Fréttablaðið - 17.10.2004, Blaðsíða 2
2 17. október 2004 SUNNUDAGUR
UNDANÞÁGUR „Þörf fyrir kennara
sem fær undanþágu gæti ekki
verið minni en var fyrir verkfall-
ið,“ að mati Þórörnu Jónasdóttur,
fulltrúa Kennarasambands Ís-
lands í undanþágunefnd. Því sé
nauðsynlegt að kennari sé kallað-
ur til fullrar vinnu en ekki hluta-
starfa. Án þess sé ekki hægt að
veita kennara undanþágu.
Þórarna vill ekki svara um-
mælum Sigurðar Óla Kolbeins-
sonar, fulltrúa sveitarfélaga í und-
anþágunefndinni. Hann segir í
yfirlýsingu á vef Sambands ís-
lenskra sveitarfélaga að vegna af-
stöðu hennar í nefndinni fari fjöl-
di fatlaðra barna mun verr út úr
verkfallinu en nauðsyn beri. Það
sé ekki undanþágunefndarinnar
að ákveða hversu víðtæk leyfi
þurfi til að afstýra neyðarástandi
heldur umsækjandans.
Þórarna segir að undanþágur
þurfi að taka til allra þátta kennsl-
unnar sem nemandi njóti í
skólannum: „Ekki er hægt að taka
einn þátt hennar út og segja hann
mikilvægari en annan. Við teljum
að ef neyðarástand sé vegna nem-
anda þá verði að kalla alla þá sem
koma að kennslunni á venjulegum
tímum til starfa.“ - gag
Samningur Brims:
Aðför að
samfélaginu
YFIRLÝSING Flokkstjórnarfundur
Samfylkingarinnar tekur undir
mótmæli verkalýðshreyfingar-
innar vegna kjarafyrirkomulags
Brims hf. og áhafnar skipsins
Sólbaks.
Í yfirlýsingu fundarins segir
að fyrirkomulag Brims ógni
þeirri venju að samningar séu
leystir á grundvelli vinnulög-
gjafarinnar: „Í því felst aðför að
verkalýðshreyfingunni og
grunnreglum íslensks nútíma-
samfélags.“ Samfylkingin lýsir
yfir fullum stuðningi við ASÍ og
sjómannasamtökin. - gag
PRESTUR MEÐ SÓP
Kirkjurnar eyðilögðust mismikið í spreng-
ingunum, sumar eru verulega skemmdar.
Ramadan hafin:
Kirkjur
eyðilagðar
ÍRAK, AP Kristnir íbúar Íraks eru
skelfingu lostnir eftir að sprengj-
ur sprungu við fimm kirkjur í
Bagdad í gær. Fjöldi árása hefur
verið gerður síðan Ramadan, heil-
agur mánuður múslíma, hófst á
föstudaginn.
Ekki er vitað um mannfall í
sprengingunum við kirkjurnar og
hefur enginn lýst ábyrgð á
sprengingunum sem eyðilögðu
kirkjurnar. Einn maður lést þegar
sprengja sprakk við sjúkrahús í
Bagdad í gær. Á föstudaginn lét-
ust þrír bandarískir hermenn og
einn túlkur í árás á herbíl við
borgina Qaim. ■
Ég var afskaplega ánægður með tón-
leikana. Þeir voru prýðilega sóttir og
mér þótti mjög vænt um það.
Ekki hefur alltaf verið rólegt í kringum séra Gunnar
Björnsson sem starfaði áður sem sóknarprestur í
Önundarfirði. Séra Gunnar spilaði á tónleikum í
Salnum með Jörg E. Sondemann og Hauki Guð-
laugssyni. Þeir söfnuðu fé til MND-félagsins sem er
félag fólks með hreyfitaugahrörnun.
SPURNING DAGSINS
Gunnar, voru þetta rólegir tónleikar?
FEÐGAR TÝNDUST
á Esjunni seinnipart laugardags og hringdu
í neyðarlínuna og báðu um hjálp.
Feðgar á Esjunni:
Týndust í
þoku
BJÖRGUN Neyðarlínunni barst sím-
tal úr farsíma um fimmleytið í gær
frá karlmanni sem var týndur
ásamt sex ára syni sínum á Esjunni
og báðu þeir um hjálp.
