Fréttablaðið - 22.10.2004, Blaðsíða 18

18 22. október 2004 FÖSTUDAGUR
SPRENGIHÆTTA Á LESTARSTÖÐ
Rýma þurfti lestarstöð í Linz í Austurríki
eftir að sprengja úr síðari heimsstyrjöld
fannst þar. Hundruðum manna og kvenna
var fyrirskipað að hafa sig á brott meðan
sprengjusérfræðingar athöfnuðu sig. Mikið
er um að sprengjur frá tímum síðari
heimsstyrjaldar finnist í Austurríki, einkum
sprengjur úr loftárásum bandamanna.
Ákærður fyrir brot gegn lífi og limum:
Hjálpaði ekki lífs-
hættulega veikri konu
DÓMSMÁL Rúmlega þrítugur mað-
ur hefur verið ákærður af Ríkis-
saksóknara fyrir brot gegn lífi og
limum með því að hafa ekki kom-
ið ungri konu undir læknishendur
þegar hún veiktist lífshættulega.
Konan, sem var 22 ára, fannst
látin í heimahúsi á Lindargötu
í ágúst á síðasta ári. Maðurinn
sem nú er ákærður hringdi og
tilkynnti lát konunnar til lög-
reglu. Hann var handtekinn og
úrskurðaður í þriggja daga
gæsluvarðhald í kjölfarið.
Honum var hins vegar sleppt
eftir að hafa gefið skýrslu hjá
lögreglu.
Endanlegar niðurstöður krufn-
ingar sýndu fram á að konan lést
af völdum banvænnar kókaín- og
e-töflu eitrunar. Brotið sem mað-
urinn er ákærður fyrir getur
varðar allt að tveggja ára fang-
elsi.
Verjandi mannsins sagði skjól-
stæðing sinn hafna ákærunni en
maðurinn boðaði forföll vegna
veikinda og mætti ekki í Héraðs-
dóm Reykjavíkur þegar málið var
þingfest í gær. - hrs
Verstu áföll
Japana í nærri
tvo áratugi
Milli 55 og áttatíu létust í óveðri sem gekk yfir
suðvesturhluta Japans í fyrradag og fyrrinótt.
Fjölda manns er enn saknað.
JAPAN, AP Mannskæðasta óveður
se3m gengið hefur yfir Japan í
nær tvo áratugi kostaði í það
minnsta 55 manns lífið þegar felli-
bylurinn Tokage gekk yfir landið í
fyrradag og fyrrinótt. Rúmlega
tuttugu manns til viðbótar er
saknað og því getur tala látinna
enn hækkað.
„Líklegt er að tala látinna
hækki eftir því sem við fáum
betri heildarsýn,“ sagði Kojun
Chibana, talsmaður japanska
ríkislögreglustjóraembættisins í
gær. Þá var mestur máttur úr
óveðrinu og það gengið á haf út.
Í Muroto stóð lítið eftir af
heimilum annað en burðarveggir
eftir að háar öldur gengu á land,
ruddu flóðavörnum frá og steypt-
ust yfir léttbyggð hús við sjávar-
síðuna. Stór landsvæði á sunnan-
og vestanverðum eyjum Japans
voru enn á kafi í gær, skólum
var lokað og samgöngur, hvort
tveggja loftleiðina og landleiðina
voru í lamasessi.
Talið er að rúmlega 23 þúsund
heimili hafi orðið fyrir skemmd-
um af völdum veðursins, hundruð
þeirra eru ónýt. Koma þurfti
þrettán þúsund manns fyrir í
bráðabirgðaskýlum.
Óvenju margir fellibyljir hafa
gengið yfir Japan síðustu mánuði.
