fjárfestingum
sem þeir hafi áður staðið að sam-
eiginlega.
Þeir eiga einnig stóran hlut í
KB banka. Sá hlutur er nú um tólf
milljarða króna virði. Jón Helgi
gerir ráð fyrir að þeim eignarhlut
verði einnig skipt upp innan tíðar.
Jón Helgi er sáttur við þá
ávöxtun sem hann hefur fengið
með kaupunum í Flugleiðum.
„Flugleiðir eru gott félag og ég
held að það eigi framtíðina fyrir
sér. Það er mjög öflugt fólk þarna
sem hefur verið að búa til mjög
gott fyrirtæki og þar á ég við Sig-
urð Helgason og hans helstu sam-
starfsmenn,“ segir Jón Helgi.
thkjart@frettabladid.is
vidskipti@frettabladid.is
Peningaskápurinn…
Actavis 51,20 -0,58% ... Bakkavör
27,80 +1,09% ... Burðarás 15,30 - ... Atorka 6,15 -5,38% ... HB Grandi
8,00 +2,56% ... Íslandsbanki 11,70 -1,68% KB banki 485,00 -1,62% ...
Landsbankinn 13,95 +2,57% ... Marel 54,70 -0,55% ... Medcare 6,55 - ...
Og fjarskipti 3,82 -3,29% ... Opin kerfi 26,20 +1,95% ... Samherji 13,40
+0,75% ... Straumur 10,30 +0,98% ... Össur 91,50 -0,54%
Hannes ræður för í Flugleiðum
Austurbakki 2,61%
Landsbankinn 2,57%
HB Grandi 2,56%
SS -12,17%
Atorka -5,38%
Og Vodafone -3,29%
HLUTABRÉF Í ÚRVALSVÍSITÖLU:
nánar á visir.is
KJÖLFESTUHLUTUR Í HÖFN Eftir að Hannes Smárason keypti Jón Helga Guðmundsson út úr Oddaflugi er hann stærsti einstaki hluthafinn í Flugleiðum með tæplega þriðjungshlut.
Úrvalsvísitalan lækkaði í gær
eftir að hafa hækkað sjö viðskipta-
daga í röð. Í september lækkaði
Úrvalsvísitalan einungis þrjá daga
en hækkaði nítján daga.
Annað eins hefur ekki sést síð-
an í ágúst í fyrra en þá hækkaði
vísitalan nítján daga en lækkaði
aðeins tvisvar.
Boðað hefur verið til hluthafa-
fundar í Burðarási þann 18. októ-
ber nk. Þar leggur stjórnin fyrir til-
lögu um heimild til að auka hluta-
fé um rúmlega einn milljarð að
nafnvirði eða tæpa fimmtán millj-
arða að markaðsvirði. Heimildin
gildir til 2009.
Gengi krónunnar veiktist í gær.
Gengisvísitala krónunnar var 122
við lok viðskipta í gær og hafði
veikst um 0,16 prósent.
Selja Svíum
hugbúnað
Kerfi AB, dótturfélag Opinna
kerfa í Svíþjóð, hefur gert samn-
ing við Svenska spel um rekstur
tölvukerfa. Svenska spel rekur
lottó í Svíþjóð.
Að sögn Frosta Bergssonar,
stjórnarformanns Opinna kerfa
group, eru miklar kröfur gerðar
til rekstraröryggis í kerfinu.
Hugbúnaður Kerfa AB kemur við
sögu bæði við sölu á miðum og
einnig við útdrátt á vinningum.
„Við vorum að fá pöntun upp á
230 milljónir frá Svenska Spel, en
það er lóttó og tilheyrandi og
heljarmikið tölvukerfi sem þeir
eru með. Við erum að upplifa í
Svíþjóð að við erum að fá stærri
pantanir þannig að markaðurinn
er að taka við sér,“ segir Frosti. ■
Hlutabréf í
Japan hækka
Hlutabréfaverð á japanska hluta-
bréfamarkaðinum hækkaði mjög í
gær. Nikkei-vísitalan fór í 11.280
stig og hefur ekki verið hærri í
þrjár vikur.
Hækkunin í gær nam 294 stig-
um eða um 2,7 prósentum. Skýrsla
frá seðlabanka Japans gefur til
kynna að horfur í efnahagslífinu
séu nú með skásta móti frá því að
næstum samfelld kreppa hófst í
byrjun tíunda áratugar síðustu
aldar. ■
SÓLSKIN Í REGNINU
Það rigndi á japanska verðbréfasala í gær
en þeir gátu þó brosað þar sem verðbréf
hækkuðu hratt í verði í Tókýó.
FR
ÉT
TA
B
LA
Ð
IÐ
/A
P
OLÍAN GEFUR EFTIR Olíuverð
lækkaði örlítið á mörkuðum í gær
og fór verð á tunnunni niður fyrir
fimmtíu Bandaríkjadali. Enn sér á
olíubirgðum í Bandaríkjunum eft-
ir að fellibylurinn Ívan gekk yfir
nokkur af helstu olíuframleiðslu-
ríkjum landsins.
Sérfræðingar telja að olíuverð
haldist hátt um fyrirsjáanlega
framtíð þótt þeir telji ekki líklegt
að það nái sömu hæðum og í byrj-
un níunda áratugarins. Til þess
að ná sama raunverði þyrfti tunn-
an nú að fara yfir áttatíu dali.
Í skýrslu Hagfræðistofnunar HÍ
um kostnaðargreiningu á heil-
brigðisþjónustu kemur fram að
kostnaður við komu sjúklinga á
heilsugæslu er lægri en kostnaður
við komu til sérgreinalækna.
Að mati Axels Hall, annars höf-
unda skýrslunnar, kemur þessi
niðurstaða ekki á óvart en hann
áréttar að út frá þessu og öðrum
niðurstöðum sé erfitt að draga
ályktanir um hvar í heilbrigðis-
kerfinu hagkvæmnin sé mest. Í
skýrslunni sé einungis borinn
saman heildarkostnaður við komu
sjúklinga á heilsugæsluna, til sér-
greinalækna, eða á fjórar göngu-
deildir innan Landspítalans.
„Í þessari skýrslu er einungis
kostnaðurinn skoðaður,“ segir
Axel og segir að frekari greining-
ar sé þörf.
„Það er ljóst að einhvers staðar
þarf að byrja og ég held að þetta
sé góð byrjun. Skýrslan opnar að
öllum líkindum fleiri dyr en hún
lokar en það er mikilvægt að
halda þessari vinnu áfram,“ segir
hann.
Axel bendir á að Íslendingar
verji nú ríflega níu prósentum af
landsframleiðslu í heilbrigðis-
kerfið sem sé hátt á vestræna
mælikvarða.
Enn fremur er greining á þörf-
um mikilvægari í þessum geira en
í mörgum öðrum þar sem umfang
þjónustunnar ræðst ekki fyrir
hefðbundið samspil framboðs og
eftirspurnar á frjálsum markaði
heldur er það háð miðstýrðum
ákvörðunum stjórnvalda. ■
Fyrsta skref í greiningu
HEIMSÓKNIR Á HEILSUGÆSLU
ÓDÝRARI Skýrsla sýnir að mun minni
kostnaður fellur til vegna heimsókna á
heilsugæslu en til sérfræðinga. Þó þarf
frekari rannsóknir til að meta hvar hag-
kvæmnin í heilbrigðiskerfinu er mest.
FR
ÉT
TA
B
LA
Ð
IÐ
/G
VA
Í nýrri skýrslu kemur fram
að kostnaður við heimsókn á
heilsugæslu er minni en við
heimsókn til sérfræðings.