Fréttablaðið - 17.10.2004, Blaðsíða 9

Má stofna skóla ef hann er ekki skóli?
Órannsakanlegir eru vegir mennta-
málaráðuneytisins. Iðulega hef ég orð-
ið hugsi yfir því sem þaðan kemur en
nýjasta útspilið tekur út yfir allan
þjófabálk.
Fyrst er pínulítil forsaga.Veður-
fræðingur nokkur stofnar skóla vestur
í bæ. Reyndar er gott að hann býr ekki
á Melunum eð því þá hefði hann líklega
stofnað Melaskóla upp á nýtt. Ég tek
það fram að ég ætla ekki að fjalla um
starfsemina sem slíka en verð þó að
benda skólastjóranum á að íslensku-
kennsla felst ekki bara í að láta börn
læra utan að Eldgamla Ísafold og mál-
fræði. Ég hef kennt íslensku í grunn-
og framhaldskólum í Reykjavík í hátt á
þriðja áratug og svona námskrá er
náttúrulega bull, herra skólastjóri.
Jæja. Svo kemur aðalatriðið.
Menntamálaráðherra fréttir af þess-
um skóla og sendir vaska sveit kon-
tórista til að rannsaka málið. Niður-
staða þessarar vetttvangsathugunar er
alger perla. Hún er í stuttu máli sú að
þarna sé allt í finasta lagi vegna þess
að þetta sé alls ekki skóli samkvæmt
grunnskólalögum. Ráðuneytið gerir
sem sagt ekki athugasemd við skóla
sem er ekki skóli samkvæmt lögunum.
Þvílík rökhugsun! Þvílík leikfimi hug-
ans! Hér er vitaskuld um slík tímamót
að ræða að jafnast á við merkustu við-
burði íslandssögunnar. Hér er líka loks
komið tækifæri fyrir almenning. Í
samræmi við þetta gæti ég til að
mynda stofnað banka, hann gæti heitið
Björgúlfsbankinn eða KR-bankinn.
Þessi nöfn bý ég til í gamni, en það er
vitaskuld til dobía af gömlum ónýtum
bankanöfnum sem mætti hugsa sér að
nota. Svo fer ég í ró og næði að taka við
peningum frá fólki og fjárfesta og
græða á tá og fingri. Þegar svo fjár-
málaeftirlitið kemur í heimsókn þá
segi ég:
Nei, strákar mínir. Þið hafið ekkert
hér að gera. Þetta er nefnilega ekki
banki samkvæmt bankalögunum. Og
mér er heimilt að stofna banka án leyf-
is svo fremi hann sé ekki banki að lög-
um
Það má líka hugsa sér minna um-
stang og einfaldlega setja TAXI merki
á bílinn sinn og fara að harka niðrí bæ.
Þetta mætti heita Leigubílastöðin
Blöndungur eða Ruglingur. Og svo
þegar þar til bær yfirvöld koma að
skoða starfsemina þá segir maður
bara: Nei, elskurnar mínar. Þetta kem-
ur ykkur ekkert við. Þetta er nefnilega
alls ekki leigubílastöð samkvæmt lög-
unum. Og ég má stofna leigubílastöð
svo fremi hún sé ekki leigubílastöð
samkvæmt lögunum. Svo gætu nokkr-
ir grunnskólakennarar stofnað
menntamálaráðuneyti og farið að gefa
út allskonar námskrár. Einn gæti orðið
menntamálaráðherra og farið niðrá
þing að bulla eins og kallarnir og kell-
ingarnar gera þar. Og svo þegar ein-
hver kall kemur að rannsaka málið þá
segja bara kennararnir: Hí á þig, þetta
kemur þér ekkert við vegna þess að
samkvæmt lögum um stjórnarráðið er
þetta ekki menntamálaráðuneyti.
Heldur bara plat-menntamálaráðu-
neyti!!
Segið svo að það sé ekki gaman að
eiga heima á Íslandi? ■
9SUNNUDAGUR 17. október 2004
Sjónarsviptir af Davíð
Það er von mín að þau þáttaskil sem nú
hafa orðið í landsstjórninni séu fyrst og
fremst þau að nýr maður er tekinn við í
brúnni, en að ekki verði horfið frá þeir-
ri stefnu sem hér hefur verið rekin und-
anfarin ár. Ljóst er að sjónarsviptir verð-
ur að Davíð úr stóli forsætisráðherra.
Þó Halldór Ásgrímsson sé reyndur og
fjölhæfur stjórnmálamaður er ljóst er
að hans bíður erfitt verkefni, að fylla
skarð Davíðs Oddssonar í forsætisráðu-
neytinu.
