Fréttablaðið - 17.10.2004, Blaðsíða 4
4 17. október 2004 SUNNUDAGUR
Skólastjóri í hundaskóla Hundaræktarfélags Íslands:
Auðvelt að klúðra uppeldi hunda
HUNDAHALD Ekki eru allir á eitt
sáttir að banna eigi innflutning á
Doberman og Rottweiler-hundum,
en hundar þessarar tegundar ollu
ótta í Seljahverfinu fyrir rúmri
viku þegar þeir rifu í sig kött og
veltu barnavagni með barni í.
Stefán Jón Hafsteinn borgar-
fulltrúi sagðist vilja bregðast við
þessu með banni á slíkum víga-
hundum eins og hann kallar það en
Albert Steingrímsson, skólastjóri
Hundaræktarfélags Íslands, segir
borgarfulltrúann augljóslega ekki
vita hvað vígahundar eru því þeir
eru nú þegar bannaðir á Íslandi.
„Það er skýrt í reglugerð frá
landbúnaðarráðuneytinu að slíkir
hundar séu bannaðir hér á landi.
Hinsvegar flokkast umræddir
hundar ekki til vígahunda heldur
varðhunda. Auðvelt er að klúðra
uppeldi á þessum hundum og þarf
að sinna vel eftirliti með eigendum
þeirra,“ segir Albert. Hann segir
að þegar ráðuneytið tók þá ákvörð-
un að leyfa innflutning á Dober-
man og Rottweiler hafi þeim verið
bent á þá nauðsyn að herða eftirlit
með eigendum hundanna en því
hefur ekki verið sinnt. „Mér skilst
að það hefði ítrekað verið búið að
kvarta undan þessum hundum og
fellur það í hlutverk hundaeftirlits-
ins að bregðast samstundis við. Ef
menn hefðu unnið vinnuna sína þar
á bæ þá hefði ekki til þessa óhapps
komið,“ segir Albert. - keþ
Undanþága með
fordæmisgildi
Bæjarstjórn Kópavogs ákvað að greiða kennurum einhverfra barna full
laun en ekki tímakaup svo þau gætu sótt skólann. Formaður bæjarráðs
segir hagsmuni barnanna mikilvægari en fordæmi sem bærinn gefi.
UNDANÞÁGUR Bæjarstjórn Kópa-
vogs ákvað að greiða þrettán
kennurum Digranesskóla laun
samkvæmt ráðningarsamningi
svo undanþága fengist til að kenna
átta börnum með einhverfu.
Gunnar I. Birgisson formaður
bæjarráðs Kópavogs segir Sam-
band íslenskra sveitarfélaga hafa
verið látið vita af áformum bæjar-
ins. Ekki sé hægt að láta áhyggjur
af hugsanlegu fordæmisgildi
ganga gegn hagsmunum barn-
anna. Hann segir mál annarra fatl-
aðra barna í Kópavogi einnig
verða skoðuð.
Í frétt blaðsins í gær sagði
Gunnar Rafn Sigurbjörnsson, for-
maður launanefndar sveitarfélag-
anna, að tíðkast hafi að borga
kennurum fyrir þann tímafjölda
sem þeir vinni í verkföllum en
ekki full laun samkvæmt ráðn-
ingasamningi.
Eiríkur Jónsson, formaður
Kennarasambands Íslands, segir
það ástæðu kröfunnar um full laun
þeirra sem fái undanþágu. Kenn-
arar hafi lært af verkfallinu árið
1995 þar sem dæmi hafi verið um
kennara á undanþágum sem fengu
lægri laun en væru þeir á verk-
fallsbótum. Án samningsins við
Kópavogsbæ hefðu kennararnir
ekki snúið til starfa.
Gunnar segir það hafa verið að
frumkvæði bæjarstjórnarinnar að
leita til Kennarasambandsins til
að leysa vanda fjölskyldna ein-
hverfra barna í bænum: „Við hjá
Kópavogsbæ horfum ekki í ein-
hverjar krónur til að veita börn-
um, sem þola ekki að vera lengi
frá án umönnunar og kennslu, þá
þjónustu sem þau þurfa.“
Helgi Halldórsson, skólastjóri í
Digranesskóla, segir börnin höfð í
fyrirrúmi. Niðurstaðan sé mjög
ánægjuleg.
