Fréttablaðið - 18.10.2004, Blaðsíða 60

24 18. október 2004 MÁNUDAGUR
SUND Ein skærasta stjarna sem
fram hefur komið í íslensku sund-
íþróttinni síðustu misseri er
Ragnheiður Ragnarsdóttir en hún
gerði sér lítið fyrir og setti þrjú
Íslandsmet í heimsmeistara-
keppninni í 25 metra laug sem
fram fór í Bandaríkjunum fyrir
skemmstu. Hefur árið verið við-
burðaríkt fyrir stúlkuna, sem
fyrir utan sundið nemur fatahönn-
un við Fjölbrautaskólann í Garða-
bæ. Hugur hennar liggur þó ekki í
þá átt heldur langar hana helst að
starfa við kvikmyndagerð í fram-
tíðinni þegar sundferlinum lýkur.
Ragnheiður er nýkomin heim
ásamt Hirti Má Reynissyni en þau
tvö tóku þátt í HM í sundi í 25
metra laug í Indianapolis í Banda-
ríkjunum. „Mér leið vel allan tím-
ann og það er stór ástæða fyrir
því hversu vel mér gekk þar. Að
því leyti má segja að ég hafi lært
heilmikið af þáttöku minni á
Ólympíuleikunum í Aþenu en þar
náði ég ekki þeim árangri sem ég
var að gæla við. Í Indianapolis
náði ég að slaka vel á fyrir mínar
greinar og það hafði jákvæð áhrif
á mína frammistöðu. Að auki var
allt miklu minna í sniðum en í Aþ-
enu og mér fannst allir keppendur
mun rólegri þarna.“
Lítið um peninga
Merkilegt þykir að venjulega taka
Íslendingar ekki þátt í móti þessu
en ein höfuðástæða þess að þau
fóru var stuðningur frá Gáma-
þjónustunni sem styrkti þau tvö
til fararinnar ásamt einum þjálf-
ara. Var það að hluta til að undir-
lagi föður Ragnheiðar, Ragnars
Marteinssonar, en hann hefur alla
tíð staðið þétt við bak dóttur sinn-
ar.
„Örn Arnarson tók þátt í þessu
móti fyrir nokkrum árum og
greiddi það að ég held úr eigin
vasa. Eina ástæðan fyrir því að
við fórum var að fyrirtæki var
reiðubúið að styrkja okkur, ann-
ars hefði þetta verið of dýrt. Auð-
vitað væri gaman að Sundsam-
bandið sendi fólk til þessa móts en
það er lítið um peninga og ég get
alveg skilið að sambandið vilji
einbeita sér að öðrum mótum.“
Tilviljanir ráða ekki för hjá
Ragnheiði. Hún hefur fastmótað-
ar hugmyndir um framtíðina og
segir sundið spila stóran hluta af
sínum áætlunum. „Draumurinn er
að sjálfsögðu að taka þátt í
Ólympíuleikunum í Peking árið
2008.
Stefnan er að reyna að ná gull-
verðlaunum þar og ég tel mig geta
það en þá þarf ég að leggja mig
fram næstu árin. Eins og þetta lít-
ur út núna mun ég útskrifast í vor
úr skóla hér og ég hef fengið tals-
vert af tilboðum um styrki og slíkt
frá bandarískum háskólum. Þeir
bjóða flestir upp á toppaðstöðu
fyrir sundíþróttamenn og í slíkt
þarf ég að komast.
Sundið í fyrsta sæti
Ég hef enga ákvörðun tekið ennþá
en sundið er í fyrsta sæti hjá mér
í dag og allt annað víkur á meðan
ég er að bæta mig og finnst ennþá
gaman að taka þátt. Ég tel ekkert
útilokað að ég geti staðið mig vel
að fjórum árum liðnum en stór lið-
ur í því er að fá handleiðslu frá
góðum þjálfurum og æfa við að-
stæður eins og þær gerast bestar.
Því miður er það svo að þrátt fyr-
ir að aðstaðan hér heima sé með
ágætum vantar aðeins upp á að
þær séu eins og best gerist og því
tel ég líklegt að næstu árum eyði
ég erlendis í námi við skóla sem
getur boðið það sem upp á vant-
ar.“
albert@frettabladid.is
RAGNHEIÐUR RAGNARSDÓTTIR Nokkrir bandarískir háskólar hafa haft samband við
Ragnheiði og mun hún taka sér góðan tíma til að fara yfir þau tilboð sem henni berast.
Fréttablaðið/Teitur
Stefnir ótrauð á gull í Peking
Sundstjarnan Ragnheiður Ragnarsdóttir er full bjartsýni eftir góðan árangur sinn á HM í sundi í
Bandaríkjunum. Draumurinn er að landa gulli á Ólympíuleikunum í Kína eftir fjögur ár.
Ég læt drepa
þig!
