Fréttablaðið - 19.10.2004, Blaðsíða 29

Fjárlagafrumvarpið fyrir árið 2005
hefur nú verið lagt fram á alþingi.
Kemur þar fram að lækka eigi
tekjuskatt einstaklinga um 1% á
næsta ári. Er þetta upplýst á alþingi
ári síðar en fyrrverandi forsætis-
ráðherra sagði í kosningabaráttunni
2003 að gera ætti. En þá sagði hann
að það yrði lagt fyrir alþingi strax
haustið 2003. Ekki var staðið við það.
Fjórðungur þess sem lofað var
Fyrir kosningarnar 2003 sagði þá-
verandi forsætisráðherra að
Sjálfstæðisflokkurinn lofaði 20
milljarða skattalækkun eða lækk-
un um 4%, ef flokkurinn héldi
völdum. Það var ekkert minnst á
það þá að skipta ætti þessari
skattalækkun í áfanga. Nú, einu
og hálfu ári eftir kosningar, er
lagt til að skattar verði lækkaðir
um fjórðung af því sem lofað var í
kosningabaráttunni! Vitað er að
Framsókn var treg til þess að fall-
ast á þessa skattalækkun en hún
varð að beygja sig. Alls er óvíst að
nokkur frekari lækkun tekju-
skatts verði á kjörtímabilinu enda
þótt því hafi verið lofað fyrir
kosningar.
Þeir ríku fá mesta lækkun
Á alþingi fær þessi 1% tekju-
skattslækkun misjafnar móttök-
ur. Vinstri grænir eru andvígir
henni og segja að nær hefði ver-
ið að styrkja velferðarkerfið.
Óttast þeir að skattalækkunin
muni bitna á velferðarkerfinu.
Samfylkingin segir að umrædd
1% tekjuskattslækkun muni
koma þeim ríku helst til góða.
Samfylkingin bendir á að lækk-
un á virðisaukaskatti mundi
gagnast hinum efnaminni mun
meira. Hefur Samfylkingin lagt
til að virðisaukaskattur á mat-
vælum verði lækkaður úr 14% í
7%. Í þeirri breytingu mundi
felast mikil kjarabót. Frjáls-
lyndi flokkurinn er einnig gagn-
rýninn á skattalækkunaráform
ríkisstjórnarinnar.
Verðbólga yfir viðmiðunarmörkum
Seðlabanka
Mikil þensla er nú í efnahagslífinu
og verðbólga meiri en viðmiðun-
armörk Seðlabankans leyfa. Verð-
bólgan er nú 3,7% á ársgrundvelli.
Kjarasamningar eru í hættu af
þeim sökum. Verkalýðshreyfingin
getur sagt samningum upp, ef
verðbólga er yfir ákveðnum
mörkum. Við þessar aðstæður
telja margir hagfræðingar var-
hugavert að lækka tekjuskatt ein-
staklinga. Þeir telja að við skatta-
lækkun muni þensla aukast. Þeir
vilja að ríkið skeri niður útgjöld
til þess að draga úr þenslu. Halli á
viðskiptum við útlönd er nú mikill
og eykst. Steingrímur J. Sigfús-
son, formaður VG, gerði hinn
mikla viðskiptahalla að umtals-
efni í umræðum um stefnuræðu
forsætisráðherra. Sagði hann
mikla hættu felast í stórauknum
viðskiptahalla og gæti hann leitt
til þess að gengi krónunnar félli
skyndilega eftir ákveðinn tíma.