Þorsteinn Magnússon á ihald.is
Stórsókn Ísraelshers
Þann 28. september hóf Ísraelsher stór-
sókn í Jabaliya og Beit Lahiya á Gaza-
ströndinni. Réttum fjórum árum eftir að
önnur uppreisn, eða intifada, Palestínu-
manna gegn hernáminu hófst. Í skjóli
Apache-orrustuþyrlna hófu skriðdrekar
og jarðýtur Ísraelshers stórsókn í hern-
aðaraðgerð sem hlotið hefur heitið
„dagar iðrunar“. Væntanlega vísar heitið
til þess að Palestínumenn skuli iðrast
uppreisnar sinnar gegn hernáminu en
hvernig sem því er farið er hernaðarheiti
árásarinnar jafn ógeðfellt og kúgun Ísra-
elstjórnar á hernumdu svæðunum.
Þórunn Sveinbjarnardóttir á
althingi.is/tsv
Vinstristefna og forsjárhyggja
Oft er vinstristefnu í stjórnmálum og for-
sjárhyggju spyrt saman. Menn virðast
líta svo á að þeir sem leggja höfuðá-
herslu á öflugt velferðar- og mennta-
kerfi á vegum ríkis og sveitarfélaga vilji
um leið stjórna þjóðfélagsþegnunum
og hafa vit fyrir þeim. Vissulega er það
svo að þetta fer oft saman. Til eru ýms-
ir vinstrimenn sem vilja banna reykingar
á börum, hindra aðgengi að áfengi, leg-
gja ofurskatta á óhollan mat o.s.frv.
Vegna neysluhátta nútímasamfélags eru
þessi viðhorf á margan hátt skiljanleg.
Það er auðvitað ekkert gaman að horfa
upp á samferðamenn sína hlaupa í spik,
veslast upp úr neyslutengdum sjúk-
dómum eða eyða öllu haldbæru fé í
„áfengi og kellingar“.
Þórður Sveinsson á mir.is
Konur skortir sjálfstraust
Greinarhöfundur gerði örlitla könnun
meðal kvenna um málefnið. Kom skýrt
fram meðal þeirra að ástæður þess að
þær héldu sig frá stjórnmálastarfi væri
ekki áhugaleysi eða þekkingarleysi. Hins
vegar skorti þær sjálfstraust til að ræða
skoðanir sínar á almennum vettvangi,
tjá sig í hópi fólks og báru margar við
hræðslu við að trana sér fram. Liggur því
ljóst fyrir að um alvarlegt vandamal er
að ræða meðal kvenna sem leysa þarf
úr hið fyrsta.
Helga Kristín Auðunsdóttir á frelsi.is
AF NETINU
UMRÆÐAN
EIRÍKUR BRYNJÓLFSSON KENNARI
SKRIFAR UM REKSTUR SKÓLA
SENDIÐ OKKUR LÍNU
Við hvetjum lesendur til að senda okk-
ur línu og leggja orð í belg um málefni
líðandi stundar. Greinar og bréf skulu
vera stutt og gagnorð. Eingöngu er tek-
ið á móti efni sem sent er frá Skoðana-
síðunni á visir.is. Þar eru nánari leið-
beiningar. Ritstjórn ákveður hvort efni
birtist í Fréttablaðinu eða Vísi eða í
báðum miðlunum að hluta eða í heild.
Áskilinn er réttur til leiðréttinga og til
að stytta efni.
sí_ný
Nýdönsk og Sinfóníuhljómsveit Íslands á stórtónleikum í Háskólabíói.
Nýdönsk ::: gömul og ný lög
Maurice Ravel ::: Bolero
Aram Katsjatúrjan ::: Maskerade svíta
Aram Katsjatúrjan ::: Spartakus
Hljómsveitarstjóri ::: Bernharður Wilkinson
Ein ástsælasta popphljómsveit landsins undanfarin ár býður upp á skemmtilegan bræðing með Sinfóníunni.
Leiknir verða vinsælustu smellir sveitarinnar í bland við nýtt efni. Til aðstoðar við útsetningar laganna eru
fagmennirnir Kjartan Valdimarsson og Samúel Jón Samúelsson.
Rúsínan í pylsuendanum eru svo öndvegisverk Ravels og Katsjatúrjan.
MI‹ASALA Í SÍMA 545 2500 E‹A Á WWW.SINFONIA.IS
Miðaverð 3.800 kr. í sætaraðir 1–20 I 3.500 kr. í sætaraðir 21–28
Háskólabíó vi› Hagatorg I Sími 545 2500 I sinfonia@sinfonia.is I www.sinfonia.is
VISA KREDITKORTHAFAR GETA KEYPT MIÐA
MEÐ 15% AFSLÆTTI TIL 26. OKTÓBER.
FIMMTUDAGINN 4. NÓVEMBER KL. 19.30 OG LAUGARDAGINN 6. NÓVEMBER KL. 19.30.
M
Á
T
T
U
R
IN
N
&
D
Ý
R
Ð
IN
/
L
JÓ
S
M
Y
N
D
:
G
R
ÍM
U
R
B
JA
R
N
A
S
O
N
Ráðuneytið gerir
sem sagt ekki at-
hugasemd við skóla sem er
ekki skóli samkvæmt lögun-
um. Þvílík rökhugsun! Þvílík
leikfimi hugans!
,,