Fréttablaðið - 19.10.2004, Blaðsíða 6

6 19. október 2004 ÞRIÐJUDAGUR
Rússaskipin:
Stjórnin gagnrýnd
fyrir andvaraleysi
STJÓRNMÁL Steingrímur J. Sigfússon,
formaður Vinstri grænna gagn-
rýndi íslensk stjórnvöld fyrir and-
varaleysi í umræðum um heræfing-
ar rússneska flotans hér við land á
Alþingi í gær. Taldi hann vítavert að
hálfur mánuður hefði liðið frá því
að rússneskra skipa varð vart hér
við land þar til íslensk stjórnvöld
hafi leitað skýringa hjá Rússum.
Björn Bjarnason, dómsmálaráð-
herra varð til andsvara og sagði að
íslensk lög veittu Landhelgisgæsl-
unni ekki heimild til afskipta af her-
skipum. Össur Skarphéðinsson, for-
maður Samfylkingarinnar, sagði að
afskiptaleysi stjórnvalda stappaði
nærri gáleysi. Renndi málið stoðum
undir málflutning flokksins um að
mengunarslys væri ein mesta
hættan sem steðjaði að þjóðum í
norðurhöfum. Vitnaði hann og fleiri
þingmenn til ummæla rússnesks
flotaforingja um að skipið gæti
„hvenær sem er sprungið í loft
upp“. Birgir Ármannsson Sjálfstæð-
isflokki sagði málflutninginn óá-
byrgan enda hefði flotaforinginn
dregið ummæli sín til baka“. -
- ás
Skiptar skoðanir
um loftvarnir
Hugmyndir Samfylkingarinnar um nýskipan varnarmála eru gagn-
rýndar frá hægri og vinstri. Sjálfstæðismenn segja herstöðvaandstæð-
inga í Samfylkingunni komna út úr skápnum .
STJÓRNMÁL Ingibjörg Sólrún Gísla-
dóttir, varaformaður Samfylk-
ingarinnar, kynnti nýjar hug-
myndir framtíðarhóps á flokks-
stjórnarfundi Samfylkingarinnar
um helgina. Óhætt er að segja að
„umræðuplagg“ hópsins í varnar-
málum hafi vakið mesta athygli.
Lagt er til að Íslendingar taki að
sér rekstur Keflavíkurflugvallar,
dregið verði úr viðbúnaði enda
teljist vist orustuþotnanna í
Keflavík sem ríkisstjórnin hefur
sett á oddinn fyrst og fremst póli-
tískt en ekki hernaðarlegt gildi.
Ingibjörg Sólrún segir áherslu
á dvöl herþotna hér á landi vafa-
sama enda virðist hún af pólitísk-
um en ekki hernaðarlegum toga.
„Það má ekkert gleyma því að
þegar Ísland gekk í NATO var
gert ráð fyrir að landið yrði her-
laust á friðartímum. Það er óum-
deilt að hvergi í heiminum er
jafn friðvænlegt og nú í norður-
höfum. Framtíðarhópurinn telur
að mestu hættuna stafi af um-
hverfis- og mengunarslysum.
Hann telur að við þurfum að
huga að hvaða viðbúnaður eigi
við í því efni. Aðrir segja að
mesta hættan sé af hryðjuverka-
árás. Þoturnar duga líka skammt
í þeim efnum.“
Árni Gunnarsson, fyrrver-
andi alþingismaður Alþýðu-
flokksins sem sat flokksstjórnar-
fundinn leggur áherslu á að
þessar hugmyndir hafi ekki
verið samþykktar. „Ég get sætt
mig við þessa umræðu. En ég
mun aldrei sætta mig við neinar
hugmyndir sem skerða stöðu
okkar í NATO.“ Ingibjörg Sólrún
leggur áherslu á að hvorki sé
talað um að hrófla við varnar-
samningnum né aðild Íslands að
NATO. „Hópurinn telur að í 5.
grein varnarsamningsins felist í
raun fullnægjandi trygging fyrir
vörnum okkar.“
Steingrímur J. Sigfússon, for-
maður vinstri grænna segir
hugmyndirnar „óttalega fram-
sóknarlegar“ enda sé hvorki
tekið á varnarsamningnum né
NATO og herinn sé hvort sem er
á förum.
Halldór Blöndal, þingmaður
Sjálfstæðisflokksins, segir að
þvert á móti sé ekki við öðru
að búast en slíkum hugmynd-
um frá herstöðvaandstæðingun-
um Össuri Skarphéðinssyni og
Ingibjörgu Sólrúnu Gísladóttur.
a.snaevarr@frettabladid.is
Rafmagnsleysi á Höfn:
Dimmt og
kalsalegt
RAFMAGNSLEYSI Rafmagn fór af
Höfn í Hornafirði um miðjan
dag í gær og voru bæjarbúar án
rafmagns fram undir kvöld.
