Fréttablaðið - 19.10.2004, Blaðsíða 2

2 19. október 2004 ÞRIÐJUDAGUR
Bandaríkin loga
í málaferlum
Demókratar, repúblikanar og fjöldi óháðra samtaka hafa fengið þúsundir
lögmanna til liðs við sig til að fylgjast með forsetakosningunum.
Kosningabaráttan hefur logað í málaferlum sem ekkert lát virðist vera á.
BANDARÍKIN Það virðist ekki fjarri
lagi að kalla megi komandi for-
setakosningar í Bandaríkjunum
kosningar hinna miklu málaferla.
Aldrei áður í sögunni hafa jafn
mörg mál verið höfðuð í tengslum
við kosningar og aldrei hafa jafn
margir lögmenn verið fengnir til
að fylgjast með framgangi kosn-
inganna að því er fram kemur í
The New York Times.
Úrslit kosninganna fyrir fjór-
um árum réðust ekki fyrr en
löngu eftir kosningar þegar
Hæstiréttur Bandaríkjanna felldi
endanlegan dóm sinn. Þá höfðu
lögmenn átt sviðið um langt skeið.
Barátta lögmannanna vegna þess-
ara kosninga er löngu hafin.
Demókratar hafa höfðað mál á
hendur repúblikönum, repúblik-
anar hafa höfðað mál gegn
demókrötum og demókratar hafa
höfðað mál til að koma í veg fyrir
að óháði frambjóðandinn Ralph
Nader fái nafn sitt prentað á kjör-
seðlana í nokkrum ríkjum.
Nú er baráttan í algleymingi að
því er fram kemur í The New York
Times. Repúblikanar í Nýju
Mexíkó töpuðu á dögunum máli
gegn demókratanum sem er inn-
anríkisráðherra Nýju Mexíkó,
þeir vildu að nýir kjósendur
þyrftu að sýna skilríki á kjörstað
en það vildi ráðherrann ekki.
Demókratar í Flórída hafa höfðað
tíu málshöfðanir gegn repúblikön-
um í kjörstjórnum. Í Colorado
deila svo kosnir fulltrúar, innan-
ríkisráðherrann úr Repúblikana-
flokknum hefur sakað ríkissak-
sóknarann, sem er demókrati, um
að rannsaka ekki nægilega vel
ásakanir um svindl við skráningu.
Þetta eru þó smámunir miðað
við undirbúninginn fyrir sjálfar
kosningarnar. Repúblikanar hafa
fengið þúsundir lögmanna til liðs
við sig til að fylgjast með fram-
kvæmd kosninganna og segja
undirbúninginn þann víðtækasta í
sögu flokksins. Demókratar segj-
ast hafa gert enn betur og eru
með tíu þúsund lögmenn á skrá.
Að auki hafa ýmis samtök fengið
þúsundir lögmanna til að hjálpa
kjósendum sem kunna að lenda í
vandræðum á kjördag.
brynjolfur@frettabladid.is
Knörr á Snæfellsnesi:
600 kindur
brunnu inni
ELDSVOÐI Útihús, hlaða og véla-
geymsla brunnu í eldsvoða og miklu
fárviðri á bænum Knörr í Breiðuvík
á Snæfellsnesi í gærkvöld. Um 600
til 700 fjár voru í útihúsunum.
Lögreglan í Ólafsvík taldi
ógjörning að fénu yrði bjargað. Úti-
húsin stóðu í björtu báli þegar
Fréttablaðið fór í prentun. Slökkvi-
lið Grundarfjarðar og Ólafsvíkur
barðist við eldinn. Vindhraði var um
40 til 50 metrar á sekúndu. - gag
■ LÖGREGLUFRÉTTIR
ÞEIR ERU BÚNIR AÐ VERA Í HONUM
ÞANNIG AÐ ÉG HELD AÐ ÞEIR ÞURFI
AÐ FARA EITTHVAÐ ANNAÐ.
Kennarar og fulltrúar sveitarfélaganna hafa árang-
urslaust reynt að semja í átta mánuði. Gunnar I.
Birgisson, formaður menntamálanefndar Alþingis,
er áhugamaður um hnefaleika.
SPURNING DAGSINS
Á ekki að láta þá gera út um málið í
hnefaleikahringnum?
ÁFENGISMÁL Hækka þarf skatta á
áfengi í því markmiði að draga
úr neyslu þess. Þetta er sameig-
inleg niðurstaða heilbrigðis- og
félagsmálaráðherra á Norður-
löndum eftir að hafa fjallað um
áfengismál á sérstökum auka-
fundi í Kaupmannahöfn. Fund-
inum lauk í gær.
Jón Kristjánsson heilbrigðis-
ráðherra stýrði fundinum, sem
boðað hafði verið til vegna
tilmæla forsætisráðherra
Norðurlandanna.
„Við náðum sameiginlegri
niðurstöðu, sem er mjög mikil-
vægt,“ sagði heilbrigðisráð-
herra í samtali við Fréttablaðið
að loknum fundinum.
„Ályktunin er sú að tala einni
röddu á alþjóðavettvangi, hjá
Evrópusambandinu og Alþjóða
heilbrigðismálastofnuninni, um
að áfengi sé ekki eins og hver
önnur vara, heldur vara sem
hafi áhrif á heilbrigði þjóða og
félagslegar aðstæður í löndun-
um. Þá þurfi að auka skattlagn-
ingu á áfengi. Um það voru allir
ráðherrarnir sammála sem
almennt markmið. Menn nefndu
hækkun um allt að helming, en
engin ákvörðun var tekin um
stærðir í þeim efnum.“
Heilbrigðisráðherra sagði að
ráðherrar allra Norðurlandanna
myndu skila skýrslum með sam-
eiginlegum markmiðum fundar-
ins til forsætisráðherra aðildar-
landanna. Það væri síðan
forsætisráðherranna að vinna
áfram með tilmæli fundarins.
