Fréttablaðið - 10.10.2004, Blaðsíða 2
2 10. október 2004 SUNNUDAGUR
ALMANNASKARÐ Sturla Böðvarsson
samgönguráðherra hefur fyrir-
skipað rannsókn á því hvað fór
úrskeiðis þegar síðasta haftið í Al-
mannaskarðsgöngum var sprengt
þrettán mínútum á undan áætlun.
Sex starfsmenn sem voru við vinnu
í norðanverðum skálanum urðu að
kasta sér í jörðina til að forðast
grjót sem þeyttist yfir þá við
sprenginguna.
„Það bendir allt til þess að þarna
hafi orðið mjög alvarleg mistök hjá
verktaka. Ég þakka guði fyrir að
ekki varð slys,“ segir Sturla Böðv-
arsson samgönguráðherra.
„Ég hef þegar óskað eftir því
við vegamálastjóra að farið verði
mjög vandlega ofan í þessa fram-
kvæmd. Það er ljóst að svona
óhöpp mega ekki verða. Það hlýtur
að vera sú krafa sem við verðum að
gera. Það verður að líta til þess
bæði hvernig verktakinn hefur
staðið að þessu, eftirlitsaðilar og
starfsmenn Vegagerðarinnar. Það
verður að læra af þessu á þann veg
að svona atburður verði ekki. Þetta
er algjörlega óforsvaranlegt og
óviðunandi,“ segir Sturla.
-bþg
FISKVEIÐAR „Þetta myndi hafa í för
með sér gríðarlegar afleiðingar
fyrir íslenskan sjávarútveg,“
segir Friðrik J. Arngrímsson,
framkvæmdastjóri Landssam-
bands íslenskra útvegsmanna,
um hugmyndir sem nú eru rædd-
ar hjá Sameinuðu þjóðunum um
að leggja bann við veiðum með
botnvörpu. Íslendingar beita sér
hart gegn því, ásamt fleiri þjóð-
um, að slíkt ákvæði verði ekki
samþykkt.
Friðrik segist þó ekki hafa trú
á því að ályktun um slíkt bann
verði samþykkt hjá Sameinuðu
þjóðunum. „Það er ekki á rökum
reist að banna þetta veiðarfæri al-
farið,“ segir Friðrik. Hann segir
að skynsamleg notkun á botn-
vörpu sé ekki til þess fallin að
valda umhverfisspjöllum. „Ís-
lenski togaraflotinn veiðir ekkert
með botnvörpu innan tólf mílna
lögsögunnar og stór svæði utan 12
mílna eru lokuð fyrir botnvörpu-
veiðum. Hafsbotninn á djúpmið-
um er allt öðruvísi en á grunnslóð-
inni og ekki eins viðkvæmur,“
segir Friðrik. Um fjörutíu prósent
aflaverðmætis í fyrra kom úr
botnvörpu. “Þar við bætist að fjöl-
margar tegundir er einungis hægt
að veiða með botnvörpu,” segir
Friðrik.
Tillaga um bann við veiðum
með botnvörpu hefur verið lögð
fram hjá Sameinuðu þjóðunum en
hópur sjávarlíffræðinga og um-
hverfisverndarsamtaka hefur
krafist þess að Sameinuðu þjóð-
irnar banni veiðarfærið vegna
áhrifa þess á vistkerfi sjávar.
Tómas H. Heiðar, þjóðréttarfræð-
ingur í utanríkisráðuneytinu,
tekur þátt í þessum umræðum
fyrir Íslands hönd á vettvangi
Sameinuðu þjóðanna. Hann segir
að hugmyndir um botnvörpubann
nú séu angi af stærra átakamáli.
„Við erum almennt að takast á við
þá viðleitni ýmissa ríkja að vilja
hnattvæða fiskveiðistjórnunina.
Við höfum bent á það að sam-
kvæmt hafréttarsamningum og
úthafsveiðisamningum sé það á
valdi strandríkja eða svæðisbund-
inna fiskveiðistjórnunarstofnana,
eftir því sem við á, að fara með
stjórn fiskveiða,“ segir Tómas.
Hann tekur fram að ályktanir
Sameinuðu þjóðanna eru lagalega
bindandi en hafa þó áhrif sem
pólitískar viljayfirlýsingar,“ segir
Tómas.
borgar@frettabladid.is
Hryðjuverkaárás:
Bedúínar
handteknir
EGYPTALAND, AP Egypska lögreglan
hefur handtekið á annan tug
bedúína sem taldir eru tengjast
hryðjuverkaárásunum sem kost-
uðu í það minnsta 34 lífið á vin-
sælum ferðamannastað á Sína-
ískaga. Sumir hinna handteknu
eru taldir hafa útvegað sprengi-
efnið sem var notað í árásinni.
Hvor tveggja Ísraelar og Eg-
yptar telja að al-Kaída hafi staðið
að árásinni. Egypskir rannsóknar-
lögreglumenn eru sagðir telja full-
víst að Ayman al-Zawahri, egypski
aðstoðarmaður Osama bin Laden,
tengist árásinni ef svo er. ■
Ég varð fyrir vonbrigðum. Það er stutt í
næsta leik. Við verðum að taka okkur
saman í andlitinu fyrir hann.