Sikileyingurinn stareygi Toto Schillaci
var helsta stjarna Ítala á HM 1990,
toppskorari í þeirri keppni og hvunn-
dagshetja um stund. Salvatore enda
draumur litla mannsins; óvænt hetja
sem reis úr örbirgð þriðju deildar í
faðm Fíatveldisins Juventus og þaðan í
landsliðið á lokamínútu fyrir HM í
heimalandi. Toto litla auðnaðist aldrei
að endurtaka afrek sín sumarið níutíu,
hvorki með Juve né Ítalíu, ennþá síður
með Inter þangað sem hann var sendur
í flóknum leikmannaskiptum. Í svartblá-
um búningi Inter var eina afrek hans og
það minnis-
stæðasta að fá
lengsta bann
sem þekkst
hafði á Ítalíu
fyrir munn-
söfnuð. Hann
hótaði dómara
sem var að
spjalda hann
fyrir grófan leik
með orðunum: „Ég læt drepa þig.“
Dómarinn gat þess í leikskýrslu að hann
teldi þetta alvarlega líflátshótun úr
munni efnaðs Sikileyings; „Það getur
hvaða bjáni sem er í fótboltabúningi
hótað að drepa mann og maður veit að
hann hefur ekki manndóm í sér til þess.
En að stórstjarna úr hreiðri Mafíunnar
beri fram slíka hótun verður að skoðast
sem alvörumál.“, sagði dómarinn sem
komst upp með þessa andsikileysku
túlkun sína enda logaði Ítalía í hatri
gegn Mafíunni á þessum tímum her-
ferðarinnar „hreinna handa“ (mani puli-
ti).
Sikileyjarsókn
Þar til í ár hafa sögurnar af Schillaci ver-
ið eina innlegg Sikileyinga til orðræðu
um toppbolta þar syðra. Lið eyjaskeggja
hafa um ríflega þriggja áratuga skeið
verið útlæg úr Serie A og dvalið í slíkum
lægðum að maður hefur efast um áhrif
áðurnefndar Mafíu – að hún hafi ekki
haft dug til að múta liðinu allavegana í
Serie B, eigi alræmd áhrif hennar sér
stoð í raun.
Í ár bregður svo við að tvö lið Sikiley-
inga leika í deild hinna bestu. Lið helstu
borga eyjarinnar, Palermo og Messina,
leiddust hönd í hönd upp um deild í
fyrravor. Palermo er stærsta borg Sikil-
eyjar og má kalla hana hjartað í brog-
uðum líkama þessarar fallegu en sorg-
umsprottnu eyjar. Þrátt fyrir alræmda
karlrembu þeirra sunnanmanna leika
Palermómenn í bleikum treyjum og
gangast við sama kenniheiti og leik-
menn þeir sem leika í vængstöðum í
vörn í knattspyrnu. Hafa gaman af að
vera kallaðir hinir bleiku.
Palermo var spáð heldur góðu gengi í
ár, áberandi góðir í fyrra leiddir af topp-
senternum Luca Toni sem brotist hefur í
landsliðið með engilsaxneskum krafta-
tilburðum sem skort hefur meðal fram-
herja Ítala. Byrjunin hefur verið ágæt
hjá hinum bleiku og liðið ósigrað þar til
nú um helgina að það tapaði sínum
fyrsta leik gegn Lecce.
Ljóti andarunginn
Messina er gáttin að Sikiley, eða flótta-
leiðin uppá meginlandið, eftir því
hvernig á það er litið. Dæmalaust ljót
iðnaðarborg sundursprengd af Banda-
mönnum í heimstyrjöldinni síðari og lít-
ið lappað uppá hana síðan. Heimaborg
áðurnefnds Schillaci en ekki fræg fyrir
knattafrek önnur. Ekki eru nema fimm
ár síðan Messina var í utandeild en
klifraði hratt upp stigann og var í fyrra
komið í Serie B. Akkúrat fyrir ári síðan
hvíldi liðið á botni þeirrar deildar en þá
kom til skjalanna þjálfarinn Bortolo
Mutti sem þykir hafa unnið kraftaverk
með liðið. Eigandinn Pietro Franza er
strangtrúaður kaþólikki og heldur uppi
ströngum aga meðal liðsmanna. Ein-
ungis 35 ára að aldri og yngstur eig-
anda liða í Serie A. Gamaldags í hugsun
þó og vill skapa liðsanda, keypti ekki
nema 3 leikmenn fyrir átökin í vetur og
sagðist treysta mönnunum sem komu
liðinu upp um deild í fyrra til að spjara
sig í fremstu röð. Liðið hefur staðið sig
feykilvel og var fyrir helgina í öðru sæti.
Það var því óvæntur toppslagur þegar
liðið heimsótti Juventus sem vermdi
toppsætið. Töluverður getumunur var
þó á þessum tveimur liðum eins og ís-
lenskir knattaðdáendur gátu séð í sjón-
varpsleik á Sýn, Messina-menn fastir
fyrir en ekki framsæknir. Þeir sýndu þó í
þessum leik að þeir eru líklegir til að
halda sér í deildinni og hugsanlega
munu Sikileyjarliðin tvö hafa lengri við-
dvöl en veturinn í fremstu röð.
EINAR LOGI
VIGNISSON
HVAÐ VAR ÉG AÐ HUGSA? Ragnheiði
gekk ekki jafn vel á Ólympíuleikunum í
Aþenu og hún vonaðist til og vonbrigðin
voru mikil. Hún var þó fljót að setja það til
hliðar og segist hafa lært heilmikið af þátt-
töku á slíkum íþróttaviðburði.
Fréttablaðið/Teitur