Fréttablaðið - 06.10.2004, Blaðsíða 2

2 6. október 2004 MIÐVIKUDAGUR
Fyrrum forseti Írans varar andstæðinga landsins við:
Eignast langdrægari eldflaugar
ÍRAN, AP Íranar geta fljótt komið
sér upp eldflaugum sem hægt er
að skjóta á milli heimsálfa. Þessa
hótun mátti lesa úr orðum Hash-
emis Rafsanjani, fyrrum forseta
Írans, þegar hann ávarpaði starfs-
fólk Flugrannsóknastofnunarinn-
ar í Teheran.
„Við getum nú skotið eldflaug-
um á skotmörk í tvö þúsund kíló-
metra fjarlægð,“ sagði Rafsanjani
og bætti við: „Sérfræðingar vita
að land sem getur þetta getur náð
öllum frekari stigum í gerð eld-
flauga.“
Stutt er síðan Íranar prófuðu
nýja gerð Shahab-3 eldflauga
sinna. Eldri eldflaugar Írana
draga til skotmarka alls staðar í
Mið-Austurlöndum, þar á meðal í
Ísrael og til herstöðva Bandaríkj-
anna á svæðinu.
Ísraelar óttast mjög eldflaugar
Írana, ekki síst ef Íranar koma sér
upp kjarnorkuvopnum eins og
Ísraelar og Bandaríkjamenn eru
sannfærðir um að þeir reyni. Til
varnar þessu hafa Ísraelar, í sam-
vinnu við Bandaríkin, þróað Ar-
row-eldflaugavarnakerfið sem á
að geta skotið niður eldflaugar. ■
Börnum fækkar
í höfuðborginni
Yngstu börnunum fækkar í Reykjavík en fjölgar í Kópavogi. Borgarfull-
trúi Sjálfstæðisflokksins kennir lóðaskorti um. Reykjavíkurlistinn segir
lækkun fæðingatíðni útskýringuna.
SVEITARSTJÓRNARMÁL Börnum upp að
fimm ára aldri fækkaði um rúm
fimm prósent í Reykjavík frá árinu
1994 til ársins 2003, úr 7.626 í 7.224.
Á sama tíma fjölgaði börnum á
þessum aldri í öðrum sveitarfélög-
um á höfuðborgarsvæðinu um 548.
Þar af fjölgaði þeim mest í Kópa-
vogi, um 528, og í Mosfellsbæ, um
146. Þeim fækkaði hins vegar á Sel-
tjarnarnesi um 121 og um 41 í
Garðabæ .
Guðlaugur Þór Þórðarson, borg-
arfulltrúi Sjálfstæðisflokksins,
segir þetta undarlega þróun á sama
tíma og stórfelldir fólksflutningar
til höfuðborgarsvæðisins eigi sér
stað. Fækkun barna á sama tíma
sýni það svart á hvítu að barnafjöl-
skyldur séu að flytja úr borginni.
,,Ástæðurnar fyrir því að þessar
fjölskyldur flytja á brott eru lóða-
skortur og andstaða Reykjavíkur-
listans við byggingu sérbýlishúsa.
Öll áherslan er lögð á byggingu
fjölbýlishúsa og til dæmis er að-
eins gert ráð fyrir að sex prósent
af húsum í fyrirhuguðu Úlfars-
fellshverfi verði einbýlishús.“
Ingibjörg Sólrún Gísladóttir,
borgarfulltrúi Reykjavíkurlistans,
segir að börnum á þessum aldri
fækki á landinu öllu og því sé eðli-
legt að það komi líka fram í
Reykjavík. „Fæðingatíðni er að
lækka og það er meginskýringin.
Þannig hefur leikskólabörnum
fækkað um 1.100 á landinu öllu frá
árinu 1997. Það er hins vegar Kópa-
vogur sem sker sig úr. Hins vegar
hefur börnum á grunnskólaaldri
fjölgað um 1.600 í Reykjavík frá
árinu 1994. Þannig að þetta er flók-
in mynd og það er engin ein ástæða
fyrir þessu eins og sjálfstæðis-
menn halda fram.“
Guðlaugur Þór segir borgina
missa tekjur á þessari þróun til
hinna sveitarfélagana á höfuðborg-
arsvæðinu. Tölur um tekjuaukn-
ingu þeirra sýni fram á það, en frá
árinu 1992 hafi skatttekjur Reykja-
víkurborgar aukist um sjötíu pró-
sent á meðan skatttekjur annarra
sveitarfélag á þessu svæði hafi
aukist frá 92 prósentum upp í 102
prósent. ghg@frettabladid.is
Friðargæslan:
Fær auka
70 milljónir
EFNAHAGSMÁL Farið er fram á 70
milljónir króna vegna kostnaðar
við íslensku friðargæsluna um-
fram forsendur ársins 2003 í fjár-
aukalögum sem lögð hafa verið
fyrir Alþingi.
Íslensk friðargæslan hækkaði
um 84,4 milljónir króna á fjárlög-
um 2004 frá árinu áður og heildar-
útgjöldin áttu að vera 329,8 millj-
ónir. Þá er farið fram á 30 millj-
óna króna framlag vegna flutn-
inga með flugi í þágu Atlantshafs-
bandalagsins til Afganistan. ■
Kennaraverkfall:
Funduðu í
níu tíma
KJARABARÁTTA Launanefnd sveitar-
félaganna lagði fram skriflega til-
lögu að viðræðugrundvelli um
launamyndunarkerfi og uppbygg-
ingu þess á fundi með samninga-
nefnd kennara í gær. Fundurinn
stóð á níundu klukkustund.
