Fréttablaðið - 15.10.2004, Blaðsíða 39

27FÖSTUDAGUR 15. október 2004
Banki allra landsmanna
Við færum þér fjármálaheiminn
Landsbankinn hefur opnað aðgang að nýjum, glæsilegum verðbréfavef í samstarfi við E*TRADE.
Í fyrsta skipti býðst Íslendingum að eiga milliliðalaus verðbréfaviðskipti með E*TRADE í gegnum
netið á stærsta verðbréfamarkaði heims, Wall Street í Bandaríkjunum, og á mörkuðum í Svíþjóð,
Finnlandi og Danmörku.
Nýttu þér einfalda og hagkvæma leið til að eignast stærri hlut í framtíðinni - með Landsbankann
sem traustan bakhjarl á heimsmarkaði. Kynntu þér málið á www.landsbanki.is
Umfang íslenskra fyrirtækja
á breskum fjármálamarkaði
hefur ekki farið framhjá
neinum. Bresk stórblöð
beindu í gær athygli sinni að
íslenskum kaupsýslumönn-
um í London.
Íslenskir kaupsýslumenn eru í
kastljósi breskra fjölmiðla. Stór-
blöðin Financial Times og Guardi-
an fjalla um áhuga Íslendinga á
kaupum á breskum fyrirtækjum.
Baugur kannar nú áreiðanleika
reikninga Big Food Group og hefur
stjórn Big Food samþykkt fyrir sitt
leyti yfirtökutilboð Baugs. Heild-
arupphæð sem reiða þarf fram í
þeim viðskiptum er 94 milljarðar.
Þá er búist við yfirtökutilboði frá
Bakkavör í Geest og KB banka í
Singer and Friedlander.
Kveikjan að umfjöllun nú er vel
heppnað hlutafjárútboð KB banka
og yfirlýsing frá verðbréfafyrir-
tækinu Numis sem hryggbraut
Landsbankann. Landsbankinn
kannast ekki við bónorðið, en við-
urkennir að breski bankinn HSBC
leiti að vænlegum fjármálafyrir-
tækjum til kaups fyrir bankann.
Landsbankinn bætist í hóp ís-
lenskra fyrirtækja sem breskir
fjölmiðlar fjalla um. Baugur og KB
banki eru hvort tveggja fyrirtæki
sem breski fjármálaheimurinn
þekkir vel. Bakkavör hefur einnig
hægt og bítandi læðst inn í vitund
fjármálalífsins og mun með yfir-
töku á Geest verða enn þekktara
fyrirtæki á breska markaðnum. Þá
er stefnt að skráningu Actavis á
markað í London eftir áramót.
Blaðamaður Financial Times
spyr hvernig standi á þessari miklu
útþrá þjóðar sem telur 290 þúsund
hræður. Færri en búa í Coventry.
Blaðamaður Financial Times
segir skýringa að leita í miklum
hagvexti og ríkidæmi þjóðarinnar.
Hlutabréfamarkaður og hátt verð
félaga á markaði hafi auðveldað
fjármögnun yfirtöku með hluta-
fjárútboði.
Ágúst Guðmundsson, stjórnar-
formaður Bakkavarar og Björgólf-
ur Thor Björgólfsson, stjórnarfor-
maður Burðaráss leggja til fleiri
skýringar. Söfnunarkerfi lífeyris-
sjóðanna ýti undir fjárfestingar.
„Við flytjum út allt sem við fram-
leiðum og inn það sem við neytum.
Það skapar alþjóðlegan hugsunar-
átt,“ hefur Financial Times eftir
Ágústi. Björgólfur Thor telur út-
rásina skapast af nauðsyn. „Við
erum eyja í Norður-Atlantshafi.
Við eigum pening en skortir fjár-
festingatækifæri.“
Grein Financial Times lýkur á
þeim orðum að haldi fram sem
horfi muni Baugur auka verulega
hlut sinn í breskri smásöluverslun.
Breski fjármálaheimurinn megi
einnig búast við því að KB banki og
Landsbankinn hafi ekki sagt sitt
síðasta orð á breska markaðnum.
haflidi@frettabladid.is
Tólf þúsund störfum fækk-
ar í Evrópu. Hár launa-
kostnaður og strangar regl-
ur á vinnumarkaði sagðar
ástæðan.
Bandaríski bílaframleiðandinn
General Motors ætlar að fækka
starfsmönnum sínum í Evrópu
um tólf þúsund fyrir árslok
2006. Stjórnendur fyrirtækisins
telja að launakostnaður sé of hár
í Evrópu auk þess sem spurn
eftir bílum fari minnkandi.
„Sé litið þrjú ár aftur í tím-
ann hefði enginn spáð því hve
veikur evrópski markaðurinn
yrði, sérstaklega sá þýski,“
segir Carl-Peter Forster for-
stjóri General Motors í Evrópu.
Hann segir að mikil verðsam-
keppni hafi þrýst niður verði á
Þýskalandsmarkaði og ekki sé
útlit fyrir bata. Stærstur hluti
uppsagnanna verður í þýskum
verksmiðjum General Motors.
Þar er launakostnaður hár auk
þess sem ýmsar reglugerðir
svo sem eins og 35 stunda
vinnuvika og langvinn sumar-
frí hafa vond áhrif á rekstur-
inn.
Í gær tilkynnti General
Motors að tap á rekstrinum á
þriðja ársfjórðungi í Evrópu
næmi 236 milljónum Banda-
ríkjadala (tæplega 17 milljörð-
um króna). Vandræði General
Motors einskorðast þó ekki við
Evrópu því reksturinn hefur
undanfarið verið verri en sér-
fræðingar telja ásættanlegt.
Verð bréfa í General Motors
lækkaði í kauphöllinni í New
York í gær og er nú lægra en það
hefur verið allt síðasta ár.
- þk
Á ÚTLEIÐ Starfsmenn General Motors halda heim úr vinnu í gær. Einhverjir þeirra
gætu átt eftir að missa vinnuna á næstu árum því fyrirtækið ætlar að fækka um tólf
þúsund í starfsliði sínu í Evrópu.
Vandi hjá
General Motors
M
YN
D
/A
P
Á HRAÐFERÐ Íslenskir fjárfestar vekja sífellt meiri athygli breskra fjölmiðla. Tími víkinga-
brandara er að baki í breskum fjölmiðlum og nú er fjallað um þátt Íslendinga í bresku
viðskiptalífi af fullri alvöru.
Athyglin vex í London
M
YN
D
/A
P