Fréttablaðið - 15.10.2004, Blaðsíða 35

23FÖSTUDAGUR 15. október 2004
Sem betur fer hafa
þjóðernisöfgasinnar
ekki enn náð að festa djúp-
ar rætur á Íslandi.
Ásgeir Hannes Eiríksson, fyrrver-
andi þingmaður Borgaraflokksins,
sem skolaði inn á þing í skjóli Al-
berts Guðmundssonar heitins, skip-
aði sér í raðir snoðinkolla og al-
mennra sullukolla í viðtali við DV á
þriðjudag þegar hann boðaði stofn-
un stjórnmálaflokks til höfuðs inn-
flytjendum á Íslandi en hann á víst
sitthvað sökótt við útlendan mann.
Ef hér væru ekki stórhættulegar
hugmyndir á ferðinni væri auðvitað
bara fyndið að Ásgeir Hannes boði
nú enn eina atlöguna að þingsæti en
það virðist vera meira framboð af
sumu fólki en eftirspurn. Ásgeir
Hannes telur auðvelt að stofna slík-
an fasískan flokk og segir þúsundir
manna bíða heima í stofu eftir að
hann smelli fingri sínum eins og
hann orðar það. Eftir að hafa gert
sig breiðan á síðum DV og nánast
útnefnt sjálfan sig sem bjargvætt
Íslands, kannski misskilinn bjarg-
vætt en bjargvætt samt, stillir hann
sér svo upp við hlið danska rasist-
ans Mogens Glistrup og norska
þjóðernisöfgamannsins með barns-
andlitið Carl I. Hagen, en magnaðri
lýðskrumarar eru vandfundnir á
Norðurlöndum og þótt víðar væri
leitað.
Sem betur fer hafa þjóðern-
isöfgasinnar ekki enn náð að festa
djúpar rætur á Íslandi þótt nokkrir
kjánar hafi stundum flotið upp á yf-
irborðið með einhverju asnalegu
rasistarausi a la Glistrup og Hagen.
Enda auðga innflytjendur mannlífið
ef rétt er á málum haldið og ef við
leitum á náðir hagfræðinnar kemur
í ljós að innflytjendur eru þjóðhags-
lega hagkvæmir en ekki efnahags-
leg byrði. En sumir sjá ógnir í öllum
hornum, hræðast hið ókunna og um-
vefja sig heimóttarlegum einangr-
unarhugmyndum í stað þess að taka
heiminum opnum örmum og öllum
þeim ólíku blæbrigðum sem mann-
kynið hefur uppá á að bjóða.
Svo ættu menn nú líka að forðast
í lengstu lög að leita leiðsagnar í
innflytjendamálum til Danmerkur,
eins og við höfum þegar gert alltof
mikið af. Anders Fogh Rasmussen
forsætisráðherra hefur nefnilega
tekist að breyta hinni frjálslyndu
Danmörku í hálfgert fasistaríki og
lokað landinu fyrir útlendingum
með risastórum slagbrandi og þver-
girðingu hringinn í kringum eyjarn-
ar og hafna á milli. Annars er þetta
nú kannski lítið skárra hér á Íslandi
því eins og Danir höfum við reist
allt of háan haftamúr, verkefnið er
miklu heldur að opna landið, enda
vantar okkur fleira fólk ef eitthvað
er – ekki færra. Þeir örfáu sem inn
hafa sloppið hafa auðgað landið
okkar, til að mynda með seiðandi
tónlist og dunandi dansi. Þá má
nefna að Íslendingar fengu lítið
annað en saltfisk að borða áður en
miðbærinn fylltist af framandi veit-
ingastöðum sem bjóða upp á taí-
lenskar núðlur, spænska tapasrétti,
tyrkneskt kebab, kínverskar risa-
rækjur, mexíkóskt fajitas og jap-
anskt sushi svo eitthvað sé nefnt. En
kannski að lífið sé saltfiskur. ■
EIRÍKUR BERGMANN EINARSSON
STJÓRNMÁLAFRÆÐINGUR
UMRÆÐAN
INNFLYTJENDUR
,,
AF NETINU
Laugavegi 26 • Kringlunni • Smáralind
Skemmtileg plötubúð!
