Fréttablaðið - 12.10.2004, Blaðsíða 24
„Allir leikmenn liðsins gera sér
grein fyrir því að liðið hefur ekki
staðið undir þeim væntingum sem
gerðar hafa verið,“ segir Eiður
Smári Guðjohnsen, fyrirliði ís-
lenska landsliðsins í knattspyrnu.
Fram undan er erfiður leikur við
Svía á morgun en íslenska liðið er
sem stendur á botni áttunda riðils
ásamt Möltu og þörfin orðin afar
brýn að ná í stig ætli liðið sér að
taka þátt í toppbaráttunni í riðlin-
um.
Mikið í húfi gegn Svíum
Eiður er sjálfur bjartsýnn fyrir
leikinn og á ekki von á að óvænt
úrslitin úr leiknum við Möltu sitji
í leikmönnum en fyrir fram var
lagt upp með að næla í þrjú stig í
þeim leik. „Það eina sem hægt er
að gera þegar úrslit eru ekki að
falla eins og best verður á kosið er
að gleyma leiknum og horfa fram
á veginn. Það er meðal annars
mitt hlutverk sem fyrirliða að sjá
til þess að aðrir leikmenn séu ekki
að eyða of miklum tíma í fortíð-
ina. Mér finnst persónulega að
það hafi tekist enda eru allir leik-
menn liðsins og þjálfarar sér vit-
andi um að við skuldum íslensku
þjóðinni að við gerum betur og
það munum við sannarlega reyna
gegn Svíum. Við komum til með
að bíða okkar færis í leiknum. Sví-
ar hafa á mörgum frábærum leik-
mönnum að skipa og stigsmunur á
þeirra liði og því íslenska og því
finnst mér líklegt að við höldum
okkur til baka og beitum skyndi-
sóknum. Við verðum dýrvitlausir
í leiknum því fyrir utan mikilvægi
leiksins í riðlinum er þarna að
auki um aðra Norðurlandaþjóð að
ræða þannig að heiðurinn og stolt-
ið í húfi er meira en ella. Við
skuldum okkur sjálfum, Ásgeiri
og Loga og þjóðinni allri að spila
af okkar allra bestu getu þannig
að hvernig sem leikurinn endar
getum við borið höfuðið hátt. Fyr-
ir utan leikinn gegn Ítalíu höfum
við sem lið að undanförnu ekki
sýnt hvað í okkur býr og því ætl-
um við að breyta á morgun.“
Gengi landsliðsins
Flestir knattspyrnuáhugamenn
eru sammála um að íslenska
landsliðið hafi staðið sig dapur-
lega síðustu misseri en fyrir leik-
inn gegn Möltu hafði liðið fallið
um 30 sæti á árinu á styrkleika-
lista Alþjóðaknattspyrnusam-
bandsins. Fyrir utan vináttuleik-
inn gegn Ítalíu sem vannst 2-0
hefur liðið ekki riðið feitum hesti
frá viðureignum sínum um tíma.
Eiður segir það klisjukennt en
engu að síður staðreynd að ís-
lenskir áhugamenn fari á stund-
um offari í gagnrýni sinni á liðið.
„Það virðast margir vera fljótir að
gleyma því að yfirleitt erum við
að berjast við þjóðir sem eru
margfalt stærri en Ísland og hafa
ríka hefð fyrir knattspyrnu. Þjóð-
ir eins og Búlgaría og Ungverja-
land hafa leikmenn innan sinna
raða sem hafa spilað sem atvinnu-
menn í langan tíma. Markmiðið er
sett mjög hátt og auðvitað stendur
hugur til að vinna alla leiki en það
er stundum of mikil bjartsýni.“
Hvað fór úrskeiðis gegn
Möltu
Hvað varðar úrslitin gegn Möltu
sem vægast sagt settu markmið
Íslands í riðlinum í uppnám segir
Eiður að barátta Möltumanna hafi
vissulega komið á óvart. „Ég held
að tímasetning hafi verið afar
óheppileg fyrir okkur. Lið Möltu
hafði tapað síðasta leik sínum
fyrir Svíum með sjö mörkum og
dagskipunin hjá þeim var einfald-
lega að koma í veg fyrir að slíkt
ætti sér stað aftur. Það var alveg
sama hvað við reyndum, þeir
voru öllum stundum með hálft lið-
ið í vörn og börðust eins og ljón.
Auðvitað má segja að það hafi
verið fyrirsjáanlegt en án þess að
ég ætli að afsaka okkur í þeim
leik þá vitum við ósköp vel að við
stóðum okkur ekki nógu vel. Það
á við um leikmenn og þjálfara.
Reyndin er sú að hvort sem um er
að ræða hrós eða gagnrýni tökum
við slíkt sem hópur og sú gagn-
rýni á Ásgeir Sigurvinsson og
Loga Ólafsson sem verið hefur
uppi á jafn mikið við um okkur
leikmennina. Ásgeir og Logi eiga
minn stuðning allan og það sama
gildir um aðra leikmenn liðsins.
Þeir hafa báðir sinnt sínum störf-
um fullkomlega.“
albert@frettabladid.is
2 12. október 2004 ÞRIÐJUDAGUR
FR
É
TT
A
B
LA
Ð
IÐ
/D
O
M
E
N
IC
A
Q
U
IL
IN
A
EIÐUR SMÁRI GUÐJOHNSEN
Í BARÁTTUNNI
Gengi íslenska landsliðsins
hefur ekki verið eins og best
verður á kosið að undanförnu
en hann lofar því að
landsliðsmennirnir sýni þann
baráttuvilja gegn Svíum sem
gagnrýnendum finnst hafa
vantað í mikilvægum leikjum.
„Ásgeir og Logi eiga
minn stuðning allan
og það sama gildir um
aðra leikmenn liðsins.·
Fyrirliði íslenska
landsliðsins, Eiður
Smári Guðjohnsen,
viðurkennir að hingað
til hafi leikmenn
liðsins ekki spilað eins
og þeir geti best. Á
því verði breyting á
morgun þegar liðið
mætir sjóðheitum
Svíum á Laugardals-
vellinum og lofar
Eiður því að hvernig
sem sá leikur fari
gangi íslensku
leikmennirnir af velli
með höfuðið hátt.
Skuldum íslensku þjóðinni að gera betur