Fréttablaðið - 18.10.2004, Blaðsíða 2

2 18. október 2004 MÁNUDAGUR
Sveitarfélög athuga hvort fylgt verður
ráðum Kópavogsbæjar:
Skoða lausn á náms-
málum fatlaðra barna
UNDANÞÁGUR Borgarstjórn Reykja-
víkur og bæjarstjórn Akureyrar
ætla að skoða hvort grundvöllur sé
til að leysa vanda hjá fjölskyldum
fatlaðra barna.
Það er í kjölfar frétta um samn-
inga Kópavogs við Kennarasam-
band Íslands sem leiddi til undan-
þágu fyrir 13 kennara einhverfra
barna í Digranesskóla.
Þórólfur Árnason borgarstjóri
segir að farið verði yfir stöðuna í
verkfalli kennara í heild sinni á
fundi nú í upphafi vikunnar. Undir
það tekur Stefán Jón Hafstein, for-
maður Fræðsluráðs Reykjavíkur.
Hann hafi ekki áður heyrt að und-
anþágur hafi strandað á launa-
greiðslum: „Sé slíkur flötur kom-
inn upp þá verður það skoðað.“
Kristján Þór Júlíusson, bæjar-
stjóri á Akureyri, segir skilyrðis-
laust verða að skoða hvað sé á bak
við samningana: „Ég geri ráð fyrir
að skóladeildin hjá okkur fari yfir
málið. Þessi veruleiki hefur því
miður ekki verið uppi á borðum
hingað til.“ -gag
Landsbanki spáir
aukinni verðbólgu
Landsbankinn spáir hærri verðbólgu en fjármálaráðuneytið. Hún verði
hæst í upphafi árs 2007. Mikill hagvöxtur kallar á aðhaldssama hagstjórn.
Hins vegar séu líkur á því að fjármálastefna hins opinbera standist ekki.
EFNAHAGSMÁL Verðbólga verður
rúm sex prósent í upphafi árs
2007 samkvæmt hagspá Lands-
bankans fyrir árin 2004 til 2010. Í
spám fjármálaráðuneytisins er
hins vegar gert ráð fyrir að verð-
bólga haldist á bilinu 3 til 3,5 pró-
sent fram til ársins 2007, en þá
muni hún lækka í tvö prósent.
Fram kemur í spánni að á
næstu árum sé fyrirsjáanleg mik-
il uppsveifla í efnahagslífinu sem
muni að öllum líkindum reyna
mjög á þol hagkerfisins og leiða
til ójafnvægis sem síðan leiði til
stormasamrar aðlögunar í efna-
hagslífinu. Nú sé viðskiptahallinn
þegar kominn vel yfir það sem al-
mennt samrýmist efnahagslegum
stöðugleika þrátt fyrir að stór-
iðjuframkvæmdir séu rétt að
byrja. Þá sé verðbólgan einnig
þegar komin töluvert fram úr
verðbólgumarkmiði Seðlabank-
ans. Býst Landsbankinn við að
verðbólgan hækki áfram og nái
hámarki í upphafi árs 2007 en
lækki síðan aftur samfara styrk-
ingu krónunnar.
Áhrif viðamikilla breytinga og
aukinnar samkeppni á fasteigna-
lánamarkaði eru talin hafa gjör-
breytt þróuninni á fasteignamark-
aði og leitt til lækkunar langtíma-
vaxta sem muni án efa auka enn
frekar á innlenda eftirspurn, bæði
neyslu og íbúðafjárfestingar. Því
til viðbótar muni fyrirhugaðar
skattalækkanir auka kaupmátt
ráðstöfunartekna, sérstaklega um
það bil sem uppsveifla fjarar út að
stóriðjuframkvæmdum loknum.
Edda Rós Karlsdóttir, hjá
greiningardeild Landsbankans,
segir að sá mikli hagvöxtur sem
sé fyrirsjáanlegur á næstu árum
kalli á aðhaldssama hagstjórn.
Samkvæmt fjárlagafrumvarpi
næsta árs ætli ríkisstjórnin að
skila afgangi sem nemi rúmu pró-
senti af landsframleiðslu á næstu
tveimur árum. Hins vegar séu lík-
ur á því að þessi áform gangi ekki
eftir og fjármálastefna hins opin-
bera verði ekki eins aðhaldssöm
og að sé stefnt. ■
MÓTMÆLI
Hryðjuverkamenn í Jihad segjast vera
hluti af al-Kaída.
Twahid og Jihad:
Hluti af
al-Kaída
BAGDAD, AP Twahid og Jihad eru
hluti af al-Kaída segir leiðtogi
samtakanna, Abu Musa al-
Zargawi, á íslamskri vefsíðu í gær.
Í yfirlýsingunni segist Zargawi
hafa verið í sambandi við Osama
bin Laden fyrir átta mánuðum og
skipst á skoðunum við hann. „Guð
hefur blessað okkur með endur-
nýjuðum samskiptum og okkar
virðingarverðu bræður í al-Kaída
skilja hernaðartækni Tawhid og Ji-
had,“ segir Zargawi.
Zargawi er grunaður um að
hafa stjórnað fjölda árása í Írak,
meðal annars sprenguárás á höf-
uðstöðvar Sameinuðu þjóðanna í
Bagdad.
Á vefnum segir Zargawi að
Tawid, sem þýðir eingyðistrú, og
Jihad, sem þýðir heilagt stríð, muni
hlýðnast hverri skipun Osama bin
Laden án umhugsunar. ■
Í mér býr milt gæludýr.
