Fréttablaðið - 19.10.2004, Blaðsíða 18
18 19. október 2004 ÞRIÐJUDAGUR
Bandaríkjaher fær það óþvegið hjá ABC-sjónvarpsstöðinni:
Rukkar slasaða hermenn
BANDARÍKIN Tyson Johnson III lá
ennþá á sjúkrahúsi þar sem
hann var að jafna sig af sárum
sem hann hlaut í Írak þegar hon-
um barst bréf frá hernum þar
sem hann var rukkaður um and-
virði tæpra 200 þúsund króna.
Upphæðin var sú sama og
skráningarbónus sem hann fékk
fyrir að skuldbinda sig til
þriggja ára herþjónustu.
Meiðsl Johnsons voru það
alvarleg að hann varð að hætta í
hernum áður en árin þrjú voru
liðin. Í kjölfar þess var hann
rukkaður um skráningarbónus-
inn. Það var ekki fyrr en frétta-
stofa ABC-sjónvarpsstöðvarinn-
ar fór í málið að herinn hætti við
innheimtuna.
Franklin Hagenbeck, hers-
höfðingi og yfirmaður starfs-
mannamála í hernum, sagði að
einhver óþekktur skriffinnur
hefði gert mistök. „Þetta er al-
gjörlega óþolandi. Ég trúi því
varla þegar ég heyri af svona
löguðu. Ég trúi ekki að þetta geti
gerst. Við látum þetta ekki ger-
ast,“ sagði hann.
Að sögn ABC hefur varnar-
málaráðuneytið lofað því að
skoða mál fleiri slasaðra her-
manna sem hafa lent í svipuðum
atvikum.
- bþg
Grásleppuskúrarnir
fái að standa áfram
Unnið er að varðveislu gömlu grásleppuskúranna sem hafa staðið við Ægisíðu í áratugi.
Sagnfræðingar og embættismenn borgarinnar eru sammála um gildi skúranna fyrir menningar-
sögu borgarinnar. Hætt var að róa frá Ægisíðunni fyrir fimm árum.
BORGARMINJAR Allt bendir til að
grásleppuskúrarnir við Ægisíðu í
Reykjavík standi þar áfram líkt
og þeir hafa gert um árabil, þeir
elstu raunar í meira en öld. Skúr-
arnir hafa látið mjög á sjá og eru
lýti í augum sumra en aðrir sjá í
þeim fegurðina og söguna. Takast
þar á gamalkunnug sjónarmið um
mengun eða minjar.
Í grein í Morgunpóstinum, vef
VG í Reykjavík, hvetur Stefán
Pálsson sagnfræðingur til lag-
færinga á skúrunum og öðrum
mannvirkjum sem við þá standa.
„Með vinnu og alúð mætti endur-
vekja blæ þess tíma þegar róið
var úr annarri hverri vör og fiski-
skúrar stóðu meðfram allri
strandlengju borgarinnar,“ segir í
greininni.
Guðjón Friðriksson, sagnfræð-
ingur og sérfræðingur í sögu
Reykjavíkur, er sama sinnis.
„Mér finnast skúrarnir setja
ákveðinn sjarma á þetta svæði.
Þeir eru orðnir fastir punktar í
Reykjavík og tengjast minning-
um fólks,“ sagði Guðjón í samtali
við Fréttablaðið.
Fjallað hefur verið um framtíð
grásleppuskúranna innan borgar-
kerfisins. Ellý K. J. Guðmunds-
dóttir, forstöðumaður Umhverfis-
og heilbrigðisstofu Reykjavíkur,
segir reynt að leysa málið þannig
að um það ríki sátt. „Ég held að
það sé enginn ágreiningur um
þetta, allir eru sammála um að
þetta eru minjar en þær líta ekki
vel út í augnablikinu.“
Guðnýju Gerði Gunnarsdóttur
borgarminjaverði finnst full
ástæða til að varðveita skúrana
og gera þá upp svo prýði sé af á
því fjölfarna útivistarsvæði sem
Ægisíðan er. „Þetta eru minjar
um sjósókn við Skerjafjörðinn og
merkur þáttur í sögu borgarinn-
ar.“
Lengi var róið til fiskjar frá
Ægisíðunni og reyndar ekki nema
um fimm ár síðan Björn Guðjóns-
son lagði árar í bát. Var hann síð-
asti Reykvíkingurinn sem gerði
út frá vör en varir eru lendingar-
staðir báta við strendur. Útgerðin
við Ægisíðuna gekk mann fram af
manni, Björn tók við af föður sín-
um sem tók við af föður sínum.
