Fréttablaðið - 12.10.2004, Blaðsíða 12
12 12. október 2004 ÞRIÐJUDAGUR
SJÁLFSTÆÐIS KRAFIST
Fjöldi manns fylgdi þremur íslömskum
uppreisnarmönnum til grafar í Chaloosa-
þorpi í indverska hluta Kasmír og kröfðust
margir göngumanna sjálfstæðis frá Ind-
landi. Þremenningarnir féllu í skotbardaga
við indverska hermenn.
Reiknilíkan segir fyrir um hegðun fiska:
Stærðfræði hjálpar fiskifræðingum
SJÁVARÚTVEGUR Með stærðfræði-
útreikningum á að segja til um
göngur fiskistofna hér við land
með nákvæmari hætti en verið
hefur. Kjartan G. Magnússon
stærðfræðingur kynnti á fundi
Hafrannsóknastofnunarinnar fyr-
ir helgi reiknilíkan sem nota á til
að segja fyrir um loðnugöngur.
„Það verður aldrei hægt að
segja nákvæmlega fyrir um göng-
urnar, en við erum að reyna að
nálgast þetta þannig að hjálpað
geti fiskifræðingum að sjá hlutina
nákvæmar fyrir, til dæmis hvern-
ig þættir á borð við hitastig og
hafstrauma geta haft áhrif á ferð-
ir loðnunnar,“ segir Kjartan.
Verkefnið þar sem stærðfræði
og fiskifræði hjálpast að hefur að
sögn Kjartans verið í gangi í
nokkur ár og verið styrkt meðal
annars af Evrópusambandinu og
Rannís. „Núna erum við að sækja
um fleiri styrki til að klára þetta,“
segir hann og telur lokahnykkinn
framundan. „Verkefnið er komið
svo langt að okkur finnst að við
eigum að fara að geta notað þetta
til að hjálpa til við að spá um ferð-
ir loðnunnar,“ segir hann og segir
stefnt að því að taka reiknilíkanið
í notkun á fyrri hluta næsta árs.
- óká
Ekkert verkfall hjá
ráðagóðum krökkum
Verkfall grunnskólakennara hefur sett daglegt líf grunnskólabarna verulega úr skorðum. Krakkarn-
ir deyja þó ekki ráðalausir heldur taka sér ýmislegt fyrir hendur á meðan skólinn er lokaður. Því er
nóg að gera í myndbandaleigum, sundlaugum og bókasöfnum landsins svo dæmi séu nefnd.
Tugþúsundir grunnskólanema bíða
eftir að kennarar þeirra semji við
sveitarfélögin þannig að þeir geti
komist aftur í skólann. Verkfallið
hefur skapað býsna stórt tómarúm
í daglegu lífi þessa hóps og því við-
búið að krakkarnir reyni að fylla
það rúm með einhverjum hætti.
Starfsmenn sundlauga, bókasafna
og myndbandaleiga hafa haft í
nógu að snúast við að sinna smá-
fólkinu undanfarnar þrjár vikur.
Heilbrigð sál í hraustum líkama
Flestir foreldrar vonast eflaust til
að börnin þeirra reyni að blanda
saman andlegri og líkamlegri þjálf-
un eins og frekast er kostur. Það er
því gleðiefni að börn og unglingar
virðast sækja bæði sundlaugar og
bókasöfn á meðan á verkfallinu
stendur.
Tinna Óðinsdóttir, starfsmaður í
Árbæjarlaug, segir að aðsókn
barna á grunnskólaaldri að laugun-
um hafi aukist talsvert eftir að
verkfallið skall á. Framan af degi
eru yngri börnin meira áberandi en
þegar líða tekur á fara unglingarn-
ir á fætur og leggja undir sig potta
og vaðlaugar staðarins. Að sögn
Tinnu eru krakkarnir nánast und-
antekningalaust skemmtilegir og
kurteisir.
Þorbjörg Karlsdóttir, bókavörð-
ur á Borgarbókasafninu í Tryggva-
götu, tekur í svipaðan streng. Hún
segir að fyrir verkfallið hafi
grunnskólanemar helst látið sjá sig
síðdegis en nú komi þeir nokkuð
jafnt yfir daginn og eyði þá
talsverðum tíma á safninu. Margir
vafra um á netinu eða leika sér í
leikjatölvum sem þarna er að finna
og auðvitað lesa krakkarnir eitt-
hvað á meðan veru þeirra á safninu
stendur. Þótt engar tölur í þessum
efnum liggi fyrir er það tilfinning
Þorgerðar að útlán hafi aukist
nokkuð síðustu vikur. Rétt eins og
börnin sem sækja sundlaugarnar
eru þau sem koma í Borgarbóka-
safnið „ofboðslega stillt og prúð og
skemmtileg“, eins og Þorbjörg
kemst að orði.
Spilagleði og spólugláp
Vafalaust kemur það fáum á óvart
að leikjatölvur og myndbandstæki
eru í mikilli notkun á mörgum
heimilum þessa dagana. Óskar
Guðmundsson, í Snæland videó á
Ægisíðu í Reykjavík, segir að
útleiga hafi aukist en það sem helst
er áberandi er hvernig viðskiptin
dreifast nú yfir allan daginn.
