Fréttablaðið - 11.10.2004, Blaðsíða 24

24 11. október 2004 MÁNUDAGUR
[ LEIKIR GÆRDAGSINS ]
HÓPBÍLABIKAR KARLA
HANDBOLTI Haukar fengu Kiel frá
Þýskalandi í heimsókn í Meistara-
deild Evrópu í handknattleik í
gær. Í röðum Kiel eru m.a. lands-
liðsmenn frá Svíþjóð og Þýska-
landi og hefur liðið orðið þýskur
meistari sjö sinnum á síðustu tíu
árum. Það var því vitað að leikur-
inn yrði erfiður fyrir heimamenn
en gæti engu að síður orðið góð
reynsla fyrir lið Hafnfirðinga.
Leikurinn fór í gang af
miklum krafti og var greinilegt að
bæði lið ætluðu að selja sig dýrt.
Gestirnir byrjuðu betur, komu en
leikurinn jafnaðist um tíma út og
var þá jafnt á flestum tölum.
Í stöðunni 10-10 skoruðu leik-
menn Kiel fjögur mörk í röð og
voru Haukamenn óheppnir í sókn-
inni. Þeir nýttu ekki upplögð færi
auk þess sem að skotvalið hefði
oft mátt vera betra. Stórleikur
Birkis Ívars Guðmundssonar í
fyrri hálfleik bjargaði Haukum
frá enn meira forskoti en hann
varði 12 skot í hálfleiknum.
Halldór Ingólfsson var drjúg-
ur í fyrri hálfleik, nýtti öll víti sín
og skoraði 4 mörk. Haukar réðu
lítið við Johan Petterson sem nýtti
öll fimm skot sín í fyrri hálfleik.
Staðan í leikhléi var 16-12, gestun-
um í vil.
Lið Hauka mætti vel stemmt í
byrjun seinni hálfleiks og náði að
minnka muninn í eitt mark 17-18.
Eftir það kom góður kafli hjá Kiel
þar sem Haukar réðu lítið við vel
smurða sókn gestanna sem gengu
á lagið og skoruðu fjögur mörk í
röð. Eftir það var ekki aftur snúið
fyrir Haukanna enda munurinn á
liðunum þó nokkur. Þá gerðu leik-
menn Haukaliðsins sig seka um
byrjendamistök, fengu t.a.m.
dæmd á sig skref í tvígang og það
er ekki hægt að leyfa sér gegn
eins sterku liði og Kiel.
Gestirnir léku ýmist 6-0 eða
4-2 vörn sem virtist oft slá
Haukanna út af laginu.
Christian Zeitz var bestur í liði
Kiel og þá sérstaklega í seinni
hálfleik þar sem hann nýtti færi
sín vel. Johan Petterson, sem var
bestur í liði gestanna í fyrri hálf-
leik, átti dapran seinni hálfleik og
misnotaði öll fjögur skot sín. Það
kom þó ekki að sök í vel mönnuðu
liði Kiel sem vann öruggan sigur,
35-28.
Vignir Svavarsson trjóndi eins
og klettur í vörn Haukanna en gat
lítið beitt sér lengst af vegna
tveggja brottvísanna og fékk þá
þriðju undir lok leiksins.
Mörk Hauka: Ásgeir Örn
Hallgrímsson 7, Andri Stefan 6,
Halldór Ingólfsson 6, Vignir
Svavarsson 3, Þórir Ólafsson 2,
Jón Karl Björnsson 2, Gísli Jón
Þórisson 1, Þorkell Magnússon 1.
Varin skot: Birkir Ívar
Guðmundsson 14, Jónas
Stefánsson 1/1.
Mörk Kiel: Christian Zeitz 12,
Adrian Wagner 5, Frode Hagen 5,
Henrik Lundström 4, Johann
Pettersson 4, Markus Alhm 3,
Sebastian Preiss 1, Martin
Boqvist 1.
smari@frettabladid.is
Sjö marka tap Hauka
Haukar stóðu í þýska stórliðinu Kiel lengi vel í fyrri hálfleik en varð að lokum að sætta sig
við sjö marka tap, 28–35, gegn þessu sterka liði.
Sungu sig hása
Það voru glaðværir írskir áhorfendur sem
héldu heim á leið eftir leik Frakklands og
Írlands sem endaði með markalausu jafn-
tefli 0 - 0 á Stade de France í fyrrakvöld.