Ljóst er af ummmælum Stein-
gríms og þeirri mynd sem hér
hefur verið dregin upp, að það er
enginn stöðugleiki í íslensku efna-
hagslífi. Stöðugleikinn er aðallega
í kollinum á stjórnarherrunum en
í raun er efnahagslífið á brauðfót-
um og knúið áfram með erlendum
lánum að verulegu leyti. ■
Litlar efndir á kosningaloforðum
21ÞRIÐJUDAGUR 19. október 2004
Samfylkingarlýðræði
Eitt aðalnúmerið á flokksstjórnarfundi
hins beina lýðræðis var Ingibjörg Sólrún
Gísladóttir. Hún hefur aldrei farið í próf-
kjör. Þegar valið er á R-listann þá er sett
sérstök regla þess efnis að kjósendur í
prófkjörinu fái ekki að velja þann sem
svo er borgarstjóraefni listans. Þar er
einfaldlega sett án kosninga Ingibjörg
Sólrún Gísladóttir, áhugamaður um
beint lýðræði. Og síðast nægði það ekki
einu sinni. Ingibjörg Sólrún Gísladóttir
fékk að tilnefna sérstaklega annan
mann á listann og stuðningsmennirnir
höfðu ekkert um það að segja. Þar var
svo settur Dagur B. Eggertsson, annar
sérfræðingur í lýðræði.
Vefþjóðviljinn á www.andriki.is
Foreldrar á asnaeyrum
Formaður Samfylkingarinnar hreyfði því
um helgina að Sjálfstæðisflokkurinn
legði sérstaka áherslu á að nýta kenn-
araverkfallið til að tryggja að rekstur
grunnskóla yrði færður til einkaaðila.
Ekki er um það að efast að fjölmargir
innan Sjálfstæðisflokksins kunna að að-
hyllast slíkar kenningar. Hins vegar
verða þessi orð formannsins nokkuð
kauðsk þegar horft til að þess að helstu
þrætukóngar beggja megin borðs eru
annálaðir Samfylkingarpésar og ættu þó
allavega að geta sameinast gegn þessari
stefnu sjálfstæðismanna.
Verra er þó ef skoðun foreldra verður al-
mennt sú að grunnskólakennslu sé bet-
ur komið í höndum einkaaðila en sveit-
arfélaga. Dragist verkfallið enn á langinn
er ljóst að stuðningsmönnum þessarar
skoðunar mun enn fjölga. Það eru
nefnilega takmörk fyrir því hvað hægt er
að draga foreldra lengi á asnaeyrunum.
Guðjón Ólafur Jónsson, varaþing-
maður Framsóknarflokksins, á
www.hrifla.is
Sparkað í dómara
Jón Steinar Gunnlaugsson settist í
hæstarétt sem dómari 15. október. Hinn
sama dag birtist furðuleg grein um
hann í Morgunblaðinu eftir séra Pétur
Þorsteinsson, prest óhaða safnaðarins í
Reykjavík. Hafi greinin átt að vera fynd-
in, hlýtur það að hafa farið fyrir ofan
garð og neðan hjá fleirum en mér, helst
virtist hún illkvittin og skrifuð í þeirri
vissu, að Jón Steinar gæti ekki svarað
fyrir sig, eftir að hann hefði tekið við
stöðu dómara. Þótt sú líking eigi illa við
um Jón Steinar vegna almennrar snerpu
hans við að svara fyrir sig, má segja, að
með grein sinni hafi presturinn kosið að
sparka í liggjandi mann.
Jón Steinar á þessa köldu kveðju alls
ekki skilið, þegar hann sest í hæstarétt.
Hann er vel að því embætti kominn ekki
síður en aðrir dómarar þar.
Björn Bjarnason dómsmálaráðherra á
www.bjorn.is
BJÖRGVIN GUÐMUNDSSON
VIÐSKIPTAFRÆÐINGUR
UMRÆÐAN
KOSNINGALOFORÐIN
AF NETINU
SENDIÐ OKKUR LÍNU
Við hvetjum lesendur til að senda okk-
ur línu og leggja orð í belg um málefni
líðandi stundar. Greinar og bréf skulu
vera stutt og gagnorð. Eingöngu er tek-
ið á móti efni sem sent er frá Skoðana-
síðunni á visir.is. Þar eru nánari leið-
beiningar. Ritstjórn ákveður hvort efni
birtist í Fréttablaðinu eða Vísi eða í
báðum miðlunum að hluta eða í heild.
Áskilinn er réttur til leiðréttinga og til
að stytta efni.
» BETRI SJÓNVARPSDAGSKRÁ Á MIÐVIKUDÖGUM