Þeir höfðu verið við hefðbundna
göngu á fjallinu þegar þoka skall á
sem varð til þess að þeir villtust af
leið. Björgunarmenn frá Lands-
björg hófu samstundis skipulagða
leit og fundu feðgana fljótlega
heila á húfi en dálítið kalda. - keþ
Pantaðu nýjan
og glæsilegan ferðabækling.
Fylgstu með á heimasíðu okkar www.kuoni.is
Holtasmára 1 • 201 Kópavogi • Sími: 5 100 300 • Símbréf: 5 100 309
Netfang: langferdir@langferdir.is • Heimasiða: www.kuoni.is
Opnunartímar alla virka daga frá 10:00-17:00
Tæland, Bali, Kúba, Egyptaland, Indland, Sri Lanka,
Kína, Kenýa, Mexíkó og víðar
Bæklingar á völdum
Esso-stöðvum.
Jomtien/Pattaya,
Tælandi
2 vikur í desember
Verð á mann í tvíbýli frá:
92.850 kr.
með öllum sköttum!
Bali
2 vikur í nóv.-des.
Verð á mann í tvíbýli frá:
115.800 kr.
með öllum sköttum!
Kúba
2 vikur í nóvember
Havana 5 d./Varadero 9 d.
Verð á mann í tvíbýli frá:
130.550 kr.
með öllum sköttum!
Vetrarsól
Tryggðu þér vetrarfrí hið fyrsta
HERSKIP Landhelgisgæslan ályktar
að rússnesku herskipin sem hafa
verið við æfingar við strendur
landsins séu farin en flogið var
yfir svæðið í gærmorgun þar sem
þau höfðu haldið sig og sást ekki
lengur til skipanna.
Skipin höfðu haldið sig við
strendur Íslands án þess að gera
boð á undan sér frá 29. september
síðastliðnum en íslensk stjörnvöld
kröfðust skýringa á veru þeirra
11.október og fengu þau svör frá
rússneskum stjórnvöldum að um
æfingar væri að ræða, og var það
ítrekað í bréfi sem íslenskum
stjórnvöldum barst síðastliðinn
föstudag. Í bréfinu er tilkynnt að
æfingum herskipanna sé lokið og
að skipin séu á förum af svæðinu.
Jafnframt segir í bréfinu að æf-
ingin hafi varðað samhæfingu
skipa og flugvéla og fullyrt að
skipulag hennar hafi ekki átt að
ógna öryggishagsmunum ríkja á
þeim slóðum þar sem hún fór
fram. keþ
HERSKIPIN FARIN
Ekki sást til rússnesku herskipanna þegar flogið var yfir svæðið þar sem þau hafa haldið sig.
Æfingum herskipanna við strendur Íslands lokið:
Rússnesku herskipin farin
ÖSKJUHLÍÐARSKÓLI
Var með þeim fyrstu sem fékk undanþágu
til kennslu í verkfalli kennara.
Fulltrúi kennara í undanþágunefnd neitar leyfi til hlutastarfa:
Krefst fullra launa
vegna undanþága
FR
ÉT
TA
B
LA
Ð
IÐ
/R
Ó
B
ER
T
Verkfall notað til að
flýta einkavæðingu
Formaður Samfylkingarinnar sakar sjálfstæðismenn um nýta sér verkfallið
til að ýta undir einkavæðingu skólakerfisins. Þingmaður Sjálfstæðisflokksins
segir einkavæðingu skólakerfisins á stefnuskrá margra sjálfstæðismanna.
STJÓRNMÁL Sjálfstæðisflokkurinn
er að notfæra sér verkfallið til að
ýta undir hugmyndir um einka-
væðingu skólakerfisins að sögn
Össurar Skarphéðinssonar, for-
manns Samfylkingarinnar.
Í ræðu á flokkstjórnarfundi
Samfylkingarinnar í gær gagn-
rýndi Össur ríkisstjórnina harka-
lega vegna aðgerðaleysis í kenn-
araverkfallinu. Hann sagði að
vegna hugmynda um einkavæð-
ingu þráaðist Sjálfstæðisflokkur-
inn við því að ríkisstjórnin kæmi
að lausn deilunnar.
