Fréttablaðið - 15.10.2004, Blaðsíða 36

24 15. október 2004 FÖSTUDAGUR
EKKI MISSA AF…
Sýningu á grafískri hönnun
sem opnar í Listasafni Reykjavíkur
- Hafnarhúsi í dag. Efnisflokkar á
sýningunni spanna vítt svið allt frá
spegilmynd liðins tíma í formi
auglýsinga, áróðurs, peninga-
seðla, umbúða og myndskreyt-
inga, frá fyrstu
sjónvarpsgrafíkinni,
sjónvarpsauglýsing-
unum, bókunum
og prentefninu til
þess ferskasta sem
á sér stað í grafískri
hönnun í dag...
Rússneskum dögum í Alþjóða-
húsinu við Hverfisgötu. Rússnesk
tónlist, rússnesk grafík, rússneskur
matur....
Wasabi, franskri kvikmynd á
Stöð2 í kvöld, klukkan 22.15...
Listvinafélag Hallgrímskirkju stendur fyrir sjöttu
og síðustu hádegistónleikunum á þessu ári
undir yfirskriftinni Klais-orgelið hljómar laugar-
daginn 16. október klukkan 12.00. Kári Þormar
orgelleikari flytur og kynnir aðgengilega orgel-
tónlist frá Frakklandi, m.a. 1. þáttinn úr hinni
vel þekktu 5. orgelsinfóníu eftir Widor. Í efnis-
skránni leggur Kári áherslu á tilbrigðaformið,
sem hann nýtir til að draga fram hin ýmsu lit-
brigði í hljómi Klais-orgels Hallgrímskirkju.
Kári Þormar lagði stund á orgelleik hjá Herði
Áskelssyni og píanóleik hjá Jónasi Ingimund-
arsyni. Eftir nám hér heima hélt hann út í
framhaldsnám til Þýskalands í kirkjutónlist, við
Robert Schumann Hochschule í Düsseldorf
undir handleiðslu Hans Dieter Möller. Þaðan
lauk hann A-Kirkjutónlistarprófi haustið 1998.
Kári hefur haldið fjölda einleikstónleika, bæði
hér á landi og erlendis,
Hann hefur einnig verið virkur meðleikari með
einsöngvurum og kórum.
Kári starfar nú sem organisti og kórstjóri við
Áskirkju.
Kl. 20.00
Dómkirkjan. „Mín sál, þinn söngur
hljómi.“ Kvöldstund í minningu dr.
Róberts A. Ottóssonar. Meðal annars
flytur dr. Sigurbjörn Einarsson biskup inn-
gangserindi, Hamrahlíðarkórinn syngur
undir stjórn Þorgerðar Ingólfsdóttur, auk
félaga úr Kammerkór Langholtskirkju
undir stjórn Jóns Stefánssonar.
menning@frettabladid.is
Hádegistónleikar í Hallgrímskirkju
Blautur draumur
Það er viss eftirvænting að fara í
Nemendaleikhúsið að sjá og heyra
nýju leikaraefnin sem hafa verið
splæst saman til fjögurra ára í því
augnamiði að nema list leikarans.
Ferskleiki og kraftur hefur oftar en
ekki einkennt sýningar Nemenda-
leikhússins, sem von er. Hinu má svo
auðvitað ekki gleyma að þau eru
ennþá nemar og hafa ekki formlega
verið útskrifuð sem leikarar svo
maður fer þannig höndum um þetta
hæfileikaríka unga fólk að það glati
ekki þeirri draumsýn að þjóna leik-
listargyðjunni sem best eftir að námi
lýkur.
Þau hafa valið að vinna sýningu
upp úr Draumi á Jónsmessunótt
undir stjórn aðalkennara síns í skól-
anum, Rúnars Guðbrandssonar. Gott
að Nemendaleikhúsið skuli taka verk
Shakespeares til sýninga. Ég ætla
ekki að fjalla um frammistöðu hvers
og eins.Ungu leikaraefnin stóðu sig
prýðilega. Sýningin fer ágætlega af
stað. Áhorfendur eru leiddir inn á
skemmtistað þar sem ýmis ólyfjan er
í boði svona til að búa þá undir það
sem koma skal. Skemmtileg var hall-
ærisleg byrjunarsena þar sem hrært
var saman texta Shakespeares úr
fleiri en einu leikriti og viðbótum
sem ýmist hafa verið spunnar upp
eða skrifaðar inn í textann. Það gekk
alveg upp og hefði verið hægt að
skrifa heilt leikrit um sögu hljóm-
sveitarinnar (handverksmannanna) í
Draumnum sem hefði skemmt
áhorfendum heilt kvöld.
