Fréttablaðið - 19.10.2004, Blaðsíða 34

„Það er hugsanlegt að ég fari eitt-
hvað út að borða með strákunum
mínum í rólegheitunum en ég er
ekkert mikið fyrir það að halda
upp á afmælið mitt,“ segir Jon
Kjell Seljeseth tónlistarmaður og
arkitekt sem er fimmtugur í dag
en hann segist varla hafa fagnað
afmælisdegi sínum síðan hann
flutti úr foreldrahúsum. „Ég fæ
alltaf einn pakka frá mömmu og
pabba í Noregi með norsku súkku-
laði og öðru góðgæti sem ekki
fæst hérna,“ segir Jon Kjell.
Jon er sennilega einna þekkt-
astur fyrir útsetningar sínar á
þekktum Eurovision lögum og að-
stoðaði hann við útsetningar á
sjálfum Gleðibankanum. „Við
Gunni Þórðar höfðum starfað
mikið saman og hann fékk mig til
liðs við sig,“ segir Jon Kjell. Eftir-
minnilegast segir hann vera ferð-
ina til Zagreb þegar Ísland lenti í
3.sæti með lagið Eitt lag enn.
„Þá var virkilega gaman að
sitja í græna herberginu og sjá
stigin rúlla inn því okkur hafði
alltaf gengið svo illa fram til
þessa,“ segir Jon sem sjálfur átti
lag í Eurovision á Írlandi þar sem
Ingibjörg Stefánsdóttir söng lag-
ið Þá veistu svarið. „Einhverra
hluta vegna var ég alltaf fenginn
til að útsetja fyrir höfunda í
Eurovision en annars hef ég út-
sett um og yfir eitthundrað plöt-
ur. Enda hef ég meira og minna
verið múraður í hljóðveri síðustu
árin,“ segir Jon Kjell sem er
menntaður arkitekt og starfaði
hann við þá iðju fyrstu ár sín á Ís-
landi eða þar til tónlistin fór að
taka mest af hans tíma.
„Ég kom hingað til Íslands
með konunni minni og grínast ég
oft og segi að ég hafi verið tekinn
með sem minjagripur, svona eins
og norskt lukkutröll,“ segir Jon
Kjell hlæjandi. Nú segist hann
hafa tækifæri til að minnka við
sig vinnu og eyða meiri tíma með
drengjunum sínum en hann á 3
syni. „Allir eru þeir í Suzuki tón-
listarnámi og þar þurfa foreldr-
arnir að sinna náminu til jafns við
börnin sín og hefur það fengið al-
geran forgang hjá mér. Ég hef
aldrei leyft mér að sleppa úr æf-
ingu því það er nú einu sinni svo
ef maður réttir litla fingur þá er
öll höndin farin,“ segir Jon Kjell
en tíminn sem hann á með strák-
unum sínum er honum mjög kær.
„Kannski ég hafi nú meiri tíma til
að sinna eigin tónsmíðum en hug-
myndir mínar hafa bara safnast
upp í tölvunni en ekkert verið
sinnt. Mér finnst nú alveg kominn
tími á það að stefna á einhverja
útgáfu.“
kristineva@frettabladid.is
26 19. október 2004 ÞRIÐJUDAGUR
JOHN LE CARRÉ
Breski rithöfundurinn sem skrifaði um
Njósnarann sem kom inn úr kuldanum og
George Smiley er 73 ára í dag.
Kom til landsins sem minjagripur
JON KELL SELJESETH ER 50 ÁRA Í DAG
„Það er hættulegt að horfa á heiminn
frá skrifborði.“
- John Le Carré telur rétt að fólk kynnist heiminum í návígi.
timamot@frettabladid.is
AFMÆLI
Guðrún Ögmunds-
dóttir alþingismaður,
54 ára.
Gunnar Jóhann Birg-
isson lögmaður, 44
ára.
Jóhanna Vigdís
Hjaltadóttir frétta-
kona er 42 ára.
Dúi Landmark kvik-
myndagerðarmaður,
39 ára.
Hanna Kristín Didriksen snyrtifræðing-
ur, 36 ára.
ANDLÁT
Ólafur M. Magnússon, húsasmíða-
meistari, Hafnarfirði, lést 15. október.
JARÐARFARIR
13.30 Guðmundur Ófeigsson, Kirkju-
sandi 1, verður jarðsunginn frá
Dómkirkjunni.
13.30 Sigríður S. Jakobsdóttir, áður Álfta-
hólum, verður jarðsungin frá Bú-
staðakirkju.
13:30 Þórarinn Björn Magnússon, Vatns-
endabletti 6, verður jarðsunginn
frá Háteigskirkju fimmtudaginn
21. október. JON KJELL SELJESETH Gerði garðinn frægan með útsetningum á þekktum íslenskum Eurovision lögum og samdi lagið Þá veistu svarið
sem Ingibjörg Stefánsdóttir söng á Írlandi. Hann segist meira og minna hafa verið múraður inni í hljóðveri síðan en nú hefur hann
minnkað við sig vinnu til að eyða meiri tíma með sonum sínum.
Mánuði eftir að fjölmennur her
Napóleons ruddist inn í brenn-
andi og yfirgefna Moskvuborg
neyddist glorsoltinn og þrekaður
herinn til að hörfa og taka stefn-
una aftur á París. Undanhaldið
hófst á þessum degi árið 1812
en Napóleon hafði ráðist með
500.000 manna herlið inn í
Rússland í júní þetta sama ár.