Hundar af Rottweiler- og Doberman-tegund hafa
farið mikinn í Reykjavík að undanförnu, Stefáni
Jóni Hafstein borgarfulltrúa til talsverðrar ar-
mæðu. Hann er raunar hundfúll yfir hamagangin-
um og vill helst að vígahundarnir, sem hann kallar
svo, verði gerðir útlægir úr höfuðborginni.
SPURNING DAGSINS
Stefán, er einhver hundur í þér?
ÍRAN
Mánaðarlega finnst mikið magn af eitur-
lyfjum í Íran.
Lögreglan í Íran:
Fundu 3,4
tonn af dópi
TEHERAN, AP Lögregluyfirvöld í Íran
hafa lagt hald á 3,4 tonn af eitur-
lyfjum í austurhluta Írans síðast-
liðinn mánuð, segja yfirvöld.
Ópíum, morfín og hass hafa
fundist, segir í íslömskum fréttum
og ekki var farið nánar út í smáat-
riði. Í Íran er fjölfarin leið til að
smygla eiturlyfjum frá Afganistan
til Evrópu og er því algengt að mik-
ið magn af eiturlyfjum finnist þar.
Í júní voru brennd meira en 50 tonn
af eiturlyfjum í Íran. ■
ÞJÓÐKIRKJAN Kirkjuþing hófst í
gær í Grensáskirkju en þingið
stendur fram á föstudag. Biskup
kom víða við í setningarræðu
sinni og vék meðal annars að
verkfalli grunnskólakennara.
Karl Sigurbjörnsson biskup
gerði velferð barna að umtalsefni í
ræðu sinni í gær. „Það að kennarar
skuli enn og aftur finna sig knúna
til að beita verkfallsvopninu í
kjarabaráttu sinni er óþolandi
vegna þess að það bitnar á þeim
sem síst skyldi, skólabörnunum,“
sagði Karl og ítrekaði að kennarar
og viðsemjendur sínir yrðu að
leysa deiluna hið snarasta. „Enn og
aftur erum við minnt á að börnin
hafa verið afgangsstærð í íslensku
samfélagi, allt of oft afskipt og af-
rækt,“ bætti biskup við.
Biskup ræddi jafnframt um af-
stöðu Þjóðkirkjunnar til samkyn-
hneigðra og kallaði eftir áfram-
haldandi umræðu um málið. Auk
þess hvatti hann til vitundarvakn-
ingar um umhverfismál líkt og
breskar kirkjur hafa beitt sér fyr-
ir. „Hér mættum við Íslendingar
leggja við hlustir og gefa gaum að
og spyrja okkur hvort við séum
ekki á helvegi með gegndarlausri
eldsneytissóun okkar.“
Fjármál kirkjunnar eru á með-
al þess sem rætt verður á þinginu
í dag. - shg
KARL SIGURBJÖRNSSON BISKUP
Karl telur að marka verði opinbera heildarstefnu í málefnum barna og vinna beri að víð-
tækri þjóðarvakningu.
FR
ÉT
TA
B
LA
Ð
IÐ
/V
IL
H
EL
M
Biskup á kirkjuþingi:
Kennaraverkfall óþolandi
ÞÓRÓLFUR ÁRNASON
Segir að rætt verði á fundi hvort grundvöllur sé til að leysa vanda hjá fjölskyldum fatlaðra
barna í borginni.
FR
ÉT
TA
B
LA
Ð
IÐ
/P
JE
TU
R
■ LÖGREGLUFRÉTTIR
STÚTUR Á STAUR Bíl var ekið á
ljósastaur á Reykjanesbraut rétt
fyrir klukkan átta í gærkvöld. Öku-
maður var einn í bílnum. Hann var
fluttur á Heilbrigðisstofnun Suður-
nesja og síðan á Landspítala - há-
skólasjúkrahús. Hann er ekki tal-
inn alvarlega slasaður, samkvæmt
lögreglunni í Keflavík. Maðurinn
er grunaður um ölvun. Bíllinn er
mikið skemmdur.
BÍLVELTA Á SUÐURNESJUM Maður
hlaut höfuðáverka, ekki alvar-
lega, þegar bíll hans valt heila
veltu á Garðskagavegi um hálf tíu
að kvöldi laugardags. Ökumaður
var einn í bílnum og var fluttur á
Landspítala - háskólasjúkrahús
eftir skoðun á Heilbrigðisstofnun
Suðurnesja. Bíllinn var fjarlægð-
ur með dráttarbíl að sögn lögregl-
unnar í Keflavík.
■ LÖGREGLUFRÉTTIR
LÍKAMSÁRÁS Í KEFLAVÍK Þrír
menn réðust á einn í Keflavík á
laugardagsnótt. Árásin hefur
ekki verið kærð til lögreglu sem
kom á staðinn. Atvik málsins eru
ókunn.
ÖLVUNARAKSTUR Tveir voru
teknir grunaðir um ölvunarakst-
ur í Hafnarfirði í gærnótt og
tveir í umdæmi lögreglunnar á
Selfossi.
FR
ÉT
TA
B
LA
Ð
IÐ
/R
Ó
B
ER
T
EDDA RÓS KARLSDÓTTIR
Segir líkur á því að fjármálastefna hins op-
inbera verði ekki eins aðhaldssöm og að
sé stefnt.
VIÐ KÁRAHNJÚKA
Að mati Landsbankans er viðskiptahallinn þegar kominn vel yfir það sem almennt sam-
rýmist efnahagslegum stöðugleika þrátt fyrir að stóriðjuframkvæmdir séu rétt að byrja.
FR
ÉT
TA
B
LA
Ð
IÐ
/G
VA