Fréttablaðið - 18.10.2004, Blaðsíða 17
Sagt er að kötturinn hafi níu líf. Eitt
fyrir hvern dag vikunar og tvö til
vara. Eitt undarlegasta fyirbæri ís-
lenskra stjórnmála, Framsóknar-
flokkurinn, er enn lífseigari. Hann
gæti þess vegna haft tólf. Eitt fyrir
hvern mánuð ársins. Það sem hann
hefur líka umfram gæludýrið, er að
lífin hans endurnýjast sífellt. Með
öðrum orðum, hann er ódauðlegur,
eins og svo margt frá liðnum öldum
sem við vildum að aldrei hefði verið
til. Flokkurinn hefur margsannað
með þessari endalausu tilvist sinni,
að það lifir lengst sem lýðum er leið-
ast. Allir vita að líf sitt á flokkurinn
undir áframhaldandi mismunun
gagnvart kjósendum við kjörkass-
anna og örfáum auðtrúa sálum.
Bæta má þeim við sem fæddust inn
í flokkinn og álíta hann höfuðból sitt.
Ekki má gleyma sígildum áhangend-
um allra flokka, tækifærissinnun-
um, en í þeim efnum býr Framsókn
langt umfram aðra. Ein skærasta
stjarnan í þingliði Framsóknar, er
ung kona sem rekst svo vel í flokkn-
um, að fá eða engin dæmi eru um
svo auðsveipan og annars hugar
fulltrúa þjóðarinnar. Fyrir formann
flokksins er hún hrein gersemi sem
hann hugsar fyrir. Fyrsta yfirlýsing
hennar eftir kosningar var sérlega
fjandsamleg náttúru landsins og
auðvitað í anda foringjana. Þar var
hún að þjóna hagsmunum skotvísfé-
laga, áhrifamanna í flokknum. Það
gefur auga leið að hún fylgdi forust-
unni gegn kynsystrum sínum í einu
kyndugasta stríði sem foringi stjór-
málaflokks hefur háð sjálfum sér til
vegsauka. Sagt er að Gengis Khan
hafi látið menn sína gera lifandi út-
sýnispall sem hann brölti svo upp á
til að sjá hvernig landið lægi. Nú er
öldin önnur og ósvífnir herforingjar
og pólitíkusar nota sér fólkið frekar
sem peð á borði stjórnmálanna. Þar
er því skákað til og frá eftir gangi
leiksins. Langt er síðan þjóðin vissi
að heitasta ósk formanns Framsókn-
ar, var að verða forsætisráðherra.
Þá ósk lofaði formaður Sjálfstæðis-
flokksins að uppfylla, en með
ströngum skilyrðum. Þau voru kosn-
ingabandalag og afsal ráðuneytis.
Formaður Framsóknar gleypti agnið
og þá hlógu sjálfstæðismenn. Í loft-
inu lágu tapaðar kosningar og aug-
ljóst að nú dyggði ekki að biðja Guð
að hjálpa sér. Þá var bara að fletta í
loforðabókinni og láta vaða í sama
knérunn. Nú varð að lofa hinu og
þessu og afsaka hitt og þetta. Slag-
orðin, fólk í fyrirrúmi, var gatslitið
og stórhættulegt að minnast á vegna
nauðsynlegra vanefnda. Þá varð síð-
asta hálmstráið að breyta útliti for-
manns Framsóknar í bland við há-
stemmda loforðasúpu. Armæðusvip-
urinn var látinn víkja fyrir brosi
sem skipti sköpum í kosningunum.
Svo áhrifamikilla brosa gætir ekki í
íslenskri sögu. Á söguöld brosti
Snorri goði reyndar þegar honum
var skemmt, en Grettir og Skarp-
héðinn glottu þegar bardaga var
von. Nokkrir landar mínir urðu svo
hvumsa við brosleg loforð for-
mannsins, að þeir gleymdu að hugsa
og kusu hann. Þú tryggir ekki eftirá,
segja tryggingafélögin. Örfáar sálir
lögðu það helsi á þjóðina að hafa yfir
sér forsætisráðherra sem hún vildi
síst af öllum. Hann er fyrsti forsæt-
isráðherrann sem ekki er kosin af
þjóðinni. Hann var vélaður inn á
hana. Nú þarf hann ekki að brosa
næstu árin, frekar en hann vill. ■
Þá hlógu sjálfstæðismenn
17MÁNUDAGUR 18. október 2004
Vill íslenskan her.