Hvorug nefndanna vildi tjá sig
efnislega um fundinn. Ríkissátta-
semjari boðaði fund klukkan eitt í
dag þar sem viðræðum verður
haldið áfram. Birgir Björn Sigur-
jónsson, formaður launanefndar
sveitarfélaganna, sagði of
snemmt að segja um hvort hug-
myndir nefndarinnar leiði til sátta
og samninga. ■
■ LÖGREGLUFRÉTTIR
„Já, alloft.“
Séra Halldór Reynisson er í hópi guðsmanna sem
spila fótbolta í KR-heimilinu á fimmtudagsmorgn-
um.
SPURNING DAGSINS
Halldór, hefurðu notað „hönd guðs“?
Éljagangur fyrir norðan:
Kuldaskot-
inu að ljúka
VEÐUR Fyrsti snjór haustsins á Ak-
ureyri féll í gær. Veðurstofan
gerir ráð fyrir því að kuldaskot-
inu sem gengið hefur yfir landið
ljúki í kvöld og nótt.
Í gærkvöld var gert ráð fyrir
að éljagangur yrði á Norður- og
Norð-Austurlandi í nótt og jafnvel
fram eftir degi í dag, að sögn
veðurfræðings. Ekki var gert ráð
fyrir að snjó festi á jörðu, þar sem
sjór fyrir norðan land er mjög
hlýr um þessar mundir. Í kvöld er
gert ráð fyrir að hlýni í veðri,
fyrst vestan lands en síðan um
land allt. Sæmilega hlýtt verður
næstu daga. ■
UMRÆÐUR Í ÍRANSKA ÞINGINU
Íranar neita því að þeir séu að koma sér
upp kjarnorkuvopnum. Því trúa Ísraelar
ekki og óttast langdrægar eldflaugar Írana. FR
ÉT
TA
B
LA
Ð
IÐ
/A
P
TJALDSTÆÐIÐ Á AKUREYRI
Snjó festi á tjaldstæðinu á Akureyri í gær. LAUNANEFNDIN
Fundar sér rétt eins og kennarar áður en
til sameiginlegs fundar samninganefnd-
anna kemur klukkan eitt.
FR
ÉT
TA
B
LA
Ð
IÐ
/G
VA
HEILBRIGÐISMÁL Jón Kristjánsson
heilbrigðisráðherra „vísar á
bug“ fullyrðingum Önnu Lilju
Gunnarsdóttur, starfandi for-
stjóra Landspítala - háskóla-
sjúkrahúss, um að skera þurfi
niður þjónustu á spítalanum
vegna sparnaðarkröfu stjórn-
valda upp á samtals 6-700 millj-
ónir króna á næsta ári.
„Við erum að bæta 500 millj-
ónum króna inn í rekstrargrunn
spítalans á næsta ári með því að
skera sparnaðarkröfuna niður
um þá upphæð,“ sagði heilbrigð-
isráðherra. „Hann fær samtals
tæpar 700 milljónir króna á fjár-
aukalögum. Þar að auki er hann
leystur undan almennri sparn-
aðarkröfu upp á eitt prósent,
sem margar ríkisstofnanir hafa.
Við erum jafnframt að skoða
uppsafnaðan halla í rekstri hans
og sú staða kemur í ljós á næstu
dögum.“
Heilbrigðisráðherra sagði
enn fremur að menn væru að
„fara fram úr sjálfum sér“ ef
þeir segðu að skera þyrfti niður
þjónustu á spítalanum við þær
aðstæður sem honum væru bún-
ar nú.
En þótt stjórnvöld hefðu veitt
ákveðnar tilslakanir í sparnað-
arkröfum þýddi það ekki að
spítalinn væri leystur undan al-
mennu aðhaldi, fremur en aðrar
stofnanir. ■
Heilbrigðisráðherra um rekstrarvanda Landspítalans:
Vísar fullyrðingum
um niðurskurð á bug
HEILBRIGÐISRÁÐHERRA
„Menn eru að fara fram úr sjálfum sér.“
LEIKSKÓLABÖRN
Fækkar í Reykjavík. Borgarfulltrúa greinir á um hvers vegna.
FR
ÉT
TA
B
LA
Ð
IÐ
/V
IL
H
EL
M
Kynferðisbrotadómur:
Maður
sýknaður
DÓMUR Maður var sýknaður í
Héraðsdómi Norðurlands eystra
af ákæru um kynferðisbrot. Mað-
urinn var ákærður fyrir að hafa í
janúar haft samfarir við konu
þegar ástand hennar var þannig
að hún gat ekki spornað við
verknaðinum sökum ölvunar og
svefndrunga.
Dómnum þótti leika vafi á að
um saknæma hegðun hafi verið
að ræða. Maðurinn játar að hafa
haft samfarir við konuna en
segist hafa talið þær hafa verið
með fullum vilja og þátttöku kon-
unnar. Konan sagðist hafa neitað
að eiga við hann samræði. ■
ÚT AF Í HÁLKU Engin slys urðu á
fólki þegar ökumaður keyrði út
af eftir að hafa misst stjórn á bíl
sínum í hálku í Víkurskarði um
miðjan daginn í gær. Unnið var
að því að sandbera skarðið seinni
partinn í gær til að hindra að
fleiri lentu utan vegar.
SLUPPU ÁN MEIÐSLA Ökumaður
missti stjórn á bíl sínum í hálku á
Ólafsfjarðarvegi um miðjan dag-
inn í gær. Tveir voru í bílnum og
sluppu þeir án meiðsla. Bíllinn
var dreginn upp á veg en hann
skemmdist lítið.