Í tilefni af tónleikum Lisu
Ekdahl í Austurbæ 29. og 30.
október, verða allar plötur
Lisu á tilboði í verslunum
Skífunnar.
• When Did You Leave Heaven
• Back To Earth
• Bortom Det Blå
• Heaven, Earth and Beyond: Best Of
• Med Kroppen Mot Jorden
• Olyckssyster
• Sings Salvatore Poe
• Lisa Ekdahl

Björgum skúrunum
[M]erkar byggingar [eru] að grotna niður
vestar í borginni, án þess að nokkur
hreyfi legg né lið til varnar þeim. Gömlu
grásleppuskúrarnir við Ægisíðuna verða
lúnari með hverju árinu og þess er vart
langt að bíða að farið verði fram á
niðurrif þeirra. Það eru síðustu forvöð að
lappa upp á skúrana, fiskitrönurnar og
bátabrautirnar. Mannvirkin eru þrátt fyrir
allt ekki í verra ásigkomulagi en svo að
hægt væri að koma þeim í skikkanlegt
horf með nöglum, spýtum, vírbursta,
málningu og nokkurra vikna vinnu. Með
vinnu og alúð mætti endurvekja blæ
þess tíma þegar róið var úr annarri
hverri vör og fiskiskúrar stóðu meðfram
allri strandlengju borgarinnar.
Stefán Pálsson á vg.is/postur.
Megrunarkúr
Fyrir rétt rúmlega tveimur árum síðan
ákvað ég að sýkja mig af streptókokkum.
Umræddir kokkar eru bakteríur sem
valda sárri hálsbólgu. Í mínu tilfelli tókst
þetta svo vel upp að ég gat ekkert nærst
í tvær vikur. Árangurinn af kúrnum var
því sá að ég léttist um 7 kíló eða þar um
bil! Tel ég þetta mun betri árangur en
sambærilegir megrunarkúrar geta státað
af. Hugsa að mittismálið hafi einnig
skroppið saman um tommu eða tvær.
Árangur kúrsins er því mjög góður en
aukaverkanir eru nokkrar s.s. slen, slapp-
leiki, hiti og beinverkir. Þessar aukaverk-
anir eru þó hjóm eitt miðað við árangur-
inn – 7 kíló! Eða u.þ.b. 10% af líkams-
þyngd minni. Það mætti því ímynda sér
að Gaui litli hefði getað misst hátt í 20
kíló í þessum kúr.
Þórður Heiðar Þórarinsson á deigl-
an.com
Kalt og heitt
Nú berast fregnir af því að Orkuveitan
hyggist leggja ljósleiðaranet um gervalla
borgina. Skemmst er frá því að segja að
þetta er ekki heillavænlegt. Ef yfirvöld í
Reykjavík hafa áhuga á því að flýta fyrir
lagningu ljósleiðara um höfuðborgina
ættu þau að sjálfsögðu að fara sömu
leið og Seltirningar eru nú að gera: Ein-
faldlega auglýsa eftir áhugasömum
aðilum til samstarfs. Að mati Pólitík.is er
nefnilega kominn tími til að Orkuveitan
snúi sér aftur að því sem borgarbúar ætl-
ast til af henni: Að bjóða kalt og heitt
vatn og rafmagn á sem vægustu verði.
Ritstjórn á politik.is
Enginn smákarl
Ummæli Roccos Buttigliones á dögun-
um hafa vakið hneykslan um gjörvalla
Evrópu. Ummælin voru á þann veg að
samkynhneigð væri synd og að hlutverk
konunnar væri mestmegnis að vera
eiginkona. Svona svipuð og ummæli
Árna Johnsen og Guðna Ágústssonar í
einum pakka. Buttiglione þessi er ekki
bara einhver gaur heldur er hann vænt-
anlegur yfrmaður dómsmála hjá fram-
kvæmdastjórn Evrópusambandsins.
Hjörtur Einarsson á sellan.is
■ LEIÐRÉTTING
Ranglega var sagt í Fréttablaðinu
á dögunum að 12 ára gamall sonur
Steingríms J. Sigfússonar alþing-
ismanns héti Hjörtur. Þetta er
rangt: Bjartur heitir sonur Stein-
gríms. Eru þeir feðgar beðnir vel-
virðingar á þessari missögn.
Þjóðernisöfgar á Íslandi