„Krakkarnir eru stundum komnir á
leiguna um ellefuleytið að morgni
að skila spólunum sem þeir tóku
rétt fyrir miðnætti kvöldið áður og
endurnýja þá oft skammtinn með
því að ná sér í 2-3 spólur,“ segir
Óskar. Unglingar eru sérstaklega
röskir í glápinu að mati Óskars og
reiknar hann með að margir þeirra
sitji rauðeygir fyrir framan skjá-
inn langt fram eftir nóttu. Gos- og
sælgætiskaup ungmennanna eru
hins vegar furðu lítil.
Tölvuleikir renna nú út eins og
heitar lummur að sögn Egils Ólafs-
sonar, starfsmanns BT í Reykjavík.
Hann segir að skólabörn komi tals-
vert í búðirnar og leiki sér í tölvun-
um dágóða stund og við því amast
starfsfólkið ekki vitund enda eru
krakkarnir upp til hópa bestu
skinn. Keiluspil eru sömuleiðis vin-
sæl en að sögn starfsfólks Keilu-
hallarinnar í Öskjuhlíð fyllist stað-
urinn af krökkum á grunnskóla-
aldri fljótlega eftir opnun á morgn-
ana. Mest er um yngri börn sem
oftast eru á vegum foreldrafélaga
fyrirtækja en unglingar eru líka
duglegir að sækja staðinn.
Æfa nótt sem nýtan dag
Síðan eru alltaf einhverjir sem
nota verkfallið til að gera eitthvað
spennandi. Í gömlu Hraðfrysti-
stöðinni við Mýrargötu hefst við
dágóður hópur 10. bekkinga úr
Hagaskóla sem æfir myrkranna á
milli fyrir hæfileikakeppnina
Skrekk. Yfirleitt hefjast æfingar
að morgni og standa fram á kvöld
en þó fer æði mikill tími í spjall og
glens að sögn krakkanna. Flest
vonast þau til að skólinn hefjist á
ný sem fyrst því mikið verk er
fram undan vegna samræmdu
prófanna næsta vor. Þau segja að
flestir jafnaldrar þeirra reyni að
taka sér eitthvað fyrir hendur á
daginn í stað þess að mæla göturn-
ar en þó séu dæmi um unglinga
sem leiðst hafi út í óreglu.
sveinng@frettabladid.is
Mubarak í Róm:
Fundaði með
Berlusconi
ÍTALÍA, AP Hosni Mubarak, forseti
Egyptalands, kom í opinbera
heimsókn til Ítalíu í gær, aðeins
þremur dögum eftir að mannskæð
sprenging við Rauðahafið varð 33
mönnum að bana, þar á meðal
tveimur ítölskum ferðamönnum.
Mubarak fundaði með Silvio
Berlusconi, forsætisráðherra Ítal-
íu, í Róm. Ræddu þeir meðal ann-
ars um hryðjuverkaárásina,
ástandið í Írak og stöðuna fyrir
botni Miðjarðarhafs. Mubarak
mun aftur hitta Berlusconi í dag
áður en hann fer í heimsókn til
Parísar. ■
HÆFILEIKARÍKIR HAGSKÆLINGAR
Þessir tíundubekkingar nota verkfallið vel til æfinga fyrir hæfileikakeppni sem haldin
verður síðar í vetur.
Sjómenn:
Styðja
forystuna
KJARADEILUR Áhöfn Þerneyjar RE-
101 lýsir fullum stuðningi við
forystu samtaka sjómanna í
svokölluðu Sólbaksmáli, sem og í
öðrum málum, að því er fram
kemur í tilkynningu frá áhöfninni.
Í henni segjast sjómennirnir eiga
erfitt með að skilja málflutning
útgerðarmanna um annað.
„Einnig furðum við okkur á því
að útgerðarmenn sem nýta auð-
lind allra landsmanna svo til frítt
séu farnir að selja sjómönnum
pláss á skipum sínum í skiptum
fyrir lögbundna samninga
þeirra,“ segir í tilkynningunni.
- óká
KJARTAN G. MAGNÚSSON
Kjartan kynnti fyrir helgi reiknilíkan til að
segja fyrir um loðnugöngu hér við land.
Suðurland:
Skilorð fyrir
líkamsárás
DÓMSMÁL Nítján ára piltur var
dæmdur í Héraðsdómi Suðurlands
í tveggja mánaða fangelsi skilorðs-
bundið, fyrir fíkniefnabrot, eigna-
spjöll og líkamsárás. Refsingu
annars pilts sem einnig var ákærð-
ur fyrir innbrot og eignaspjöll var
frestað og fellur hún niður haldi
hann skilorð í tvö ár.
Tíu grömm af amfetamíni fund-
ust í fórum fyrrnefnda piltsins við
leit lögreglu. Þá nefbraut hann
annan pilt á skemmtistað á Selfossi
með hnefahöggi í andlitið. ■
■ KJARADEILUR
AÐFÖR AÐ VERKALÝÐ „Fyrirætl-
un Iceland Express um að segja
upp flugfreyjum félagsins til
þess að endurráða þær hjá
erlendu félagi er tilraun til
félagslegra undirboða,“ segir
Starfsgreinasamband Íslands og
telur að um aðför að skipulagðri
verkalýðshreyfingu hér á landi
og umsömdum lágmarkskjörum
launafólks sé að ræða.
FR
ÉT
TA
B
LA
Ð
IÐ
/V
AL
LI