Þetta var stærsta herlið sem
smalað hafði verið saman í sögu
Evrópu en Rússarnir voru þó ekk-
ert á þeim buxunum að lúffa fyrir
ofureflinu og Napóleon mátti
þola öfluga mótspyrnu Rússanna
á meðan franski herinn fikraði
sig jafnt og þétt inn í landið.
Það var svo 14. september sem
Napóleon kom til Moskvu en þar
reiknaði hann með að finna vistir
og húsaskjól til vetrardvalar fyrir
herinn. Borgin var hins vegar
nánast mannlaus og Rússar
gerðu honum alvarlega skráveifu
með því að brenna borgina.
Napóleon beið í mánuð eftir
uppgjöf Rússanna en þeir gáfu
sig ekki þannig að þegar rúss-
neski veturinn fór að láta á sér
kræla sá Napóleon sér þann kost
vænstan að draga lið sitt til baka.
Undanhaldið var hin mesta
sneypuför en Rússar gerðu
óvæntar og linnulausar árásir á
Frakkana á bakaleiðinni. Her
Napóleons var illa haldinn,
vannærður og kaldur og þegar
þetta mikla stórskotalið kom aft-
ur heim til Parísar hafði það
misst 400.000 manns í þessum
hörmulega herleiðangri.
19. OKTÓBER 1812
Kaldur og svangur her Napóleons
hörfar frá Moskvu.
ÞETTA GERÐIST MERKISATBURÐIR
1989 Fjórmenningarnir frá Guild-
ford eru sýknaðir af öllum
ákærum og látnir lausir úr
fangelsi eftir að hafa setið
inni í 14 ár. Þeim var gefið
að sök að hafa sprengt
sprengjur fyrir IRA á börum
í Guildford og Woolrich á
Englandi árið 1975.
1993 Benazir Bhutto nær völdum
í Pakistan á ný.
1998 Microsoft fer fyrir dómstól í
Washington og verst ásök-
unum um misnotkun á
einokunaraðstöðu.
1998 Eldur fer yfir þorp í Nígeríu
og verður 500 manns að
bana.
1998 Fyrrum heimsmeistarinn í
þungavikt, Mike Tyson, fær
hnefaleikaleyfi sitt aftur en
hann hafði verið sviptur því
eftir að hafa bitið hluta úr
eyra Evanders Holyfield í
miðjum bardaga.
Napóleon hrökklast frá Moskvu
Innilegar þakkir til ykkar allra sem sýndu okkur
stuðning, samúð, hlýhug og vináttu við andlát
og útför
Halldóru Ingu Ingólfsdóttur
Lyngbrekku 1, Kópavogi
Sigurður K. Ragnarsson, Ásta Salný Sigurðardóttir,
Viðar Snær Sigurðsson, Sonja Erna Sigurðardóttir,
Tómas Guðmundsson, barnabörn og fjölskyldur.
Ólafur Ragnar Grímsson, forseti
Íslands, opnaði á laugardaginn
sýninguna Úr Fjörunni til fjar-
lægra landa í Amtsbókasafninu á
Akureyri. Sýningin fjallar um
einn frægasta Akureyring fyrr og
síðar, rithöfundinn Jón Sveinsson
sem er ekki síður þekktur sem
Nonni.
Æskuminningar Nonna úr
Eyjafirðinum voru aðalefniviður-
inn í hinum vinsælu Nonnabókum
sem þýddar hafa verið á yfir 30
tungumál en á sýningunni má sjá
Nonnabækur á erlendum tungu-
málum og vatnslitamyndir úr nýj-
um útgáfum Nonnabókanna eftir
Kristin G. Jóhannsson auk ýmissa
muna og mynda sem tengjast lífi
og störfum jesúítaprestsins og
rithöfundarins Jóns Sveinssonar.
Forsetinn sagði í opnunarræðu
sinni að hann hefði sem ungur
drengur á Ísafirði lesið Nonna-
bækurnar og hrifist mjög af æv-
intýrum hans. Hann hefði seinna í
störfum sínum sem forseti
kynnst mörgu fólki erlendis sem
þekkti til Nonna og hefði kynnst
Íslandi í gegnum bækurnar hans.
Sérstaklega væri þessi áhugi
mikill í Þýskalandi og minntist
forsetinn sérstaklega á það
hversu mikillar aðdáunar og virð-
ingar Nonni nýtur enn í Köln, en
þar lést Nonni fyrir 60 árum og
var þar jarðsettur.
Forsetinn þakkaði að lokum
Zontaklúbbi Akureyrar fyrir að
hafa varðveitt minningu Nonna
með því að setja á fót og reka
minningarsafn um Nonna í
Nonnahúsi.
Sýningin Úr Fjörunni til
fjarlægra landa stendur til 11.
nóvember. ■
Úr fjöru til fjarlægra landa
ÓLAFUR RAGNAR GRÍMSSON Skoðar sýninguna Úr Fjörunni til fjarlægra landa ásamt
Hólmkeli Hreinssyni amtsbókaverði og Brynhildi Pétursdóttur, safnverði Nonnahúss.
M
YN
D
R
Ú
N
AR
Þ
Ó
R/
M
YN
D
RÚ
N
Tilkynningar um
andlát og jarðarfarir
eru velkomnar á síður
Fréttablaðsins.
Sími: 550 5000