Það sem af er árinu hafa um 220
manns látist af völdum fellibylja
og þarf að fara rúm tuttugu ár
aftur í tímann til að finna dæmi
um að fleiri hafi látist af völdum
óveðra á einu ári. Tokage (sem
þýðir eðla á japönsku) var áttundi
fellibylurinn til að ganga yfir
Japan í ár. ■
■ BORGARMÁL
BRUNAVARNIR Í ÓLAGI Slökkvilið
höfuðborgarsvæðisins hefur
fengið heimild hjá borgarráði til
að beita eigendum hússins að
Lágmúla 6 til 8 dagsektum vegna
ágalla á brunavörnum. Á meðal
verslana í húsinu eru Bræðurnir
Ormsson. Dagsektir geta numið
19 þúsund krónum á dag þar til
kröfur hafa verið uppfylltar.
VILJA VITA FJÖLDA SPILAFÍKLA
Borgarráð hefur, samkvæmt til-
lögu Sjálfstæðisflokksins, falið
Félagsþjónustunni að kanna eins
og kostur er hversu margir
spilafíklar séu í Reykjavík.
Einnig hefur borgarráð óskað eft-
ir upplýsingum um fjölda spila-
kassa í borginni og hvaða með-
ferðarúrræði standi spilafíklum
til boða.
Laun í Skagafirði:
Þéttbýlið
borgar best
ATVINNUMÁL Meðallaun íbúa
Sauðárkróks eru umtalsvert
hærri en laun annarra íbúa Sveit-
arfélagsins Skagafjarðar, að því
er fram kemur í nýrri skýrslu At-
vinnuþróunarfélags Norðurlands
vestra.
Í skýrslunni kemur fram að með-
allaun íbúa í nágrenni Sauðár-
króks, í Varmahlíð og á Hofsósi
eru um 70 til 73 prósent af meðal-
launum íbúa á Sauðárkróki. Laun
fólks í sveitum umhverfis Hofsós
og í Fljótum eru svo mun lægri
eða um 55 prósent af meðallaun-
um Sauðkrækinga.
Meðallaun á Sauðárkróki eru
sögð vera um 8 prósentum lægri
en í Reykjavík. - ók
HJÁLPAÐ AÐ HEIMAN
Vatnavextir voru það miklir að þessi fjölskylda á Toyooka gat ekki yfirgefið heimili sitt fyrr
en björgunarsveitarmenn á gúmmíbátum komu á vettvang.
SVEITARSTJÓRNIR Sveitarstjórnir á
Suðurnesjum leggjast gegn
tillögu Árna Magnússonar félags-
málaráðherra um sameiningu
allra sveitarfélaganna á Suður-
nesjum. Tillagan er liður í fækkun
sveitarfélaga á landinu á næsta
ári um 64, úr 103 í 39.
Hörður Guðbrandsson, forseti
bæjarstjórnar í Grindavík, segir
ráðherra fullyrða að tillagan sé
lögð fram eftir samráð við sveit-
arstjórnir á svæðinu. Það standist
þó varla skoðun þar sem bæjar-
stjórnir Grindavíkur, Garðs og
Sandgerðis hafi lagst gegn sam-
einingu. Aðeins bæjarstjórn
Reykjanesbæjar hafi verið henni
fylgjandi. „Ég held að ætlunin sé
að við greiðum upp skuldir
Reykjanesbæjar því Grindavík
stendur mun betur fjárhagslega
en við samþykkjum það ekki.“
Hörður segist viss um að
Grindvíkingar kjósi gegn samein-
ingunni. „Síðast var kosið um
sameiningu árið 1993 og þá voru
níu af hverjum tíu andsnúnir
henni. Ég held að andstaðan í
bænum hafi aukist síðan þá“
Bæjarráð Grindavíkur hefur
boðað fulltrúa ráðuneytisins á
sinn fund í næstu viku vegna
málsins. - ghg
Sameining sveitarfélaga á Reykjanesi:
Heimamenn vilja
ekki sjá sameiningu
VIÐ LINDARGÖTU
Ung kona lést af völdum kókaín- og e-töflu
eitrunar í ágúst í fyrra. Maður sem tilkynnti
um lát hennar er ákærður fyrir að hafa ekki
komið henni undir læknishendur.