„Kennarasambandið og mínir
yfirmenn hafa unnið mjög faglega
að málinu,“ segir Helgi og bætir
við: „Ég veit að kennararnir mæta
til vinnu með blöndnum huga og
við bíðum spennt eftir að fá alla til
kennslu, nemendur jafnt sem
kennara.“
Um 470 nemendur og 70 kenn-
arar eru í Digranesskóla. Átta
nemendanna eru í sérdeild barna
með einhverfu. Þeir snúa aftur í
skólann á mánudag. Tuttugu
starfsmenn skólans, utan þeirra
þrettán sem fengu undanþágu, eru
ekki í verkfalli. Skólastjóri og að-
stoðarskólastjóri þar meðtaldir.
gag@frettabladid.is
Hörmungar í Darfur:
70 þúsund
hafa látist
SÚDAN, AP Í það minnsta 70 þúsund
manns hafa látist í flóttamanna-
búðum í Darfur frá því í mars og
dánartíðnin fer ekki minnkandi
nema umheimurinn leggi fram
meira fé og meiri hjálp í að takast
á við vandann, sagði David Nabar-
ro, aðgerðastjóri Alþjóða heil-
brigðisstofnunarinnar á svæðinu.
Nabarro sagði að hér væri að-
eins um að ræða fjölda þeirra sem
hefðu látist af völdum slæmra að-
stæðna í flóttamannabúðum sem
hefðu verið komið upp tímabundið.
Hann sagði enga leið fyrir stofnun-
ina að áætla fjölda þeirra sem hafa
látist af völdum ofbeldisverka. ■
SÝNING Á GJÖRGÆSLU
Gínum var stillt upp sem sjúklingum sem
sýnir aðstæður gjörgæslu fyrr og nú á
sýningu sem haldin var á Landspítalanum
í tilefni 30 ára afmælis gjörgæslu við
Hringbraut.
Afmæli gjörgæslu við
Hringbraut:
Tækjakostur
sýndur fólki
AFMÆLI Í tilefni af 30 ára afmæli
gjörgæslunnar við Hringbraut
var boðið upp á opna dagskrá á
Landspítalanum í gær.
Sett var upp sýning þar sem
gínum var stillt upp eins og sjúk-
lingum í sjúkrarúmum til að sýna
aðbúnað og tækjakost gjörgæsl-
unnar þar sem varpað var ljósi á
gamla tímann og nýja tímann.
Einnig voru haldnir fyrirlestrar
um gjörgæslu og voru veitingar í
boði að þeim loknum. Aðsókn var
góð og mikið var um að eldra
starfsfólk og skjólstæðingar gjör-
gæslunnar kæmu til að fagna deg-
inum. - keþ
Finnst þér í lagi að rússnesk her-
skip fái að vera við æfingar við
strendur landsins?
Spurning dagsins í dag:
Á að banna víghunda í borginni?
Niðurstöður gærdagsins
á visir.is
75%
25%
Nei
Já
KJÖRKASSINN
Farðu inn á fréttahluta visir.is
og segðu þína skoðun
ÚR VERKFALLSMIÐSTÖÐINNI
Margir hafa lýst yfir stuðningi við kjarabar-
áttu kennara. Hér fagna þeir tíu milljóna
króna gjöf í verkfallssjóð þeirra frá SFR.
27. dagur verkfalls:
Styðja
kennara
VERKFALL Heildarsamtök kennara á
öllum skólastigum á Norðurlönd-
um, NLS, hafa sent Kennarasam-
bandi Íslands stuðningsyfirlýs-
ingu. Í henni lýsa samtökin yfir
eindregnum stuðningi við kjara-
baráttu grunnskólakennara og
skólastjórnenda í yfirstandandi
verkfalli. Kennarafélag Kennara-
háskóla Íslands lýsir einnig óskor-
uðum stuðningi við grunnskóla-
kennara í einarðri baráttu fyrir
bættum kjörum. Það lýsir van-
þóknun sinni á tómlæti sveitar-
stjórna og ríkisvaldsins í þeirri
illvígu kjaradeilu sem nú standi
yfir. -gag
DOBERMAN
Hundur þessarar tegundar ásamt
Rottweiler-hundi olli ótta í Seljahverfinu
og hugmyndir hafa vaknað um að banna
slíka hunda í borginni.
VÍSINDI Fjögur af sjö staðsetninga-
merkjum sem náðist að festa í bak
hrefna, í vísindarannsóknum Haf-
rannsóknastofnunarinnar á vetur-
setu skíðishvala, hafa gefið frá
sér upplýsingar.