- jss
HEILBRIGÐISRÁÐHERRA
Heilbrigðisráðherrar náðu sameiginlegri
niðurstöðu í stefnumótun í áfengismálum.
Sameiginleg niðurstaða heilbrigðisráðherra Norðurlanda:
Skattar á áfengi verði hækkaðir
ÓVEÐUR Rýma þurfti nokkra vinnu-
staði í Vestmannaeyjum um miðj-
an dag í gær eftir að hluti þaks á
einu af húsum Ísfélags Vest-
mannaeyja hófst á loft og skall af
miklum þunga á jörðina. Engan
sakaði en nokkrir bílar löskuðust
og er einn talinn ónýtur. Ekki þótti
ráðlegt að leyfa umferð um svæð-
ið þar sem hætta var á frekara
foki.
Snælduvitlaust veður var í
Eyjum lungann úr gærdeginum og
fór vindurinn nokkuð yfir 40
metra á sekúndu í verstu kviðun-
um.
Lögregla og björgunarsveit
áttu í miklum önnum við að hemja
fjúkandi hluti og fór mest fyrir
þakplötunum eins og svo oft áður
þegar vindur blæs af meira afli en
vanalega. Eitt og annað smálegt
barst með vindinum og klæðning-
ar á húsum byrjuðu að losna en
björgunarsveitarmenn brugðust
skjótt við og forðuðu frekara tjóni.
Þeim, frekar en öðrum, tókst þó
ekki að kom í veg fyrir að
skemmtibátur sykki í smábáta-
höfninni.
Útköll voru á annan tuginn og
tilvikin stór og smá. - bþs
ILLA LEIKIÐ ÞAKIÐ
Vindurinn fór yfir 40 metra á sekúndu í
verstu kviðunum í Eyjum í gær.
Vitlaust veður í Vestmannaeyjum:
Þak fauk og bátur sökk
FR
ÉT
TA
B
LA
Ð
IÐ
/J
Ó
H
AN
N
I
N
G
I Á
R
N
AS
O
N
STUÐNINGSMENN TAKAST Á
Mikill hiti er í mönnum vestan hafs vegna komandi forsetakosninga eins og sjá mátti á
stuðningsmönnum þeirra í Houston í Texas. Þetta hefur líka birst í metfjölda málshöfðana
og þeirri staðreynd að flokkarnir safna að sér lögmönnum til að verja hagsmuni sína í
kosningunum.
Georgía:
Pyntingar
rannsakaðar
GEORGÍA, AP Yfirvöld í fyrrverandi
Sovétlýðveldinu Georgíu kanna
nú mál fjórtán lögreglumanna
sem grunaðir eru um að hafa
pyntað fjölda fanga á síðastliðn-
um árum. Ríkissaksóknari lands-
ins sagði að fleiri lögreglumenn
væru grunaðir um pyntingar og
væri þess skammt að bíða að frek-
ari rannsókn hæfist á iðju þeirra.
Aðgerðirnar eru liður í baráttu
Mikhail Saakashvili forseta gegn
spillingu og glæpum opinberra
starfsmanna en slíkt einkenndi
stjórnartíð forvera hans, Eduard
Shevardnadze. ■
MIKHAIL SAAKASHVILI
Forseti Georgíu hefur skorið upp herör
gegn pyntingum.
Breskir skólar:
Samræmd
próf burt
LONDON, AP Umfangsmestu breyt-
ingar á bresku skólakerfi í sextíu
ár voru kynntar í gær. Samkvæmt
þeim verður dregið mjög úr notk-
un samræmdra prófa til að mæla
árangur nemenda á menntaskóla-
aldri.
Markmið breytinganna er að
bæta almenna kunnátta á öllum
skólastigum í lestri, tjáningu og
stærðfræði og auka tækifæri í
verknámi. Breskt skólakerfi
þykir of fábreytt að þessu leyti og
er breytingunum nú ætlað að
stemma stigu við gífurlegu brott-
falli nemenda frá 16 ára aldri, en
brottfallið á Bretlandi er hið
mesta meðal iðnvæddra þjóða. ■
BREYTINGAR KYNNTAR
Tony Blair, forsætisráðherra Bretlands,
kynnti breytingar á bresku skólakerfi í gær.
FR
ÉT
TA
B
LA
Ð
IÐ
/A
P
ÁTTA BÍLRÚÐUR BROTNA Þakplöt-
ur losnuðu af íbúðarhúsi og bíl-
skúr í Vík í Mýrdal og átta bíl-
rúður hafa brotnað undan
steinkasti í mestu vindhviðunum.
Björgunarsveit byggðarlagsins
var kölluð til. Lögreglan segir
gríðarlega hvasst. Jeppi hennar
sem var kyrrstæður færðist til í
mikilli vindhviðu í víkinni.
VARKÁRIR ÖKUMENN Ökuhraði
á Akureyri var um 20 til 30 kíló-
metrar á klukkustund í gær.
Lögreglan segir hálku hafa hægt
á umferðarhraðanum. Lítið sem
ekkert hafi verið um árekstra.