Ingibjörg Sólrún Gísladóttir [...] vill stof-
na íslenskan her! Og hefur þar með
gengið í lið með öðrum stjórnmála-
manni. Senda Bandaríkjamenn heim og
láta hermenn sína taka við. Bækistöðvar
þeirra eiga að vera í einhverri stofnun
þar sem íslenskir hermenn sitja og skil-
greina hugsanlega hættu af mengun og
öryggisleysi. Að öðru leyti verður lítil
starfssemi á Keflavíkurflugvelli önnur en
almennt flug. Þetta eru skýr skilaboð til
Bandaríkjamanna nú þegar viðræður
um varnarsamstarfið standa yfir. Þetta
eru líka skýr skilaboð til annarra. Stefna
Samfylkingarinnar í varnarmálum er
orðin skýr. Fælingarmáttur hennar virð-
ist svo öflugur að Rússarnir sáu sér ekki
vært lengur fyrir austan og sigldu heima
sama dag og ISG kynnti hina nýju stefnu
Samfylkingarinnar.
Hjálmar Árnason á althingi.is/hjal-
mara
Getur ekki svarað fyrir sig
Jón Steinar Gunnlaugsson settist í
hæstarétt sem dómari 15. október. Hinn
sama dag birtist furðuleg grein um
hann í Morgunblaðinu eftir séra Pétur
Þorsteinsson, prest óhaða safnaðarins í
Reykjavík. Hafi greinin átt að vera fynd-
in, hlýtur það að hafa farið fyrir ofan
garð og neðan hjá fleirum en mér, helst
virtist hún illkvittin og skrifuð í þeirri
vissu, að Jón Steinar gæti ekki svarað
fyrir sig, eftir að hann hefði tekið við
stöðu dómara.
Björn Bjarnason á bjorn.is
Ástin gleymdist
Með nýlegum breytingum á Útlendinga-
lögunum var ákveðið að Ríkið mundi
héðan í frá „meta“ hjónabönd ákveð-
inna útlendinga til að ganga úr skugga
um að um alvöruhjónabönd væri að
ræða en ekki eitthvað plat. Í öllum skil-
yrðunum sem talin eru upp sem eitt-
hvað sem heilbrigður, blómstrandi hjú-
skapur eigi að uppfylla (þekking á at-
burðum úr í lífi hvor annars, tungumála-
kunnátta o.fl.) vantar þó eitt skilyrði,
skilyrði sem höfundarnir virðast samt
hafa bak við eyrað. Hér er átt við kröf-
una um ást.
Pawel Bartoszek á deiglan.com
Fólkið gleymist
Eru sumir stjórnmálamenn alveg hættir
að tala um fólk þegar skattar eru annars
vegar? Skipta skattgreiðendur ekki leng-
ur máli í umræðum um skattamál? Eru
einstaklingarnir, sem á endanum greiða
alla skatta, ekki mannlegir lengur held-
ur bara „tekjustofn“? Svona eins og hver
annar nytjastofn eða kálgarður? Skatt-
greiðendur eru ekki nefndir lengur þeg-
ar vissir stjórnmálamenn leggja til
skattahækkanir. Þeir tala bara um að
nýta tekjustofnana betur.
Vefþjóðviljinná andriki.is
ALBERT JENSEN
TRÉSMIÐUR
UMRÆÐAN
FRAMSÓKNAR-
FLOKKURINN
AF NETINU
SENDIÐ OKKUR LÍNU
Við hvetjum lesendur til að senda okk-
ur línu og leggja orð í belg um málefni
líðandi stundar. Greinar og bréf skulu
vera stutt og gagnorð. Eingöngu er tek-
ið á móti efni sem sent er frá Skoðana-
síðunni á visir.is. Þar eru nánari leið-
beiningar. Ritstjórn ákveður hvort efni
birtist í Fréttablaðinu eða Vísi eða í
báðum miðlunum að hluta eða í heild.
Áskilinn er réttur til leiðréttinga og til
að stytta efni.