Fréttablaðið - 11.10.2004, Blaðsíða 36
BAKÞANKAR
ÞRÁINS BERTELSSONAR
SÍMANÚMER FRÉTTABLAÐSINS: 550 5000, fax: 550 5099 Ritstjórn: 550 5005, fax: 550 5006, ritstjorn@frettabladid.is
Auglýsinga- og markaðsdeild: 550 5010 - fax 550 2727, auglysingar@frettabladid.is Veffang: visir.is
VI Ð S EG J U M F R É T T I R SM Á A U G L Ý S I N G AS Í M I N N E R 550 5000
Með hjálm
á höfði
Miðað við hvað ríkisstjórninokkar er herská og áhugasöm
um að eiga aðild að sprengingum í
fjarlægum heimshornum er skilj-
anlegt að samgönguráðherrann
okkar skuli vera orðinn leiður á
því að birtast sífellt á ljósmyndum
með skæri eins og gömul sauma-
kona og búinn að setja upp hjálm
og farinn að sprengja í staðinn.
ÞAÐ ER ÓLÍKT karlmannlegra
að sjást á myndum með hjálm á
höfði í reykjarbólstrum frá
dínamítsprengjum og grjótregni
og adrenalínglampa í augum held-
ur en með kakóskegg og sultutau í
munnvikunum uppþembdur af
rjómatertum og pönnukökum í
boði kvenfélagsins sargandi sund-
ur borða í fánalitunum með bit-
lausum skærum í slagveðurs roki
og rigningu.
JÓMFRÚRSPRENGING Sturlu
Böðvarssonar þegar hann sprengdi
með eigin hendi síðasta haftið í Al-
mannaskarðsgöngunum tókst afar
vel. Það er táknrænt fyrir ákafa
ráðherrans og eldmóð að hann setti
sprenginguna af stað 13 mínútum á
undan áætlun svo að karlarnir sem
voru að vinna hinum megin í göng-
unum urðu skíthræddir og köstuðu
sér til jarðar. Þegar þeir komust
svo til sjálfs sín eftir sprenginguna
beið þeirra mikilfengleg sjón: Síð-
asta haftið var rofið, ljós úr suðri
flæddi gegnum göngin og gegnum
eldglæringar og reyk birtist Sturla
Böðvarsson samgönguráðherra og
hafði afmeyjað sjálfa fjallkonuna.
ÞAÐ VERÐUR ERFITT fyrir
aðra ráðherra í ríkisstjórninni að
toppa þetta afrek samgönguráð-
herrans og sanna karlmennsku
sína, nema kannski utanríkisráð-
herrann fái að sprengja síðustu
sprengjuna sem nauðsynlegt verð-
ur að sprengja til eflingar lýðræðis
í síðustu 5 hreppunum í Írak eða
Afganistan. Það er helst dóms-
málaráðherrann sem gegnir emb-
ætti sem eitthvert púður er í,
verandi hæstráðandi til sjós og
lands yfir fallstykkjum landhelgis-
gæslu og vígtólum víkingasveitar.
Aðrir ráðherrar hafa eðli málsins
samkvæmt því miður takmarkaðan
aðgang að sprengiefni. Þó er aldrei
að vita nema þeim detti eitthvað
skemmtilegt í hug. Sturla er ekki
eini snillingurinn í stjórninni.