Fréttablaðið - 10.10.2004, Blaðsíða 41
29SUNNUDAGUR 10. október 2004
■ SAMKEPPNI
■ TÍSKA ■ TÓNLIST
Þann 21. nóvember nk. mun Fata-
hönnunarkeppni grunnskólanema
fara fram í sjötta sinn í Kringl-
unni undir nafninu Kosmiska.
Fatahönnunarkeppnin er haldin í
samstarfi við Fræðsluráð, ÍTR og
Menntamálaráðuneytið.
Eins og síðastliðin ár hafa allir
nemendur í 8. 9. og 10.bekk grunn-
skóla landsins tækifæri á að
senda inn teikningar á skrifstofu
Kringlunnar, merkt „Kosmiska,
Fatahönnunarkeppni grunnskóla-
nema, Kringlan 105 Rvk.“ Farið
verður yfir allar teikningarnar af
fagfólki og er mikilvægt að þær
séu vel merktar nafni, síma-
númeri, aldri og skóla. Einnig
verður stuttur texti eða ljóð að
fylgja teikningunum þar sem hver
og einn útskýrir í stuttu máli
hvernig eða hvar hann fékk inn-
blástur að hönnuninni.
Innritun lýkur 18 nóvember og
verður hringt í alla þátttakendur
sem fá teikningar sínar sam-
þykktar. Hægt er að senda fyrir-
spurnir til kolla@icelandicmod-
els.is.
Þemað í ár er „Hvað ungur
nemur - gamall temur“ og er þátt-
takendum frjálst að sækja sinn
eigin innblástur úr þessum máls-
hætti og færa yfir í hönnun sína.
Allir unglingar, ekki síður strákar
en stelpur geta sent inn
teikningar og ekki má gleyma því
að margir frægustu fatahönnuðir
heims eru karlmenn. Einnig geta
unglingarnir stungið upp á
góðgerðarmálefni til að styrkja en
undanfarin ár hefur keppnin verið
tileinkuð góðgerðarmálefnum.
Mömmur, pabbar, afar og
ömmur eru hvött til að leggja
unglingnum sínum lið og draga
fram eitthvað gamalt og gott
eða nýtt og ferskt í Fata-
hönnunarkeppni grunnskólane-
ma. ■
Tískuhönnuðurinn Stella McCart-
ney, dóttir Bítilsins Paul, á von á
sínu fyrsta barni með eiginmanni
sínum Alasdhair Willis. Tilkynnti
hún gleðifregnirnar á tískusýn-
ingu í París fyrir skömmu. Sagðist
hún ekki vilja vita um kyn barns-
ins fyrr en það fæddist. „Ég vil
hafa þetta náttúrulegt. Ég vil að
kynið komi mér á óvart,“ sagði
hún.
Barnið verður þriðja barna-
barn Paul McCartney en dóttir
hans Mary á tvo litla stráka. Stella
McCartney giftist útgefandanum
Alasdhair á síðasta ári á uppá-
haldsstað móður hennar heitinnar,
Lindu, á skosku eyjunni Bute. ■
Söngkonan Christina Aguilera
segist hafa brotnað niður eftir að
fyrsta smákífulag hennar kom út.
Ástæðan er sú að hún var orðin
afar þreytt á því að vera borin
saman við Britney Spears.
Aguilera skaut upp á stjörnu-
himininn árið 1999 með laginu
Genie In a Bottle. Var hún um-
svifalaust stimpluð sem næsta
Britney. Aguilera þoldi ekki sam-
anburðinn og átti erfitt með að
takast á við sviðsljósið. „Ég brotn-
aði hálfpartinn niður eftir að hafa
verið vernduð inni í skel í langan
tíma,“ sagði hún. Segist hún hafa
náð sér virkilega á strik eftir að
hún gaf út plötuna Stripped árið
2002. Þá lét hún ímynd
poppprinsessunnar gossa og fór
að ganga um í meira ögrandi
fötum. „Það skipti höfuðmáli fyrir
mig. Ég var að breyta þeirri
ímynd sem hljómplötufyrirtækið
hafði klínt á mig. Á því tímabili
leið mér oft eins og ég væri að
kafna.“
Aguilera segist ekki sjá eftir
ákvörðunum sínum í gegnum tíð-
ina, hvort sem um er að ræða
klæðaburðinn, tónlistina eða
myndböndin. Allir þessir hlutir
hafi átt þátt í því að gera hana að
þeirri persónu sem hún er í dag. ■
Stella McCartney ófrísk
STELLA MCCARTNEY
Tískuhönnuðurinn Stella McCartney á von
á sínu fyrsta barni.
Aguilera brotnaði niður
CHRISTINA AGUILERA
Christina Aguilera, skömmu áður en hún
gaf út plötuna Stripped.
Hvað ungur nemur
gamall temur
TÍSKAN SÝND Fatahönnunarkeppnin
verður 21.nóvember næstkomandi.