Bilun varð í báðum línunum
sem bera rafmagnið inn í bæinn
en orsakir þeirra eru ókunnar.
Varaaflsstöðvar voru ræstar og
rafmagni veitt til heimila og
nauðsynlegustu staða.
Atvinnulíf lá að mestu niðri í
bænum og kalt varð í húsum því
víða er kynnt með rafmagns-
ofnum. Síðast bjuggu Hafnar-
búar við allsherjarrafmagns-
leysi árið 1986.
- bþs
Vesturbæingur:
Strauk úr
fangelsi
LÖGREGLA 19 ára gamall fangi
strauk úr fangelsinu á Skóla-
vörðustíg 9 um hádegisbil í gær.
Lögreglan í Reykjavík segir
unga manninn, sem heitir Arnþór
Jökull Þorsteinsson, ekki vera
talinn hættulegan en hvetur þá
sem upplýsingar kunna að hafa
um ferðir hans til að hafa sam-
band við lögreglu annað hvort í
síma Neyðarlínunnar 112 eða í
upplýsingasíma lögreglunnar í
Reykjavík 444-1100.
Þegar Arnþór Jökull strauk
var hann klæddur í dökkan
jakka, en hann er sjálfur dökk-
hærður, um 180 sentímetrar á
hæð og um 75 kíló að þyngd.
Hann er skráður til heimilis í
vesturbæ Reykjavíkur.
Arnþórs Jökuls var enn leitað
þegar blaðið fór í prentun í gær-
kvöldi. - óká
VEISTU SVARIÐ?
1Hvað vill kirkjan fá mikið frá ríkinufyrir kirkjujarðir?
2Hvað heitir formaður bifreiðastjóra-félagsins Sleipnis?
3Hver er Alexander Lukashenko?
Svörin eru á bls. 38
STROKUFANGI
Lögreglan í Reykjavík lýsir eftir Arnþóri
Jökli Þorsteinssyni, sem strauk úr fangels-
inu við Skólavörðustíg um hádegisbil í
gær.
BJÖRN BJARNASON
Sagði í svörum við fyrirspurn Steingríms J.
að samkvæmt íslenskum lögum hefði
Landhelgisgæslan ekki heimild til afskipta
af herskipum eins og við æfingar Rússa
við landið.
FR
ÉT
TA
B
LA
Ð
IÐ
/G
VA
■ LÖGREGLUFRÉTTIR
KOMST SJÁLFUR HEIM Bónda í
Berufirði var saknað um skeið í
gær og voru björgunarsveitir kall-
aðar út til leitar. Skilaði hann sér
sjálfur heim, heill á húfi, áður en
leit hófst af þunga. Maðurinn fór
að líta eftir fé snemma í gær og
skilaði sér ekki heim á tilsettum
tíma.
FRAMTÍÐARHÓPUR SAMFYLKINGARINNAR
Telur að Íslendingar eigi að taka að sér rekstur flugvallarins, dregið verði úr viðbúnaði þar
en varnarsamningurinn verði í gildi og Ísland áfram í NATO.
FR
ÉT
TA
B
LA
Ð
IÐ
/T
EI
TU
R
PÉTUR MIKLI
Kjarnorkuknúna beitiskipið Pétur mikli var
í hópi rússnesku herskipanna.
Herskip:
Rússar tjá sig
um æfingu
UTANRÍKISMÁL Í svari rússneska ut-
anríkisráðuneytisins til íslenskra
stjórnvalda kemur fram að æf-
ingu rússneskra herskipa sem
héldu sig skammt norðaustur af
Íslandi hafi lokið síðasta föstudag
og að í framhaldinu hafi skipin
haldið á braut.
Utanríkisráðuneytið óskaði
eftir skýringum sendiráðs Rúss-
lands í Reykjavík á æfingum
rússnesku herskipanna. Í bréfi
rússneska utanríkisráðuneytisins
segir jafnframt að æfingin hafi
meðal annars varðað samhæfingu
skipa og flugvéla og fullyrt að
skipulag hennar hafi ekki átt að
ógna öryggishagsmunum ríkja á
þeim slóðum þar sem hún fór
fram. - óká
Utanríkisráðuneyti:
Peningar í
hjálparstarf
UTANRÍKISMÁL Í nýjustu Stiklum
utanríkisráðuneytisins kemur
fram að ríkisstjórnin hafi ákveðið
að veita 5 milljónum króna til
mannúðar- og uppbyggingarstarfs
í ríkjunum sem verst hafa orðið
úti af völdum fellibylja í Karíba-
hafinu. Upphæðinni hefur verið
skipt milli hjálparstarfs Matvæla-
stofnunar Sameinuðu þjóðanna,
Barnahjálpar Sameinuðu þjóð-
anna á Íslandi (UNICEF) og
Rauða kross Íslands. - óká