bjorn@frettabladid.is
LANDBÚNAÐUR Útflutningur á
hrossum hefur aukist á milli
ára, samkvæmt tölum frá
Bændasamtökum Íslands. Nú
hafa um eitt hundrað fleiri
hross farið utan en á sama tíma
í fyrra, að sögn Hallveigar
Fróðadóttur hjá BÍ. „Það hefur
verið nóg að gera og ekkert lát
ennþá,“ sagði hún.
Kristbjörg Eyvindsdóttir og
Gunnar Arnarson eru með
stærstu útflytjendum á landinu.
„Mér sýnist þetta vera heldur
upp á við,“ sagði Kristbjörg. „Ég
held að það verði drjúgur út-
flutningur fram að áramótum.
Það er heimsmeistaramót á
næsta ári og oft skapast stemn-
ing fyrir það.“
Nýlega fór stór vél full af
hrossum til Svíþjóðar og á næst-
unni fara um 80 hross til Dan-
merkur og allt að 12 hross til
Bandaríkjanna.
„Svíþjóð, Danmörk og Finn-
land hafa verið sterkust,“ sagði
Kristbjörg. „Það varð hrun á út-
flutningi til Þýskalands. Exem-
áróðurinn var mikill, tollamálin
komu upp og loks lokaði pestin,
sem kom upp hér, öllu í hálft ár.
En ég hugsa að Þýskaland sé
aftur að koma rólega inn. Þá
dróst salan til Bandaríkjanna
saman í fyrra eftir 11. september.
Útflutningurinn er viðkvæmur
og það má lítið út af bera.“
- jss
JEB OG GEORGE W. BUSH
Jeb Bush:
Tekur ekki
við af Bush
BANDARÍKIN Jeb Bush, ríkisstjóri í
Flórída, lýsti því yfir í sjónvarps-
viðtali að hann ætlaði sér ekki að
feta í fótspor föður síns og bróður,
sem báðir hafa náð kjöri sem for-
seti Bandaríkjanna, í það minnsta
ekki eftir fjögur ár.
„Ég gef ekki kost á mér í emb-
ætti forseta 2008,“ sagði ríkis-
stjórinn í viðtali við ABC-sjón-
varpsstöðina og bætti við: „Áhugi
minn liggur ekki þar. Ég er ríkis-
stjóri Flórída. Þetta er besta starf
í heimi sem ég hef með höndum.“
Bróðir hans George W. Bush berst
nú fyrir endurkjöri og faðir hans
George Bush var forseti 1989 til
1993.
-bþg
KAFNAÐI VIÐ INNBROT Maður
kafnaði þegar hann reyndi að
brjótast inn í hús í bænum Tralee
í suðvesturhluta Írlands. Talið er
að maðurinn hafi staðið á sláttu-
vél sem rann til þegar hann
reyndi að príla inn um glugga, en
við það festist peysa hans í króki
þannig að hann kafnaði.
200 ÁBENDINGAR DAGLEGA
Bresku löggæslustofnanirnar
sem rannsaka hryðjuverk fá nær
200 ábendingar frá almenningi
upp á hvern einasta dag í kjölfar
þess að almenningur var hvattur
til að hafa augun hjá sér. Áður
bárust um tuttugu ábendingar
daglega.
