Fréttablaðið - 22.10.2004, Blaðsíða 14

22. október 2004 FÖSTUDAGUR
SVÍÞJÓÐ, AP Ibrahim Baylan varð í
gær fyrsti innflytjandinn í sögu
Svíþjóðar til að taka við embætti
ráðherra í stjórn landsins. Göran
Persson forsætisráðherra skipaði
Baylan í embætti menntamálaráð-
herra í uppstokkun sinni á ráðherr-
um sænsku stjórnarinnar.
Baylan fæddist í Tyrklandi en
fluttist til Svíþjóðar þegar hann
var tíu ára gamall. Reynsla hans
endurspeglast í einu af áhersluat-
riðum hans. Hann segist ætla að
beita sér fyrir því að gera innflytj-
endabörnum auðveldara fyrir að
aðlagast sænska skólakerfinu.
„Þetta er tækifæri fyrir mig til að
taka þátt í umbótum á skólunum
okkar,“ sagði Baylan eftir að til-
kynnt var um skipun hans.
„Ég hef fylgst með Ibrahim um
margra ára skeið. Hann er undir
það búinn að verða ráðherra því
hann hefur góða þekkingu á mál-
efnunum og hefur náð þroska í
stjórnmálum,“ sagði Persson.
Sænska stjórnin hefur átt undir
högg að sækja í skoðanakönnunum
undanfarið eftir að kjósendur
höfnuðu stefnu hennar í kosningu
um upptöku evrunnar. ■
Íhuga að kæra
vélhjólamann
Sýslumaðurinn á Keflavíkurflugvelli staðfestir að ekki hafi verið lögð
fram kæra á mann sem brákaði nef lögreglumanns í handalögmálum.
DÓMSMÁL Jóhann R. Benediktsson,
sýslumaður á Keflavíkurflug-
velli, segir rétt að lögreglumaður
undir hans stjórn hafi ekki kært
vélhjólamann sem brákaði á
honum nefið í handalögmálum
sem urðu þegar
maðurinn var
handtekinn í des-
ember síðastliðn-
um. „Ástæðan er
að honum stóð
stuggur af þess-
um mönnum,“
segir Jóhann en
segir nú vera til
skoðunar hvort
embættið muni
kæra.
Vélhjólamað-
urinn er meðlim-
ur í vélhjóla-
klúbbnum Fáfni og var hann
ásamt öðum Íslendingi og níu vít-
isenglum stöðvaður í Leifsstöð í
desember. Maðurinn var hand-
tekinn því hann neitaði að sýna
skilríki við landamærin og í
framhaldinu brákaði hann
nef lögreglumannsins. Sami
vélhjólamaður ruddist ásamt
tveimur öðrum inn á ritstjórnar-
skrifstofur DV á miðvikudag.
Þeir kröfðust þess að fá að tala
við annan ritstjóra blaðsins og
tóku fréttastjórann hálstaki.
„Embættið getur auðvitað
kært árásina en við förum
kannski ekki fram með slík mál í
andstöðu við viðkomandi starfs-
mann en það er til skoðunar,“
segir Jóhann. Jafnframt segir
hann ekki að ástæðulausu að
verið sé að efla sérsveit lögregl-
unnar og vonast hann til að tólf
sérsveitarmenn verði innan hans
embættis í fyllingu tímans eins
og áætlað er. „Þessir hópar eru að
verða harðsvíraðri og við þurfum
betur þjálfaða og öflugri lög-
reglumenn til að takast á við þá.
Ég skal viðurkenna að það er ekki
sérstaklega þægilegt að opinbera
að árásin í desember hafi ekki
verið kærð og munu sjálfsagt ein-
hverjir túlka það sem veikleika-
merki. Staðreyndin er hins vegar
sú að það er ekki nokkurn bilbug
að finna á lögreglunni heldur er
verið að styrkja hana til að taka á
þessu af fullri festu,“ segir
Jóhann. Þá segist hann gjarnan
vilja sjá lögreglu fá auknar heim-
ildir til aðgerða eins og dóms-
málaráðherra lagði til í vor um
auknar hlerunarheimildir en þær
mættu andstöðu á þingi.
hrs@frettabladid.is
,,Þessir
hópar eru
að verða
harðsvíraðri
og við þurf-
um betur
þjálfaða og
öflugri lög-
reglumenn
til að takast
á við þá.
HEILBRIGÐISMÁL Tannlæknar segja
óréttlátt að Tryggingastofnun taki
ekki þátt í niðurgreiðslu á tann-
krónum og brúm fyrir eldri borg-
ara, að sögn Gunnars Leifssonar,
formanns upplýsinganefndar. Yf-
irtryggingatannlæknir hafi bent á
að því þurfi að breyta. Það hefur
þó ekki gerst enn.
Gunnar segir að þjónusta við
eldri borgara eigi vafalaust eftir
að breytast mjög á næstu áratug-
um. Hlutfall eldra fólks með eigin
tennur fari sívaxandi. Kröfur um
almenn lífsgæði eigi ekki síður
við hjá þessum hópi fólks heldur
en öðrum. Því sé óréttlátt að
Tryggingastofnun endurgreiði
einungis fyrir heilgóma og parta
en ekki föst tanngervi.
Tannlæknafélag Íslands hefur
boðað til málþings þar sem rædd
verður spurningin hvort eldri
borgarar séu afskiptir í tann-
læknaþjónustu. Málþingið verður
á Grand Hótel í Reykjavík á
morgun frá klukkan 10 - 12.30.
Það verður meðal annars rætt um
meðferðarúrræði fyrir eldri borg-
ara, svo og tannlækningar og
sjúkdóma eldri borgara.
-jss
Eldri borgarar og tannlæknaþjónusta:
Engin endurgreiðsla
fyrir krónur og brýr
TANNHEILSA
Þeim tilvikum fer fjölgandi, þar sem eldri
borgarar þurfa tannbrýr og krónur, í stað
lausra góma. Tryggingastofnun niðurgreiðir
einungis gómana, ekki föst tanngervi.
RÉÐUST INN Á RITSTJÓRNARSKRIFSTOFUR DV
Jóhann R. Benediktsson viðurkennir að óþægilegt sé að viðurkenna að árás á lögreglu-
mann frá því í desember hafi ekki verið kærð.
FR
ÉT
TA
B
LA
Ð
IÐ
/P
JE
TU
R
Göran Persson stokkaði upp í stjórn sinni:
Innflytjandi í fyrsta sinn í ráðherrastól
FORSÆTISRÁÐHERRANN OG NÝJU RÁÐHERRARNIR
Ibrahim Baylan er lengst til vinstri en honum á hægri hönd Mona Sahlin, Göran Persson,
Pär Nuder, Jens Orback og Sven-Erik Österberg.
FR
ÉT
TA
B
LA
Ð
IÐ
/V
IL
H
EL
M