En síðan byrjaði Draumurinn.
Helmingi of langur. Ekki er við
blessuð leikaraefnin að sakast. Þau
gera sitt besta miðað við gefnar for-
sendur. Þær forsendur eiga hins
vegar að mínu viti heima innan fjög-
urra veggja skólans. Ég hélt um tíma
að ég væri í miðjum leiktúlkunartíma
eða á kynningu hjá nemendum á
öðru eða þriðja ári. Unga fólkið sem
stóð á sviðinu og lék gerði fátt annað
en að öskra textann út eða hrinda
hvert öðru í gólfið, kófsveitt, oftast á
nærbuxum einum fata. Það var ekki
að sjá eða heyra að nokkur vinna
hefði átt sér stað með texta eða um
hvað senurnar í leikritinu voru.
Fyrir nú utan það að svona enda-
lausir kynferðisspunar halda ekki at-
hygli áhorfandans við sögu eða
söguþráð. Það er ekkert spennandi í
gangi, engin gulrót á hinum enda
spýtunnar. Það sem blasir við er bert
hold og yngri nemendunum leið
augljóslega illa að þurfa að skaka sér
hálfnaktir ofan í áhorfendum. Að sitja
í þrjá klukkutíma á bekk þar sem ekki
er einu sinni hægt að hvíla bakið er
ekki boðlegt venjulegum leikhúsá-
horfendum. Sýningin var ekki einu
sinni frumleg því allt hefur maður
séð þetta áður. Leikstjórinn á að vita
að „meira að segja í fellibyl tilfinning-
anna verður að temja sér þá stillingu
sem fágar“. (Shakespeare) Ég er
þeirrar skoðunar að leikaraefnin eigi
að fá starfandi leikhúslistamenn til
liðs við sig í Nemendaleikhúsi því
það er raunveruleikinn þegar skólan-
um sleppir. Til að bæta gráu ofan á
svart þá fylgja ljósmyndir af leikara-
efnunum með leikskránni þar sem
þau eru vart þekkjanleg og engum
hefur þótt ástæða til að setja nöfn
þeirra við myndirnar til að vita hver
er hvað. Ég vona að næsta verkefni
Nemendaleikhússins verði ekki
svona dæmalaus listræn sjálfsfróun
leikstjóra. ■
LEIKLIST
VALGEIR SKAGFJÖRÐ
Draumurinn/William Shakespeare
Nemendaleikhúsið
Leikaraefnin: Aðalbjörg Þóra Árnadóttir /
Atli Þór Albertsson / Guðjón Davíð Karls-
son / Jóhanna Friðrika Sæmundsdóttir /
Jóhannes Haukur Jóhannesson / Oddný
Helgadóttir / Ólafur Steinn Ingunnarson /
Orri Huginn Ágústsson / Sara Dögg Ás-
geirsdóttir / Leikmynd og lýsing: Egill
Ingibergsson og Móeiður Helgadóttir /
Tónlistarstjóri: Kjartan Ólafsson /
Dramatúrg: Guðmundur Brynjólfsson /
Leikstjóri: Rúnar Guðbrandsson
!
BÖNDIN Á MILLI OKKAR
eftir Kristján Þórð Hrafnsson
Frumsýning sunnudagskvöld!
Spennandi átakaverk!
Leikarar: Rúnar Freyr Gíslason, Sólveig Arnarsdóttir,
Nanna Kristín Magnúsdóttir, Friðrik Friðriksson Leikstjóri: Hilmir Snær Guðnason
NEMENDALEIKHÚSIÐ Leikstjórinn á
að vita að „meira að segja í fellibyl til-
finninganna verður að temja sér þá still-
ingu sem fágar“. (Shakespeare)
Bókaforlagið Bjartur hefur gefiðút Bók spurninganna eftir
Pablo Neruda í þýðingu Þóris Jóns-
sonar Hraundal. Bókin kemur út
í tilefni af því að á þessu ári eru
liðin hundrað ár frá fæðingu
skáldsins.
Neruda, sem var frá Chile, ermeðal ástsælustu ljóðskálda
tuttugustu aldarinnar, sérvitur
nautnaseggur sem orti um ástina
og dauðann með ógleymanlegum
hætti. Bók spurninganna saman-
stendur af 316 spurningum sem
Neruda ritaði í minnisbækur á síð-
ustu mánuðum ævi sinnar og
komu út að honum látnum. Spurn-
ingarnar eiga það sameiginlegt að
krefjast ekki endilega svars.
Neruda fékk Nóbelsverðlaunin íbókmenntum 1971.
NÝJAR BÆKUR