Var þetta annar leikurinn í röð sem hæfi-
leikaríku liði Frakka mistekst að skora en
að þessu sinni má þakka það stanslausri
pressu frá afar frísku írsku liði. Mátti Fabi-
an Barthez hafa sig allan við gegn skyndi-
sóknum Íra. Brian Kerr, þjálfari Íra, var von-
svikinn með stigið. „Varnarmenn og mark-
vörður Frakka urðu að hafa sig alla við til
að sjá við sóknarleik okkar. En ég er mjög
sáttur við stöðu liðsins í riðlinum og nú
eiga „auðveldari“ leikir að vera eftir.“
Út með manninn
„Það er svo sannarlega kominn tími á að
sparka karlinum og þó fyrr hefði verið,“
segir Gordon
McQueen, fyrr-
verandi lands-
liðsmaður
Skota og þulur
á SkyTV. Hann
vandar Berta
Vogts lands-
liðsþjálfara
Skota, ekki
kveðjurnar og vill fá hann frá áður en
kemur að næsta landsleik Skota á mið-
vikudaginn kemur. Skotar töpuðu leik sín-
um gegn Norðmönnum á heimavelli í
Glasgow 0 - 1.
Ítalir daufir í dálk
Ítalska pressan gerði harða hríð að
Marcello Lippi, landsliðsþjálfara Ítala, eftir
óvæntan skell
liðsins gegn
Slóveníu 1 - 0.
Þykja tilfær-
ingar hans
með liðið ekki
ganga og trufl-
uðu sóknar-
menn Ítala
vörn Slóvena
óverulega allan leikinn en hafa ber í huga
að Christian Vieri og Alessandro Del Piero
voru báðir meiddir og spiluðu ekki með.
Ítalir eru í öðru sæti í fimmta riðli á eftir
Slóveníu sem eru nú efstir.
Breytingar hjá Spáni
Þjálfari Spánverja Luis Aragonés, hefur
þegar tilkynnt breytingar á byrjunarliði sínu
sem mætir Litháen á miðvikudaginn kem-
ur þrátt fyrir
góðan 2 - 0
sigur liðsins í
fyrradag á Belg-
um. Munu þeir
Xabi Alonso og
Victor frá Depor
byrja í stað
Joaquín og
David Albelda.
Albert Luque
sóknarmaður
liðsins, telur spænska liðið ekki vanmeta
Litháa. „Það hefur átt sér stað áður að við
töpum leikjum vegna þess að við vanmet-
um andstæðinginn. Einhverjir gætu haldið
að slíkt ætti við um Litháa en ég fullvissa
þá um að svo verður ekki,“ sagði Aragones
sem virðist hafa komist þokkalega heill út
úr fjölmiðlafárinu sem ríkti eftir að hann
kallaði franska framherjann Thierry Henry
öllum illum nöfnum.
Hollendingar í rusli
Þrátt fyrir að komast tvisvar yfir gegn
Makedóníu gerðu sóknarsinnaðir Hollend-
ingar sig
tvisvar
seka um
lélega
varnar-
vinnu og
það dugði
Makedón-
íumönn-
um til að
ná stigi.
Fyrirfram
var ekki búist við að Makedóníumenn yrðu
Hollendingum mikil hindrun en annað
kom á daginn og eru Hollendingar nú
fimm stigum á eftir efstu liðum í sínum
riðli. Marco van Basten hefur ekki byrjað
þjálfaraferil sinn með hollenska landsliðið
vel og þarf liðið að hysja upp um sig bux-
urnar ef ekki á illa að fara í þessari
undankeppni.
Valur–Snæfell 70–99
Valur: Gylfi Már Geirsson 18, Matthías
Ásgeirsson 12, Aðalsteinn Pálsson 11,
Leifur Árnason 8, Atli Antonsson 6,
Kjartan Sigurðsson 6, Ágúst Jensson 6,
Gjorgji Dzolev 2, Kolbeinn Soffíuson 1.
Snæfell: Desmond Peoples 32 (14 frák.),
Magni Hafsteinsson 18 (16 frák.), Pierre
Green 14, Bjarne Ó. Nielsen 10, Sigurður
Þorvaldsson 7, Pálmi Freyr Sigurgeirsson
5, Gunnar M. Getsson 4, Hlynur
Bæringsson 3, Guðlaugur Gunnarsson 2,
Gunnlaugur Smárason 2, Sveinn A.
Davíðsson 2.
Þór Þorlákshöfn–Njarðvík 61–96
Breiðablik–Grindavík 76–108
Breiðablik: Jónas Ólason 24, Ágúst
Angantýsson 12, Loftur Einarsson 11,
Ólafur Hrafn Guðnason 9, Einar
Hannesson 8, Þórarinn Örn Andrésson 8.
Grindavík: Páll Axel Vilbergsson 21,
Darrell Lewis 21, Justin Miller 21, Morten
Szmiedowicz 16, Ármann Vilbergsson 6,
Jóhann Ólafsson 6.
ÍR–Hamar/Selfoss 96–83
ÍR: Grant Davis 24 (17 frák.), Eiríkur
Önundarson 18, Ólafur Sigurðsson 12,
Ólafur Þórisson 11, Danny McCall 11,
Sveinbjörn Claesen 10.
Hamar/Selfoss: Chris Woods 22, Damon
Daley 18, Marvin Valdimarsson 16, Svavar
Pálsson 12, Ragnar Gylfason 8.