ÞJÓÐARATKVÆÐI UM BROTT-
HVARF Leiðtogar landtökumanna
á Gaza kröfðust í gær þjóðar-
atkvæðagreiðslu um brotthvarf
frá Gaza og hétu því að koma í
veg fyrir að áætlun Ariels Sharon
forsætisráðherra næði fram að
ganga. Hann hét því hins vegar
að hrinda henni í framkvæmd.
FIMM FÉLLU Fimm palestínskir
vígamenn féllu í bardögum við
ísraelska hermenn í gærmorgun.
Tveir þeirra voru skotnir til bana
þegar þeir reyndu að lauma sér
yfir landamæri Gaza-svæðisins
og Ísraels.
SKAÐLEGAR FORSETAKOSNINGAR
Palestínumenn gjalda bandarísku
forsetakosningarnar dýru verði,
sagði Nabil Shaath, utanríkisráð-
herra palestínsku heimastjórnar-
innar. Hann sagði Bandaríkja-
menn horfa framhjá því sem ger-
ist í Mið-Austurlöndum og ekki
vænta breytinga fyrr en talsvert
eftir kosningar.
GRÁSLEPPUSKÚRARNIR VIÐ ÆGISÍÐU
Björn Guðjónsson er síðasti Reykvíkingurinn sem gerði út frá vör. Hann hætti grásleppuveiðum frá Ægisíðunni fyrir nokkrum árum.
LÖGÐU NIÐUR STÖRF
Verkamenn í verskmiðjum Opel í Þýska-
landi, sem nú eru í eigu bandaríska fyrir-
tækisins General Motors, lögðu niður
vinnu í gær þegar tilkynnt var um að GM
hyggðist segja upp tíu þúsund manns í
verksmiðjum sínum í Þýskalandi.
■ EVRÓPA
■ MIÐ-AUSTURLÖND
Lögreglan í Osló:
Leikarar
umkringdir
NOREGUR, AP Lögreglan í Osló var
fljót á vettvang eftir að vegfarandi
tilkynnti að hann hefði séð vopn-
aða menn ráðast inn á bar í miðbæ
borgarinnar. Lögreglumennirnir
voru vel vopnaðir þegar þeir
mættu á staðinn og réðust gegn
ræningjunum. Það kom þeim hins
vegar í opna skjöldu þegar einn
ræninginn henti frá sér vopnunum
og kallaði: „Það er allt í lagi. Við
erum að taka upp mynd.“
Leikstjóri myndarinnar tók
ábyrgðina á sig. „Ég hafði sam-
band við lögregluna fyrr í vikunni
en hefði átt að tala við þá sem voru
á vakt,“ sagði Sarzad Samsamim. ■
ÚTFLUTNINGUR GLÆÐIST
Áhugi Finna á að kaupa hross héðan hefur aukist ef marka má sölutölur til Finnlands. Nú
er búið að flytja 108 hross þangað á móti 80 hrossum á sama tíma í fyrra.
FR
ÉT
TA
B
LA
Ð
IÐ
/G
VA
SALA HROSSA TIL ÚTLANDA
LAND FJÖLDI HROSSA
1. jan.-18. okt 1. jan.-18. okt
2004 2003
Austurríki 49 24
Belgía 4 3
Kanada 3 3
Sviss 81 72
Þýskaland 198 174
Danmörk 198 195
Finnland 108 80
Færeyjar 7 7
Frakkland 3 2
Bretland 12 6
Ítalía 2 4
Holland 12 8
Noregur 96 153
Svíþjóð 393 336
Slóvenía 6 0
Bandaríkin 88 90
Ungverjaland 0 1
Írland 0 1
Heildarfjöldi: 1.260 1.159
Útflutningur eykst á milli ára:
Hundrað fleiri hross flutt utan
HERMENN BERA SÆRÐAN FÉLAGA
Athugun ABC-sjónvarpsstöðvarinnar hefur
leitt í ljós að hermenn sem særast í Írak
eiga margir erfitt með að fá þá læknis-
þjónustu sem þeir þurfa.