„Krafa manna sem tilheyra
Sjálfstæðisflokknum um fleiri
rekstrarform er ekkert annað en
krafa um einkavæðingu skólakerf-
isins. Það er markmið Sjálfstæðis-
flokksins,“ sagði Össur.
Pétur Blöndal, þingmaður Sjálf-
stæðisflokksins, segir að flokkur-
inn sé á engan hátt að nýta sér
verkfallið til að ýta undir hug-
myndir um einkavæðingu skóla-
kerfisins.
„Það er engin spurning að verk-
fall mun leiða til þess að almenn-
ingur mun kalla á eftir breytingum
á skólakerfinu. Verkfallið hefur nú
þegar leitt til þess að fólk notar í
auknum mæli netið og kennslufor-
rit í námi sínu og þetta mun eflaust
flýta þróun skólakerfisins. Það
hefur lengi verið á stefnuskrá hjá
mörgum sjálfstæðismönnum að
auka einkavæðingu – líka í skóla-
kerfinu.“
Össur sagði ábyrgðarleysi af
ríkisstjórn að segja um verkfall
sem varðar þriðjung heimila í
landinu að það kæmi henni ekki
við.
„Það er ábyrgðarleysi sem
stappar nærri gáleysi. Það var
þessi ríkisstjórn sem bjó til samn-
ingana sem grunnskólakennarar
miða sig eðlilega við. Það var þessi
ríkisstjórn sem breytti skattkerf-
inu þannig að hátt á annan milljarð
króna minna koma árlega í hlut
sveitarfélaganna. Það er því þessi
ríkisstjórn sem ber ábyrgð á slæm-
ri fjárhagsstöðu sveitarfélaganna.“
Össur gagnrýndi einnig fram-
sóknarmenn. „Þegar formaður
Framsóknarflokksins segir að
verkfallið komi sér ekki við, þá er
hann verkfæri Sjálfstæðisflokks-
ins við að koma í gegn einkaskólum
og einkavæðingu menntakerfis-
ins.“
Björn Ingi Hrafnsson, aðstoðar-
maður Halldórs Ásgrímssonar for-
sætisráðherra, sagði við Frétta-
blaðið að forsætisráðherra hefði
ekki áhuga á að svara gagnrýni
Össurar.
trausti@frettabladid.is
Vinstri grænir:
Verkfallinu
skuli ljúka
YFIRLÝSING „Því ófremdarástandi
sem fólgið er í verkfalli og launa-
leysi 4.500 kennara og langvarandi
röskun á skólagöngu 45 þúsund
grunnskólabarna verður að linna,“
segir í yfirlýsingu þátttakenda á
sveitarstjórnarráðstefnu Vinstri
hreyfingarinnar - græns framboð.
Fundurinn sem haldinn var á
Hótel Loftleiðum í gær bendir á
nýlagt frumvarp flokksins um að
styrkja tekjustofna sveitarfélaga
og gera þeim þar með auðveldara
að greiða starfsmönnum sínum
laun. - gag
■ LÖGREGLUFRÉTTIR
BÍLVELTA Á SANDVÍKURHEIÐI Bíl-
velta var á föstudagskvöld á
Sandvíkurheiði við Vopnafjörð og
var ökumaður fluttur talsvert
slasaður með flugi á Fjórðungs-
sjúkrahúsið á Akureyri. Bíllinn
er gerónýtur en vegfarendur sáu
manninn þegar hann kom skríð-
andi upp á veginn og tilkynntu
lögreglu um slysið.
SLYS Á TORFÆRUHJÓLUM
Tvö slys urðu á torfæruhjólum
með skömmu millibili á laugar-
dag á mótokross-brautinni við
Sólbrekku við Grindavík. Í fyrra
skiptið féll ökumaður af hjóli
sínu og kjálkabrotnaði en í seinna
skiptið féll ökumaður af hjóli
sínu og fótbrotnaði. Báðir voru
mennirnir fluttir á Landspítala -
háskólasjúkrahús í Fossvogi í
Reykjavík.
ÖSSUR SKARPHÉÐINSSON
Össur sagði ábyrgðarleysi af ríkisstjórn að segja um verkfall sem varðar þriðjung heimila í
landinu að það kæmi henni ekki við.