Íslendingar gerðu markalaust jafntefli við Möltu í
gær og er það aðeins í annað sinn sem Íslending-
ar ná ekki að skora í leikjum liðanna. Marteinn
Geirsson skoraði fyrstur Íslendinga gegn Möltu, í
2-1 tapleik 1982.
SPURNING DAGSINS
Marteinn, hvernig leist þér á?
Þingkosningar:
Howard
hélt velli
ÁSTRALÍA, AP John Howard, forsæt-
isráðherra Ástralíu, fagnaði sigri í
þingkosningum í gær. Hann varð
fyrsti forsætisráðherrann í sögu
landsins til að tryggja sér setu á
valdastólum fjögur kjörtímabil í
röð. Fyrirfram var búist við tví-
sýnni kosningu en niðurstaðan
varð sú að flokkur Howards jók
meirihluta sinn á þingi.
Hart var deilt í kosningabarátt-
unni um þátttöku Ástrala í stríðinu
í Írak. Howard hét því að halda
áfram á sömu braut en Mark Lat-
ham, formaður Verkalýðsflokks-
ins, sagðist ætla að kalla ástralsk-
ar hersveitir heim frá Írak. ■
KAMPAKÁTUR FORSÆTISRÁÐHERRA
Stjórnin hélt velli þrátt fyrir harða gagnrýni
á stefnu hennar í Írak.
ÖLVUNARAKSTUR Mikil hætta skap-
aðist á Laugarvatni í fyrrinótt
þegar maður, sem grunaður er um
ölvun, ók um svæðið á miklum
hraða. Hópur fólks, sem stóð úti á
götu á Laugarvatni í fyrrinótt, gat
með naumindum forðað sér undan
bíl mannsins.
Hann ók síðan á kyrrstæða bif-
reið en ökumaður þeirrar bifreið-
ar, Andri Freyr Halldórsson, sem
var hálfur inni í bílnum að skipta
um öryggi, slapp með skrekkinn
ásamt farþegum sínum og lög-
reglumönnum frá Selfossi.
„Ég hafði beygt mig niður og
var að fikta í öryggjunum undir
mælaborðinu þegar ég fæ bílinn á
fullri ferð í hurðina fyrir aftan
mig,“ segir Andri Freyr, sem hafði
ætlað að bregða sér á náttfataball
í Menntaskólanum á Laugarvatni
ásamt nokkrum vinum sínum.
„Við vorum flest í náttfötunum.“
Lögregluþjónn sýndi mikið
snarræði þar sem hann stóð úti á
miðri götu ásamt vinkonu Andra
Freys þegar bifreið hins drukkna
kom skyndilega aðvífandi. „Hann
bjargaði hreinlega lífi hennar
með því að stökkva á hana og
fleygja henni með sér út í kant.“
Maðurinn ók áfram eftir
áreksturinn, en var eltur uppi af
lögreglu og handtekinn.
- gb
ANDRI FREYR HALLDÓRSSON
Klemmdist á milli hurðar og bíls þegar of-
urölvi ökumaður ók á kyrrstæða bifreið
hans í fyrrinótt. Lögreglumaður bjargaði lífi
vinkonu Andra Freys.
FR
ÉT
TA
B
LA
Ð
IÐ
/P
JE
TU
R
Ölvunarakstur á Laugarvatni:
Lögreglumaður
sýndi snarræði
STURLA BÖÐVARSSON
„Ég þakka guði fyrir að ekki varð slys,“
segir samgönguráðherra.
Segir óforsvaranlegt að hætta hafi skapast í Almannaskarðsgöngum:
Lætur rannsaka sprenginguna
Sjö Danir í Bláfjöllum:
Villtust í
þoku
LEIT Leitarsveitir fundu sjö Dani í
Bláfjöllum eftir skamma leit síð-
degis í gær. Danirnir höfðu brugð-
ið sér í gönguferð á vegum Kynn-
isferða, en villtust í þoku og leið-
indaveðri. Flestir voru þeir vel
búnir, en þó ekki allir.
Klukkan var 15.18 þegar lög-
reglunni í Kópavogi barst tilkynn-
ing frá Kynnisferðum um að
Danirnir væru týndir. Rétt um
hálfri annarri klukkustund síðar
fundust þeir, kaldir og hraktir en
ómeiddir með öllu. ■
Á VEIÐUM Á ÍSLANDSMIÐUM
„Íslenski togaraflotinn veiðir ekkert með botnvörpu innan tólf mílna lögsögunnar og stór svæði utan 12 mílna eru lokuð fyrir botnvörpu-
veiðum. Hafsbotninn á djúpmiðum er allt öðruvísi en á grunnslóðinni og ekki eins viðkvæmur,“ segir Friðrik J. Arngrímsson,
framkvæmdastjóri LÍÚ
TÓMAS H.
HEIÐAR
Þjóðréttarfræðingur í
utanríkisráðuneyti.
FRIÐRIK J. ARN-
GRÍMSSON
Framkvæmdastjóri
LÍÚ
Bann hefði gríðarleg
áhrif á íslenska útgerð
Framkvæmdastjóri LÍÚ segir að bann við botnvörpuveiðum myndi hafa í för með sér gríðar-
legar afleiðingar fyrir íslenskan sjávarútveg. Íslendingar berjast ásamt fleiri þjóðum gegn
hugmyndum um slíkt bann á vettvangi Sameinuðu þjóðanna.