KFÍ–KR 85–119
Fjölnir-Haukar 89–91
Fjölnir: Jeb Ivey 26 (6 stoðs.), Darrell
Flake 19 (15 frák.), Nemanja Sovic 19 (7
frák.), Brynjar Kristófersson 7, Pálmar
Ragnarsson 7.
Haukar: Mirko Virijevic 23 (7 frák.), John
Waller 17 (10 frák., 8 stoðs.), Kristinn
Jónasson 12, Sævar Ingi Haraldsson 10.
Skallagrímur–Tindastóll 119–74
Skallagrímur: Zovan Zdravevski 33, Clifton
Cook 30 (12 stoðs., 9 frák.), Egill Örn
Egilsson 18, Hafþór Ingi Gunnarsson 1,
Jón Þ. Jónasson 11.
Tindastóll: Nikola Cvjetkovic 27, Svavar
Birgisson 23, Axel Kárason 18.
FÖGNUÐUR Í HVERJUM LEIK
Liði Barcelona hefur gengið allt í haginn á
þessu tímabili og segir þjálfarinn að það
helgist af miklum samhug og samvinnu
innan liðsins.
Frank Rijkaard:
Meiðsli engin
afsökun
FÓTBOLTI „Það allra mikilvægasta í
mínu starfi fyrir svo stórt og virt
félag er að skapa þá vinnuaðstöðu
sem þarf til að einstaklingarnir
nái fram sínu besta;“ segir
Hollendingurinn Frank Rijkaard í
viðtali við spænskt dagblað þegar
hans álits var leitað á góðu gengi
liðsins á þessari leiktíð.
Rijkaard segir að í sínum huga
séu samvinna og samhugur gríð-
arlega mikilvæg innan hvers liðs
og það sé það sem hann reyni að
ná fram hjá hverjum og einum.
„Við höfum verið heppnir með að
þeir nýju leikmenn sem liðið fékk
fyrir leiktíðina gerðu sér allir
grein fyrir þessu og hafa því ekki
átt í erfiðleikum með að aðlagast
nýjum meðspilurum eins og oft er
raunin.“
Frekari leikmannakaup standa
ekki fyrir dyrum hjá Barcelona
þrátt fyrir að meiðsl hafi sett
strik í reikning Rijkaards það sem
af er tímabilinu. Hann stendur
hins vegar fast á því að meiðsl
leikmanna verði ekki tilefni til
afsakana eins og raunin varð á
síðasta tímabili. ■
GÍSLI JÓN Í GEGN Haukamaðurinn Gísli
Jón Þórisson sést hér brjótast í gegnum
vörn Kiel í leiknum í gær.
Sænski landsliðsmaðurinn Stefan Lövgren:
Haukar eiga fullt
erindi í þessa keppni
HANDBOLTI „Þetta var erfiður leik-
ur. Haukamenn eru með gott lið
og þeir eiga fullt erindi í þessa
keppni. Þeir eru betri en mörg
þau lið sem við erum að mæta í
þýsku deildinni. Miðað við þennan
leik ættum við að eiga góða mögu-
leika og ég er bjartsýnn á fram-
haldið,“ sagði Stefan Lövgren,
leikmaður Kiel.
Of stórt tap
„Ég er ekki sáttur enda er þetta
tap allt of stórt.Við klikkuðum á
dauðafærum og fáum á
okkur of mörg mörk sem við hefð-
um hæglega getað stöðvað. Ef við
hefðum leikið eftir okkar eðlilegu
getu þá hefði tapið ekki orðið
svona stórt,“ sagði Vignir
Svavarsson, leikmaður Hauka.
Vorum fullstressaðir
„Við vorum ekki að spila illa en
við kláruðum ekki dauðafærin
nógu vel. Við vorum full-stress-
aðir og klúðruðum á mörgum víg-
stöðum. Ég er nokkuð viss um það
að værum við að spila í deildinni
eins og við spiluðum í kvöld, þá
væri okkur að ganga betur,“ sagði
Ásgeir Örn Hallgrímsson, Hauka-
maður.
Stigsmunur
„Maður verður að taka þátt í
leiknum þó það sé ekki 100%
möguleikar á sigri. Maður getur
ekki horft á leikinn í einhverri
taugaveiklun. Við áttum miklu
meira skilið miðað við hvernig við
lékum. Við gerðum samt of mörk
tæknileg mistök, misstum boltann
í hendurnar á þeim og það er of
dýrt á móti svona sterku liði.
Þetta lýsir muninum á liðunum
því það er stigsmunur á getu og
hæfileikum,“ sagði Páll Ólafsson,
þjálfari Hauka. ■
ÁSGEIR ÖRN HALLGRÍMSSON Sést hér skora eitt af sjö mörkum sínum í leiknum
gegn Kiel í gærkvöld án þess að sænski hornamaðurinn Johann Pettersson komi
nokkrum vörnum við. Fréttablaðið/Palli