Gísli Víkingsson hvalasérfræð-
ingur segir einn hvalanna hafa
yfirgefið landhelgina. Hinir séu
væntanlega enn við landið: „Einni
hrefnu höfum við getað fylgt suð-
vestur eftir Reykjaneshrygg. Hún
stefndi að Flæmska hattinum þó
allsendis óvíst sé hvort þar leynist
vetrarstöðvarnar.“ Gísli segir að
fyrir rannsóknina hafi brottfarar-
tími einnar hrefnu þekkst. Hún
hafi lagt af stað mánuði síðar en
nú hafi sést.
Gísli segir menn út um allan
heim reyna fyrir sér við rann-
sóknir á vetursetu hvala. „Þeir
leita að réttu tækninni til að fylg-
ja dýrunum eftir. Árangurinn af
rannsóknunum nú er því vel yfir
meðallagi á heimsvísu.“ Ekki
verði fleiri merki sett út í ár.
Rannsóknunum verði fram haldið
á næsta ári. - gag
Fjögur af sjö staðsetningarmerkjum hafa gefið upplýsingar:
Fylgdu hrefnu í átt að Flæmska hattinum
MERKIÐ
Fjögur af sjö staðsetningarmerkjum í baki
hvala hafa sent frá sér upplýsingar. Það er
árangur yfir meðallagi á heimsvísu segir
hvalasérfræðingur Hafró.
FERÐALAG HREFNA
Rauða línan sýnir leið hrefnu í ár. Bláa línan er leið hrefnu fyrir tveimur árum.
FR
ÉT
TA
B
LA
Ð
IÐ
/E
.Ó
L.
FR
ÉT
TA
B
LA
Ð
IÐ
/H
AR
I
ALLAKEMA LAMARI
Höfuðpaur hryðjuverkaárásanna í Madríd í
mars var alsírskur með tengsl við al-Kaída.
Kennsl borin á höfuð-
paur árásanna í Madríd:
Nýsloppinn
úr fangelsi
SPÁNN Leiðtogi hryðjuverkahóps-
ins sem sprengdi lestarnar í Ma-
dríd 11. mars var dæmdur í fjórtán
ára fangelsi á Spáni árið 1997
vegna tengsla sinna við alsírskan
hryðjuverkahóp en látinn laus úr
haldi fyrir tveimur árum þegar
dómurinn var styttur.
Maðurinn sprengdi sig í loft upp
ásamt tveimur öðrum í íbúð í Lega-
nes skömmu eftir hryðjuverkaárás-
ina. Lögreglan hefur nú borið
kennsl á lík hans. Hann var alsírsk-
ur og hét Allekema Lamari. Hryðju-
verkahópurinn sem hann var í for-
svari fyrir er talinn tengjast al-
Kaída hryðjuverkasamtökunum.
Alls lést 191 í árásunum í Ma-
dríd. Lögreglan hefur handtekið
um 50 manns síðan árásirnar voru
gerðar og eru sextán enn í haldi
hennar. ■
EIRÍKUR JÓNSSON
Segir aðgerðir Kennarasambandsins nauð-
synlegar. Dæmi sýni að kennarar á undan-
þágu í verkfallinu 1995 hefðu sumir fengið
lægri laun en væru þeir á bótum úr Vinnu-
deilusjóði sambandsins.
GUNNAR I. BIRGISSON
Formaður bæjarráðs Kópavogs og alþingis-
maður segir Kópavogsbæ ekki hafa í hyg-
gju að semja utan launanefndar sveitarfé-
laganna um laun kennara. Hliðarskref
þeirra hafi verið af mannúð.
FR
ÉT
TA
B
LA
Ð
IÐ
/E
.Ó
L.
■ LÖGREGLUFRÉTTIR
HALD LAGT Á FÍKNIEFNI OG
LANDA Lagt var hald á tæpt hálft
kíló af ýmsum fíkniefnum og eitt-
hvað af landa í húsi í austurbæn-
um í Kópavogi seinnipart föstu-
dags. Tveir aðilar voru handtekn-
ir og færðir til yfirheyrslu. Málið
telst upplýst.
BRUNI Á VÍDEÓLEIGU Eldur kom
upp á vídeóleigu á Húsavík um
tíuleytið á föstudagskvöld. Auð-
velt var að ráða niðurlögum elds-
ins en ekki er vitað hvað olli
brunanum og er málið í rann-
sókn.
FR
ÉT
TA
B
LA
Ð
IÐ
/P
JE
TU
R